Oliygohlarga kirish imtihoni bo‘lmaydimi? So‘nggi kunlarda menga juda ko‘p odamlar:
oliygohlarga kirish imtihonlari qoldirilar ekan, bu yil shunaqa kvota berilar ekan degan gaplar rostmi? - deya murojaat qilishmoqda. Men ham bu mavzuni yaxshilab o‘rganib chiqdim.
Hurmatli dangasa, ishyoqmas, piyonista abituriyentlar! (Shurik kinosidan ☺️) Sizlarni xursand qiladigan yangilik yo‘q, chunki siz o‘ylab yurgan xomxayollar haqiqatga to‘g‘ri kelmaydi. Buni quyidagi omillar bilan isbotlab beraman:
1. Respublika miqyosida yiliga
BIR MILLION abituriyent oliygohlarga hujjat topshiradi, oliygohlarimiz esa yiliga 100 000 talabani qabul qilishga imkoniyati bor. Yana 900 000 talabaga o‘quv xonalari, yotoqxonalar, o‘qituvchilar yetkazib berish uchun bitta karantin aniq kamlik qiladi.
2. Keyingi yildan bir abituriyent bir vaqtning o‘zida
OLTITA oliygohga hujjat topshirishiga ruxsat berilishi ko‘zda tutilmoqda, o‘tgan yili uchta edi. Bundan kelib chiqadiki, endi past balli oliy o‘quv yurtlarida ham raqobat ancha kuchayadi. Mobodo unisiga kirolmasam, bunisiga kiraman degan xomxayollarni yig‘ishtiring. Chunki ko‘pchilik abituriyentlar uyida o‘tirib tayyorgarlikni kuchaytirmoqda, oldin maktab, kollej, lisyey o‘quvchilarida tayyorlanishga kam vaqt qolar edi va ko‘p vaqtini o‘zlari tahsil oladigan o‘quv muassasasiga borish va uyerdagi darslarda ishtirok etish uchun sarflar edi. Hozir ularda ham tayyorgarlik ko‘rish uchun ancha yaxshi imkoniyat yaratildi.
3. Karantin sababli bolasini chet elga jo‘natmoqchi bo‘lgan ota-onalarda ham hadik paydo bo‘ldi, chet elga o‘qishga ketgan talabalarning ham ko‘pchiligi qaytib keldi, endi chet elga o‘qishga jo‘natish qo‘rquvi yaqin ikki yil ichida yo‘qolmaydi, endi chet el oliygohlariga kirish uchun tayyorgarlik ko‘radigan o‘quvchilarning ham mahalliy universitetlarga topshirish ehtimoli kuchayadi. Qarabsizki, yana raqobat ortadi.
4. Karantindan chiqqan ko‘pchilik oilalar qiyin ahvolga tushadi va oldingidek super kontrakt qancha ekan, mana biz to‘laymizda deydigan boyvuchchalar ham sal uyoq-buyog‘iga qarab gapiradigan bo‘lib qolishadi, bu degani raqobat yanada kuchayadi. Hamma iloji boricha pul sarflamasdan o‘qishga kirish payiga tushadi. Karantin yana ikki oy davom etsa, otangiz ham, o‘g‘lim, sharoitingni o‘zing qilaver, yaxshilab tayyorlanaver, hozir ro‘zg‘ordan pul orttirishim qiyinroq deganini o‘zi ham bilmay qoladi.
Ana shunaqa gaplar, har kim gapirgan gapga ishonib ketavermang, sal mantiqni ishlatib o‘ylab ko‘ring. Birov tomdan tashla desa, tashlab yuboravermang.
Manba: TentakMindsDo'stlarga ulashing👇👇https://t.me/joinchat/AAAAAESI_IuxZRncFA7WWQ