Sizning yuristingiz

Энди иш ҳақи ва иш стажини тасдиқлаш тўғрисидаги архив маълумотномасини онлайн олиш мумкин

Ягона интерактив давлат хизматлари порталининг хабар беришича, бундан кейин иш ҳақи ва иш стажини тасдиқлаш тўғрисидаги архив маълумотномасини олиш ортиқча оворагарчиликсиз амалга оширилади.

Бунинг учун дастлаб Ягона порталда рўйхатдан ўтиш, сўнгра «Маълумотномалар» бўлимидан «Иш ҳақи ва иш стажини тасдиқлаш тўғрисидаги архив маълумотномасини олиш» хизматини топиш зарур бўлади.

Платформадаги сўровнома меҳнат фаолиятини юритган давр ҳақидаги маълумотлар асосида тўлдирилиши лозим.

Мазкур давлат хизматидан фойдаланиш бепул, шунингдек, ЭРИ ҳам талаб этилмайди.

Сўровнома келиб тушган вақтдан бошлаб:

▪️иш стажини тасдиқлашга оид маълумотномалар учун — 5 иш куни

▪️иш ҳақини тасдиқлашга оид маълумотномалар учун — 20 иш кунидан ошмаган муддатда тегишли QR-кодли маълумотнома шакллантирилиб, ЯИДХП орқали электрон шаклда юборилади.

Дўстларингизга ҳам улашинг
🔎@Tsul_resources🔎

#ИБРАТЛИ ХИКОЯЛАР

​​«Пул ўзингники, лекин ресурслар барчаники»

Олмонияга (Германия) ўқишга борган бир араб йигит ҳикоя қилади.

Олмония саноатлашган, ўта ривожланган давлат. У ерда турли соҳаларга оид маҳсулотларнинг саралари ишлаб чиқарилади. Кўпчилик, бу мамлакат аҳолиси ниҳоятда тўкин-сочин, ўта дабдабада яшайди, деб ўйлайди. Сафаримдан олдин мен ҳам шу фикрда эдим. Ҳамбург шаҳрига келиб тушганимда, у ердаги танишларим бир ресторанда зиёфат уюштиришди. Ресторанга бордик. Қарасак, ресторанда одам кам, бир нечта ёши улуғ аёллар бор, бир четдаги столда ёш эр-хотин ўтирибди. Олдиларида иккита тарелка овқат ва иккита ичимликдан бошқа нарса йўқ. Биз ҳам бир столга ўтирдик, қорин ҳам очқаб кетганди, шундан шеригим кўпгина овқат буюртма берди. Ресторан тинч экан, овқат ҳам тезда келди.

Овқатланиб бўлиб, туриб кетаётганимизда овқатни деярли учдан бири тарелкада ортиб қолган эди. Ресторан эшигига етиб бормаган ҳам эдикки, кимдир бизни чақирди, қарасак ёши улуғ хонимлар ресторан бошлиғига нималарнидир гапиришяпти. Билсак, улар кўп овқат қолдириб кетаётганимиздан норози эканлар. Шеригим: “Ўзимиз буюртма берган овқат, пулини тўладик, сизларга дахли бўлмаган нарсага нега аралашасизлар”, деди. Хонимлардан бири бизга қаттиқ ғазаб билан қараб турди-да, телефон олдига бориб, кимгадир сим қоқди…

Кўп ўтмасдан, расмий кийимда бир киши кериб келди, ўзини «ижтимоий таъминот муассаса»сининг зобити деб таништирди. Бизга 50 марка (пул бирлиги) жарима солди. Биз жавоб қайтаролмадик. Шеригим узр сўраб 50 марка тўлади. Зобит самимий оҳангда: «Ортиб қолмаслигига кўзларинг етган таомни буюртма беринглар, пул ўзларингники, лекин ресурслар барчаники. Дунёда кўплаб одамлар ресурс, озиқ-овқат тақчиллигига дуч келмоқда, сизлар эса беҳудага кетказяпсизлар». Биз роса хижолатда қолдик. Унинг гаплари ҳақ эди.

Биз шуни тафаккур қилишимиз керак, бизнинг юртларда (Араб давлатлари) ўзи ресурс кўп эмас, шундай бўлса ҳам, бировни чақирсак, одамлар нима дейди, деб, кўп егуликлар харажат қилиб юборамиз. Натижада кимлардир зор бўлаётган кўплаб овқатлар исроф бўлиб қолиб кетади. Бу биз учун амал қилишимиз керак бўлган дарс бўлди.

Шеригим ўша жиноят қоғозини суратга олиб, ҳар биримизга эсдалик сифатида биттадан нусха берди. Биз уни ҳеч қачон исроф қилмаслигимизни эслатиб турсин, деб хонамиз деворига осиб қўйдик… «Пул ўзингники, лекин ресурслар барчаники».

Бу ҳикматни ҳар қачон овқатланганимизда, ёки душ қабул қилганимизда, ёки ресурслардан, масалан, электр, газ, сув ва ҳаказо… қай бири бўлсин, ишлатаётганимизда эслашимиз керак. Ресурсларнинг барчаси Аллоҳнинг неъмати, агар биз уни исроф қилиб юборсак, оқибатда унга зор бўлиб қолишимиз мумкин. Уни ато қилган Роббимизга шукр қилиб, уни тежаб, керагича ишлатсак, Роббимиз уни яна ҳам зиёда қилади.

Аллоҳ таоло марҳамат қилган: “Еб-ичинг, (лекин) исроф қилманг! Чунки У зот исроф қилувчиларни севмас”.

Муҳаммад Яҳёхон Муҳаммадхон ўғли таржимаси

1 августдан сўнг "импорт машина" нархи қанча бўлади?

Norma экспертлари енгил автомобиллар мисолида импорт қилинадиган транспорт воситалари нархи қанчага ўзгаришини маълум қилишди.

Дейлик, ҳажми 1000 куб см.дан ортиқ бўлмаган двигателга эга автомобилнинг нархи — 6000 доллар.

2020 йил 1 августга қадар:

✅Божхона тўлови — 3240$ (автомобиль ўртача нархининг 54%и);
✅Акциз солиғи — 1920$ (автомобиль ўртача нархининг 32%и);
✅ҚҚС — 1674$ (автомобиль ўртача нархининг, божхона тўлови ва акцизнинг 15%и);
✅Божхона йиғими — 25$
✅Утилизация йиғими — 0.

Шунда жами “растаможка” тўлови 6859$ бўлиб, автомобилнинг охирги нархи 12 859 долларни ташкил қилади.

2020 йил 1 августдан кейин:

✅Божхона тўлови — 3240$ (автомобиль ўртача нархининг 54%и);
✅Акциз солиғи — 0;
✅ҚҚС — 1386$ (автомобиль ўртача нархининг, божхона тўлови ва акцизнинг 15%и);
✅Божхона йиғими — 25$
✅Утилизация йиғими — 659$ (БҲМнинг 30 баравари долларда).

Шунда жами “растаможка” тўлови 5310$ бўлиб, автомобилнинг охирги нархи 11130 долларни ташкил қилади. Фарқ — 1549$.

Шу билан бирга, ҳажми 3000 куб см.дан ортиқ бўлган ва 3500 куб см.дан юқори бўлмаган двигателга эга автомобилнинг нархи 30000 доллар. 1 августдан унинг нархи 6740 долларга арзонлашади.

Шундай қилиб, 1000 куб см.гача бўлган ҳажмли двигателга эга автомобиллар нархи 12%га, 3000 куб см.дан ортиқ бўлган ва 3500 куб см.дан юқори бўлмаган ҳажмли двигателга эга автомобиль нархи эса 10%га арзонлайди, деб хулоса қилади Norma экспертлари.

Айтишларича, 1 августдан жорий этилаётган утилизация йиғими UzAutoMotors автомобиллари нархининг ошишига олиб келмайди.

❗️Айрим транспорт воситаларига утилизация йиғими жорий этилади

“Ғилдиракли транспорт воситалари, ўзиюрар машиналар ва уларнинг тиркамалари учун утилизация йиғимини жорий этиш тўғрисида” Ҳукумат қарори қабул қилинди.

Қарор билан 2020 йил 1 августдан утилизация йиғими ставкалари ва утилизация йиғими тўланадиган ғилдиракли транспорт воситалари, ўзиюрар машиналар ва уларнинг тиркамалари турлари ва тоифаларининг рўйхати тасдиқланди.

☑️ Транспорт воситаларини “эркин муомалага чиқариш” (импорт) божхона режимида расмийлаштирадиган жисмоний ва юридик шахслар ёки Ўзбекистон ҳудудида сотиладиган ғилдиракли транспорт воситалари, ўзиюрар машиналар ва уларнинг тиркамаларини ишлаб чиқарадиган (йиғадиган, тайёрлайдиган) жисмоний ва юридик шахслар утилизация йиғими тўловчилари ҳисобланади.

❌ Қуйидаги транспорт воситаларига утилизация йиғими тўланмайди:

👉 дипломатик ваколатхоналарга ёки консуллик муассасаларига, халқаро ташкилотларга, шунингдек уларнинг Ўзбекистон фуқаролиги бўлмаган, дипломатик мақомга эга бўлган ходимлари ва уларнинг оила аъзоларига тегишли транспорт воситалари;

👉 ишлаб чиқарилганидан 30 ва ундан ортиқ йил ўтган L ва M1 тоифали, шунингдек, ишлаб чиқарилганидан 50 ва ундан ортиқ йил ўтган, йўловчи ва юкларни тижорат мақсадида ташишга мўлжалланмаган, асл двигатели ва кузови билан асл ҳолатида сақланган ёки асл ҳолати тикланган М2, М3 ва N тоифали транспорт воситаларига;

👉 Ўзбекистонга олиб кирилиб “вақтинчалик олиб кириш” божхона режимига расмийлаштирилган транспорт воситаларига.

