DILOROM RAIMXOJAYEVA - "DIL OROMI"

​​📌Ba'zan biz odamlarni "yomon" deb hisoblaymiz. Chunki ular Bizning umidlarimiz va standartlarimizga mos kelmaydi. Ular sizdan boshqacha qadriyatga, sizdan boshqacha fikrlashga haqlari borligi uchun ularni "yomon" deb hisoblashingiz qanchalik to'g'ri? Har bir inson o'z qadriyatlarini o'zi tanlashi, sizning qadriyatlaringizga ko'nmasligi va hayotiy ustuvorliklarini boshqacha tarzda yaratishga xuddi siz kabi haqli. Demak, bir narsani tushunib olaylik.

✔️Inson o'zi istamagan, u baxtli bo'lmagan, u zarar ko'radigan munosabatlardan chiqishi uning yomonligini anglatmaydi.

✔️Kimdir sizning iltimosingizga "yo'q" deb javob berishi uni "yomon" odam qilib qo'ymaydi.

✔️Agar inson o'z noroziligini boshqalarning chegaralarini buzmasdan to'g'ri va adekvat ifoda etsa, bu bilan u yomonga aylanib qolmaydi.

✔️Agar inson boshqalar emas, aksincha, o'zi xohlagan narsalarni tanlasa, yomon odam bo'lib qolmaydi.

✔️Agar inson xatoga yo'l qo'ysa, xatolarining oqibatlari uchun javobgarlikni o'z bo'yniga olsa, bu uni yomon qilib qo'ymaydi.

✔️Agar inson boshqa odamlar bilan muloqotda o'z chegaralarini qo'ysa, bu bilan yomonga aylanib qolmaydi.

✔️Agar biror kishi biror sababga ko'ra o'z fikrlarini o'zgartirsa, bu uning yomon odamligini anglatmaydi.

✔️Agar odam har doim ham hamma narsani 100% yaxshi bajarolmasa, u yomonga aylanib qolmaydi.

‼️Insoniylik, iymon, vijdon, insof chegaralariga qarshi ish qilmagan odamlarni shunchaki Sizning standartlaringizga mos bo'lmagan hayot tarzida yashayotganlari uchun "yomon" deb hisoblashni bas qiling.

✍@Dilorom_Raimxojayeva

​​Hayotimda hamma narsa bor, lekin nega o'zimni yomon his qilaman?

Ba'zi odamlar hayotlarida hamma narsasi bor bo'lsa-da, o'zini doimo qayg'uda yoki xavotirda his qilishadi. Chiroyli oilasi, sog'lom va aqlli farzandlari, yaxshigina karyerasi, yaxshi turmush o'rtog'i, yaxshigina daromadlari, uy, mashina va h.k -hammasi bor, lekin esa ichkaridan o'zini baxtsiz, horg'in yoki qayg'uli his qilishadi. Xo'sh, nega shunday bo'ladi?! Noshukrlikdanmi? Yo'q, shoshmang!!!
Agar Sizda shunday holat bo'lsa, o'zingizni noshukrlikda ayblashdan oldin, shu maqolamni o'qing.

✔️Siz o'z qadriyatlaringiz, istaklaringiz va ehtiyojlaringizga e'tibor bermaysiz. Oqibatda esa har kuni o'zingizga xiyonat qilasiz va bora-bora bundan charchagan psixikangiz qayg'uga tushadi.

✔️Balki atrofingizda odamlar, yaqinlaringiz serobdir. Lekin siz qalban yolg'izsiz. Va yaqin, qalbdan bo'ladigan muloqotga ega emassiz, bu esa psixikangizni charchatadi va siz o'zingizni baxtsiz, qayg'uli his qilaverasiz.

✔️O'tmishdagi ishlov berilmagan travmalaringiz hayotingizga yoki uning ma'lum bir qismlariga zimdan ta'sir etaveradi. Travmaning ta'sirini esa tushunmaysiz, oqibatda o'zingizni qayg'uli, xotirjam emas, nimadir yetishmayotgandek his qilasiz.

✔️Ba'zan odamlar katta bo'lishadi, lekin ulg'ayishmaydi. Ulg'aymagan inson esa o'z hayotiga javobgarlikni olishni bilmaydi. Ba'zan sizga bo'ladigan haddan ortiq atrofdagilarning g'amxo'rligi yoki kuchli nazorati Sizni ulg'ayishingizga yo'l qo'ymaydi. Natijada siz o'z hislaringizni, o'z muammolaringizni hatto tushunmaysiz va doimo ongsiz ravishda o'zingizga "qo'riqchi" qidirasiz. Bu esa tashqi tarafdan xotirjamlik yo'qolishiga, qayg'uga botishingizga sabab bo'ladi.

✔️Sizga baxtli bo'lish o'rgatilinmagan. Ha, baxtli bo'lish ham, baxtni his qila olish ham bolalikda xuddi tishimizni har kuni tozalashimiz kabi o'rgatilinadigan ko'nikma kabidir. Afsuski, psixologik gigiyenaga rioya qilinmagan oilada katta bo'lganlar, baxtli bo'lish ko'nikmasiga ega bo'lishmaydi. Oqibatda hamma narsangiz bo'lsa-da, o'zingizni baxtsiz va qayg'uli his qilishda davom etaverasiz.

Lekin xushxabar shundaki, bularning barchasini yoshingiz, jinsingiz, kimligingiz, qayerda yashashingizdan, qat'i nazar, to'g'rilash mumkin. O'zingizga birozgina shafqatliroq bo'ling.

✍@Dilorom_Raimxojayeva