Gnomhadi🍁

Baht qidirilmaydi, baht yaratiladi...) ❤️

– Agar qizim boʻlsa, uni oʻgʻillarimdan koʻproq sevsam kerak.
– Nega?
– Bilmasam, oʻzim shunchaki, Liza. Bitta odamni tanirdim. Turqidan ot hurkadigan qoʻrs odam edi. Biroq qizining oldida mutlaqo boshqa odamga aylanar, uni erkalab-erkalab sira toʻymasdi. Qizi balda raqs tushganida besh soat bir yerda qimirlamay, hatto koʻzini pirpiratmay, ixlos bilan tomosha qilardi. Shunchalik yaxshi koʻrardi qizini. Qizi charchab uxlab qolar, bedor ota esa unga termulib oʻtirardi. Oʻzi kir-chir kiyinar, birovga bir tomchi tomizmas, qizidan esa soʻngi chaqasini ham ayamas, qimmatbaho sovgʻalar olar, sovgʻasi qiziga yoqsa baxtdan yettinchi osmonga uchardi. Otalar qizlarini doim onalardan koʻra koʻproq yaxshi koʻrishadi. Ba'zi qizlar ota uyda qirolichaday yashashadi. Menimcha, qizim boʻlsa uni erga bermasdim.
– Qanaqasiga?
– Qizgʻanaman-da axir, oʻlay agar. Begona erkakni qanday oʻpadi, qanday qilib uni oʻz otasidan koʻproq sevadi? Buni oʻylashning oʻziyoq dahshat. Bilaman, valdirayapman, biloxir hamma koʻnikadi. Lekin menga shunday tuyuladiki, uni erga berguncha oʻzimni xarob qilaman, nomzodlarni birma-bir chiqitga chiqaraman. Oxirida oʻzi sevgan odamga beraman. Ammo qiz sevgan yigit doim otaning nazdida talabgorlarning eng nomaqbuli boʻlib koʻrinadi. Ha, har doim shunaqa boʻladi. Koʻp oilada shuning ustida kelishmovchilik chiqadi.
– Qizlarini hurmat-izzatda uzatish nari tursin, sotishga ham rozi oilalar qancha.
– Sevgi nimaligini bilmaydigan badbaxt oilalarda shunaqa boʻladi. Sevgi yoʻq joyda aql ham boʻlmaydi.

"Yer ostidan maktublar"

Чак Паланикнинг “Жанг клуби”ни тугатдим.

Кўпчилик ушбу роман асосида яратилган шедевр фильмни кўрган. Финчернинг фильмидаги иқтибосларнинг барчаси, кутганимдек китобдан олинган экан. Фильм ушбу романни озгина тезлаштирилган версияси. Маънони ўзгартириб юбормаслик учун Финчер ўта сифатли даражада асарни оптималлаштирибди.

Фильмни кўрган одам сифатида, ундаги энг катта спойлерни билиб китобни ўқидим ва ҳар бир диалогдан (монолог) сигналларни қабул қилиб олавердим:) Бу томонлама китобни ўқишни ҳам ўз гашти бор экан. Фильмни кўрганлар мени тушунади.

Асарнинг ўзига келадиган бўлсак, у уйқусизликдан азият чекаётган ўттиз ёшли эркак ҳақида. Паланик шахсият парчаланишини ўзига ҳос оригинал, кескин услубда ҳикоя қилиб берган. Замонавий дунёда ўз ўрнини йўқотган асар қаҳрамонининг руҳий дунёси, қўпол қилиб айтганда шизофреник ҳолати ўта ишончли тасвирланган. Уни ўқиш давомида қаҳрамонларга қўшилиб сизда ҳам жамиятга нисбатан саволлар уйғониниши мумкин, ичингизда тизимнинг ишлашишига қарши норози, исёнкор одамча уйғониб қолиши мумкин, у сизни қаҳрамон наздидаги каби абсурд даврда яшаётганимизга ишонтира олади. Нарсалар биз учун эмас, биз нарсалар учун хизмат қилаётганимизни исботлашга ҳаракат қилади. Сизни оддий истеъмолчидан ҳақиқий “эркак”ка айланишга ундайди. Лекин Тайлер Дёрдан таклиф қилаётган исёнкор, ҳақиқий “эркак” бизнинг ракурсдан қараганда ҳам адекват шахс бўлиб қола оладими? Ёки ҳикоячимизнинг альтер эгоси бироз ошириб юбордими?

Буларнинг барчасига китобни ўқиш давомида ҳар бир китобхон ўзича жавоб топади. Менинг вазифам эса уни қатъиян тавсия қилиш. Айниқса дерзкий-қора юморга бой ёзилиш услуби менга ўзгача кайф берди.

P.S. Айтишларича, яқин орада Академнашр томонидан китоб ўзбек тилида нашр қилинар экан. Ўзбекча таржимасида нималар цензурага тушади билмадимку, ҳар қалай нашрдан олдин маънавият экспертларига ўхшаган псевдо-экспертларнинг қўлидан ўтмайди деб умид қиламан.

#ўқишга_нимадир

Menimcha biz qo'llarimizni yuvmaymiz,
Ular bir-birini yuvishadi, biz shunchaki tomosha qilamiz...))

Og'riq!
Gunohlarga badal shum og'riq!
Keldi yana bostirib-pisib!
Yolg'iz paytim ko'zini qisib.

Subhdan ortib, yana ingrayman!
Hunuk ingrash,
     tinglash bu azob!

Men chegara bilmas insonman!
Insonligim hattoki gumon!

Yuragimda hayajon! Qo'rquv!!
Yana keldi, yurakka shovqin!
Bu tomirda qon oqishidir!
Muzlayotgan qon o'tishidir.

Jimirlaydi etim bulardan,
Shivirlaydi chanqog'im qonmay,
Yana yolg'iz ketdim shulardan!
Kuyib ketdim olovda yonmay!

Shundoqqina yuragim ichra,
Bu og'riqning razolati bor!
Jaholatkim etmas tasalli,
Hudbinlikning adolati bor.

Shu adolat yelkamdan turtdi,
Tanib qoldi jin urgur luqmon,
Men o'zimni darvesh deb bilsam,
Sen Mashrabsan dedi sulaymon..

Men o'zimni yo'qotib bo'ldim.
Yaratyapman yangi adolat,
O'z-o'zimni cho'ktirmoqdaman,
G'aflat jonim bundan dalolat.

Ho'rsinaman, o'ksinib asta,
Yig'latadi hur shodliklarim,
Sog'mas jonim, hastadir, hasta!
Yashashdan ham juda charchadim!

N.T

Insonni kitoblar olamiga sho'ng'ib ketmasidan oldin darddan qutqarish kerak.

ҳавони авзойи бузуқ ва бу менга ёқяпти

ташқарида анчадан бери қутулолмай юрган одамингни адаштириб келишли туман тушди