Ўқи, СТУДЕНТ

Kanalimiz botidan murojaat kelib tushibdi. Balki, buni kanalga qo'ysak mutasaddi shaxslar bundan xabar topib, doimiy uchraydigan shu muammoni yechishga yo'l topilar deb o'yladik:

"Assalom aleykum. Men talabaman. Bitiruvchi 4-kursda o'qiyapman. Yana bir necha oydan so'ng o'qituvchi sifatida faoliyat boshlayman. Hozirda maktablarda amaliyot o'tayapmiz. Men o'zim ro'mol o'rayman. Juda e'tiborni tortadigan darajada emas, oddiyroq qilib o'rab yuraman. Amaliyotning 1-kunida sherigim bilan maktab direktoriga uchrashdik. (Nasib bo'lsa, o'qishni bitirgach shu maktabda ishlamoqchi edim.) Direktor menga-"Maktab hududida ro'molingni yechib yurasan. Uydan o'rab kelib, chiqayotganingda yana o'rab ketasanmi? Bilmayman. U bilan ishim yo'q. Bu yerda o'quvchilarni diqqatini chalg'itasan" deb aytdilar. Mana 2-3 kundan buyon shunday qilyapman. Maktabga borib ro'molimni yechib olib qo'yayapman. Chiqayotganimda yana o'rab chiqib ketyapman. Lekin bo'lmayapti. Yuragim boshqa narsa deyapti. U mani o'zligim emas. Maktabda ro'molsiz yurganim bn atrofdagilarni aldayotgandek his qilyapman o'zimni. Bugun maktabga borganimdan keyin direktorga qayta uchrashmoqchiman. Maktabda ham ro'molda yurishimga ruxsat berishlarini so'rayman!
Bularni nega sizga aytayotganimni bilmayman. Ehtimol, ilgari kanalda bu kabi mavzularga ahamiyat berilganini sababdir. Lekin o'ylaymanki, siz ham mani fikrimni qo'llab-quvvatlaysiz. Arzimagan to'siq sabab o'zligimdan kechsam yoki o'z fikrimni maktab direktoriga aytishdan qo'rqsam kelajakda mandan yaxshi o'qituvchi chiqmaydi, menimcha."

~~~~~~~~~~~~~~~~~

Vazirlar Mahkamasi o'quv muassasalarida tahsil oladiganlarga ro'mol kiyib yurishni taqiqlab qo'ygani hammamizga ma'lum. Lekin, mazkur huquqiy-me'yoriy hujjatdagi konstitutsiyamizga zid normalarni esdan chiqarib turgan holatimizda ham, hali ish joyiga ro'mol kiyib borishni taqiqlovchi hujjat qabul qilingani yo'q hali. Amaliyotga borayotgan odam, bu o'sha yerda ishlovchi odam bilan teng. Nimaga uning huquqlari cheklanib, ro'mol kiyishga ruxsat bermaslik kerak?

@developuz

​XXI аср - ахборот асри 😅😁

Телефон жиринглайди:
- Хайрли кун. Google пиццахонаси, сизнинг хизматингизда!
- Нима пиццахонаси?
- Google пиццахонаси. Нима буюрасиз?
- Ҳалиги... бу "Синьор Помидор" пиццахонасимасмиди?
- Афсуски эди, Google уни сотиб олди ва хизмат доирамиз ана энди тўлиқ бўлди.
- Ажойиб! Унда буюртмани қабул қилиб олинг.
- Хўп бўлади! Буюртмангиз одатдагидекми?
- Одатдагидек? Сиз менинг буюртмамни қаёқдан биласиз?
- Бизда буюртмачиларни аниқлаш дастури бор ва унга кўра сиз охирги 53 сафар шу рақамдан "Везувий" пиццаси, икки ҳисса пишлоқ, дудланган гўшт ва колага буюртма берган экансиз.
- Ҳа, бу томони ҳаёлга келмапти. Яхши, ўша буюртма.
- Узр, лекин сизга бир маслаҳат берсам майлими?
- Майли.
- Пиццаларимизнинг тўлиқ менюси борми сизда?
- Йўқ.
- Бу энг тўлиқ меню ва сизга творог ва кўкатли пицца ва тузлари кам минерал сув тавсия қилардим.
