Муҳсин Муҳаммадиев: "Учрашув тақдирини жарима тўпи ҳал қилди"
- Нима дейишим мумкин? Бундай майдонда футбол ўйнаб бўлмайди. "Андижон"га омад кулиб боқди. Ўзимни оқламоқчи эмасман, лекин бундай майдонда футбол ўйнай олмаймиз.
- Жамоангиз биринчи бўлимда яхши ўйин намойиш этди. Иккинчи бўлимда эса умуман бошқа ўйин кўрсатди. Бунга нима дейсиз?
- Иккинчи бўлим бошида майдон эгалари ўз ўйинларини кучайтиришди. Рақибларнинг жаримадан киритган голи учрашув тақдирини ҳал қилди. Лекин, ўйин дурангга мос эди.
- Майдондан кўнглингиз тўлмадими?
- Бундай майдонда футбол ўйнаш мумкин эмас. Тўпни тўҳтатишни иложиси йўқ. Комбинацион ўйин намойиш этиш мушкул. Давралар оралиғидаги йиғинларимизда текис майдонларда машғулот олиб бориб, комбинацион ўйин намойиш этишга урғу бергандик.
- Наманганда "Навбаҳор" жамоасига мағлуб бўлганинглардан кейин ўша мағлубият "Бухоро" жамоасининг сўнгги мағлубияти дегандингиз. Лекин бугун яна мағлубиятга учради Сизнинг шогирдларингиз. Бунга қандай изоҳ берасиз?
- Ҳа, шундай дегандим. Нега ўша гапимни маҳкам ушлаб олдингиз? Бу футбол. Агар қолган ўйинларни барчасини ютсак Сиз нима дейсиз?
- Давралар оралиғида келиб қўшилган легионерларнинг кўрсатган ўйинларидан кўнглингиз тўлдими?
- Бундай майдонда футболчиларнинг кўрсатган ўйинларига баҳо бериш қийин. Футболни яхши майдонда ўйнаш керак. Бу ерда жанг ва кураш бўлди. Иккита жамоа курашди, футбол ўйнашмади. Буни "теп ва югур" дейди.