•Ўн саккиз минг оламни яратган Аллоҳ Таолога беҳисоб ҳамду саънолар бўлсин. Икки олам сарвари Пайғамбаримиз Муҳаммад Мустафо Саллоллоҳу Алайҳи Васалламга дуруду саловатлар булсин.
•Бугунги килган Ибодатларимиз, Тиловату зикрларимиз, Дуолар ижобати билан булсин!
•Ё Аллохим! Ҳар бир ишда Сенга муҳтожмиз! Ўзингдан ўзгага муҳтож қилма! Ҳар ҳолатда ёлгиз Ўзингга таваккаул қиламиз, суянамиз, Ўзингдан бошқага ташлаб қуйма! Дунёвий ва ухравий ҳайрли ишларимизда Ўзинг мададкоримиз бўл!
•Ё Аллохим! Орамизда хожатмандлар бор, хожатларини раво қил! Бошига мушкил тушган,ташвиш етганлар бор, мушкилларини осон қил, ташвишларини арит! Беморларимиз бор, дардларига шифои комил бер! Фарзанд талабларимиз бор, қўша-қўша солиҳу солиҳа, муслиму муслима фарзандлар ато айла! Адашганларни ҳидоят қил! Хавф-хатарга тушганларга хотиржамлик ато қил! Қарздорларга кушойиш бер! Мазлумларга нажот бер! Боши қотганларга нажот йўлини курсат!
•Ё Аллоҳим! Бизларни кўз юмиб очгунчахам, ундан оз муддат хам ўз холимизга ташлаб қўйма! Ўзингдан бегона қилма! Мададкоримиз, химоячимиз, ҳидоятчимиз, кўмакчимиз, ва қўллаб-қувватловчимиз бўл!
•Ё Аллоҳим! Иш-ахволимизнинг жилови бўлмиш диёнатимизни яхши қил! Тириклигимиз манбаи дунёйимизни яхши қил! Боражак манзилимиз бўлмиш оҳиратимизни яхши қил!
•Ё Аллоҳим! Сендан энг яхши тилак, энг яхши дуо, энг яхши муваффақият, энг яхши илм, энг яхши амал, энг яхши савоб, энг яхши хаёт ва энг яхши ўлимни сўраймиз! Узимизни собитқадам, тарозимизни оғир айла! Орзуларимизни руёбга чиқар, даражаларимизни кутар, намозу дуоларимизни қабул эт, хатоларимизни кечир. Сендан жаннатдан олий мақом сўраймиз!
•Ё Аллоҳим! Сендан рахматинг сабабларини, мағфиратинг омилларини, хар бир яхшиликдан насиба олиш, ҳар қандай гуноҳдан саломат булиш, жаннатни қозониш ва дузахдан қутулишни сўраймиз!
•Ё Аллохим! Илмимизни фойдасиз, қалбимизни қўрқувсиз, кўзимизни намсиз, нафсимизни тўймас, амалимизни номақбул, дуойимизни беижобат қилиб қўйма!
•Ё Аллоҳим! Сендан Росулуллоҳ соллаллоҳу алайҳи васаллам ва солиҳ бандаларинг сўраган яхшиликларни сўраймиз, Росулуллоҳ соллаллоҳу алайҳи васаллам ва солиҳ бандаларинг паноҳ сўраган ёмонликлардан паноҳ тилаймиз!
•Ё Аллоҳим! Нохақ тўкилаётган қонлардан, бева қолаётган аёллар ва етим бўлаётган гудакларнинг аҳволидан Ўзингга арз қиламиз! Уларга раҳм қил! Мусулмон улкаларга тинчлик-осойишталик, офиятингни нозил айла! Мусулмонларнинг молига, жонига ёки динига қасд қилганларга Ўзинг кифоя қил! Уларнинг хатою гунохларини мағфират қил! Солиҳ амалларига баракотлар, муваффахиятлар ато эт! Уларнинг қалбларини бирлаштир! Ораларидаги ихтилоф ва келишмовчиликларни кутар! Бир-бирлари билан Ўзинг амр қилганингдек ака-ука, оға-ини, биродар бўлишларини насиб айла! Ахлу хушига, хиссиётига динингни хакам қилиб олишларига тавфиқ бер! Уларга ҳақнинг ҳақлигини кўрсат ва унга эргашишни насиб эт, ботилнинг ботиллигини курсат ва ундан хазир бўлишларини насиб айла!
•Ё Аллоҳим! Мўмину мўминаларни, муслиму муслималарни мағфират қил! Хатоларини кечир, ёмонликларини яхшиликларга алмаштир! Уларни ички ва ташқи фитналардан, бузуқликлардан йироқ қил! Қалбларини ҳақ устида жамла! Нафсларини ва ахлоқларини покла! Уларни солих амалларга, чинакам тақво, хақиқий ибодат ва олий убудиятга муваффақ қил! Уларни дунё халқлари учун гўзал намуна бўлиш билан шарафлантир! Инсоният учун етакчи, пешқадам солиҳ уммат айла!
•Ё Аллоҳим! Ислом умматининг эркакларини Ўзинг ислоҳ қил! Оилаларига гўзал раҳбар бўлишларини насиб эт! Уларга химмату хамият, ғайрату қатъият ато қил!
•Ё Аллоҳим! Ислом умматининг аёлларини Ўзинг ислоҳ қил! Уларни шарму хаё, иффату ва латофатдан айирма! Уларни ғайридинга тақлид қилишдан, фахшу фужурдан асра! Ўзингга ибодатли, эрларига итоатли, фарзандларига мураббия бўлишларини насиб эт!
•Ё Аллоҳим! Ислом умматининг фарзандаларини Ўзинг ислоҳ қил! Амрингга итоатли, ота-оналарига мархаматли, келажак учун ислохот пойдевори бўлишиларига тавфиқ бер!
Амийн Я Роббил Аъламийн..
©Фақиҳа م
@Xikmatlarr_uz
