YANGI ASR UNIVERSITETI

🌐Telegram | 📷 Instagram |🔵 Facebook | 🌐Veb sayt

Тарихий сиймолар

📚Университетда буюк шоирлар ижодига бағишланган тадбир ўтказилди

Ҳар йили юртимизда буюк ва мутафаккир шоир, давлат арбоби Алишер Навоий, шоҳ ва шоир, олим Заҳириддин Муҳаммад Бобур таваллудлари муносабати билан қатор адабий-маърифий кечалар, ёшларнинг ёзувчи ва шоирлар билан учрашувлари ўтказиш анъанага айланган.

YANGI ASR UNIVERSITETI Мактаб ва мактабгача таълим кафедраси профессор-ўқитувчилари, кутубхона ходимлари ва сиртқи Бошланғич таълим йўналиши талабалари томонидан мумтоз адабиётимизнинг буюк вакиллари, шоир Алишер Навоий таваллудининг 584 йиллиги ва шоҳ ва шоир Заҳириддин Муҳаммад Бобур таваллудининг 542 йиллигига бағишланган илмий-адабий тадбир ўтказилди.

Тадбирнинг очилишини илмий-ўқув ишлари бўйича проректор, професор Д.Маматов бошлаб берди. Сўнгра Мактаб ва мактабгача таълим кафедраси доценти, PhD Ў. Нуриддинова “Алишер Навоий – бебаҳо мерос эгаси” мавзусида, педагогика фанлари бўйича фалсафа доктори PhD, доцент М.Кенжаева Заҳириддин Муҳаммад Бобур ижодига оид “Бобур - шоҳ ва шоир” мавзуларида маъруза қилдилар.

Тадбир давомида сиртқи Бошланғич таълим йўналиши БТС-101, БТС-102, БТС-103, БТС-104, БТС-105, БТС-106 гуруҳ талабалари шоир ғазаллари ва рубоийларидан ёд айтишди.

Шунингдек, адиблар ижодига оид саҳна кўриниши ҳамда куй ва рақс ижро этишди. Ҳаттотлик санъати ва адиб асаридаги чизгилар юзасидан Мумтоз шарқ тиллар йўналиши талабалари ҳам иштирок этди. Мумтоз адабиёт намоёндалари таваллудига бағишлаб ўтказилган тадбир қизиқарли ва эсда қоларли бўлди.

🌐Telegram | 📷 Instagram |🔵 Facebook | 🌐Veb sayt

Эълон

📗"Янги Аср" университетида "Китоб билан 30 кун" номли китобхонлик мусобақаси бошланмоқда

Хўш, бу танлов сизга нималар беради !?⬇️

⚡️ Аввало, танловдан YANGI ASR UNIVERSITETI талабаларининг ўз устида ишлашлари, дарсларда фаол бўлишлари, билим ва кўникмаларини оширишлари, талабалар ўзаро танишиб фикр алмашишлари, уюштириладиган қизиқарли экскурсияларда қатнашишлари мақсад қилинган.

📗 Мусобақа икки қисмда ўтказилади.

✅Биринчи қисмда қатнашчилар "Араб адабий тили: Қоида ва машқлар" китобининг 1-5 китобларининг луғатлари асосида беллашадилар. Ҳар бир китобнинг шартларига тайёргарлик кўриш учун 5 кун муҳлат берилади. 6-куни эса билимлар синалади.

✅Иккинчи қисм эса Алихонтўра Соғунийнинг "Туркистон қайғуси" китобидан бўлиб ўтади.

📗Танловда фаол иштирок этганларга ташаккурнома ва эсдалик совғалар берилади. 🎁

Танловга 10 - февралдан бошланади. Бу танлов шахсий камолотингиз йўлида муҳим қадам бўлиши мумкин.

✔️Тақдирлаш маросими 12- март куни "Ҳилол нашр" нашриёти анжуманлар залида ўтказилади.

📗 Таклиф ва мулоҳазалар учун:
🌐@Sh_Malikaxonn.га мурожаат қилишингиз мумкин

🌐Telegram | 📷 Instagram |🔵 Facebook | 🌐Veb sayt

@GrandMaktabi
🌐Telegram | 📷 Instagram |🔵 Facebook | 🌐Veb sayt

Таълим ва амалиёт

🔰GRAND TAʼLIM MAKTABIда амалиёт дарслари ўтилди   

  6 февраль куни YANGI ASR UNIVERSITETI бошланғич таълим йўналиши 1- босқич талабаларига "Махсус педагогика" кафедраси психология фани ўқитувчиси Сарвар Қаҳҳоров  GRAND TAʼLIM MAKTABIда дарс ўтди.

 Унда талабалар олаётган назарий билимларни амалиётда қўллаш борасида тушунча ва тавсияларга ҳам эга бўлишди.

