YURISTKADR

@yuristkadr

Гео и язык канала: Узбекистан, Узбекский

Категория: Право

Саволларингизга амалиётчи юрист Саидали Мухторалиев жавоб беради.
Савол юбориш 👉 @yuristkadrbot
Юридик хизмат ва тижорий ҳамкорлик:
👉 @e_yurist01

Связанные каналы | Похожие каналы

Гео и язык канала

Узбекистан, Узбекский

Категория

Право

Статистика

Избранное

Фильтр публикаций

Скрывать удаленные

Скрывать репосты

YURISTKADR

23 Nov, 07:50

00:35

Видео недоступно для предпросмотра

Смотреть в Telegram

Меҳнат ҳуқуқини биз билан ўрганинг.

☎️: 90-010-86-15, 90-993-18-80, 97-731-40-30.

Телеграм: @yuristkadr_menejer

👉@yuristkadr

4.9k 0 14

“Сангород”да мени ечинтириб текширмоқчи бўлишди

23-сон маҳкумлар учун ихтисослашган касалхонага ҳимоямдаги шахсни кўргани борганимда шу ҳолатга дуч келдим.

Ҳужжатларимни кўрсатиб, кириш-чиқиш дафтарига қўл қўйиб ичкарига кираётганимда бир аёл ходим (ўзини Умида Мирзаева деб таништирди) мени алоҳида хонага бошлаб кириб... ечинишимни сўради!..

Ҳанг-манг бўлиб қолдим. Булар қайси сайёрадан тушган? Қайси замондан келган?

Сал-пал ҳушимни йиғиб олгач, босиқлик билан дедим: “Опа, адвокатман. Дахлсизлик ҳуқуқим бор”.

“Адвокатлик фаолиятининг кафолатлари ва адвокатларнинг ижтимоий ҳимояси тўғрисида”ги қонуннинг 6-моддаси мазмунини ҳижжалаб тушунтирдим, бу хатти-ҳаракати билан касб фаолиятимга тўсқинлик қилаётганини ва бунинг учун жавобгарлик борлигини айтдим.

Гапларим кор қилса қани!

Бўлмади, ИИВ ишонч телефонига қўнғироқ қилишга тўғри келди. Шунда ҳам ярим соатча тортишиб, “Сангород” раҳбарининг аралашуви билан бу таҳқирли текширувсиз ичкарига кирдим.

Ҳеч бир ЖИЭМ ёки ҳибсхонада бунақа муносабат кўрмагандим. Дилим қаттиқ оғриди.

Эрта-индин яна ўша муассасага йўлим тушади. Тағин ўшандай муомала бўлса, бу сафар охиригача олишаман. Ҳа, қўшимча ташвиш, асаббузарлик бўлади. Начора, адвокатликнинг нони қаттиқ...

Адвокат Зебо Комилова

👉@yuristkadr

10k 0 32

YURISTKADR

22 Nov, 16:56

Суд тизимида "ортга қайтиш"ни орзу қилиш – сиёсий хатога йўл қўйиш дегани.

▪️Давлат раҳбарининг 2023 йил 12 сентябрдаги ПФ-158-сонли фармони билан тасдиқланган “Ўзбекистон – 2030” стратегиясининг 85-позициясида:

➖суднинг мустақиллигини кучайтириш ва суддаги очиқликни таъминлаш орқали одил судловга эришиш даражасини ошириш энг устувор мақсадлардан бири сифатида белгиланган;

➖шунингдек, бунда алоҳида вазифа сифатида Жаҳон одил судлов лойиҳасининг Ҳуқуқ устуворлиги индекси бўйича 0,64 баллни тўплашга эришиш қўйилган.

Бу суд тизимида фақат ва фақат олдинга дегани, ўртоқлар. "Ортга қайтиш" ҳақида ўйлашнинг ёки бунга кўнишнинг ўзи хато. Бунга “асло йўқ” деб жавоб бериш керак. Аввало, суддагиларнинг ўзларида шундай қатъий жавоб бўлиши керак.

