Bilasanmi, talaba?

Nima uchun to'ydan keyingi oy asal oyi deb nomlanadi? 🤵👰🍯

Asal tarkibida juda ko'p miqdorda vitaminlar va boshqa foydali moddalar mavjudligi azaldan ma'lum bo'lgan. U nafaqat insonning immunitetini oshirishga qodir, balki qaysidir darajada erkakning kuchiga ta'sir qiladi, bu, o'z navbatida, farzand ko'rish va bola yaxshi rivojlanishiga hissa qo'shadi. To'ydan keyingi davrda ayolda homilador bo'lish ehtimoli keskin oshgani sababli qarindoshlar va do'stlar yangi turmush qurganlarga asal berishgan. Bundan tashqari, idish hajmi ham kichik emasdi - bitta mesh sig'imi 5-10 litrni tashkil etardi! Yoshlar bu shirinlikning barchasini turmush qurgandan keyingi birinchi oyda yeyishlari kerak deb ishonishgan.

Bilasanmi, talaba?
Bilmasang, biz bilan o'rgan!

Nima uchun qorong'ida uxlash kerak? 😴

Inson tanasida uyqu va uyg'onish holatining o'zgarishiga miya markazida joylashgan, vazni taxminan bir gramm bo'lgan kichkina organ - epifiz yoki shish ko'rinishidagi bez javob beradi. Kichik hajmiga qaramay, epifiz bezi tanada juda katta rol o'ynaydi, uning ko'plab hayotiy funktsiyalarini tartibga soladi. Shunday qilib, kun yorug'ligida u serotonin - lazzat gormoni yoki baxt gormoni deb ataladigan modda chiqaradi. Agar serotonin yetarli bo'lsa, biz yaxshi kayfiyatni his qilamiz va hayotimiz quvonchli. Agar yetarli bo'lmasa - befarqlik, ruhiy tushkunlik, stress, yoki aksincha, tajovuzkorlikning oshishi, asabiylik, bezovtalik va tashvishga berilamiz.

Ammo tashqarida qorong'i tushganda, epifiz bezi sog'lom va to'laqonli uyqu uchun javob beradigan boshqa gormon - melatonin ishlab chiqarishni boshlaydi. Qorong'ilik va tun normal uyqu uchun eng muhim ikkita shartlardir. Qorong'ida ishlab chiqarilgan melatonin nafaqat gipnoz ta'siriga ega, balki tananing tiklanishiga hissa qo'shadi: asab, immun, yurak-qon tomir tizimini normallashtiradi.

Bilasanmi, talaba?
Bilmasang, biz bilan o'rgan!

Nima uchun odamlar qo'l siqib salomlashishadi? 🤝

Yunon san'atida qo'l siqishib turgan odamlarning miloddan avvalgi V asrga oid figuralari topilgan. Adabiy manbalarda milodiy I asrda Ovidning "Metamorfozlar" she'rida qo'l siqishish haqida so'z yuritilgan. Odamlar kafti ochiq holda qo'llarini uzatib, qurollari yo'qligini, niyatlari pok ekanligini ko'rsatishgan. Va agar bu niyatlar rad qilinmasa, xuddi shunday javob qaytarilgan. Shuning uchun qo'l berishdan oldin qo'lqoplarni yechish odatiy hol - kaft to'liq ochiq bo'lishi kerak.

Bilasanmi, talaba?
Bilmasang, biz bilan o'rgan!

Nima uchun yomg'irli bulutlar to'q rangda? ⛈

Buning sababini bilish uchun, keling, bulutlar qanday paydo bo'lishini esga olaylik. Havo tarkibida suv bug'i deb ataluvchi, gaz holatidagi juda ko'p miqdorda suv mavjud. Yer yuzidagi havo qizib ketganda, u suv bug'i bilan birga ko'tarila boshlaydi.

Havo osmonga ko'tarilganda, u soviy boshlaydi va suv bug'lari vulqon otilishidan, avtomobil chiqindilaridan va boshqa manbalardan qolgan atmosfera changiga tushadi. Natijada suv tomchilari va mayda muz kristallari paydo bo'ladi, ular birlashadi va bulutlarni hosil qiladi.

Moviy rang taratuvchi atmosfera zarralaridan farqli o'laroq, bulutlarning mayda zarrachalari yorug'lik ranglarini teng ravishda tarqatib, ularga oq rang beradi.

Yomg'ir bulutlari qalinligi yoki balandligi tufayli kul rangga aylanadi - zichlashadi va qalinlashadi, chunki ular ko'proq suv tomchilari va muz kristallarini to'playdilar va ular qancha ko'p bo'lsa, yorug'lik shunchalik ko'p tarqaladi, bulutlar orqali yorug'lik kamroq tarqaladi.
Bulutlarning tubiga kam yorug'lik tushadi, shuning uchun ular bizning ko'zlarimizga kulrang ko'rinadi. Odatda bulutlarga yomg'ir yoki qor shaklida tushadigan katta tomchilar suvi to'planib qolsa, bu ta'sir yanada sezilarli bo'ladi - bunday bulutlar aks ettirishdan ko'ra nurni o'zlashtiradi.

Bilasanmi, talaba?
Bilmasang, biz bilan o'rgan!