Мактаб ўқитувчилари талабаларга мактаб фаолияти ва бошланғич синф ўқитувчиси касбининг масъулияти ҳақида маълумот берди. Шунингдек, талабалар мактабдаги дарс жараёнларида кузатувчи сифатида бевосита иштирок этишди.

Шунингдек, келгусида YANGI ASR UNIVERSITETI бошланғич таълим йўналиши талабаларини GRAND TAʼLIM MAKTABIга амалиёт ўташга таклиф этилдилар.

@GrandMaktabi

🌐Telegram | 📷 Instagram |🔵 Facebook | 🌐Veb sayt

Тил билиш фазилатдир

📜Чўлпон нечта тилни билган ёхуд тарихимиздаги кўп тилларни билган айрим машҳурлар

Кўплаб аждодларимиз ўз она тиллари билан бир қаторда ўнлаб бошқа тилларни ҳам пухта билганлар.

Ўз ақл-заковатини тил ўрганиш ва шу орқали ўзга тиллардаги билимлардан баҳра олишга бел боғлаганлар тарих саҳифаларида кўп тил билувчилар сифатида ном қолдиришган. Ўрта аср Шарқ алломаларининг аксарияти ўндан ортиқ тилни мукаммал билганлар. Улар орасида айниқса, улуғ мутафаккир Абу Наср Форобий шунчалик кўп тилни билганидан тарихий манбаларда ва халқ орасида, “Форобий етмишдан ортиқ тилни билади”, деган ҳақли эътирофни олган.

ЎзА хабарига кўра, кўп тилни билувчилар XIX аср иккинчи ярми – XX аср ўрталарида ҳам анчани ташкил этган. Маърифатпарвар жадидлар кишиларни ҳорижий тилларни ўрганишга даъват этганлар. Ўз она тили билан бир қаторда чет тилларини билиш ўзга халқлар тарихи, маданияти, турмуш тарзи, тараққиёти ва таназзули сабабларини ўрганишга имкон яратган.

Ўзбек маърифатпарвари Исҳоқхон Ибрат араб, инглиз, рус, урду, форс, француз, ҳинд каби ўндан ортиқ тилни яхши билган. Бундан ташқари, у қадимий финикия, яҳудий, сурия, юнон ёзувларини чуқур ўрганган. Исҳоқхон Ибрат 1901 йилда ўзбек, араб, форс, ҳинд, турк ва рус тилларида жамланган “Луғат ситта ас-синна” (“Олти тилли луғат”) номли китоб чоп этган. Мазкур рисола маҳаллий аҳолининг хорижий тилларни ўрганишга бўлган эҳтиёжини қондириш учун яратилган.

Олим ва сайёҳ Ҳожи Юсуф Ҳайъатий араб, инглиз, форс, француз ва юнон тилларини мукаммал билган. Адабиётшунос олим ва педагог Ашурали Зоҳирий эса араб ва форс тилларидан ташқари, барча туркий тилларни, шунингдек, рус тилини яхши билган. У 1925 йилда “Русча-ўзбекча луғат”ни нашр этган.

Ўзи ҳам бир қанча тилларни яхши билган Беҳбудий миллатнинг тараққий этиши учун бир неча тил билишни шарт деб ҳисоблаган. У “Ойна” журналининг биринчи сонидаёқ “Икки эмас, тўрт тил лозим” номли мақола эълон қилган. Унда ўзбек, форс, араб, рус ва ҳатто бирор узоқ хориж (масалан, француз) тилини билиш шартлигини ёзган.

Биринчи ўзбек профессори Абдурауф Фитрат ўзбек тилидан ташқари араб, рус, турк, форс тилларини мукаммал билган. Айни шу тилларни яхши билган шоир ва ёзувчи Абдулҳамид Чўлпон рус-тузем мактабида немис ва француз тилларидан ҳам сабоқ олган ҳамда кейинчалик ўзининг бу тиллар борасидаги билимларини мустаҳкамлаган.

Нафақат Туркистон республикаси маориф вазири, балки тилшунос сифатида ҳам таниқли бўлган Назир Тўрақулов араб, немис, рус, турк, форс ва француз тилларини яхши билган. Юқори раҳбарлик лавозимларида ишлаган давлат ва жамоат арбоби Иномжон Хидиралиев эса 11 тилда сўзлаша олган.

Йигирма тўрт ёшида Бухоро республикаси, йигирма тўққиз ёшида эса Ўзбекистон ҳукумати раҳбари бўлган Файзулла Хўжаев ўзбек тилидан ташқари немис, озарбайжон, қозоқ, рус, татар, тожик тилларини мукаммал билган. Унинг тенгдоши бўлган ва йигирма тўрт ёшида Туркистон Марказий Ижроия Қўмитаси раҳбари бўлган Абдулла Раҳимбоев 14 та тилда сўзлаша олган.

манба: uza.uz

@yangiasruniversiteti
@grandtalim