YURIDIK XIZMAT || Rasmiy kanal!

“ДЕКРЕТ ПУЛИ” ҚАНДАЙ ҲИСОБЛАНАДИ?

Ҳомиладорлик ва туғиш бўйича нафақа, ҳомиладорлик ва туғиш бўйича нафақани тайинлаш ва тўлаш учун белгиланган тартибда берилган меҳнатга лаёқатсизлик варақаси асос бўлади. Варақа йўқолган ҳолларда нафақа унинг ўрнига такрорий берилган вақтинча меҳнатга лаёқатсизлик варақаси (дубликат) асосида берилади.

Вақтинча меҳнатга қобилиятсизлик, ҳомиладорлик ва туғиш бўйича нафақалар барча ҳолларда ходимнинг ҳақиқий иш ҳақидан ҳисоблаб чиқарилади.

Нафақаларни ҳисоблашда асос қилиб олинадиган ҳақиқий иш ҳақига иш жойидан, суғурта бадаллари ундирилиб тўланадиган жами иш ҳақи тўловлари киради.

Вақтинча меҳнатга қобилиятсизлик ёки ҳомиладорлик таътили бошланган ойдан олдинги 12 ой даврида олган ва суғурта бадаллари чегирилган барча мукофотларнинг 1/12 қисми нафақа ҳисоблаб чиқариладиган ойлик иш ҳақига қўшилиб, ўртача ойлик иш ҳақи миқдори аниқланади.

12 ой тўлиқ ишламаганлар учун “декрет пули” 75% тўланади.

Меҳнат кодексининг  404-моддаси 1-қисмига кўра, “декрет пули” ўртача ойлик иш ҳақининг 75 фоизидан кам бўлмаган миқдорда тўланиши белгиланган.

Ўзбекистон Республикаси Президентининг 2016 йил 27 декабрдаги ПҚ-2699-сон қарорига кўра, 12 ойдан кўпроқ танаффусдан сўнг меҳнат фаолиятини қайтадан бошловчи ходимлар учун декрет пули 75 фоиз тўланиши белгиланган.

📨Савол юбориш учун:
👉@yuridikxizmatmurojaat👈

@yuristmaslahatlarii

Синфда давомат кам бўлса, синф раҳбарлик тўлови ушлаб қолинадими?

❗️Бу ҳолатда педагогга синф раҳбарлик учун қўшимча тўловни ушлаб қолиш ноқонуний.

Биринчидан, Мактабгача ва мактаб таълими вазирининг 27.06.2023 йилдаги 190-сонли буйруғи билан тасдиқланган Умумий ўрта таълим муассасаси синф раҳбарининг йўриқномасига мувофиқ, синф раҳбари синфдаги давоматни назорат қилиши, бу ҳақида ота-оналар билан боғланиб, келмаганлик сабабларини аниқлаши ва мактаб раҳбариятига ахборот киритиши керак.

Ушбу буйруқнинг 1-иловаси ҳамда Халқ таълими вазирлигининг 01.07.2021 йил 206-сонли буйруғига асосан ММИБДЎнинг лавозим мажбуриятларидан бири бу синф раҳбарларининг фаолиятини ташкил этиш, ўқувчиларининг давоматларини назорат қилиш ҳисобланади.

📍Юқоридаги қоиданинг мазмунига кўра, синфдаги давомадни таъминлашга синф раҳбари жавобгар эмас. У давомадни ўз вақтида амалга ошириб, дарсга келмаган ўқувчилар ҳақида юқоридаги мажбуриятини бажариши кифоя.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

ХУСУСИЙ УНИВЕРСИТЕТДА ЎҚИШДАН ОЛДИН УНИНГ ФАОЛИЯТИНИ ТЕКШИРИБ КЎРИНГ❗️

Биринчидан, сиз, миллионлаб пул сарфлаб ўқимоқчи бўлган олийгоҳ қонуний фаолият юритиши лозим. Яъни, диплом тан олиниши учун у қонуний давлат рўйхатидан ўтишган бўлиши лозим.

