Yoshlar Parlamenti / Молодежный Парламент / Youth Parliament

“Debat Xoll”da “Iqtisodiyot va tadbirkorlik” mavzusida navbatdagi teledebat boshlandi

Partiyalar o’rtasida bo’lib o’tayotgab debatda “Adolat” SDP partiyasidan Yoshlar Parlamenti raisi B.To’xtamurodov ishtirok etmoqda.

Debatlarni quyidagi telekanallarda jonli efirda tomosha qilishingiz mumkin: O‘zbekiston Milliy media birlashmasiga a’zo telekanallar — "Mening yurtim", "Renessans", "Sevimli", "Zo‘r TV" va "Uzreport" (o‘zbek tilida), "Dunyo bo‘ylab" (rus tilida) hamda "Foreign languages" (ingliz tilida). Shuningdek, Milliy media birlashmasi va Xalqaro press-klubning YouTube kanallarida ham bevosita efirni kuzatish imkoniyati mavjud.

Hurmatli ustozlar, aziz murabbiylar!

Sizlarni 1-oktabr “Ustoz va murabbiylar kuni” bilan chin dildan muborakbod etamiz!

Yoshlar parlamenti nomidan Sizning mehnatingiz, sabr-toqatingiz va bilim berishdagi fidoyiligingiz uchun minnatdorchilik bildiramiz. Har bir o'quvchining hayotida sizning rolingiz beqiyosdir.

Mehribon ustozlar, fidoiy faoliyatingizda sharaflar, cheksiz muvaffaqiyatlar tilab qolamiz!

📱Bizni kuzatib boring👇

Rasmiy sayt | YouTube | Instagram

Markaziy Osiyo davlatlarining ikkinchi parlamentlararo forumida Yoshlar parlamenti a'zolari tomonidan mintaqa darajasidagi asosiy ijtimoiy-iqtisodiy masalalarni hal etishda yoshlarning ishtiroki muhokama qilindi.

Sessiya ishtirokchilari bugungi kunda Markaziy Osiyo mamlakatlarida Yoshlar parlamenti orqali kelajak bunyodkorlari siyosiy jarayonlarga o‘z hissasini qo‘shib kelayotgani, muhim qarorlar qabul qilishda faol ishtirok etayotganini taʼkidlab, bu boradagi ishlarni yana-da jadallashtirish, o‘zaro tajriba almashish zarurligini qayd etishdi.

O‘z navbatida, Senat huzuridagi Yoshlar parlamenti raisi Behzod To'xtamurodov Prezidentimiz tomonlaridan Oʻzbekistonda yoshlarga oid siyosatga katta eʼtibor, ularning tashabbuslari bilan Oliy Majlisi palatalari qoshida Yoshlar parlamentlari tashkil etilganligi, hamda ularning faoliyati boʻyicha qisqa toʻxtalib oʻtdi.

Shu bilan birga, Yoshlar parlamenti tomonidan xalqaro miqqiyosda olib borilgan hamkorliklar, xususan MDH davlatlarining yoshlar parlamentlari bilan aloqalar, BMTning Bolalar jamgʻarmasi (UNIСEF) bilan yoshlarning ijtimoiy va psixologik farovonligini oshirish sohasida, giyohvandlik vositalari va psixotrop moddalarning noqonuniy aylanishi aholi salomatligiga salbiy taʼsirini bartaraf etish yuzasidan esa BMTning Giyohvandlik va jinoyatchilik boʻyicha boshqarmasi (UNODC) bilan bilan aloqalarni mustahkamlanganligi toʻgʻrisida soʻz olib borildi.

Sessiyada Markaziy Osiyo mamlakatlari Yoshlar parlamentlari o‘rtasida hamkorlik aloqalarini yana-da mustahkamlash, hududlarni ijtimoiy-iqtisodiy rivojlantirish strategiyalarini ishlab chiqish hamda amalga oshirish jarayonida ularning faol ishtirok etishini taʼminlash bo‘yicha takliflar bildirildi.

📱Bizni kuzatib boring👇

Rasmiy sayt | YouTube | Instagram

Aziz yurtdoshlar!

Mustaqilligimizning 33 yilligi munosabati bilan Yoshlar parlamenti barchangizni tabriklaydi!

