Na ajamman, va na arab,
Malhamsiz hech bitmas yara.
Har kun tinmas bitta ta'na,
Oshig'ing - man, netay Yo Rab.

Ne'matlaring shukri ozdur,
Buyuk noming zikri ozdur.
Faqat bitta umid - rostdur,
Oshig'ingman, netay Yo Rab.

Bor ishqingni menga sezdir,
Kunda uzra boshlar - sezgir.
Ko'tarilgan qilich - keskir,
Kel desangu, ketay Yo Rab.

Menda yo'qdir qalb og'ishi,
Yolg'ondan yoshlar yog'ishi.
Lek ho'ldir onam bolishi,
Yoshlariga cho'kay Yo Rab.

Bolg'a-la urar gohida,
Pishirgani o'chog'ida.
"Temirchining" gunohidan,
O't desangu o'tay Yo Rab.

Ko'zim tolmas qarab yo'lga,
Seni kutib bir umrga.
Kapalakni yegan gulga,
Sabrdan dars etay Yo Rab.

Faqat bitta umid - rostdur,
Oshig'ingman netay Yo Rab.

©️Yastiriy

https://t.me/yastiriy