Тўғри, осон бўлмаслиги аниқ, лекин биз бу соҳада ортга силжисак, инсон ҳуқуқлари остин-устун бўлади, фуқаролик-ҳуқуқий жамияти қуриш орзуси чилпарчин бўлади. Тамом бўлганимиз шу.

👉@yuristkadr

10.4k 0 18

YURISTKADR

22 Nov, 16:15

01:56

Видео недоступно для предпросмотра

Смотреть в Telegram

Мавсумий ишларнинг энг юқори муддати қанчагача бўлиши мумкин?

Мавсумий ишларни 6 ойгача бўлган ва 6 ойдан кўп муддатга бўладиган турларга ажратдик.

6 ойгача бўлган мавсумий ишлар тушунарли, лекин 6 ойдан кўп бўлган мавсумий ишларнинг максимум муддати борми?

👉@yuristkadr

9.9k 0 28

YURISTKADR

22 Nov, 15:13

Навбатдаги жамоатчилик фаоли ҳам судланди.

Бугун жиноят ишлари бўйича Чилонзор тумани суди жамоатчилик фаоли Қобил Дусовни Жиноят кодексининг 140-моддаси (ҳақорат қилиш) 3-қисми “а” бандида назарда тутилган жиноятни содир этганликда айбли деб топиб, унга 1 йил муддатга озодликни чеклаш жазоси тайинлади.

👉@yuristkadr

10.3k 0 79

YURISTKADR

22 Nov, 14:01

➖Ҳокимлар иш берувчиларнинг ходимларни оммавий равишда ишдан бўшатиш тўғрисидаги қарорларини 6 ой муддатгача тўхтатиб туриши мумкин.

Меҳнат кодексининг 98-моддаси.

👉@yuristkadr

10.6k 0 34

YURISTKADR

22 Nov, 13:33

Бугунги куним малака оширишга келган тингловчилар билан ўтди. Улар билан меҳнат муносабатлари соҳасидаги энг низоли мавзулар ҳақида гаплашдик.

▪️Шулардан бири:

➖Меҳнат кодексининг 313-моддасига кўра ходимларга интизомий жазо қўллашдан аввал, улардан тушунтириш хати талаб қилинади, биласиз. Лекин шунга эътибор бериш керакки, тушунтириш хатлари иқрор ва инкор мазмунида бўлиши мумкин.

Яъни, агар ходим ёзган тушунтириш хатида интизомий қилмишни у томонидан содир этилганини инкор қилса, унга нисбатан интизомий жазо қўллаш учун иш берувчи яна қўшимча далилларга эга бўлиши лозим. Чунки, эртага суд бу нарсаларга албатта қарайди.

Масалан, иш берувчи томони қўшимча ўрганиш ёки хизмат текшируви ўтказиб, натижаси бўйича тузиладиган далолатнома (ёки маълумотнома)да гарчи ходим ўз тушунтириш хатида бу нарсаларни инкор қилган бўлсада, унинг айбли ҳаракат (ҳаракатсизлик)лари “анов” ва “манов” фактлар билан тасдиқланди деб кўрсатиб ўтиш керак.

👉@yuristkadr

10.5k 0 37

YURISTKADR

22 Nov, 07:31

6 ойдан кўп мавсумийлар.docx

15.7Кб

Мавсумий ишлар мавжуд бўлган корхоналар диққатига!

Мавсумий ишлар – муддатли ишлар деганидир. Яъни, мавсумий ишларга ишга қабул қилар экансиз, ходимлар билан ўша мавсум муддатига муддатли меҳнат шартномаси тузасиз.

Меҳнат кодексининг 491-моддасига асосан мавсумий ишларнинг муддати 6 ойдан ошмаслиги белгиланган.

Бироқ, бу моддада Вазирлар Маҳкамасининг қарори билан 6 ойдан ортиқ муддатга ишга олиниши мумкин бўлган алоҳида ишлар рўйҳати белгиланиши кўрсатилган.