Ushbu muhim sana – xalqimizning erkinlikka, mustaqillikka erishish yo‘lidagi mashaqqatli, ammo shonli yo‘lini ifodalaydi.

Kelajakda ham Vatanimiz yanada yuksalib, gullab-yashnashi uchun barchamiz birgalikda hissa qo‘shishda davom etamiz.

“Bir bo‘lsak – yagona xalqmiz, birlashsak – Vatanmiz!”

📱Bizni kuzatib boring👇

Rasmiy sayt | YouTube | Instagram

🇺🇿🇺🇿🇺🇿

Toshkentda O‘zbekiston va Belarus yosh parlament aʼzolarining uchrashuvi bo‘lib o‘tdi
———
В Ташкенте состоялась встреча молодых парламентариев Узбекистана и Беларуси

Senat.uz | Facebook | Instagram | Youtube | Virtual murojaat | Mediateka | Yoshlar parlamenti

“Senator va yoshlar” uchrashuvi

O‘zbekiston Respublikasi davlat mustaqilligining 33 yilligi munosabati bilan “Bir bo‘lsak – yagona xalqmiz, birlashsak – Vatanmiz!” shiori ostida Oliy Majlis Senatining Mudofaa va xavfsizlik masalalari qo‘mitasi raisi o‘rinbosari, Yoshlar parlamenti aʼzolari va harbiy xizmatchilar ishtirokida yoshlarni vatanparvarlik ruhida tarbiyalashga qaratilgan targ‘ibot-tashviqot uchrashuvi Axborot kommunikatsiya texnologiyalari va aloqa harbiy institutida bo‘lib o‘tdi.

Uchrashuv davomida Qo‘mita raisi o‘rinbosari T.Madumarov va parlament aʼzolari harbiy qismda yaratilgan sharoitlar, harbiy xizmatchilarning jangovar shayligi bilan tanishishdi. Tadbirda safdoshlariga o‘rnak bo‘layotgan faol xarbiy xizmatchilarga sovg‘alar berildi va bayram tabrigi yo‘llandi.

Mustaqillikning milliy qadriyatlari va anʼanalarning ahamiyati hamda yoshlarning mamlakat kelajagidagi roli haqida Yoshlar parlamenti a'zolari tomonidan maruzalar qilindi.

Vatanparvarlik targ‘ibotiga bag‘ishlangan tadbir bo‘lib o‘tdi.

Toshkent viloyatidagi Chirchiq oliy tank qoʻmondonlik-muhandislik bilim yurtida Oʻzbekiston Respublikasi davlat mustaqilligining 33 yilligi munosabati bilan “Bir boʻlsak - yagona xalqmiz, birlashsak – Vatanmiz” shiori ostida yoshlarni vatanparvarlik ruhida tarbiyalashga qaratilgan targʻibot tadbiri boʻlib oʻtdi.

Tadbirda Senatning Yoshlar, madaniyat va sport masalalari qo'mitasi raisi o‘rinbosari Diloram Tashmuxamedova, Yoshlar parlamenti aʼzolari, Qurolli kuchlar faxriylari va harbiy xizmatchilar ishtirok etishdi.

Mazkur tadbirda Qo'mitasi raisi o‘rinbosari Diloram Tashmuhamedova, Yoshlar parlamenti raisi Behzod To'xtamurodov hamda Qurolli kuchlar faxriysi so‘z olib, Qurolli Kuchlar tizimida amalga oshirilgan islohotlar, o‘tgan davr mobaynida mehnatkash xalqimiz o‘zining mustahkam irodasi, matonatini namoyon etib, O‘zbekiston mustaqil davlat sifatida bor bo‘y-bastini butun dunyoga namoyon qilayotganini misollar orqali e’tirof etildi hamda yoshlarni ona vatanga muhabbat, yurtga sadoqat ruhida tarbiyalash borasida fikr mulohazalar bildirishdi.

Tadbir yakunida ishtirokchilar o‘zlarini qiziqtirgan savollarga javoblar olishdi.

📱Bizni kuzatib boring👇

Rasmiy sayt | YouTube | Instagram

Xorazm viloyatida “Senator va yoshlar” uchrashuvi bo'lib o'tdi.

