ULTRA BIOLOGIYA KIMYO || ELMUROD BIOLOG MILLIY SERTIFIKAT TESTLARI TAHLILI MASALALAR 5-6-7-8-9-10-11-SINF SAVOLLAR GENETIKA DTM

Haqiqiy ustozlarim

Yoshligimda maktabda va repetitorga borganimda mendan qattiqqo'llik bilan talab qilgan ustozlarim menga shavqatsiz jalloddek tuyilardi. Ularning talabchanligi mehrsizligi deb o‘ylardim. Chunki ular bizga hech qachon ko‘ngilga qarab emas, qat’iy qoidalarga asoslangan ta’lim berishar edi.

Ba’zi ustozlar esa aksincha, ko‘nglimizni ranjitmaslik uchun barcha aytganimizni bajarishar, bizni ko'nglimizga qarashga harakat qilishardi. O‘sha paytda bu ustozlar eng yaxshisi deb o'ylagan edim.

Hayot esa hammasini o‘z o‘rniga qo‘ydi. Bugun anglaymanki, hayotda mashaqqatlarni yengib o‘tish, o‘z yo‘limni topish uchun zarur ko‘nikmalarni aynan qattiqqo‘l va talabchan ustozlarim bergan ekan. Ular hayotning qiyin vaziyatlariga tayyorlashganini endi tushunyapaman.

Qayerda qiynalsam, o‘sha paytlarda ko‘ngilga qarab dars o‘tgan ustozlarimning ta’siri sezilardi. Chunki ularning yo‘nalishi hayotning haqiqiy sinovlariga javob bera olmasdi. Shuning uchun ham qattiqqo‘l ustozlarimning qiymatini bugun yuragim bilan his qilaman.

Vaqt o‘tib, o‘zimizning qo‘limizda shogirdlar va o‘quvchilar ko‘paydi. Endi talabchanlik nima ekanini, ustozlarning qalbidan kechgan hissiyotlarni yanada chuqurroq anglayapman.

Aslida talabchanlik va qattiqqo‘llik ularning mehrining eng yuksak shakli ekan. Shaxsiyati to‘liq shakllanmagan shogird va o‘quvchilarning kelajagini o‘ylagan ustozlar ularni vaqtincha ranjitib bo‘lsa-da, to‘g‘ri yo‘naltirishni maqsad qilishgan ekan.

Mayli, hozirda talabchan ustozlar qattiqqo'l, mehrsiz yoki hissiyotsiz inson sifatida qabul qilinar. Lekin vaqt o‘tadi. Shogirdlar o‘zlariga qarashli shogirdlarni, o‘quvchilar esa o‘zlariga qarashli o‘quvchilarni tarbiyalaydi. Hayot sinovlaridan o‘tib, bir kun ular ham tushunib yetadi:

Qattiq shamollagan bolakayga bir og‘riqli in’ektsiya (ukol) qilib, uni tezda sog‘aytirish, uni pnevmoniyaga chalinib, nogiron bo‘lib qolishidan yaxshiroq ekanligini.

Haqiqiy ustozlar – kelajagingizni hozirgi komfort zonangizdan yuqori qo‘ygan insonlardir.

Xulosa - o‘zingizdan.

✍: @Elmurod_Biolog

Tanishlaringizga ulashing. 🔵

Kanalga qòshiling:⤵️
https://t.me/+Yntp6jLBX7YzMWMy
https://t.me/+Yntp6jLBX7YzMWMy

❓Qaysi qush bir marta ko‘rgan insonni bir necha yildan so'ng yuz tuzilishiga qarab taniy oladi?

©Bilim va malakalarni baholash agentligidan rasmiy munosabat.

Ma’lumki, 25–26-yanvar kunlari kimyo va biologiya fanlaridan milliy sertifikat imtihonlari o‘tkazilgan edi. Shundan so‘ng ijtimoiy tarmoqlarda talabgorlar tomonidan turli munosabatlar bildirildi. Shundan kelib chiqqan holda Bilimni baholash agentligi quyidagilarni ma’lum qiladi:

Talabgorlarga umumta’lim fanlaridan bilish darajasini aniqlash va sertifikat berish masalasi O‘zbekiston Respublikasi Vazirlar Mahkamasining “Umumta’lim fanlarini bilish darajasini baholashning milliy test tizimini joriy etish to‘g‘risida” 2020-yil 12-oktabrdagi 646-son qarori bilan tartibga solinadi.

Mazkur qarorning 3-bandiga asosan umumta’lim fanlarini bilish darajasini aniqlash va davlat namunasidagi sertifikatni berish uchun tuziladigan test savollari davlat ta’lim standartlariga mos ravishda hamda ta’lim o‘quv dasturiga muvofiq ishlab chiqilishi belgilangan va savollar talabgorlarning bilim darajasini aniqlashga yo‘naltirilgan.

Test topshiriqlari fan ekspertlarining ijod mahsuli hisoblanadi va u darsliklar emas, balki o‘quv dasturlari asosida shakllantiriladi.
Pedagogik o‘lchovlar nazariyasiga ko‘ra faqat qiyinlik darajasi past bo‘lgan test topshiriqlari bilan talabgorlarning bilim darajasini baholashning imkoni mavjud emas. Shu sababli nafaqat O‘zbekiston Respublikasida, balki rivojlangan mamlakatlar tajribasida ham bilim darajasi maqsadga muvofiq bo‘lgan meʼyorda - turli qiyinlik darajasidagi test topshiriqlari bilan aniqlanadi. Bundan tashqari standartlik va qiyinlik darajalari meʼyorini taʼminlash uchun test variantlarida test topshiriqlari spetsifikatsiya asosida dasturda qamrab olingan mavzular va qiyinlik darajalari bo‘yicha taqsimlanadi.