Куни кеча чиққан, Вазирлар Маҳкамасининг 2024 йил 14 ноябрдаги 758-сонли қарори 9-иловаси билан “Олти ойдан ортиқ давр (мавсум) ичида амалга оширилиши мумкин бўлган айрим мавсумий ишларнинг рўйхати” тасдиқланди (Рўйҳат юқорида☝️).

Демак, ўртоқлар мавсумий ишларни муддат бўйича иккига ажратамиз: - 6 ойгача бўлган ва 758-сонли рўйҳатида кўрсатилган 6 ойдан кўп муддатга бўлган мавсумий ишлар.

👉@yuristkadr

11.7k 1 142

YURISTKADR

22 Nov, 07:13

Узоқ кутилган ҳужжат умидларимизни оқладими?

“Давлат ҳисобидан юридик ёрдам кўрсатиш тўғрисида”ги қонун кучга кирганидан роса 1 йил 2 ой 2 кун ўтиб, ниҳоят, бу қонунни амалда қўллаш механизмларини белгиловчи ҳужжат – Давлат ҳисобидан юридик ёрдам кўрсатадиган адвокатларни жалб қилиш ва уларга ҳақ тўлаш тартиби тўғрисида низом тасдиқланибди.

Низомга тўхталиб ўтирмай, унинг 5-иловасига ўтамиз. Яъни, ҳақ миқдорларига. Ҳужжатнинг адвокатура учун энг муҳим қисми шу десак адашмаймиз. Билишимизча, Низомнинг 1 йилдан зиёд кечикиб қабул қилинишига ҳам айнан хизмат тарифларини келишиб олиш узоққа чўзилгани сабаб бўлди...

Эски тартиб билан солиштирганда, бу анча прогрессив дейиш мумкин, аммо юридик ёрдам кўрсатиш доирасида бажариладиган ишларнинг тахминий ҳажмидан келиб чиқадиган бўлсак, адвокат меҳнати меҳнати жуда паст баҳоланибди.

Боз устига, харажати қопланадиган ишлар туркумида айрим процессуал муҳим ҳаракатлар умуман назарда тутилмаган. Масалан, эксперт ёки мутахассис жалб қилиш, экспертиза ўтказиш. Харажати тўланмаса, адвокат ўз ҳисобидан экспертиза қилдирадими? Қилдирмаса, юридик ёрдам сифати қандай бўлади?

Саволлар кўп, хуллас.

AdvokatNews

👉@yuristkadr

11k 0 20

YURISTKADR

21 Nov, 21:00

Электрон (рақамли) далиллар борасида жуда муҳим янгилик.

Жиноят процессуал кодексининг “далилларнинг мақбул эмаслиги” номли 95-1-моддасига мана бундай қўшимча киритилди:

“Олиб қўйиш ёки кўздан кечириш бўйича тергов ҳаракатлари олиб борилаётганда мутахассис иштирокисиз олинган электрон маълумотлар номақбул далиллар деб топилади".

2024 йил 21 ноябрдаги ЎРҚ-1003-сонли қонуннинг 1-моддаси 8-банди.

👉@yuristkadr

12k 0 112

YURISTKADR

21 Nov, 20:41

Адвокатлар фаолиятига доир муҳим ҳужжат қабул қилинди.

➖Вазирлар Маҳкамасининг 2024 йил 21 ноябрдаги 774-сонли қарори билан "Давлат ҳисобидан юридик ёрдам кўрсатадиган адвокатларни жалб этиш ва уларга ҳақ тўлаш тартиби тўғрисида"ги низом тасдиқланди.

👉@yuristkadr

11.8k 0 113

YURISTKADR

21 Nov, 17:39

01:38

Видео недоступно для предпросмотра

Смотреть в Telegram

Янги мехнат шартномаси намунаси мажбурийми?

Вазирлар Маҳкамасининг 758-сонли қарори билан тасдиқланган меҳнат шартномаси намунаси мажбурийми?

