Allohga quldirmiz, Rasulga ummat...!
Behuda sarflamang cheksiz emas vaqt,
Unutmang berolmas boylik sizga baxt,
Kibrga berilmang, to'plamang toj taxt,
Allohga quldirmiz, Rasulga ummat...!
Bekorga deyilmas biri kam dunyo,
Shukur deng dardlarni barchasi ro'yo,
Allohdan o'zga hech etmaydi vafo,
Allohga quldirmiz, Rasulga ummat...!
Taqvodor bo'ldik biz g'amni ko'rganda,
Ibodat to'xtamas kamni ko'rganda,
Eslang ko'zlaringiz namni ko'rganda,
Allohga quldirmiz, Rasulga ummat...!
Hayotdan yaxshi nom qoldirib keting,
G'iybat, nafs, gunohni albat, tark eting,
Bas yetar, kimligingiz anglab yeting,
Allohga quldirmiz, Rasulga ummat...!
