Yoshlar ishlari agentligi Ishtixon tuman bo'limi/UYDA QOLING!

#matbuot_anjumani

✅"Viloyatning 16 ta tuman (shahar)larida jami 48 nafar xodimlarimiz mavjud, Yoshlar ishlari agentligining Jomboy hamda Urgut tuman bo‘lim boshlig‘i lavozimlari haligacha vakant turibdi.
👉Viloyat boshqarmasiga 2021 yilda yoshlar tomonidan jami 164 ta murojaatlar kelib tushgan va ularning 160 tasi ijobiy hal etildi qolgan 4 tasi jarayonda.
📌Amalga oshirilgan say-harakatlar bilan bir qatorda o‘z yechimini kutayotgan qator kamchiliklar ham mavjud.
👉“Yoshlar daftari” elektron platformasiga kiritish haqida aksariyat sektor kotiblarining xabari yo‘q.
👉“Yoshlar dasturlari” va uning o‘tgan birinchi chorakdagi ijrosi yuzasidan tashkil etilgan maxsus platformaga kiritish jarayonlari ham aksariyat tuman (shahar) bo‘limlari tomonidan o‘z holiga tashlab qo‘yilgan.
☝️Fursatdan foydalanib, yuqoridagi yoshlar manfaatiga bevosita ta’sir o‘tkazuvchi kamchiliklarni tezkorlik bilan bartaraf etish barchamizning vazifamizdir. Shu maqsadda joylarda tashkil etishgan Shtablarda faoliyat olib borayotgan barcha Agentlik xodimlaridan, tegishli idora hamda tashkilot rahbarlaridan, sektor kotiblaridan masalaga jiddiy yondoshishlarini joriy yil barchamiz uchun sinov yili ekanligini yana bir bor eslatib o‘tmoqchiman.
👉Xulosa o‘rnida, bugungi davr rahbarlardan mas’uliyat, yoshlardan esa harakatni talab etmoqda. Shunday ekan yoshlarimizdan boqimandalik kayfiyatini yo‘qotib, ortiqcha befarqlikka berilmasdan yorqin kelajagi hamda ona Vatanimizning nurli istiqboli yo‘lida fidokorona mehnat qilishga yana bir bor chorlab qolamiz!" deydi boshqarma boshlig'i o'z ma'ruzasida.

🗣Bizning telegram manzil👉 @yiasamyosh

#matbuot_anjumani

⚡️Viloyat teleradiokompaniyasi bilan birgalikda "Yoshlar-kelajagimiz" ko‘rsatuvining Pastdarg‘om, Samarqand, Oqdaryo, Toyloq, Bulung‘ur, Payariq tumanlari hamda Samarqand shahriga bag‘ishlangan soni tasvirga olindi va efirga uzatildi.
👉Yoshlarga yaratib berilgan shart-sharoitlardan samarali foydalanib ko‘plab yoshlarimiz qator yutuqlarni qo‘lga kiritmoqda.
✅Jumladan, Turkiyaning Antaliya shahrida o‘tkazilgan sport musobaqasida samarqandlik sportchi, Zulfiya nomidagi davlat mukofoti sohibasi Diyora Keldiyorova barcha raqiblarini mag‘lub etib chempionlikni qo‘lga kiritdi.
👉Shuningdek, pastdarg‘omlik bokschi Fanat Qahramonov samarqandlik sportchilar orasida birinchi bo‘lib Tokio olimpiadasi yo‘llanmasini qo‘lga kiritdi.
👉Polshaning Kelse (Kiyelcye) shahrida boks bo‘yicha yoshlar o‘rtasida jahon chempionati bo‘lib o‘tdi. Unda ishtixonlik bokschi Nigina O‘ktamova 54 kilogramm vazn toifasida Nigina O‘ktamova mamlakatimiz sharafini himoya qildi va barcha raqibalarini mag‘lub etdi. Hal qiluvchi final jangida ukrainalik Kristina Lakichuk ustidan 4:1 hisobida g‘alaba qozondi va jahon chempioni bo‘ldi.
📌2020/2021 o‘quv yilida 3 nafar yoshlar magistratura mutaxassisligi bo‘yicha Fozilov Temur Fozilovich, bakalavriat ta’lim yo‘nalishlari bo‘yicha Qahhorova Aziza Nuriddinovna hamda pedagogika ta’lim yo‘nalishlari bo‘yicha Qobilova Zarina Abdo‘mumin qizi O‘zbekiston Respublikasi Prezidenti Davlat stipendiyati bo‘lishdi.
👉“Mard o‘g‘lon” davlat mukofotiga hujjat topshirgan va tuman (shahar) komissiyalaridan saralangan 18 nafar yoshlarning hujjatlari ko‘rib chiqildi. Talabgorlar orasidan 9 ta yo‘nalish uchun jami 10 nafar nomzodlarning hujjatlari saralandi va Respublika komissiyasiga taqdim qilindi.