Бу намунадан ташқарига чиқиш мумкин эмасми?

👉@yuristkadr

12.2k 0 160

YURISTKADR

21 Nov, 16:45

01:18

Видео недоступно для предпросмотра

Смотреть в Telegram

➖Вазирлар Маҳкамасининг 758-сонли қарори билан янги меҳнат шартномаси намунаси берилди.

Энди шу вақтгача ишлаб келаётган ходимларнинг меҳнат шартномаларини ўзгартириб чиқиш ёки шу намуна бўйича қайтадан меҳнат шартномалари тузиб чиқиш керакми?

👉@yuristkadr

12.1k 0 243

YURISTKADR

21 Nov, 16:09

01:29

Видео недоступно для предпросмотра

Смотреть в Telegram

#kazus

Биздан яна бир суд казуси.

Ходимни корхонага зарар етказди деб, интизомий жазо сифатида ишдан бўшатишди. Бироқ, суд ходимни ишга тиклашга қарор қилди. Хўш нега?

Бунинг жавобини ушбу видеолавҳадан билиб оласиз.

👉@yuristkadr

11.8k 0 64

YURISTKADR

21 Nov, 15:28

250 та қўйни бир киши ўзи ўғрилаб ҳайдаб кетиши мумкинми?

Бир одам 10 та қўйни ҳайдаб кетолмайдию.

Мана бу видеодаги одамларнинг айтишича, тоғлиқ ҳудудидан 250 та қўйни ўғрилашда фақат бир киши айбланиб судга чиқарилибди. Бошқа ўғрилар сувдан қуруқ чиқиб кетяпти экан.

Э, қойиле! Терговчида ҳам юрак катта экан лекин.

👉@yuristkadr

254 TA QO'YNI BIR KISHI O'G'IRLASHI MUMKINMI? SHERIKLARI SUVDAN QURUQ CHIQMOQDA. TOSHKENT VILOYATI

MUROJAAT UCHUN: +99897 724-25-20 YOKI +99891 014-00-79

11.9k 0 29

YURISTKADR

21 Nov, 12:46

Меҳнат_шартномаси_намунаси_ВМҚ_758.docx

20.9Кб

#namuna

Меҳнат шартномаси намунаси.

Ҳурматли иш берувчилар, сизларга Вазирлар Маҳкамасининг 2024 йил 14 ноябрдаги 758-сонли қарори билан тасдиқланган Меҳнат шартномаси намунасини тақдим этяпмиз.

Бундан буёғига ходимларни ишга қабул қилишда мана шу намунадан фойдаланганингиз маъқул.

(Мавсумий ишларга, масофавий ишларга, ЯТТлар ва уй ишларига жалб қилишга оид меҳнат шартномаси намуналарини алоҳида тақдим этамиз).

☝️Барча иш берувчилар, юристлар ва кадрларга юбориб қўйинг.

👉@yuristkadr

21.9k 6 1.6k

YURISTKADR

21 Nov, 10:08

Консилиум бўлмайдими дейман.

ФИБ Шайхонтоҳур туманлараро судида меҳнат муносабатлари соҳасида чиқаётган охирги қарорларни кўриб ҳайрон қоляпман.

Аслида ҳисоб-китобдаги хатоликлар ҳақидаги мана бу пост ҳам шу судга тегишли эди.

Судларда мураккаб ва янги нормаларни қўллаш масаласида консилиум деган нарслар бўлмайдими дейман. Айниқса, янги тайинланган ва тажрибаси ҳаминқадар бўлган судьялар билан бунга зарурат борку.

