ÓzXDP Qaraqalpaqstan Respublikalıq Keńesi

Ўзбекистон Республикаси Президентининг “Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида”ги қарори

Өзбекстан Республикасы Президентиниң "Жаңа жыл байрамын белгилеў дәўиринде қосымша жумыс исленбейтуғын күнди белгилеў ҳәм дем алыс күнин көшириў ҳаққында"ғы қарары

Prezident.uz|Facebook|Instagram|YouTube|X

📰   «Ўзбекистон овози» газетасининг 2024 йил 25 декабр, 52-сони

Veb-sayt | Telegram | Facebook

Xo‘jaylida tibbiy ko‘rik o‘tkazildi

Xo‘jaylida O‘zbekiston XDP Qoraqalpog‘iston Respublikasi Kengashi, Xo‘jayli tuman kengashi va xalq deputatlari tuman Kengashidagi partiya guruhi bilan hamkorlikda tadbir tashkil qildi.

Xususan, onalar va bolalar salomatligini mustahkamlash, xotin-qizlar orasida sog‘lom turmush tarzini targ‘ib qilish, ularning tibbiy madaniyatini oshirishga qaratilgan “Sog‘lom ona – sog‘lom oila” loyihasi doirasida amaliy tadbir o‘tkazildi.

Amaliy tadbir davomida 150 dan ortiq xotin-qizlar va bolalar tibbiy ko‘rikdan o‘tkazilib, salomatligini mustahkamlash, turli kasalliklarning oldini olish bo‘yicha shifokorlar tomonidan tegishli tavsiyalar berildi...
___
🌐 XDP.uz
👉Telegram|Facebook|Youtube|Instagram|Twitter

#Live

▶️ Qamoqqa olingan shaxsning tanasida jarohat yoki shikastlanish bor-yo‘qligini aniqlash uchun majburiy tibbiy ko‘rik joriy etiladi

O‘tgan yili Prezident farmoni bilan qamoqqa olish tarzidagi ehtiyot chorasini qo‘llash chog‘ida ayblanuvchi va sudlanuvchini hibsxonaga joylashtirishdan oldin uni tergov hibsxonalarining o‘zida majburiy tibbiy ko‘rikdan o‘tkazish joriy etilishi belgilangan edi. Shundan kelib chiqib, qonunchilikka o‘zgartirish va qo‘shimchalar kiritish nazarda tutilmoqda.

Misol uchun, qamoqqa olinganlar tergov hibsxonasiga joylashtirilishidan oldin unda qiynoqqa solish yoki boshqa holatlar natijasida olingan jarohatlarni, shikastlanishlarni va yaralarni aniqlash maqsadida tergov hibsxonasining o‘zida majburiy tibbiy ko‘rikdan o‘tkazilishi belgilanmoqda. E’tiborlisi, bu jarayonda advokatning ishtiroki ta’minlanadi va ko‘rik zamonaviy apparatlar yordamida olib boriladi.

Yana bir jihati, bu bosqichda tezkor chora ko‘rish maqsad qilingan. Ya’ni, tibbiy ko‘rikni o‘tkazish uchun vaqt belgilash taklif etilmoqda. Unga ko‘ra, qamoqqa olinganlar tergov hibsxonasiga olib kelingandan boshlab bir soat ichida tibbiy xodim tomonidan majburiy tibbiy ko‘rikdan o‘tkazilishi mumkin.

Agar majburiy tibbiy ko‘rik davomida qamoqqa olinganning tanasida jarohatlar, shikastlanishlar va yaralar aniqlangan taqdirda, ular belgilangan tartibda qayd etilib, bu haqida zudlik bilan prokurorga xabar beriladi.
___
🌐 XDP.uz
👉Telegram|Facebook|Youtube|Instagram|Twitter

#Live

▶️ Soliq ma’muriyatchiligi yanada takomillashtiriladi

Tadbirkor bu avvalo o‘zini, yirikroq biznes egalari esa boshqalarni ham ish bilan ta’minlovchi shaxsdir. Xalq demokratik partiyasining dasturiy maqsadlaridan biri esa aholi bandligini ta’minlashdan iboratdir. Demak, ularning faoliyatini takomillashtirish, biznes egalari safini kengaytirish partiyamiz uchun ham muhim masala sanaladi.