🗣Bizning telegram manzil👉 @yiasamyosh

#matbuot_anjumani

📌“Kamalak yulduzlari” bolalar ijodiyoti festivalining Respublika bosqichi Samarqandda o'tadi

⚡️Yoshlarning bo‘sh vaqtlarini mazmunli tashkil etish bo‘yicha alohida kalendar rejalar asosida tadbir va loyihalar o‘tkazilishi “mahallabay” yo‘lga qo‘yildi.
👉Besh muhim tashabbus doirasida Registon maydonida “Kamalak yulduzlari” bolalar festivalining Respublika bosqichi o‘tkazilishi rejalashtirilgan.
👉"Yoshlar - kelajagimiz" jamg‘armasi viloyat filiali tomonidan yoshlarning tadbirkorlik faoliyatini boshlashi va istiqbolli rejalar asosida shaxsiy biznesni tashkil etishiga ko‘maklashish uchun o‘quv mashg‘ulotlari tashkil etildi va jami 114 nafar yoshga maxsus sertifikatlar topshirildi. Ularga Mikrokreditbank tomonidan 3 yil muddatga 33 million so‘mgacha bo‘lgan 14 foizlik imtiyozli kreditlar moliyalashtiriladi va bugungi kunga qadar ularning 7 nafariga kreditlar moliyalashtirildi, 60 nafardan ortig‘i banklarga o‘z hujjatlarini topshirgan.

🗣Bizning telegram manzil👉 @yiasamyosh

#live
#matbuot_anjumani

⚡️Joriy yilda 50 ming 647 nafar yoshlar maktablarni tamomlaydi.

✅Bugungi kunda jami yoshlarga oid 140 ta ob’yektlar foydalanishga topshirildi. Ushbu ob’yektlarni stritvorkaut maydonchalari, stritbol maydonchalari, raqamli texnologiyalar o‘quv markazlari, kutubxona va buk-kafelar tashkil qilgan.
Yosh oilalar uchun 75 ta uy-joy yosh oilalar uchun ajratildi. Mazkur uylar Jomboy, Pastdarg‘om, Samarqand tumani va Samarqand shahriga to‘g‘ri keladi.

👉Joriy o‘quv yili yakunida 50 ming 647 nafar yoshlar maktablarni tamomlaydi. Dastlabki, hisob-kitoblarga ko‘ra, ularning 9 700 nafari yoki 19 foizi oliy ta’limga qamrab olinadi. Qolgan 41 ming nafar yoshlarning ham bandligini ta’minlash lozim.
Shu sababli alohida chora-tadbirlar asosida yil yakuniga qadar 5 ming 900 nafar yoshlarga tadbirkorlik faoliyati uchun 135,5 milliard so‘m kredit ajratiladi hamda 28 ming 370 nafar yoshlarga 2 030 gektar yer maydonlari beriladi.

🗣Bizning telegram manzil👉 @yiasamyosh