Яқинда шу суддаги бир судья иш берувчидан ходимга ундирилган иш ҳақи тўловларини қайтарма ижро қилиш бўйича нотўғри қарор чиқарган эди. Ваҳоланки, ФПКнинг 460-моддасига асосан иш ҳақи тўловлари фақат сохта маълумотлар ва қалбаки ҳужжатлар аралашган бўлса, берилиши мумкин. Бошқа ҳолатларда иш ҳақи қайтарма ижро қилинмайди. Буни ўша қарорни чиқарган судья ҳам биларди, чунки у судьяликка кеча ёки бугун келмаган, тажрибали судья эди. Лекин нимагадир хатто тажрибали судьялар ҳам нотўғри қилаётганини била туриб, шундай қарорлар чиқаряпти.

Ўша қарори бекор бўлиб кетди шу судьянинг, лекин бир фуқаронинг минг сарсон қилинганига ким жавоб беради? Жавобгарлик йўқ деб, истаган қарорини чиқаравериш керакми?

👉@yuristkadr

12.3k 0 27

YURISTKADR

21 Nov, 09:54

Сизда Миграция агентлигининг HR бўлимига раҳбар бўлиш имконияти бор!

Давлат хизматини ривожлантириш агентлиги (АРГОС)нинг вакант лавозимлар ягона порталида Вазирлар Маҳкамаси ҳузуридаги Миграция агентлининг Инсон ресурсларини ривожлантириш ва бошқариш бўлими бошлиғи вакант лавозимига очиқ танлов эълон қилинибди.

Танловда қатнашинг! HR сифатида бу тизимга "ҳалоллик вакцинаси" билан эмланган кадрларни жалб қилишда ўз ҳиссангизни қўшинг!

Аризалар бугундан бошлаб 5 кун давомида қабул қилинаркан.

Ариза юбориш

👉@yuristkadr

11.9k 0 78

YURISTKADR

21 Nov, 07:30

#shokdaman

Биргина вергул ҳаммасини ўзгартириб ташлаши мумкин.

Кеча сиз яхши билган Мухаммадамин Каримжонов билан янги - 758-сонли қарордаги жуда ғалати нарсани муҳокама қилдик.

Яъни, гап Вазирлар Маҳкамасининг 2024 йил 14 ноябрдаги “Ўзбекистон Республикасининг Меҳнат кодексини амалга оширишга оид норматив-ҳуқуқий ҳужжатларни тасдиқлаш тўғрисида”ги 758-сонли қарори ҳақида кетяпти.

Шу қарорнинг 4-иловаси билан тасдиқланган “Алоҳида хусусиятга эга бўлган ишлардаги қисқартирилган иш куни белгиланадиган ходимлар рўйхати”да айрим тоифадаги ходимлар учун қисқартирилган иш вақти меъёрлари белгиланди.

Бунгача Вазирлар Маҳкамасининг 1997 йил 11 мартдаги 133-сонли қарори билан тасдиқланган “Алоҳида тусга эга бўлган ишлардаги қисқартирилган иш куни белгиланадиган ходимлар рўйҳати” ишлар эди.

Тушунган бўлсангиз, 758-сонли қарор билан тасдиқлангани янгиси, 133-сонли қарор билан тасдиқлангани эса, 15 ноябрдан ўз кучини йўқотди.

Аввалги 133-сонли қарор билан тасдиқланган “Алоҳида тусга эга бўлган ишлардаги қисқартирилган иш куни белгиланадиган ходимлар рўйҳати”нинг 16-бандида “Олий ўқув юртлари ходимларининг ўқитувчи-профессорлар таркиби” учун хафтасига 36 соатлик қисқартирилган иш вақти белгиланган эди.

❗️Энди, янги 758-сонли қарор билан тасдиқланган “Алоҳида хусусиятга эга бўлган ишлардаги қисқартирилган иш куни белгиланадиган ходимлар рўйхати”нинг худди шу жойига қараймиз ва ҳайратдан ёқа ушлаймиз: “Олий таълим ташкилотларининг ходимлари, ўқитувчи-профессорлар таркиби – хафтасига 36 соат”.