Иккинчидан, агар, олийгоҳнинг фаолияти қонуний бўлсагина, сиз кейичалик, зарурат туғилса, ўқишингизни кўчиришингиз мумкин бўлади.

“Таълим тўғрисида”ги Қонуннинг 31-моддаcига кўра нодавлат таълим ташкилотлари ўз фаолиятини лицензия асосида амалга оширади, бундан мактабдан ташқари таълимни, кадрларни қайта тайёрлаш ва уларнинг малакасини оширишни амалга оширувчи таълим ташкилотлари мустасно.

Нодавлат таълим ташкилотлари лицензия талабларига ва шартларига мувофиқ таълим хизматлари кўрсатиши лозим.

❗️Агар сиз топширмоқчи бўлган олийгоҳда хавотирсиз ўқимоқчи бўлсангиз, бизга мурожаат қилинг, унинг фаолиятини қонунга асосланиб текшириб берамиз!

Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

Қандай тоифадаги ўқитувчилар мажбурий аттестацияга жалб қилинмайди?

Ўзбекистон Республикаси Вазирлар Маҳкамасининг 2023 йил 29 декабрдаги 692-сонли қарори ва Ўзбекистон Республикаси Вазирлар Маҳкамасининг 2022 йил 2 августдаги 425-сонли қарори билан аттестация жараёнларига бирқанча ўзгартиришлар критилди. Жумаладан, мажбурий аттестацияга жалб қилинмайдиган педагоглар тоифаси кенгайган.

Қуйидагилар навбатдаги мажбурий аттестацияга жалб этилмайди:

👉 фан номзоди, фалсафа доктори (Doctor of Philosophy (PhD) ёки фан доктори (Doctor of Science (DSc) даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрлар;

👉 олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар;

👉 педагогик фаолият бўйича 25 йил ва ундан кўп иш стажига эга бўлган педагог ходимлар;

👉 ёшга доир пенсияга чиқиши учун 5 йилдан кўп бўлмаган вақт қолган педагог ходимлар;

👉 педагогик фаолият билан шуғулланаётган пенсия ёшига тўлган педагог кадрлар;

👉 педагогик фаолият бўйича уч йилдан кам бўлган иш стажига эга педагог кадрлар;

👉 ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;

👉 ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;

👉 педагогик фаолият билан шуғулланаётган уч ёшгача болалари бор аёллар;

👉 узоқ (уч ойдан ортиқ вақт мобайнида) даволанишни ўтаётган педагог кадрлар, улар даволанаётган даврда ҳамда ишга чиққанидан кейин олти ой давомида;

👉 мазкур Низомнинг 8 ва 9-бандларида кўрсатилган педагог кадрлар, уларга малака тоифаси тўғридан-тўғри берилган ёки бир поғона оширилган вақтдан бошлаб кейинги беш йил давомида;
Низомнинг 8 ва 9-бандлари бу ерда

👉 республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар;

👉 ижтимоий муҳофазага муҳтож, иш топишда қийналаётган ва меҳнат бозорида тенг шартлар асосида рақобатлаша олмайдиган шахслар учун энг кам миқдордаги иш ўринларига захирага олиб ишга жойлаштирилган педагог кадрлар, бу иш жойларига қабул қилинган кундан бошлаб уч йил давомида.

