Yangiqo'rg'on tumani hokimligi rasmiy kanali

🔰 Сўнгги қўнғироқ тадбири 24 май куни ўтказилади — Вазирлик

▫️Жорий ўқув йилининг охирги куни 25 май якшанба – дам олиш кунига тўғри келганлиги сабабли сўнгги қўнғироқ тадбирлари 24 май – шанба куни ўтказилиши белгиланган. Бу ҳақда Мактабгача ва мактаб таълими вазирлиги ахборот хизмати маълум қилди.

Ижтимоий тармоқларда ушбу тадбир ўтказилиши тақиқлангани, чекловлар ўрнатилгани ҳақида турли хабарли нотўғри экани таъкидланди.

Вазирлик мактаб жамоаларидан битирувчилар ва ота-оналаридан тадбирлар жараёнида хавфсизлик қоидаларига риоя этишларини сўради.

🔰 1 сентябрдан радарлар олдига радар белгисини ўрнатиш мажбурий бўлади

▫️2025 йил 1 сентябрдан бошлаб, ҳаракат тезлигини назорат қилувчи стационар ёки мобиль радар ўрнатилган ҳудудларда радар йўл белгисини қўйиш мажбурий этиб белгиланди.

Янги тартибга кўра, ушбу белги радар ўрнатилган нуқтагача камида 250 метрдан кам ва 500 метрдан кўп бўлмаган масофада жойлаштирилиши шарт.

🔰 Энди заруратсиз ўрнатилган белгилар олиб ташланади

▫️Президент қарори билан "Тўхташ тақиқланган" ва "Тўхтаб туриш тақиқланган" йўл белгиларининг мақсадга мувофиқ ўрнатилганлиги нуқтаи назаридан тўлиқ қайта кўриб чиқилиши белгиланди.

Зарурат бўлмаган жойларда ўрнатилган йўл белгилари демонтаж қилинади, уларнинг амал қилиш вақтини кўрсатувчи қўшимча ахборот белгилари ўрнатилади.

Қарор билан шу белгиларда кўрсатилган амал қилиш вақтидан ташқари пайтда транспорт воситаларининг тегишлича тўхташи ҳамда тўхтаб туришига рухсат берилди. Масалан, "Тўхтаб туриш тақиқланган" белгисининг тагида амал қилиш вақти соат "7.00 - 21.00" деб кўрсатилган бўлса, транспорт воситалари ушбу белги ҳудудида соат 21.00 дан 7.00 га қадар бемалол тўхтаб туришлари мумкин бўлади.

#САНА

Бугун – Халқаро музейлар куни!

Бу сана 1977 йилдан буён анъанавий тарзда нишонланиб келинмоқда.

Ҳар йили 18 май санасида бутун дунё Халқаро музейлар кунини нишонлайди. Мазкур байрам тақвимда 1977 йилда пайдо бўлган бўлиб, 1978 йилдан эса Музейлар куни 150 дан ортиқ мамлакатларда шулар қатори Ўзбекистонда ҳам нишонлаб келинмоқда.

Ҳозирги кунда музейлар фаолиятини ривожлантириш, маданий меросимизни асраб-авайлаш, жаҳон миқёсида тарғиб этиш, ўсиб келаётган ёш авлод онгида фахр-ифтихор туйғуларини шакллантириш борасида олиб борилаётган ишларни қўллаб-қувватлаш ҳамда рағбатлантириш ҳар биримизнинг бурчимиздир.

18 май – “Халқаро музейлар куни” вилоятимиздаги барча музейларда фаолият олиб бораётган фидойиларни самимий муборакбод этамиз.

O‘zbekistonda "O‘zbekiston-2030" strategiyasi, Bolalar saratoni bo‘yicha global tashabbus (GICC), Barqaror rivojlanish maqsadlari doirasida JSST, YUNISEF, Vena xalqaro tibbiyot universiteti va boshqa xalqaro tashkilotlar ko‘magida 2025-2030-yillarga mo‘ljallangan Bolalar saratoniga qarshi kurashish milliy strategiyasi ishlab chiqildi va qabul qilindi.

Ushbu voqea bolalar saratoniga qarshi kurashda yangi bosqichni boshlab beradi, tashxis qo‘yish va davolashda multidistsiplinar yondashuvni ta’minlash orqali pediatriya yordamini ko‘rsatish tizimini takomillashtiradi.

Milliy strategiya sog‘liqni saqlash tizimini modernizatsiya qilishga yo‘l ochadi, kadrlar va infratuzilma salohiyatini mustahkamlaydi, bolalarga barcha darajalarda yuqori sifatli tibbiy yordam ko‘rsatishga yagona yondashuvni shakllantiradi.

—

В Узбекистане разработана и принята Национальная стратегия по борьбе с детским раком на 2025-2030 годы в соответствии со Стратегией «Узбекистан 2030», Глобальной инициативы по детскому раку (GICC), ЦУР при поддержке ВОЗ, ЮНИСЕФ, Международного медицинского университета Вены и других международных организаций.

Событие знаменует новый этап в борьбе с детским раком, совершенствует систему оказания педиатрической помощи в обеспечении мультидисциплинарного подхода в диагностике и лечении.

Национальная стратегия открывает путь к модернизации здравоохранения, укрепляет кадровый и инфраструктурный потенциал и формирует единый подход к оказанию высококачественной медицинской помощи детям на всех уровнях.

#OrzugaHayotBaxshEtaylik #GiveLifeToADream #ДаримЖизньМечте #Mehrlimaskan

🔰 Энди шахсни тасдиқловчи ва бошқа ҳужжатларнинг электрон шакли ҳам расман тан олинади

▫️1 июлдан шахсни тасдиқловчи ва бошқа ҳужжатларнинг my.gov.uz даги электрон шакли расман тан олинади. Уларнинг қоғоз нусхалари банкларда, нотариал идораларда, аэропорт, вокзал каби тегишли ҳужжатларни сўрайдиган ташкилотларда талаб этилмайди.

Бу президентнинг “Аҳолини ижтимоий қўллаб-қувватлашда “ижтимоий карта” тизимини жорий этиш чора-тадбирлари тўғрисида”ги қарорида назарда тутилган.

Ҳужжатга мувофиқ, “Рақамли ҳукумат” тизими идоралараро интеграциялашув платформаси доирасида шахсий ҳужжатларнинг унификацияланган рақамли сервислари жорий этилади.

Бугун туман ҳокими Асадулло Нажмиддинов шу ҳафтада, Юртбошимиз Шавкат Мирзиёев раислигида мактаб таълими тизимидаги ислоҳотлар самарадорлигини янада ошириш ҳамда келгусидаги устувор вазифалар юзасидан бўлиб ўтган  видеоселектор йиғилишида белгиланган вазифалар юзасидан бир нечта умумтаълим мактабларида ўрганиш олиб борди.