Xususan, biologiya hamda kimyo fanlaridan qisqa javobni talab etuvchi ochiq test, kengaytirilgan javobni talab etuvchi ochiq test (ya’ni yozma ish), yopiq test topshiriqlaridan foydalanilgan.

Test tuzuvchilar test topshiriqlarini kiritayotganda bu topshiriqlarni bajarish uchun qanday ko‘nikmalar (malakalar, kompetensiyalar) ishga solinishi lozimligini tahlil qilishadi, bu ko‘nikmalar testning maqsadi bilan qay darajada mos ekanligiga baho berishadi.

Xorij tajribasini o‘rganish hamda aprobatsiya natijalarini hisobga olgan holda kimyo va biologiya fanlaridan milliy test sinovi tizimi uchun test spetsifikatsiyasi qayta ishlab chiqildi va Bilimni baholash agentligining 2024-yil 24-dekabrdagi 9-son Ilmiy-metodik kengashida tasdiqdan o‘tkazildi.

Yozma ishlarni bajarish uchun ketadigan vaqt me’yorlari xorij tajribasini o‘rganish hamda aprobatsiya natijalarini hisobga olgan holda (3 ta yozma ish uchun 80 daqiqa) belgilangan.

Test sinovi natijalari Rash modeli asosida ilmiy tahlil qilinadi, tahlil natijalariga ko‘ra test topshiriqlarini takomillashtirish, Rayt xaritasiga ko‘ra test variantida har bir qobiliyat darajasiga mos test topshiriqlari mavjud bo‘lishi yuzasidan takliflar ishlab chiqiladi. Mazkur takliflar Bilimni baholash agentligining Ilmiy-metodik kengashida muhokama qilinadi. Ilmiy tahlillar asosida test topshiriqlari qayta ishlanadi. O‘tkazilgan har bir milliy sertifikat imtihonidan so‘ng talabgorlarning test natijalari tahlil qilinadi va tahlil natijalari agentlikning rasmiy veb-saytida talabgorlar diqqatiga havola qilinadi.

Tanishlaringizga ulashing. 🔵

Yangi formatdagi milliy sertifikat testlari tashlanadigan kanalga qòshiling:⤵️
https://t.me/+Yntp6jLBX7YzMWMy
https://t.me/+Yntp6jLBX7YzMWMy

Qoloq davlatlar erishgan eng katta yutuq — ular oʻz fuqarolarini futbol bo'yicha jahon chempionatiga chiqish eng katta yutuq hamda taʼlim va tibbiyotning inqirozi oddiy narsa ekaniga ishontira olishdi.

© Misrlik yozuvchi Mustafo Mahmud

❓Milliy sertifikat yozma ish savollaridan:

Odamlarda bo‘y uzunligi uch juft polimer genlar tomonidan boshqariladi. Bo‘yi 165 cm (A1a1A2a2A3a3), taram-taram sochli, to‘rtinchi qon guruhiga ega, ranglarni yaxshi ajrata oladigan (otasi daltonik) ayol va bo‘yi 170 cm (A1a1A2a2A3A3), taram-taram sochli, birinchi qon guruhiga ega, ranglarni yaxshi ajrata oladigan yigit oila qurdi.
Berilgan ma’lumotlarga asoslanib, quyida ta’riflangan farzandlardan nechtasi ushbu oilada tug‘ilishi mumkinligini aniqlang:

1️⃣ bo‘yi 180 cm, jingalak sochli, uchinchi qon guruhli, ranglarni yaxshi ajrata oladigan o‘g‘il farzand;
2️⃣bo‘yi 160 cm, silliq sochli, ikkinchi qon guruhli, ranglarni yaxshi ajrata olmaydigan o‘g‘il farzand;
3️⃣ bo‘yi 155 cm, jingalak sochli, to‘rtinchi qon guruhli, ranglarni yaxshi ajrata oladigan qiz farzand;
4️⃣bo‘yi 175 cm, taram-taram sochli, uchinchi qon guruhli, ranglarni yaxshi ajrata olmaydigan qiz farzand;
5️⃣bo‘yi 165 cm, silliq sochli, ikkinchi qon guruhli, ranglarni yaxshi ajrata oladigan o‘g‘il farzand;
6️⃣ bo‘yi 170 cm, jingalak sochli, uchinchi qon guruhli, ranglarni yaxshi ajrata olmaydigan o‘g‘il farzand.

✍: @Elmurod_Biolog

Tanishlaringizga ulashing. 🔵

Yangi formatdagi milliy sertifikat testlari tashlanadigan kanalga qòshiling:⤵️
https://t.me/+Yntp6jLBX7YzMWMy
https://t.me/+Yntp6jLBX7YzMWMy

Kamchatkakrabi , dinogi iti, baqa, o'rdakburun, laqqa baliqlarning tuxum hujayrasidagi xromasomalar yig'indisi 234 ta.
Kamchatkakrabidagi meyoz bo'linishi anafaza II dagi xromasomalar soni laqqa baliqni mitozni anafaza davridagi xromasomalar sonigan teng.
Dingo itinig mitozni metafazadagi xromasomalar soni baqaning G2 dabi xromasomalar sonidan 3 martaga ko'p,
Laqqa baliqni mitoz anafasidagi xromasomalar soni urdakburun meyozini anafaza I dagi xromasomalar sonidan 4 marta ko'p,
Baqani mitoz profazasidagi xromasomalar soni urdakburun Meyoz anafaza I dagi xromasomalar sonidan 2 marta kam.


❓Berilgan organizmlar har birining tuxum hujayrasida nechtadan xromasoma bo‘ladi?

Ovozli chatda suhbatlashamiz!

Siz ham qo‘shiling!