📨Исталган мавзуда савол юбориш учун: @yuridikxizmatmurojaat

@yuristmaslahatlarii

Асакабанк расмий даромадга эга бўлмаганлар учун автокредитларни таклиф қилмоқла

1️⃣Avtokredit 2.4
◦ Фоизи - 25.5% дан бошланади
◦  Муддат - 60 ойгача
◦  Бошланғич тўлов - 20% дан бошланади
Батафсил

2️⃣Avtokredit Kia II
◦ Фоизи - 10.5% дан бошланади
◦  Муддат - 60 ойгача
◦  Бошланғич тўлов - 20% дан бошланади
Батафсил

3️⃣Avtokredit Kia I
◦ Фоизи - 16% дан бошланади
◦  Муддат - 60 ойгача
◦  Бошланғич тўлов - 20% дан бошланади
Батафсил
☎️1152

Ушбу автокредитлар бўйича тўлиқ маълумот олиш учун «Батафсил» деб ёзилган матн устига босинг.

📨Исталган мавзуда савол юбориш учун:
👉@yuridikxizmatmurojaat👈

https://t.me/yuristmashlahatlarii

Xususiy bog'cha va maktablar uchun maqsadli imtiyozlar

2030-yil 1-yanvargacha:

🏫Xususiy bog'cha va maktablar barcha soliqlar va yig'imlardan ozod qilingan.
❗️Ijtimoiy soliqdan tashqari.

Imtiyozlar natijasida bo‘shaydigan mablag‘lar quyidagilarda foydalanishi kerak:
▫️zamonaviy o‘quv qo‘llanmalari bilan jihozlash;
▫️zarur tovarlar va asbob-uskunalarni sotib olish;
▫️binolar va inshootlarni rekonstruksiya qilish hamda kapital ta’mirlash;
▫️shuningdek aholining ijtimoiy himoyaga muhtoj qatlamlariga bepul ta’lim xizmatlarini ko‘rsatish uchun.

👉 Soliq kodeksi 483-modda 64-qismi

Imtiyoz kodlari:
ID 104218 – QQS
ID 104219 – foyda solig'i
ID 104220 – AOS
ID 104221 – mol-mulk solig'i
ID 104222 – yer solig'i
ID 104223 – suv resurslaridan foydalanganlik uchun soliq

👩‍🏫Xususiy bog'cha va maktablarda faoliyat yuritayotgan chet el o'qituvchilar va mutaxassislar jismoniy shaxslardan olinadigan daromad solig'i va ijtimoiy soliqdan ozod qilingan.
👉 Soliq kodeksi 483-modda 67- va 68-qismlari

Imtiyoz kodlari:
ID 104224 - JShODS
ID 104225 - ijtimoiy soliq

Imtiyozlardan foydalanish uchun my3.soliq.uz orqali murojaat yuborish kerak.
Muhim❗️"Hujjat turi" qatoridan "Soliq kodeksi"ni tanlash kerak.
👉 Murojaat yuborish bo'yicha qo‘llanma

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

Ўриндошликда 1 ставка ишлаш мумкинми?


Assalomu alekum men maktab internatida tarbiyachi bo’lib 0,5 stafkada ishliman qo’shimcha davlat boxchasiga 1 stafkaga logoped bo’lib ishga kirmoqchiman asosiy ish joyim qaysi biri bo’ladi manga pensiya uchun turdavoy ikkala ish joyimdanam yuradimi?


❌ Ўриндошликда 0.5 ставкадан ортиқ ишлай олмайсиз. Қонунан бунга чеклов қўйилган.

Янги таҳрирдаги Меҳнат кодексининг 432-моддасида ходимнинг ўзининг асосий ишидан ташқари алоҳида меҳнат шартномаси шартлари бўйича асосий ишидан бўш вақтида бошқа мунтазам ҳақ тўланадиган ишни бажариши ўриндошлик асосида ишлаш саналиши белгиланган.

Юқоридаги модданинг учинчи қисмига кўра ўриндошнинг асосий иш жойи, ушбу иш тўлиқ ёки тўлиқсиз иш вақти шартлари асосида бажарилишидан қатъи назар, ходимнинг меҳнат дафтарчаси юритилаётган иш берувчидаги ишидир.