O‘zbekiston Respublikasi davlat mustaqilligining 33 yilligi munosabati bilan “Bir bo‘lsak – yagona xalqmiz, birlashsak – Vatanmiz!” shiori ostida O‘zbekiston Respublikasi Oliy Majlisi Senati a’zosi Sadullaeva Faroxat Aminovna, Yoshlar parlamenti a’zolari va harbiy xizmatchilar ishtirokida yoshlarni vatanparvarlik ruhida tarbiyalashga qaratilgan targ‘ibot-tashviqot uchrashuvi bo‘lib o‘tdi.

Tadbirda Oliy Majlisi Senati a’zosi Sadullaeva Faraxat va Yoshlar parlament a’zosi Qo‘chqorov Quranboylar harbiy qismda yaratilgan sharoitlar, harbiy xizmatchilarning jangovar shayligi bilan tanishishdi.

Tadbir davomida safdoshlariga o‘rnak bo‘layotgan faol xarbiy xizmatchilarga sovg‘alar berildi va bayram tabrigi yo‘llandi.

Ko‘p millatli xalqimizning tinchligi yo‘lida sharafli, mas’uliyatli burchini – Vatanni himoya qilishdek buyuk vazifani ado etayotgan, oddiy askar va serjantlarga, Vatanga sadoqat bilan xizmat qilish yo‘lida kuch-quvvat va katta muvaffaqiyatlar tilashdi.

📱Bizni kuzatib boring👇

Rasmiy sayt | YouTube | Instagram

“Senator va yoshlar” uchrashuvi

Buxoro garnizonidagi harbiy qismda Oʻzbekiston Respublikasi davlat mustaqilligining 33 yilligi munosabati bilan "Bir boʻlsak - yagona xalqmiz, birlashsak - Vatanmiz" shiori ostida Oliy Majlisi Senati aʼzosi, Yoshlar parlamenti aʼzolari, hamda Oʻzbekiston Yoshlar ittifoqi Buxoro viloyat Kengashi maʼsullari va harbiy xizmatchilar ishtirokida yoshlarni vatanparvarlik ruhida tarbiyalashga qaratilgan targʻibot tadbiri boʻlib oʻtdi.

Harbiy qismda davom etgan targʻibot tadbirida senator va deputatlar ishtirok etib, buyuk istiqlolimiz, xalqimiz ayniqsa yosh avlod qalbida Vatanga muhabbat va sadoqat tuygʻularini kamol toptirish, yurtimizni har tomonlama erkin, shu jumladan, hayotning turli soha va tarmoqlarida keng koʻlamli islohotlarni amalga oshirish uchun mustahkam zamin yaratib, erishayotgan barcha yutuq va marralarimizning asosiy manbai boʻlib kelayotganligi toʻgʻrisida fikr mulohazalar bildirishdi.

📱Bizni kuzatib boring👇

Rasmiy sayt | YouTube | Instagram

Bir bo‘lsak – yagona xalqmiz, birlashsak – Vatanmiz!

Joriy yilning 22-avgust kuni O‘zbekiston Respublikasi davlat mustaqilligining 33 yilligi munosabati bilan “Bir bo‘lsak – yagona xalqmiz, birlashsak – Vatanmiz!” shoir ostida Oʼzbekiston Respublikasi Mudofaa vazirligiga qarashli Qarshi shahridagi Oliy Harbiy aviatsiya bilim yurtiga Senator Erkayev Abduraxim Panjiyevich va Qashqadaryo viloyatidan saylangan Oliy Majlisi Senati huzuridagi Yoshlar parlamenti a`zolari tashrif buyurdi.

Uchrashuvda Senator Erkayev Abduraxim tomonidan bugungi kunda yoshlarga yaratilayotgan imkoniyatlar, ularni yanada g‘ayrat-shijoat bilan olg‘a intilishga, vatan koriga yaraydigan munosib farzand bo‘lishga da’vat qilindi.