Quyi palatada davom etayotgan fraksiya yig‘ilishida ko‘rib chiqilgan navbatdagi qonun loyihasi ana shu nuqtai nazardan muhokama qilindi.

O‘tgan ikki yilda o‘tkazilgan O‘zbekiston Respublikasi Prezidentining tadbirkorlar bilan ochiq muloqotlari natijasida tadbirkorlik sohasida ko‘plab tizimli muammolar hal etildi.

Tadbirkorlik subyektlarini mikro, kichik, o‘rta va yirik toifalarga, tuman va shaharlarni 5 ta toifaga ajratish orqali tadbirkorlikni manzilli qo‘llab-quvvatlash tizimi yo‘lga qo‘yildi.

Navbatdagi masala sodda soliq ma’muriyatchiligi va byurokratiyadan xoli qulay muhit yaratish maqsadida soliqqa oid huquqbuzarliklar uchun belgilangan javobgarlik choralarini, moliyaviy sanksiyalar va ma’muriy jarimalarni to‘liq xatlovdan o‘tkazib, javobgarlik choralarini adolatlilik tamoyili asosida belgilashdan iborat.

Soddaroq qilib aytganda tadbirkorlik subyektlari aynan bir huquqbuzarlik uchun bir necha marotaba javobgarlikka tortilishining oldini olish muhim sanaladi. Shundan kelib chiqib, partiya fraksiyasi savollariga javob oldi va qonun loyihasini konseptual jihatdan ma’qulladi.
___
🌐 XDP.uz
👉Telegram|Facebook|Youtube|Instagram|Twitter

#Live

▶️ Yana bir faxriy unvon ta’sis etilishi mumkin

Ekologik vaziyat inson salomatligi, taqdiri, kerak bo‘lsa, butun borliqning holatiga ta’sir qiladi. Shundan kelib chiqib jahonda ekologiyani asrab-avaylashga oid ko‘plab chora-tadbirlar yo‘lga qo‘yilgan. Tabiiyki, O‘zbekiston ham bundan mustasno emas.

Asosiysi, qonun va qarorlar qabul qilish bilangina cheklanib qolmay, jamoatchilik faollari safini kengaytirishga ham alohida e’tibor qaratilmoqda. Mamlakatimizning turli hududlarida 100 dan ortiq ekologik nodavlat notijorat tashkilotlari faoliyat ko‘rsatmoqda.

Ekologik xavfsizlikni ta’minlashning o‘sib borayotgan talablariga javob beradigan, atrof muhitni muhofaza qilish va tabiatdan foydalanishni boshqarish tizimi qayta tashkil etildi. Bir millionga yaqin ekofaollar orasida ko‘ngilli tarzda, volontyorlik qilib kelayotganlari ham oz emas.

Ammo ularning safini yanada kengaytirish, yurtimizdagi barcha fuqarolarni ekologiyani asrashda faollik ko‘rsatishga chaqirish talab etiladi. Shu maqsadda, ya’ni atrof muhitni muhofaza qilishda jamoatchilik ishtiroki va jamoatchilik ekologik nazoratini tashkil etish, mamlakatimizda ekologiya va atrof-muhitni muhofaza qilish sohasini rivojlantirish, tabiatni asrab-avaylash, bioxilmaxillikni saqlash, iqlim o‘zgarishi oqibatlarini yumshatish, tabiiy resurslardan oqilona foydalanish va tizimda alohida tashabbus ko‘rsatgan shaxslarni rag‘batlantirishga qaratilgan yangilik taklif etilmoqda.

❗️ Quyi palatadagi partiya fraksiyasi yig‘ilishida ko‘rib chiqilgan navbatdagi qonun loyihasi “O‘zbekiston Respublikasida xizmat ko‘rsatgan ekolog” faxriy unvonini ta’sis etish bilan bog‘liq bo‘lib, deputatlar ushbu tashabbusni qo‘llab-quvvatladi. Shuningdek, deputatlar mazkur loyiha vaqtidan kechikkanini ta’kidlashni ham unutmadilar.
___
🌐 XDP.uz
👉Telegram|Facebook|Youtube|Instagram|Twitter