NAMANGAN YOSHLARI

✍️Yosh musavvirlarning ijodiy nigohi: tabiat va kelajak!

🎨 Tanlovda yoshlar chizgan rasmlar tabiatning go‘zalligi, ekologiyani muhofaza qilish va yashil iqtisodiyot mavzusiga bag‘ishlandi. Chizmalar orasida ifloslangan daryolarni qayta jonlantirish, daraxt ekayotgan bolalar, yashil shahar konsepsiyalari va tabiatni asrab-avaylashga chaqiruvchi tasvirlar aks etgan edi. Har bir ijodiy ishda atrof-muhitga mehr va g‘amxo‘rlik mujassam bo‘ldi.

🏆 Hakamlar hay’ati barcha ishlarni tanlov shartlariga muvofiq baholab, eng ijodiy va ta’sirli asarlarni aniqladi. Eng yaxshi chizilgan rasm muallifi esa viloyat bosqichiga yo‘llanmani qo‘lga kiritdi!

Bizning sahifalarimiz:
✅Telegram | ✅Instagram | ✅Facebook‌‌

🎨 “Yosh musavvirlar” tanlovi – ijodkor yoshlarga imkoniyat!

🖐Kosonsoy tumanida “Besh tashabbus olimpiadasi” doirasida “Yosh musavvirlar” tanlovining tuman bosqichi bo‘lib o‘tdi. Tanlovda mahallalardan kelgan 12-17 va 18-30 yosh toifalaridagi ijodkor yoshlar qatnashib, “Atrof-muhitni asrash va “Yashil iqtisodiyot” yili” mavzusida o‘z ijodiy ishlarini yaratishdi.

👨‍💻Ishtirokchilarga 3 soat vaqt ajratildi va ular bu muddat ichida o‘z mahoratlarini namoyon etishdi. Har bir rasm tabiatga mehr, ekologiyaga e’tibor va ijodiy yondashuv bilan yo‘g‘rilgan bo‘ldi. 🌱🎨

Bizning sahifalarimiz:
✅Telegram | ✅Instagram | ✅Facebook‌‌

Popning iftixori: Dilafro‘z To‘ychiyeva yana bir bor e’tirof etildi

Yurtboshimiz tomonidan "Zulfiya" nomidagi davlat mukofotiga sazovor bo‘lgan hamyurtimiz – Dilafro‘z To‘ychiyeva Pop tumani rahbariyati tomonidan yana bir bor e’tibor va e’tirofga sazovor bo‘ldi.

Eslatib o‘tamiz, Xalqaro xotin-qizlar kuni munosabati bilan Ko‘ksaroy qarorgohida o‘tkazilgan tantanali marosimda Prezidentimiz bir guruh iqtidorli va fidoyi yosh qizlarni ushbu yuksak mukofot bilan taqdirlagan edi. Ularning orasida Pop tumani Yangiobod qishlog‘ida yashovchi Dilafro‘z To‘ychiyeva ham bor edi.

Bugun, Ramazon oyi munosabati bilan tashkil etilgan tadbirda Dilafro‘z To‘ychiyeva maxsus taklif etildi. Ushbu marosimda Pop tumani hokimi A’zamjon Sultanov uni yana bir bor qutlab, samimiy minnatdorlik bildirdi.

Shuningdek, tuman sharafini yuksaltirgan yosh iste’dod sohibasiga tashakkurnoma va qimmatbaho sovg‘alar topshirdi.

Tadbir davomida tuman rahbari Dilafro‘zning bu yutug‘i nafaqat uning oilasi, balki butun Pop tumani uchun faxr ekanini alohida ta’kidladi.

Bizning sahifalarimiz:
✅Telegram | ✅Instagram | ✅Facebook‌‌