Yosh yuristlar jamoat birlashmasi

❗️ Endi, jarima ballari oshib ketsa, haydovchi transport vositasini boshqarish huquqidan mahrum qilinadi

Ma'muriy javobgarlik to‘g‘risidagi kodeksga kiritilgan qo‘shimchalarga ko‘ra, yo‘l harakati qoidalarini buzgan haydovchilarga jarima ballari hisoblanadi. Agar bu ballar 12 dan oshsa, haydovchi transport vositasini boshqarish huquqidan mahrum qilinadi.

Quyidagi holatlar uchun ma'muriy javobgarlik belgilandi:

🔹 Siqilgan tabiiy gazda, suyultirilgan neft gazida yoki dizel va gazsimon yoqilg‘i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

🔹 Transport vositasida odam tashish qoidalarini buzganlik uchun;

🔹 Transport vositalarini quvib o‘tish qoidalarini buzganlik uchun;

🔹 Yo‘l bezoriligi uchun;

🔹 Huquqni muhofaza qiluvchi organlar xodimlarining foto- va (yoki) videotasvirini ularning obro‘sizlanishiga olib keladigan tarzda buzib tarqatganlik uchun.

Yo‘l harakati qoidabuzarliklari bo‘yicha hisoblanadigan jarima ballari belgilangan miqdordan oshganligi uchun ma'muriy jazo qo‘llanilanadi. Bunda:

➖ Belgilangan huquqbuzarliklar sodir etilganligi uchun transport vositasi haydovchisiga mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima ballining eng yuqori miqdori 2 balldan oshmasligi kerak.

➖ Jarima ballari belgilangan huquqbuzarliklardan biri birinchi marta sodir etilgan kundan boshlab bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o‘tgach transport vositasi haydovchisidan avtomatlashtirilgan tarzda yechiladi.

➖ Hisoblangan jarima ballari bir yil davomida 12 balldan oshgan holatlarda, oxirgi sodir etilgan huquqbuzarlik uchun belgilangan tartibda qo‘shimcha jazo sifatida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo‘lmasligi belgilandi.


👉 @xushnudbek 👈

🟠🟠🟠🟠 🟦🟦🟦🟦🟦
2025-yil 1-yarmida Huquqshunoslik fanlaridan Milliy sertifikat imtihonlari tashkil etilmaydi.

📊BMBA tomonidan umumta'lim fanlaridan 2025-yilning 1-yarmida bo‘lib o‘tadigan sertifikat imtihonlari jadvali eʼlon qilindi.

👨‍💻Jadvalga koʻra umumta'lim fanlarini bilish darajasini aniqlash test sinovlari 9 ta – ona (o‘zbek, qoraqalpoq, rus) tili va adabiyot, matematika, fizika, kimyo, biologiya, tarix va geografiya fanlaridan milliy sertifikat imtihonlari o‘tkazilishi aytib oʻtilgan.

💻BMBA tomonidan eʼlon qilingan roʻyxatdan yangi fanlar, shuningdek Huquqshunoslik fanlaridan milliy sertifikat imtihonlari oʻtkazilishi nazarda tutilmagan.

✅Buning asosiy sababi sifatida esa «Yuridik taʼlim» kanali manbasiga koʻra Vazirlar Mahkamasining 2020-yil 12-oktabrdagi 646-son qaroriga tegishli oʻzgartirish kiritilmagani hisoblanadi. Ushbu Hukumat qaroriga Huquqshunoslik fanlaridan ham Milliy sertifikat imtihonlari tashkil etish belgilanidan soʻng bu borada yangilik boʻlishi mumkin.

© Manba: «Yuridik ta'lim».

Bizning kanalga obuna boʻling
✅@yoshyuristlar

#savolningjavobi

SAVOL: Men xotim bilan besh oydan buyon birgalikda yashamayapman, lekin xotinim hozirda homilador, shunday holatda men sudga nikohdan ajratish haqida da’vo arizasi berishim mumkinmi?

⚡️JAVOB: Yo`q.

Xotin homiladorlik vaqtida va bola tug‘ilganidan keyin bir yil mobaynida er xotinining roziligisiz nikohdan ajratish to‘g‘risida ish qo‘zg‘atishga haqli emas. Shu sababli, bunday da’vo arizasini qabul qilish sud tomonidan rad qilinadi.

✅Shu sababli bu holatda xotinning roziligi olinishi kerak. Lekin bu xotin tomonidan ariza berishni cheklamaydi.