Демак, сиздаги ҳолатда ҳозир 0.5 ставка ишлаётган жойигингиз сизнинг асосий иш жойингиз саналади. Ушбу кодекс 437-моддаси ҳамда ВМ 297-сон қарорига мувофиқ ўриндошлик асосида ишлаш чоғида ўриндошлик асосида ишлашнинг давомийлиги ходимларнинг мазкур тоифаси учун белгиланган иш вақти нормасининг ярмидан ортиқ бўлиши мумкин эмас.

✅ Демак, ўриндошликда жами 0.5 ставка ишлашингиз мумкин бўлмоқда. Бу ҳолатда сизга ўриндошликда ишламоқчи бўлган жойингизни асосий қилиб, ҳозир асосий иш жойингизни ўриндошликка ўзгартиришни масалат берамиз.


📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

#Сўраган_эдингиз

Пенсияга чиқиб ўқитувчилик қилаётган педагог кадрларнинг малака тоифаси сақланиб қоладими?

#Савол
2018 йилда аттестациядан 2-тоифа олгандим. 2020 йилда нафақага чиқдим, ҳозирда бошланғич синф ўқитувчиси бўлиб ишлаб келмоқдаман 2023/2024 ўқув йилида тоифам ўтмас экан, муддати ўтган дейишди. Нафақага чиқса тоифаси сақланиб қолмайдими? Жавоб учун олдиндан раҳмат.

#Жавоб
Вазирлар Маҳкамасининг 2021 йил 17 сентябрдаги 572-сон қарори билан тасдиқланган амалдаги низомнинг 6-бандида навбатдаги мажбурий аттестацияга жалб этилмайдиган ходимлар рўйхати келтирилган.

Унга кўра педагогик фаолият бўйича 25 йил ва ундан кўп иш стажига эга бўлган педагог ходимлар, ёшга доир пенсияга чиқиши учун 5 йилдан кўп бўлмаган вақт қолган педагог ходимлар ҳамда пенсия ёшига тўлган педагог кадрлар ҳам мажбурий аттестацияга жалб этилмаслиги белгиланган.

Навбатдаги мажбурий аттестацияга жалб этилмайдиган педагог кадрларнинг амалдаги малака тоифалари (лавозимлари) сақланиб қолади ҳамда уларга таълим ташкилотларида ишлаган даврида мазкур малака тоифаси (лавозими) бўйича ҳақ тўланади.

Юқорида таъкидлаб ўтганимиздек, пенсия ёшига тўлган педагог кадрлар навбатдаги аттестацияга жалб этилмайди, аттестациядан ўтганлик муддати тугашидан қатъи назар уларнинг амалдаги малака тоифаси (лавозими) сақлаб қолинади ҳамда мазкур малака тоифаси (лавозими) бўйича уларга ҳақ тўланади.

Агар пенсия ёшига тўлган педагог кадрлар ўз хоҳишига кўра навбатдан ташқари аттестациядан ўтиб, малака тоифасини (лавозими) оширса, уларга янги тасдиқланган малака тоифаси (лавозими) бўйича ҳақ тўланади.

❕Муҳим эслатма: Президентнинг 2023 йил 26 майдаги ПФ-79-сонли Фармони 3-бандига кўра педагогларга малака тоифаси беришнинг янги тартиби жорий қилингунига қадар малака тоифасини олиш бўйича синовларни ўтказишга мораторий жорий этилган.

Шу сабабли, педагогларнинг 2018 йилда олнган малака тоифаларининг амал қилиш муддати ҳам педагоглар навбатдаги синовларга жалб қилингунига қадар автоматик равишда узайтирилади.

Саволингизни: @yuridikxizmatmurojaat га юборинг

👉 @yuristmaslahatlarii

30 соат дарсни 3 кунга қўйдириб, қолган уч кун дам олсам бўладими?

#Савол
Бир кунда неча соат дарс ўтишим мумкин. Масалан, 30 соат дарсни 3 кунга қуйиб 3 кун дам олсам буладими? Бу ноқонуний бўлиб қолмайдими? Бир ҳамкасбимизга "завучимиз" шунақа имконият қилиб берди. 30 соат дарсни 3 кунда ўтиб кетадида, 3 кун дам олади. Чунки мактабимиз икки сменали.