Яъни, аввалги 133-сонли қарордагисида хафтасига 36 соатлик қисқартирилган иш вақти фақат ОТМ ўқитувчи-профессорлари учун белгиланган бўлса, янги 758-сонли қарордагисида, ўртага вергул қўйиш орқали нафақат ўқитувчи-профессорларга, балки ОТМларнинг бошқа ходимларига ҳам ҳафтасига 36 соатлик иш вақти белгилаб қўйилган.

☝️Аслида Меҳнат кодексининг 184-моддасига асосан 36 соатлик қисқартирилган иш вақти бегиланади деганда педагоглар ходимлар тоифаси назарда тутилган.

Лекин, қуриб кетгур 758-сонли қарорни ёзганлар “...нинг” қаратқич келишигини ва вергулни нотўғри жойлаштириб, катта “иш” қилиб қўйганини ўзи билмайди шекилли😳.

Энди нима бўлади? Энди ОТМлардаги педагог булмаган бошқа ходимлар ҳам “мен ҳам хафтасига 36 соат ишлайман, ана Вергул ака шунақа деяпти” деб дўпписини осмонга отади😉

👉@yuristkadr

17.6k 3 195

YURISTKADR

20 Nov, 21:13

Намангандан қадрдон шогирдимиз Олимхўжа Ахмедов ёзяпти:

"Ассалому алейкум, ака яхшимисиз? Мана бу постингизда айтилган иш бўйича акамга нисбатан қўзғатилган жиноят иши кеча якунига етди.

Жиноят ишлари бўйича Наманган шаҳар суди раиси Самаджон Қодиров суд хукмини ўқиди.

ЖК 167-моддаси бўйича олиб борилган ишда тўлиқ оқланди акам.

Интизомий жазони ўзи нотўғри қўлланилгани, интизомий жазо устамаларни тўлашга тўсқинлик қилмаслиги ўз тасдиғини топди.

Бандлик инспектори ҳам ноқонуний хулоса берган деган хулосага келди суд. Хулоса берилган сана 2024 йил 1 май, лекин хулоса берган инспектор бир кун олдин, яъни 30 апрель куни ишдан бўшаб кетган экан.

Ўзимиз ҳам жуда қаттиқ турдик. Ҳам юрист, ҳам ука сифатида акамнинг ҳимоясида охиригача курашдим. Асосланган қарши далилларимизни судга тақдим қилдик.

Бу ишни қўзғатилиши кимгадир керак бўлиб қолгандек эди гўёки, чунки ишни қўзғатишдан аввал ҳам анча хом эканлиги билиниб турганди. Худога беҳисоб шукур, бу ишдан кимлар "манфаатдор" бўлиши керак бўлса ҳаммасининг устидан ғалаба қилдик. Асосийси, судья С.Қодиров адолат қилди".

P/S: Худога шукур, якунда адолат бўлибди. Олимхўжа виждонли юристлардан. У билан бу иш ҳақида кўп гаплашдик. Ҳам адвокат, ҳам ука сифатида жиноят судидаги биринчи иши эди бу. Энг муҳими, биринчи ишида, бўлиб ҳам, ўз акасининг ишида муваффақият қозонгани жуда ҳурсанд қилди одамни. Инсофсизларга эса, худонинг ёзгани бор. У дунёда эмас, айни шу дунёда қайтиши ҳам ҳақиқатдан узоқ эмас. Уят ҳам бўлиши керак экан инсонда.

👉@yuristkadr

YURISTKADR

Даҳшат!!! Интизомий жазоси бор ходимга устама тўланганлиги учун, ана шу тўланган устамани асоссиз тўланган дея раҳбарга Жиноят кодексининг 167-моддасиги асосан жиноят иши қўзғатилибди. Нималар бўляпти ўзи? Ахир амалдаги Меҳнат кодексининг 299-моддасида интизомий жазоси амалда бўлган ходимларга р...

12k 0 75

Показано 20 последних публикаций.

54 387

подписчиков

Статистика канала

Язык сайта

3 урока по Telegram бесплатно

Создай группу с платными сообщениями

Есть интересный контент?

YURISTKADR

Гео и язык канала

Категория

54 387

Популярное в канале