Kalbim sevgisi | 🕊️

Bir kitob bo'lsayding — eng sevimlisi,
O'qib poyoningga yetib bo'lmasa.
Bir manzil bo'lsayding hech kim bormagan,
Men borsam, u yerdan ketib bo'lmasa.

Bir dengiz bo'lsayding ko'zlaringdagi
Har tomchi mehringga cho'kib ketsaydim.
Sen samo bo'lsayding, quyoshing bo'lib
Yerdan boshim olib senga yetsaydim.

Sog'inchsan — yulduzlar giriftor etgan
Bir ishqsan hattoki Layliga havas.
Qalbimga kirsayding bir mehmon bo'lib,
Qamardim yurakka yasatib qafas.

Qo'shiqsan — oshiqman har bir so'zingga
Jim turma, ovozing — jonimga taskin.
Gapirmay tursang ham qara ko'zimga
Ko'zlaring qalbdagi ishqingga maskan.

@kalbim_sevgisi | 🕊

Senga aytganmidim, ba'zan muhabbat misralar orasida bo'lishini?

💙Oppoq she'rlar o'qigayman senga bugun
Jur'at qilib tushlarimga kirar bo'lsang…

💙Qo'rqma! Yuragimning tub-tublarida
Men "BIZ"ni o’ldirmay asrab yuribman…

💙Kelding! Qo'rqayapman! Qo'rquv degani
Go'zal bo'larmidi o'zi shunchalar…?!

💙Bir yonim kuz, bir yonim bahor —
Sen qalbimni ikkiga bo'lding…

💙Qochsam ne foydadir, qochsam
ne foyda,
Tushlarim yo'lini kelasan topib…

💙"Sog'indim" deyishga g'urur qo'ymaydi,
O'zing tarjima qil jimliklarimni…

💙Joy olaman desang, hayotim turib,
Faqat tushlarimga sig'ganing alam…

💙Kel, qarshimga o'tir… So'zsiz,
sadosiz,
Ko'zlarimga g'arq bo'l, ko'zingga cho'kay...

💙Xayolimning qanoti bor, senga uchar,
Koshki, uning qanotini qaychilasam…

💙Bir dardni ikkiga bo'lib ko'tardik,
Endi baxtlarni ham bo'lishishga kel…

💙Ish bitmaydi "sevaman"ni
aytgan bilan,
Muhabbatning sinoviga
chidash boshqa…

💙Qalbing oynasiga
urilavergan,
Yomg'ir ham o'zimman,
qor ham o'zimman…

💙Ikkinchi bor so'ra! Rostini ayt de!
Ishonma yaxshiman deganlarimga…

💙Yursam, menga dunyo bir qadam
Sen bu dunyo ichidamasmi?!

💙Qismat qayta-qayta qo'zg'armish,
Chala qolgan hikoyalarni…

💙Uchrashsak, soatlab suhbat quramiz,
Yoki jim bo'lamiz birga soatlab.

💙Maylimi, qor bo'lsam, yuzingga tushgan,
Million yil havoda qoldim muallaq…

💙Sen kuymading… Seni yozib,
Daftarlarni kuydirdim men…

@kalbim_sevgisi | 🕊