Халқаро рейтингларнинг фарқи ҳақида
Кеча Буюк Британиянинг халқаро рейтинг ташкилоти — Times Higher Education ўзининг навбатдаги THE Impact Ranking рейтинги натижаларини эълон қилгани ва унга Ўзбекистоннинг 12 та ОТМи киргани ҳақида хабар берган эдик. Мазкур 12 та ОТМ орасида Тошкент давлат юридик университети энг яхши натижа кўрсатган ва рейтингнинг 401-600-ўринлар категориясидан жой олган. Барча 12 та ОТМ кўрсаткичи қуйидагича:
➖ Тошкент давлат юридик университети (401-600);
➖ Бухоро тиббиёт институти (801-1000);
➖ Ўзбекистон халқаро ислом академияси (801-1000);
➖ Тошкент ирригация ва қишлоқ хўжалигини механизациялаш муҳандислари институти (801-1000);
➖ Тошкент Тиббиёт академияси (801-1000);
➖ Тошкент педиатрия тиббиёт институти (801-1000);
➖ Тошкент Фармацевтика институти (801-1000);
➖ Мирзо Улуғбек номидаги Ўзбекистон миллий университети (801-1000);
➖ Akfa университети (1001+);
➖ Самарқанд давлат университети (1001+);
➖ Тошкент давлат аграр университети (1001+);
➖ Тошкент давлат иқтисодиёт университети (1001+).
Мазкур хабар ортидан «ТДЮУ дунёнинг ТОП-500 та университетлари рўйхатига кирди» деган хабар кенг тарқалди. Ушбу масалада саволлар келиб тушаётгани учун изоҳ бериб ўтмоқчиман.
Савол: Ҳақиқатдан ТДЮУ ТОП-500 га кирдими? Бу хабар ёлғон эмасми?
Жавоб: Ҳа, кирди, бу хабарлар рост. Аммо бу кўпчилик ўйлаган ТОП-500 эмас. Бутун дунё тан оладиган обрўли THE World University Rankings рейтинги билан ўша ташкилот ўтказадиган THE Impact Ranking рейтингининг ер билан осмонча фарқи бор. Тўғри, иккаласини ҳам битта ташкилот ўтказади, аммо бошқа-бошқа критерийлар асосида баҳоланади.
THE World University Rankings (WUR) - бу университетларнинг академик ва илмий фаолиятини баҳолайди: ўқитиш сифати, университет профессор-ўқитувчиларининг илмий ишлари, битирувчиларнинг ишга жойлашиши сингари кўрсаткичларга қарайди.
THE Impact Ranking (IR) - университетлар кўрсаткичларини БМТнинг Sustainable Development Goals'да белгиланган кўрсаткичлар бўйича ўлчайди. Масалан, Goal-1'да қанча талаба моддий ёрдам олиши, Goal-3'да ОТМнинг соғлиқни сақлаш ташкилотлари билан ҳамкорлиги, Goal-4'да университетнинг талаба бўлмаганлар учун тадбирлар (семинарлар ва ҳ.з.) ўтказиши ва бошқалар.
Бошқача айтганда THE WUR бу FIFA ўтказадиган ва гигантлар қатнашадиган Жаҳон чемпионати бўлса, THE IR эса БМТ кунига бағишлаб FIFA ташкил қилган халқаро турнирдек гап.
Оддийгина мисол, THE WUR нинг кучли учлигини Oxford, Stanford ва Harvard университетлари эгаллаб турибди. THE IR рейтингига эса, бу ОТМлар ҳатто киритилмаган ҳам. Яъни улар халқаро турнирда қатнашмаган.
THE IR рейтингининг 3-ўринидаги RMIT University (Австралия) асосий THE WUR рейтингида 301-350-ўринларни эгаллаб турибди. Хуллас, бу икки рейтинг фарқини тушунтира олдим, деб ўйлайман.
❗️Аммо бир нарсани алоҳида қайд этишим керак, университетларимизнинг каттами-кичкинами турли халқаро ва минтақавий рейтингларда кўриниш бераётгани қувонарли ҳол. Илгари бирорта рейтингда ҳатто сояси ҳам йўқ эди, бугунга келиб ОТМлар халқаро стандартлар асосида фаолиятини тўғри ташкил қилишга, академик салоҳиятини кўтаришга ҳаракат қилишмоқда, илмий ишларга урғу қаратишяпти, иш берувчилар билан ишлашни бошлашмоқда ва ҳ.к.
Тўғри, ҳозирча ТОП-500 уёқда турсин, бирорта ОТМнинг ТОП-1000 га кириши ҳам орзу бўлиб турибди, аммо ҳаракат қилинса, уддаласа бўладиган иш. Бизда ҳам қачонлардир бўлиши керакку. Ўша кунлар тезроқ келишини, олий таълим сифати халқаро стандартларга яқинлашишини ният қиламан.
THE Impact Ranking рейтингига кирган 12 та ОТМни эса табриклайман!