Shu bilan birga, Oliy Majlisi Senati huzuridagi Yoshlar parlamenti a’zosi Yusupov Shuxrat qonun ijodkorligi jarayoni, nazorat-tahlil tadbirlari, xalqaro uchrashuvlar xususida so‘z yuritib, jamiyatimizda yoshlarga yaratilayotgan imkoniyatlar, mamlakatimizda qabul qilinayotgan normativ-huquqiy hujjatlar, jumladan, yoshlarga doir qonunlarning mazmun-mohiyatini tushuntirdi.

Uchrashuv so’ngida yoshlar o’zlarining taklif va muammolarini bildirdishdi.

📱Bizni kuzatib boring👇

Rasmiy sayt | YouTube | Instagram

“Yurtimiz yoshlarining yutugʻi barchamizga kuch bagʻishlaydi”.

Senatning Yoshlar, madaniyat va sport masalalari qoʻmitasi raisi oʻrinbosari Diloram Tashmuxamedovaning “Yurtimiz yoshlarining yutugʻi barchamizga kuch bagʻishlaydi” mavzusidagi maqolasi “Xalq soʻzi” gazetasining 163-sonida chop etildi.

Mazkur maqolada Senator Diloram Tashmuxamedovaning yurtimizda sportning rivojlanishi va ommaviylashtirilishiga qaratilgan sa‘y-harakatlar haqida fikrlari bayon etilgan.

Bunda, sport sohasida amalga oshirilgan islohotlar va ularning samarasini ta’kidlanib, yoshlarimizning xalqaro maydonlarda erishayotgan yutuqlari butun xalqimizga ruhiyat va kuch bag'ishlayotganini qayd etilgan.

Xususan, Parijda bo‘lib o‘tgan XXXIII yozgi Olimpiya o‘yinlarida yurtimiz sportchilari tomonidan qo‘lga kiritilgan muvaffaqiyatlar, jumladan, erkaklar boksida 5 ta oltin medalni qo‘lga kiritilishi, mamlakatimiz sportchilari orasidagi raqobatbardoshlik va ularga ko‘rsatilayotgan e’tiborni yana bir bor tasdiqlanganligi bildirilgan.

Shuningdek, maqolada davlatimiz rahbarining sport sohasiga qaratgan e’tibori natijasida, chekka hududlardagi sport inshootlarining rekonstruksiya qilinishi va sportchilarimizning xalqaro musobaqalarda muvaffaqiyatli ishtirok etishi haqida so‘z yuritilib, sport sohasi xodimlari va yoshlarimizga bo‘lgan e’tibor va ularni qo‘llab-quvvatlash davom etishiga ishonch bildirilgan.

📱Bizni kuzatib boring👇

Rasmiy sayt | YouTube | Instagram

O‘zbekiston yoshlar ittifoqi Toshkent shahar Kengashi o‘rtasida memorandum imzolandi.

Avvalroq Senat huzuridagi Yoshlar parlamenti hamda O‘zbekiston Yoshlar ittifoqi Toshkent shahar hududiy Kengashi bilan o‘zaro hamkorlik memorandumi imzolashga kelishib olinganligi to‘g‘risida xabar berilgandi.

Shu munosabat bilan, joriy yilning 14-avgust kuni Oliy Majlis Senati huzuridagi Yoshlar parlamenti va O‘zbekiston yoshlar ittifoqi Toshkent shahar Kengashi o‘rtasida o‘zaro hamkorlik memorandumi imzolandi.

Mazkur memorandumning asosiy maqsadi – yoshlarga oid davlat siyosatini amalga oshirish, yoshlarda huquqiy bilim va ko‘nikmalarni shakllantirishda hamkorlik qilish, talaba-yoshlarni qonun ijodkorligi jarayonlari hamda normativ-huquqiy hujjatlar ijrosini jamoatchilik monitoringi orqali kuzatishda jalb etish, shuningdek, seminar, konferensiya va davra suhbatlari kabi tadbirlarni muntazam ravishda birgalikda o‘tkazib borishdir.

Memorandum doirasida tomonlar bir qator yo‘nalishlarda, jumladan, oliy ta’lim muassasalarida tahsil olayotgan talabalar o‘rtasida huquqiy savodxonlikni oshirish, ularning muammo va takliflarini masʼul tashkilotlar bilan hamkorlikda hal etish, shuningdek, siyosiy-huquqiy ruhdagi media loyihalarni ishlab chiqish borasida hamkorlik qilishni belgilab oldilar.