#Жавоб
Ўқитувчининг иш вақти унинг иш юкламасидан келиб чиқиб аниқланади. Бир ставка миқдорда (юқори синфларда 20, бошланғич синфларда 18 соат) ишлайдиган ўқитувчи Меҳнат кодексининг 184-моддасига кўра, ҳафтасига 36 соат, кунига 6 соатдан ишлаши керак бўлади.

Эътибор беринг, педагог ходим дарс ўтиш билан бирга унга қўшимча равишда педагогик юкламани ҳам бажариши керак бўлади.

Чунки, "Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисида"ги йўриқномада аниқ қоидалар белгилаб берилган.

Унга кўра, педагог ходимининг йиллик иш юкламаси (бир ставка ҳисобида) бир ҳафтада 36 соат, бир ойда 154,8 соат, бир йилда 1548 соат миқдорида ўқув-тарбия жараёни ҳамда ўқув-тарбия жараёнининг методик таъминоти ва ташкилий-педагогик жараён қисмлардан иборат бўлган ҳолда амалга оширилади.

Мисол учун, бир ставка ишловчи юқори синф ўқитувчиси йилига 868 соат дарс ўтади, 680 соат педагогик юкламасида белгилаб берилган вазифаларни бажаради. (20*0,8=16+20=36*4,3(ҳафта)=154,8*43 (ҳафта)=1548 соат)

Табиийки, бунда 30 соат дарс ўтадиган ўқитувчинг педагогик юкламаси янада кўпроқни ташкил этади. Ҳисоб-китоблар бўйича айтадиган бўлсак, бир ставкада ишловчи ўқитувчига кунига 3 соатдан дарс қўйилган тақдирда, у педагогик юкламаси билан бирга яна 3 соатга яқин ишлашига тўғри келмоқда.

Яъни, бир ставкада ишлаётган ходимга ҳам ҳафтада атиги бир кунни бўш қолдириш имконияти мавжуд холос аслида. 1.5 ставкада ишлайдиган ходимга эса 3 кунни бўшатиб беришнинг эса умуман имкони йўқ.

30 соат дарс олган ўқитувчи ўзи шундоқ ҳам педагогик юкламаси билан бирга қўшиб ҳисоблаганда ҳафтасига 6 кун ишлаганда бир кунда 9 соатдан ишлашига тўғри келиб қолади. (30*0,8=24+30=54; 54:6=9)

Агар 30 дарс 3 кунга қўйиб бериладиган бўлинса, ўқитувчи 18 соат ишлашига тўғри келади. (54:3=18) Бу эса қонунан хам, жисмонан хам, виждонан хам тўғри келмайди.

Агар қайсидир таълим муассасасида 30 соат дарс 3 кунга қўйиб берилган бўлса, унда қонун бузилиши рўй берган. Агар бу ҳолат тегишли давлат идоралари томонидан аниқланса, мактаб маъмуриятига нисбатан жавобгарлик белгиланиши аниқ.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

18 ЁШГА ТЎЛГАН БОЛА УЧУН ҲАМ АЛИМЕНТ ОЛИШ МУМКИНЛИГИНИ БИЛАСИЗМИ⁉️

Бироқ бунинг учун вояга етган боланинг меҳнатга лаёқатсизлиги ва ёрдамга муҳтожлиги тўғрисида далил (ногиронлик ҳақида ТМЭК ёки бошқа ваколатли орган хулосаси, моддий аҳволи тўғрисида маълумот ва бошқа) тақдим этиши лозим.

📍Оила кодексининг 100-моддасига асосан, ота-она вояга етган меҳнатга лаёқатсиз, ёрдамга муҳтож болаларига таъминот бериши шартдир.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii