ЁЗЁВОН ТУМАН ҲОКИМЛИГИ

ЯНГИБЎСТОН МФЙДА ҚАДАММА-ҚАДАМ
ўрганишлар олиб борилиб, муаммолар ҳал этилмоқда


Юртимизда сўнги йилларда туман марказидан олисдаги маҳаллаларга эътибор яхшиланиб, аҳолини рози қилиш, орзу-истакларини рўёбга чиқариш борасида бир қанча ижобий ишлар амалга оширилмоқда.

Туман ҳокими Дилшоджон Джалилов Янгибўстон МФЙга ташриф буюриб, тегишли масъуллар, маҳалла еттилиги томонидан маҳаллада қилинган ишлар юзасидан МФЙ маъмурий биносида йиғилиш ўтказди. Туман ҳокими йиғилиш аввалида аҳолини рози қилиш, камбағалликни қисқартириш ва бўш иш ўринларини яратилишига алоҳида урғу бериб ўтди.

Бу йўналишларда амалга оширилган ишлар бўйича МФЙ еттилиги ҳамда масъулларнинг ахборотлари эшитилди.

Маҳаллада қилинган ишлар танқидий-таҳлилий кўриб чиқилди.

Маҳаллада Сайҳунобод тажрибаси асосида 7 тадан хонадон танлаб олиш ва амалга оширилаётган ишларни якунлаш, пиллачиликни ривожлантириш, аҳоли бандлигини таъминлаш учун хонадонларда пилла етиштиришни йўлга қўйиш, дехқон хўжалиги учун берилган ер майдонларидан унумли фойдаланиш, экин турлари ва бошқа амалга ошилиши лозим бўлган ишлар, маҳалла фаол аёли фаолиятини ўрганиш, ишсиз хотин-қизларни иш билан таъминлаш, уларни муаммолари билан ишлаш, ҳудудда ёшларни бўш вақтини мазмунли ташкил этиш, уларни ҳар томонлама қамраб олиш бўйича чора-тадбирлар ишлаб чиқиш, спорт ва бошқа мусобақалар ташкил этиш, маҳаллани таъминловчи асосий электр тармоқларини авария ҳолатлари учун тармоқдан узувчи қурилма ўрнатиш, ҳудуддаги ДМТТда озиқ-овқат сифатини текшириш, таъминотчи томонидан етказиб берилган сифатсиз маҳсулотларни қайтариш чораларини кўриш, боғча ёшидаги болаларни тўлиқ қамраб олиш, тегишли масъуллар билан ишчи гуруҳ тузган ҳолда ижтимоий ҳимояга муҳтож оилаларни аниқлаш, ҳудудни хатловдан ўтказиш ҳамда амалий ёрдам бериш чораларини кўриш, Ўзбекистон Республикаси Президентининг виртуал ҳамда Халқ қабулхоналари орқали бир неча бор мурожаат қилган фуқаро Ў.Қурбонованинг фарзандини бепул даволатиш чораларини кўриш, ҳудудда бўш турган бинони “Нуронийлар маскани”га айлантириш, ишчи гуруҳ тузган ҳолда ҳудуддаги бўш турган, самарасиз фойдаланилаётган бинолар, ер майдонларини аниқлаш, улардан самарали фойдаланиш бўйича таклиф киритиш масалаларида тегишли масъуллар сусткашликка йўл қўйганликлари ҳамда жамоат назоратининг йўқлиги аниқланди.

Маҳаллани қадамма-қадам юриб ўрганиш давомида хонадонларга кирилди. Томорқадан самарасиз фойдаланаётган фуқароларга йўл-йўриқ кўрсатиш кераклиги топшириқ қилинди. Отабек Маматисақов томонидан 2017 йилда нол қийматда олинган ер майдонида ишчи ўрни яратилмагани, ободонлаштириш ишлари олиб борилмагани ҳақли эътирозларга сабаб бўлди.

Ўрганилганда аниқланган муаммо ва камчиликларни бартараф этиш бўйича ишлар бошлаб юборилди. Соҳалар бўйича ишлар олиб борилмоқда. Маҳалладаги нуронийлар вакили Ҳабибулло Шерматов шу пайтгача ҳеч бир ҳоким амалдаги туман ҳокимичалик эътиборли бўлмаганини алоҳида таъқидлади. Бунинг учун аҳоли вакиллари номидан миннатдорчилик билдирди.

Туман ҳокими маҳаллада аниқланган камчиликлар юзасидан масъулларга муддатли топшириқлар берилди.

Янгибўстонда ҳаёт қайнамоқда. Барчаси инсон қадри учун амалга оширилмоқда.

✅Telegram | ✅Facebook | 🌍Web sayt