📱Bizni kuzatib boring👇

Rasmiy sayt | YouTube | Instagram

“Yohud o‘tmishdan, bugungi kunimizgacha”

Yoshlar parlamentining Masalahat kengashi faoli Saidakmal Mamasoliyev tomonidan mamlakatimiz mustaqilligining oʻttiz uch yilligiga bagʻishlangan “Eng ulugʻ, eng aziz” respublika tanlovi uchun Yangiyo‘l gazetasida “Yohud oʻtmishdan, bugungi kunimizgacha” mavzusida maqola chop etildi.

Mazkur maqolada, oʻtmishdan bugungi kungacha boʻlgan davr yoritilgan bo’lib, u oʻzbek xalqining tarixi, yetakchililigi, birdamligi va mustaqillikka erishish yoʻlida bosib oʻtgan yoʻli aks ettirilgan.

Xususan, maqolada Temuriylar davri, Shayboniylar sulolasining kelishi va Bobur kabi yetakchilarning qurbonliklari bayon etilgan.

Shuningdek, maqolada XIX asrda millatni uygʻotish uchun harakat qilgan jadidlar, ularning intellektual kurashlari va ularga qarshi koʻrsatilgan qarshiliklar haqida soʻz boradi. Bu tarixiy voqealarning psixologik va ijtimoiy taʼsiriga eʼtibor qaratilgan, birdamlikning ahamiyati va tarixdan olingan saboqlar taʼkidlangan.

Shu bilan birga, Prezident Shavkat Mirziyoyevning yetakchiligi va Oʻzbekistondagi islohotlar, xususan, diplomatiya, mintaqaviy hamkorlik va milliy rivojlanish sohalarida amalga oshirilayotgan ishlar yoritib berilgan.

Maqolani yuklab olish uchun havola

📱Bizni kuzatib boring👇

Rasmiy sayt | YouTube | Instagram

O‘zbekiston Yoshlar ittifoqining volontyorlar maktabi vakillari bilan uchrashuv.

O‘zbekiston Yoshlar ittifoqi Toshkent shahar hududiy Kengashi qoshidagi “Universe” volontyorlar maktabi vakillari Senatga tashrifi bo'lib o'tdi.

Tashrif davomida, Senat huzuridagi Yoshlar parlamenti raisi Behzod To‘xtamurodov tomonidan Parlament faoliyati, tashkiliy tuzilmasi, hamda maqsad-vazifalari haqida atroflicha maʼlumot berildi.

Shuningdek, yoshlarning dolzarb taklif va tashabbuslarini Yoshlar parlamenti orqali yuqori palata minbariga olib chiqish va muhokama qilish borasidagi ishlar yuzasidan tushunchalar berildi.

Muloqot davomida, Yoshlar parlamenti va volontyorlarning o‘zaro hamkorlik masalalari ham muhokama qilindi.

Xususan, Senat tomonidan 2019 yil 30 noyabrda maʼqullangan “Volontyorlik faoliyati to‘g‘risida”gi Qonun huquqiy asos bo‘lib xizmat qilishi taʼkidlandi.

Shu bilan birga, Senat huzuridagi Yoshlar parlamenti hamda O‘zbekiston Yoshlar ittifoqi Toshkent shahar hududiy Kengashi bilan o‘zaro hamkorlik memorandumi imzolashga kelishib olindi.

O'z navbatida, volontyorlar maktabi vakillari Senat binosi va uning faoliyati bilan yaqindan tanishtirildi.

📱Bizni kuzatib boring👇

Rasmiy sayt | YouTube | Instagram

RASMIY MUNOSABAT

Joriy yilning 29-iyul kuni Sirdaryo viloyati Xalq taʼlimi boshqarmasi boshligʻi nomiga Senat huzuridagi Yoshlar parlamenti raisi o‘rinbosari
A. Shodiyorov tomonidan yozilgan xat ayrim ijtimoiy tarmoqlarda muhokamaga sabab boʻlganligi yuzasidan Oliy Majlisi Senati huzuridagi Yoshlar parlamenti rasmiy ravishda quyidagilarni ma'lum qiladi.