@huquqiyaxborot

Албатта, хурсандчилик совимасдан шуни айтиш керакки, май ойида ОАВда ва ижтимоий тармоқларда эълон қилинган материаллардан шу нарсани кутиш мумкинки, яқин орада автомобиллар учун утилизация йиғими жорий этилиши ҳам мумкин. “Ифлослантирувчи тўлайди” тамойили асосида, албатта.

Yuristlar haqida qiziqarli faktlar
Yurisprudensiya –ko’pchilik uchun tushunarli bo’lmagan, ammo jamiyat hayoti uchun muhim faoliyat sohalaridan biridir. Ushbu maqolada keltirilgan faktlarni o’qib, bu sohaga yanada qiziqishingiz ortadi:
1.Huquqshunoslik sohasidagi atamalarning aksariyat qismi antik davrda paydo bo’lgan. Masalan, "prokuror" so’zi lotin tilidan olingan bo’lib, “g'amxo'rlik qiladigan odam", "yurist" so’zi "huquq", “notarius” esa “yozuvchi” deb tarjima qilinadi. Bu so’zlarning barchasi hozirda o’lik til hisoblanuvchi, qadimiy lotin tilidan olingan.
2. Har kim ham mukammal yuridik ta’lim olaolmaydi, agar siz yuridik sohani yaxshi o'zlashtirgan bo'lsangiz, yurist yoki advokat sifatida ishlamasangiz ham, bilimingizdan hayotingiz davomida maksimal foydalana olasiz. Mahatma Gandi, Fidel Kastro, Vladimir Lenin – haqiqiy mutaxassisligi bo’yicha yurist. Ularga yuridik soha qanday foyda keltirganligini tarjimayi holi orqali ko’rishingiz mumkin. Yurist siyosatchi bo'lishi mumkin, ammo siyosatchi yurist emas. Bu kasbning qiymati oltinga arziydi.
3. Tibbiyot xodimlari singari, yuristlarning faol ishlatadigan so'z va so’z birikmalari soni 15 000 so'zni tashkil etadi. Taqqoslash uchun: qishloq xo'jaligi vakillari esa1500 so'zdan faol foydalanadilar.
4. Shu vaqtga qadar 45 nafar saylangan Amerika Qo’shma Shtatlari prezidentlarining 28 nafari mutaxassisligiga ko’ra yurist(huquqshunos) bo’lishgan. U 62 % degani. Bugungi kunda AQSH Senatining 2/3 qismini yuristlar tashkil etadi.
5. Har yili Rossiyada 150 ming nafar yurist oliy ta’lim muassasasini tamomlaydi, 20% qismi Moskvada. Yuristlarni tayyorlash uchun 1165 ta OTM mavjud. Natijada, har 200 kishiga 1 yurist to’g’ri keladi. AQShda esa 270 kishi uchun bitta yurist to’g’ri keladi.
6. O’zbekistonda 3781 nafar advokat mavjud bo’lib, 47 % advokat Toshkent shahrida faoliyat olib boradi. 2,6 ming nafar yuridik xizmat xodimi mavjud. Taxminan har 8400 kishiga 1 ta advokat to’g’ri keladi.
7. Fransiya qiroli Lyudovik XII yuristlarni etikdo’zlarga o’xshatgan va “ular kerakli shaklga ega bo’lish uchun qirqadi, tikadi, eritadi, cho’zadi “ der edi. Yaroslav Gashekning fikricha yaxshi advokat sizni boshqa bir inson aslida inson emas hayvon ekanligiga ishontiraoladi.
8. Buyuk Britaniyaning kelajakni bashorat qilish bilan shug’ullanadigan “Fast Future” agentligi 2030-yilga borib, eng ommabop va mashhur kasb – “virtual yurist” bo’ladi deb hisoblaydi.
9. Bir qancha davlatlarda “Yuristlar kuni” kasb bayrami sifatida nishonlanadi. Xususan, Rossiyada 3-dekabr, Meksika va Gvatemalada 12-iyul, Ekvadorda esa 20-fevral kasbdoshlarimizning bayrami hisoblanadi. O’zbekistonda esa yuristlar uchun umumiy kasb bayrami bo’lmasa-da, 8-yanvar “Prokuratura xodimlari kuni” hisoblanadi.
10. Dunyodagi birinchi huquqshunos sifatida – Hammurapi bilinadi, u birinchi marta Qonunlarni kitob shaklida yozdirgan va ular “Hammurapi qonunnlari” nomi bilan tarixda qolgan.
Ushbu ma’lumotlar qiziqarli bo’lmasligi mumkin, ammo o’z kasbingizdan faxrlanishingizga sabab bo’lsa, maqoladan ko’zlangan maqsadga erishilgan bo’ladi.
Yuridik.uz saytidan foydalanildi