⚫️Jafar Sodiq roziyallohu anhu aytadilar:
Biror narsadan xavf qilganida Qur’ondagi ,,Bizga Allohning o’zi kifoya, u zot naqadar yaxshi vakil’’ degan so’zni aytishga shoshmagan insonga hayronman. Axir u zot keyingi oyatda ,,Allohning ne’mati va fazli ila yomonlik ko’rmasdan qaytdilar va Allohning roziligini izladilar. Alloh buyuk fazl sohibidir’’, degan-ku!
G’amga botganida Qur’ondagi ,,O’zingdan o’zga iloh yo’q, o’zing poksan, men o’zimga zulm qilib qo’ydim’’ degan oyatni aytib, tinmay duo qilmagan odamga ham xayronman. Axir Alloh taolo mana shu oyatning ortidanoq ,,Biz bu duoni ijobat qildik. Unga g’amdan najot berdik. Biz mo’minlarga ana shunday najot berurmiz’’ degan-ku!
Makrga uchragan odam Qur’ondagi ,,Allohga tavakkul qildim. Alloh bandalarini ko’rib turuvchi zotdir’’ degan duoni aytmaganiga ham hayronman. Axir Alloh ana shu duoning ortidan ,,Alloh uni ular qilgan makrning yomonliklaridan saqladi’’ degan-ku!
Mol dunyosiga, bola-chaqasiga, sog’lig’iga talafot yetganda Qur’ondagi ,,Menga katta zarar yetdi, rahmlilarning rahmlisi O’zingsan!’’ degan duolarga tayanmagan odamga ham hayronman. Axir u Zot shu oyatni ortidan ,,Biz bunduoni ijobat qilib, unga yetgan zararni ketkazdik. Biz O’z huzurimizdan rahmat, obidlarga eslatma o’laroq unga ahli oilasini qaytarib, yana shuncha ato etdik’’ degan-ku!
Olindi✍