Asos:O‘zbekiston Respublikasi Oliy sudi Plenumining qarori, 20.07.2011 yildagi 06-son. oltinchi band ikkinchi qism.

Bizni kuzatishda davom eting!
@yoshyuristlar

#savolningjavobi

SAVOL: Begona odam biron bir shaxsni rasmlarini yoki videoga olib videolarini tarqatsa usha odam qanday javobgarlikka tortiladi va va agarda javobgar qilish mumkin bo'lsa qayerga murojat qilish kerak iltimos to'liq malumot yoza olasizmi bu men uchun juda ham muhim oldindan katta raxmat.

JAVOB:Albatta javobgarlik bor. Shaxsga doir ma`lumotlarni shaxsning roziligisiz yig`ish ham uni tarqatish ham qonunan taqiqlanadi va buning uchun javobgarlik mavjud.

1️⃣Birinchi martta sodir etilsa: Ayni mazkur harakat uchun Ma`muriy javobgarlik to`g`risidagi kodeksning 46 prim 2-moddasiga ko`ra,
fuqarolarga bazaviy hisoblash miqdorining yetti baravari, mansabdor shaxslarga esa — ellik baravari miqdorida jarima solishga sabab bo‘ladi.

2️⃣Bir yilda takrorn mazkur harakat amalga oshirilsa Jinoyat kodeksining 141-prim 2-moddasiga ko`ra,
bazaviy hisoblash miqdorining yuz baravaridan bir yuz ellik baravarigacha miqdorda jarima yoki uch yilgacha muayyan huquqdan mahrum qilish yoxud ikki yilgacha axloq tuzatish ishlari bilan jazolanadi.

3️⃣Yuqoridagi harakat 🔻
a) bir guruh shaxslar tomonidan oldindan til biriktirib;
b) takroran yoki xavfli retsidivist tomonidan;
v) g‘arazli yoki boshqa past niyatlarda;
g) xizmat mavqeyidan foydalangan holda sodir etilgan bo‘lsa;
d) og‘ir oqibatlarga sabab bo‘lsa, — to`g`ridan-to`g`ri jinoyat hisoblanadi va quyidagicha javobgarlikka sabab bo`ladi

bazaviy hisoblash miqdorining bir yuz ellik baravaridan ikki yuz baravarigacha miqdorda jarima yoki ikki yildan uch yilgacha axloq tuzatish ishlari yoki bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.(qamoq)

⚠️Endi savolning ikkinchi qismiga kelsak. Qayerga murojaat qilish kerak. Jinoyat protsessual kodeksning 345-moddasi ikkinchi qismiga asosan JK 141-moddaga doir ishlar prokuratura organlarining tergoviga tegishliligi sababli bu holatda hududingizdagi prokuratura organlariga murojaat qilishingiz kerak bo`ladi.

Bizni kuzatishda davom eting!
@yoshyuristlar

❗️Nikoh yoshiga amal qilmaganlik uchun quyidagicha javobgarlik mavjud:

👰‍♀️🤵Nikoh yoshiga yetmagan shaxsga uylanish yoki erga tegish:

🔻Ma`muriy javobgarlik👉 BHM 5-10 barobarigacha jarima
🔺Jinoiy javobgarlik 👉BHM 20-30 baravari miqdorda jarima yoki 240 soatgacha majburiy jamoat ishlari yoxud bir yilgacha axloq tuzatish ishlari bilan jazolanadi.

🧔‍♂️👵Ota-ona yoki ularning o‘rnini bosuvchi shaxslar tomonidan nikoh yoshiga yetmagan shaxsni erga berish yoxud uylantirish:

🔻Ma`muriy javobgarlik👉 BHM 7-15 barobarigacha jarima
🔺Jinoiy javobgarlik 👉BHM 30-50 baravari miqdorda jarima yoki 240-300 soatgacha majburiy jamoat ishlari yoxud ikki yilgacha axloq tuzatish ishlari bilan jazolanadi.

👳‍♂️Diniy marosimni amalga oshirgan shaxslar:

🔻Ma`muriy javobgarlik👉 BHM 15-30 barobarigacha jarima
🔺Jinoiy javobgarlik 👉BHM 75-150 baravari miqdorda jarima yoki 360-400 soatgacha majburiy jamoat ishlari yoxud 2-3 yilgacha axloq tuzatish ishlari bilan jazolanadi.


🧮BHM bir baravari bugungi kun holatida 375 ming so`m

Bizni kuzatishda davom eting!
@yoshyuristlar