Nima uchun bugun odamlarning aksariyati faqat pul uchun ishlaydi? 💰
 
Bugungi kun jamiyatining tipik vakili odatda quyidagi standart yo'ldan boradi: Maktab -> Universitet -> Ish.
 
Maktab ta'limi majburiy bo'lib, bu keyingi majburiy bosqichga - oliy ma'lumotga qo'yilgan qadam vazifasini o'taydi.
 
17-18 yoshda inson taqdirini hal etuvchi tanlovni amalga oshirishiga to'g'ri keladi - kasb tanlash. Ushbu yoshda bunday tanlovni kamdan-kam odam ongli ravishda amalga oshirishi mumkin. Ongli ravishda qaror qabul qilolmas ekan, tashqi omillar o'z ta'sirini o'tkazadi:
oilaviy an'analar, me'yorlar va qoidalar, tengdoshlarning ta'siri, byudjet asosida diplom olish imkoniyati va boshqalar. Oxir-oqibat, eng muqobil, foydalisi tanlanadi, sizning shaxsiy, ehtimol hali anglab ulgurmagan xohish-istaklaringiz va intilishlaringizga mos keladigani emas.
 
Statistikaga murojaat qilsak, mehnat bozoriga endigina kirib kelgan mutaxassislarning aksariyati diplomlarida yozilganiga umuman mos kelmaydigan ish bilan shug'ullanayotganligini ko'rishimiz mumkin.
 
Nima uchun? Chunki ular yo institutda o'qitiladigan narsalardan hafsalasi pir bo'lgan, yo bu sohadagi ish haqi darajasidan qoniqishmagan.
 
Ish qidirish boshlanadi. Uni tanlashda hal qiluvchi omil ko'pincha pul. Ish beruvchi taklif qiladigan pul.
 
Bu jarayonda ko'pincha yangi kasb o'zlashtiriladi va hatto ikkinchi oliy ma'lumot ham olinadi. Lekin omillar o'sha-o'sha! Ushbu kasb ham e'tiborga olinishi kerak bo'lgan narsalardan tashqari har qanday jihatlar asosida tanlanadi.
 
Natijada, kishi o'zining bor vaqtini pullaydi. Ularning aksariyati vaqtlarini behuda hayotga sarflamaydi, pul evaziga kimningdir hayotini farovon qilish uchun, ba'zida esa hatto bunga loyiq bo'lmagan kimningdir.
 
Bilasanmi, talaba?
Bilmasang, biz bilan o'rgan!

Nima uchun odatda avval achchiq taomlarni, keyin esa shirinliklarni iste'mol qilamiz, aksincha emas? 🍝🍰

Chinakamiga qornimiz ochganida, energiya yig'ishning eng tez usuli asosan shirinliklar tarkibida ko'p bo'lgan shakarni iste'mol qilishdir. Shunday ekan, nima uchun odamlar odatda avval achchiq taomlarni, keyin esa shirinliklarni iste'mol qilishadi, aksincha emas?

Bir nechta ketma-ket ovqatlardan iborat taomnoma faqat madaniylashgan insoniyatga xos bo'lgan noyob ixtiro hisoblanadi. Ko'pchilik jonzotlar, nimani yeyishning imkoni bo'lsa, shuni yeyishadi. Ularda tanlov imkoniyati bo'lgan holatda esa, eng avval o'zlarining sevimli taomlaridan boshlaydilar. Taom qanchalik tansiq bo'lsa, yeyishni kechiktirish vaqtida uni yo'qotish ehtimoli shunchalik ko'p bo'ladi. Oziq-ovqatning mavjudligi energiya olishdan ko'ra muhimroq omil bo'lib, bu mikroblardan tortib ovchi-yig'uvchilargacha butun hayvonot olami bo'ylab tabiiy tanlanish uchun hal qiluvchi ahamiyatga ega. Hatto bolalar ham birinchi navbatda sevimli taomlariga intilishadi.

Odamlar xavfsizda hayot kechira boshlaganlarida, yetarlicha oziq-ovqat yetishtirishni o'rganganlarida va ko'p bosqichli ovqatlanish uchun vaqtlari bo'lganida, ular "avval go'sht, keyin shirinliklar" qoidasini tuzdilar. Shakarni ortiqcha iste'mol qilish zararli odat ekanligini bilib, shirin ovqatlar ishtahani buzishini tushunishdi. Dastlab shirinliklar taklif qiladigan mezbon mehmonlarni taomni ortiqcha tanovul qilib yuborishlarining oldini olishni istaydi, ammo bu orqali ularni boshqa taomlar lazzatidan mahrum qiladi. Shirin pishiriqlar to'yinganlik hissini kuchaytiradi va ovqatdan keyin yeyilganda zarari kamroq bo'ladi, chunki shakar ichaklarda ovqat hazm qilish bilan suyultiriladi, bu shakarning qon oqimiga kirishiga to'sqinlik qiladi.

Bilasanmi, talaba?
Bilmasang, biz bilan o'rgan!

Sizning munosabatingiz - biz uchun muhim!

Kanalda berib borilayotgan postlar Sizga yoqsa - "like", yoqmasa - "dislike" (albatta!) bosing!

Xolis munosabatingizni bildiring, bu kanal faoliyatini yanada yaxshilashga turtki bo'ladi!