- Творог? Кўкат? Эсингизни еганмисиз? Биронтасини ҳам ёқтирмайман!
- Тушунаман, лекин сизнинг соғлиғингизни ўйлаб айтяпман буни. Сизда холестерол миқдори жуда юқори...
- Буни қаердан биласиз?
- Бизнинг компаниямиз сайёрамиздаги энг катта маълумотлар базасига эга. Шу сабабли сизнинг телефон рақамингиз ва исм-шарифингиз орқали клиниканинг виртуал базасидаги сизнинг анализларингизни кўра оламиз.
- Ҳе, тупурдим маълумотлар базангизга! Творог ва кўкатли пиццангиз керакмас. Дорилар қабул қиламан. Шунинг учун истаган нарсамни ейишим мумкин. Тушунарлими?
- Афсуски, сиз ўша дориларни кейинги вақтларда қабул қилмай қўйгансиз.
- Жин урсин! Бундан қанақасига хабардор бўласиз? Ортимдан жосуслик қиляпсизларми ҳар куни?
- Йўқ, йўқ! Биз, шунчаки, шаҳардаги барча дорихоналар базасини кўриб чиқамиз, сиз у ерда 3 ой аввал бўлгансиз холос. Битта қадоқда 30та ҳапдори бўлади холос.
- Ухх... тўғри... Қандай билдинг ярамас?
- Пластик карточкангиздан.
- Нимааа?
- Ҳа, сиз ҳар сафар МММ банки пластик карточкасидан дорихонага тўлов қилганингизда чегирмага эга бўласиз. Ўша карточкангиз бўйича барча чиқимлар рўйхати бизда бор. Охирги 3 ой ичида дорихонадан ҳеч нарса сотиб олмагансиз, балки бошқа дўконлардан бошқа нарсалар олгансиз. Демак, карточкангиз йўқолмаган.
- Вой, онайни... Хўш, нима бўпти? Нақд пул тўлаган бўлишим мумкин-ку, а?
- Йўқ, мумкинмас. Сиз ҳафтасига фақат 100 $ нақд пул ишлатасиз ва уни хизматкорингизга маош сифатида берасиз. Қолган ҳамма чиқимларни фақат пластик карточкангиз орқали қиласиз.
- Лаънатилар! Хизматкоримга қанча тўлашимни қаёқдан билиб олишдинг?
- Ахир, у ҳам ижтимоий суғуртага пул тўлайди...
- Ҳе, ер ютсин ҳаммангни!
- Ихтиёрингиз. Лекин айтилган маълумотларнинг барчаси олдимдаги компьютер экранида турибди. Менимча, сиз яна докторингизга кўриниб, текширувдан ўтишингиз керак. Худди ўтган ойдагидек. Ўшанда дорилар миқдорини аниқлаб олиш учун текширувдан ўтгандингиз.
- Эй жин ургур, энди мени эшит! Ҳиқилдоғимга келишдинг... сен ҳам, компьютерларинг ҳам, Facebook ва Twitterларинг ҳам. Шахсий ҳаёт йўқ бу лаънати жойларда.
- Илтимос, асабийлашманг. Бу сизнинг қўлингизда эмас...
- Ўчир овозингни! Эртагаёқ сен лаънатиларнинг ҳаммаларингдан узоқ-узоқларга кетаман. Фиджи оролигами, қаерга бўлса ҳам. Интернети йўқ, телефони йўқ, ортамдан кузатадиган одамлари йўқ жойларга...
- Ҳа, тушунаман сизни...
- Охирги марта ўша пластик карточкамдан фойдаланаман, самолётга чипта сотиб олиш учун. Кейин, дунёнинг нариги бурчагига кетаман.
- Ажойиб...
- Буюртмани бекор қил. Энди керакмас пиццаларинг.
- Хўп... бўлди бекор қилдим. Рухсат берсангиз, яна икки оғиз нарсани билдириб қўйсам?
- Нима яна, алвасти?
- Сизнинг хорижга чиқиш рухсатномангизнинг муддати ўтиб кетган аллақачо...

Туут-туут-туут...

Дўстларга жўнатинг ва каналимизга обуна бўлинг!
https://t.me/joinchat/AAAAAEytGVJqPWNf6qYi4w