👉 @xushnudbek 👈
Кеча Буюк Британиянинг халқаро рейтинг ташкилоти — Times Higher Education ўзининг навбатдаги THE Impact Ranking рейтинги натижаларини эълон қилгани ва унга Ўзбекистоннинг 12 та ОТМи киргани ҳақида хабар берган эдик. Мазкур 12 та ОТМ орасида Тошкент давлат юридик университети энг яхши натижа кўрсатган ва рейтингнинг 401-600-ўринлар категориясидан жой олган. Барча 12 та ОТМ кўрсаткичи қуйидагича:
➖ Тошкент давлат юридик университети (401-600);
➖ Бухоро тиббиёт институти (801-1000);
➖ Ўзбекистон халқаро ислом академияси (801-1000);
➖ Тошкент ирригация ва қишлоқ хўжалигини механизациялаш муҳандислари институти (801-1000);
➖ Тошкент Тиббиёт академияси (801-1000);
➖ Тошкент педиатрия тиббиёт институти (801-1000);
➖ Тошкент Фармацевтика институти (801-1000);
➖ Мирзо Улуғбек номидаги Ўзбекистон миллий университети (801-1000);
➖ Akfa университети (1001+);
➖ Самарқанд давлат университети (1001+);
➖ Тошкент давлат аграр университети (1001+);
➖ Тошкент давлат иқтисодиёт университети (1001+).
Мазкур хабар ортидан «ТДЮУ дунёнинг ТОП-500 та университетлари рўйхатига кирди» деган хабар кенг тарқалди. Ушбу масалада саволлар келиб тушаётгани учун изоҳ бериб ўтмоқчиман.
Савол: Ҳақиқатдан ТДЮУ ТОП-500 га кирдими? Бу хабар ёлғон эмасми?
Жавоб: Ҳа, кирди, бу хабарлар рост. Аммо бу кўпчилик ўйлаган ТОП-500 эмас. Бутун дунё тан оладиган обрўли THE World University Rankings рейтинги билан ўша ташкилот ўтказадиган THE Impact Ranking рейтингининг ер билан осмонча фарқи бор. Тўғри, иккаласини ҳам битта ташкилот ўтказади, аммо бошқа-бошқа критерийлар асосида баҳоланади.
THE World University Rankings (WUR) - бу университетларнинг академик ва илмий фаолиятини баҳолайди: ўқитиш сифати, университет профессор-ўқитувчиларининг илмий ишлари, битирувчиларнинг ишга жойлашиши сингари кўрсаткичларга қарайди.
THE Impact Ranking (IR) - университетлар кўрсаткичларини БМТнинг Sustainable Development Goals'да белгиланган кўрсаткичлар бўйича ўлчайди. Масалан, Goal-1'да қанча талаба моддий ёрдам олиши, Goal-3'да ОТМнинг соғлиқни сақлаш ташкилотлари билан ҳамкорлиги, Goal-4'да университетнинг талаба бўлмаганлар учун тадбирлар (семинарлар ва ҳ.з.) ўтказиши ва бошқалар.
Бошқача айтганда THE WUR бу FIFA ўтказадиган ва гигантлар қатнашадиган Жаҳон чемпионати бўлса, THE IR эса БМТ кунига бағишлаб FIFA ташкил қилган халқаро турнирдек гап.
Оддийгина мисол, THE WUR нинг кучли учлигини Oxford, Stanford ва Harvard университетлари эгаллаб турибди. THE IR рейтингига эса, бу ОТМлар ҳатто киритилмаган ҳам. Яъни улар халқаро турнирда қатнашмаган.
THE IR рейтингининг 3-ўринидаги RMIT University (Австралия) асосий THE WUR рейтингида 301-350-ўринларни эгаллаб турибди. Хуллас, бу икки рейтинг фарқини тушунтира олдим, деб ўйлайман.
❗️Аммо бир нарсани алоҳида қайд этишим керак, университетларимизнинг каттами-кичкинами турли халқаро ва минтақавий рейтингларда кўриниш бераётгани қувонарли ҳол. Илгари бирорта рейтингда ҳатто сояси ҳам йўқ эди, бугунга келиб ОТМлар халқаро стандартлар асосида фаолиятини тўғри ташкил қилишга, академик салоҳиятини кўтаришга ҳаракат қилишмоқда, илмий ишларга урғу қаратишяпти, иш берувчилар билан ишлашни бошлашмоқда ва ҳ.к.
Тўғри, ҳозирча ТОП-500 уёқда турсин, бирорта ОТМнинг ТОП-1000 га кириши ҳам орзу бўлиб турибди, аммо ҳаракат қилинса, уддаласа бўладиган иш. Бизда ҳам қачонлардир бўлиши керакку. Ўша кунлар тезроқ келишини, олий таълим сифати халқаро стандартларга яқинлашишини ният қиламан.
THE Impact Ranking рейтингига кирган 12 та ОТМни эса табриклайман!
👉 @xushnudbek 👈