Yangiyoʻl tuman hokimligi axborot xizmati / Янгийўл туман ҳокимлиги ахборот хизмати

22-dekabr Energetiklar kuni munosabati bilan Yangiyoʻl tumani hokimi Ataullayev Odiljon Kasimovichning soha vakillariga bayram tabrigi!

Qadrli energetika sohasi vakillari!

Sizlarni bugungi kasb bayramingiz – “Energetiklar kuni” bilan chin qalbimdan tabriklayman!

Energetiklar mas’uliyati, botirligi, intizomi va kunu tun sadoqat bilan xalqimiz xizmatiga tayyor ekanliklari bilan ajralib turadilar.

Soha xodimlarining beminnat xizmatlari sabab bu yil tumanda koʻplab yangilanishlar qilindi.

Misol uchun minga yaqin temir beton tayanch ustunlar oʻrnatish orqali 20 km dan ortiq zamonaviy SIP tarmoqlari tortilib aholining elektr energiyasi yaxshilandi. 10 ga yaqin yangi qoʻshimcha transformator punktlari oʻrnatildi.

Hurmatli energetiklar!

Albatta, bularning barida sizning beqiyos xizmatingiz bor. Mehnatingiz uchun tashakkur!

Sizlarga va oila a’zolaringizga sihat-salomatlik, yurtimiz ravnaqi va xalqimiz farovonligi yo‘lidagi xizmatlaringizga ulkan muvaffaqiyatlar tilayman!

Kanalga a’zo boʻlish 👈

Qishloq xoʻjaligi tarmoqlarida munosib hissa qoʻshganlar taqdirlandi

Yangiyoʻl tumanida qishloq xoʻjaligining barcha yoʻnalishlarida joriy yil davomida aholi farovonligi, barqaror iqtisodiyotni ta'minlashda hamda namunali hosildorlikka erishishda munosib xizmat qilgan fermerlar, tomorqa er egalari va sohaga oid xodimlar uchun "Volidam" tantanalar koshonasida tadbir tashkillashtirildi.

Tadbir avvalida tuman hokimi O.Ataullaev soʻzga chiqib;

-"Fidokorona mehnati bilan tuproqdan noz-ne'mat undirib, xalqimiz dasturxonini toʻkin qilib kelayotgan sizdek mirishkor dehqon va fermerlar, mohir bogʻbon va chorvadorlarga, omilkor agronom va mexanizatorlar, sohaning hurmatli faxriylariga oʻzimning chuqur hurmat-ehtiromimni va ezgu tilaklarimni bildiraman"- deya samimiy nutq soʻzladi.

Shundan soʻng, bir guruh soha xodimlari tashakkurnoma va esdalik sovgʻalari bilan taqdirlandi.

Tadbir davomida taniqli san'atkorlar tomonidan yangragan kuy-qoʻshiqlar ishtirokchilarga xush kayfiyat bagʻishladi.

Kanalga a’zo boʻlish 👈

Topshiriqlar ijrosi tanqidiy tahlili muhokama qilindi

Yangiyoʻl tumani hokimi O.Ataullayev boshchiligida sektor rahbarlari bilan kuni kecha tuman hokimligida yigʻilish oʻtkazildi.

Yigʻilish kun tartibidan mahallalarda jinoyatchilikni oldini olish, qizil hududga tushgan MFY larda nazoratni kuchaytirish, maktab oʻquvchilarining davomati va perotexnika vositalaridan foydalanmaslik yuzasidan chora-tadbirlar ishlab chiqish, “Kambagʻallikdan farovonlik sari” dasturining bajarilishi, yangi yil bayram tadbirlarini betalofat oʻtkazish, bayram arafasida arzonlashtirilgan bozor yarmarkalarini tashkil etish masalalari oʻrin oldi.

Koʻrib chiqilgan har bir yoʻnalish tanqidiy muhokama qilindi.

Masʼuliyatsizlikka yoʻl qoʻygan rahbarlarga ogohlantirishlar berildi.

Sektor rahbarlari tomonidan sohalar kesimida topshiriq va koʻrsatmalar berildi.

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Telegram | Instagram |  Facebook | Youtube|Web-site