Ushbu xat Oliy Majlisi Senati huzuridagi Yoshlar parlamenti tomonidan yozilmaganligi,
A. Shodiyorov ismli Yoshlar parlamenti raisi o‘rinbosari yo‘qligi, hamda murojaatda bildirilgan firk va mulohazalar bizning pozitsiyamizni ifodalamasligini bildiramiz.

O’z navbatida, A.Shodiyorov tomonidan yuqorida ko’rsatilgan masala yuzasidan tushuntirish xati olindi va tez orada rasmiy munosabat bildirishi ta’kidlandi.

Yoshlar parlamenti doim ochiq va asoslangan ma'lumotlar bilan ishlashga va bundan keyin ham shu maqsadda faoliyat yuritishiga ishonch bildiradi.

Shu munosabat, bilan Sizlarni barcha maʼlumotlarni bizing ijtimoiy tarmoqlardagi rasmiy sahifalarimiz orqali kuzatib borishga chaqiramiz.

Shuningdek, hujjatlarni qalbakilashtirish yoki bila turib soxta hujjatlar tuzish va taqdim etish holatlari tegishli qonunchilikda nazarda tutilgan javobgarlikka olib kelishi mumkinligi toʻgʻrisida ogohlantiramiz.

📸Instagram|📷Facebook|📱Telegram

Maktabgacha va maktab taʼlimi vazirligining Yoshlar parlamenti bilan hamkorlikdagi faoliyati joyiga chiqib o‘rganildi.

Uchrashuvda senatorlar, Yoshlar parlamenti aʼzolari hamda ekspertlar ishtirok etib, Maktabgacha va maktab taʼlimi vazirligi masʼullarining mazkur yo‘nalishlarda olib borilgan hamkorlikdagi faoliyati yuzasidan axboroti eshitildi.

Ijrosi kechiktirilayotgan ayrim vazifalar bo‘yicha tegishli tavsiyalar berildi. Xususan, Vazirlikning Yoshlar parlamenti bilan hamkorlikdagi manzilli chora-tadbirlarini ishlab chiqish va tez orada tasdiqlash lozimligi taʼkidlandi.

O‘rganish davomida Vazirlik va Yoshlar parlamentining hamkorlikdagi loyihalariga ham eʼtibor qaratildi. Bu borada tomonlarning taklif-mulohazalari eshitildi va istiqbolda hamkorlikda amalga oshirilishi lozim bo‘lgan loyiha va tanlovlar muhokama etildi.

Bundan tashqari, Vazirlik bilan Yoshlar parlamenti o‘rtasida hamkorlik memorandumini imzolashga kelishib olindi.

📱Bizni kuzatib boring👇

Rasmiy sayt | YouTube | Instagram

Oliy taʼlim, fan va innovatsiyalar vazirligining Yoshlar parlamenti bilan hamkorlikdagi faoliyati joyiga chiqib o‘rganildi.

Uchrashuvda senatorlar, Yoshlar parlamenti aʼzolari hamda ekspertlar ishtirok etib, Oliy taʼlim, fan va innovatsiyalar vazirligi masʼullarining mazkur yo‘nalishlarda olib borilgan hamkorlikdagi faoliyati yuzasidan axboroti eshitildi.

Ijrosi kechiktirilayotgan ayrim vazifalar bo‘yicha tegishli tavsiyalar berildi. Xususan, Vazirlikning Yoshlar parlamenti bilan hamkorlikdagi manzilli chora-tadbirlarini ishlab chiqish va tez orada tasdiqlash lozimligi taʼkidlandi.

O‘rganish davomida Vazirlik va Yoshlar parlamentining hamkorlikdagi loyihalariga ham eʼtibor qaratildi. Bu borada tomonlarning taklif-mulohazalari eshitildi va istiqbolda hamkorlikda amalga oshirilishi lozim bo‘lgan loyiha va tanlovlar muhokama etildi.

Bundan tashqari, Vazirlik bilan Yoshlar parlamenti o‘rtasida hamkorlik memorandumini imzolashga kelishib olindi.

📱Bizni kuzatib boring👇

Rasmiy sayt | YouTube | Instagram