XALÍQ USHÍN ⚖️

⚡️Ҳәр қандай адамның разылығын алмастан фото ямаса видеоға түсириў қадаған етилмекте ️

📃Инсанлардың сүўретке болған ҳуқықын беккемлеў мақсетинде Әдиллик министрлиги тәрепинен тийисли нызам жойбары ислеп шығылды ҳәм халықтың пикирин үйрениў мақсетинде жәмиетлик додалаўға жайластырылды.

️❗️Жойбарға бола, енди, улыўма қағыйда сыпатында, ҳәр қандай адамның фото ямаса видеоға түсириў ямаса усы сүўреттен пайдаланыў ушын оның разылығы талап етиледи.

✅ Соның менен бирге, жойбарда төмендегилер белгиленбекте:

✔️16 жастан баслап өспиримлер оларды сүўретке түсириў, сүўреттен пайдаланыўға өз бетинше разылық бере алады;
️
✔️жәмийетлик орынларда ҳәм
ғалабалық илажларда сүўретке түсириў ушын рухсат талап етилмейди;

✔️мәмлекетлик хизметкерлерди хизмет ўазыйпасында шеклеўсиз сүўретке түсириў ҳәм сүўреттен пайдаланыў мүмкин;
️
✔️нызамбузыўшылық ҳәрекетлерди сүўретке түсириў ушын разылық шәрт емес;

✔️видеобақлаў системалары ҳаққында ескертиўши белгилер орнатылыўы шәрт;

✔️адамлардың бираз ямаса толық кийимсиз болыўын талап ететуғын орынларда (медицина бөлмеси, монша, кийим алмастырыў бөлмелери ҳәм басқа) видеобақлаўды әмелге асырыў қадаған етиледи.

️☝️Егер сүўреттен разылық берилген мақсеттен басқа мақсетте ямаса инсан намысы ҳәм қәдир-қымбатын кемситетуғын тәризде пайдаланылса, разылық шақырып алыныўы мүмкин.

🔎Жойбардың толық тексти: силтеме

📌Нызам еле қабыл етилмеди, күшке киргенде каналымызда толық мағлыўмат беремиз.

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

⚡️Пиядаға жол бермеген айдаўшыларға салынатуғын жәрийма еки есеге көбейди

❗️Енди пиядалар өтиў орнында пиядаларға жол бермеген айдаўшылар БЕМның 1 есеси (375 000 сум) муғдарында жәрийма төлейди.

☝️Алдын бул жәрийма муғдары БЕМның 50% еди.

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

⚡️Турақ жай субсидиясын бериў ушын пуқараларға қойылатуғын талаплар өзгерди

✅ Министрлер Кабинетиниң 11.11.2024-жылдағы 749-санлы қарарына тийкар, пуқараларға ипотека кредитлери бойынша субсидия ажыратыў ушын төмендеги критерийлер ислеп шығылған:

1️⃣ Пуқара ҳәм/яки оның шаңарағының дәраматы:

➖Қарақалпақстанда ҳәм ўәлаятларда:

▪️МҲЕКМның 2,7 есесинен (3118500 сумға) 7 есесине (8085000 сумға) шекем болғанда - 10 балл;

▪️МҲЕКМның 7 есесинен (8085000 сумнан) 8 есесине (9240000 сумға) шекем болғанда - 5 балл.

2️⃣ Ҳәзирги турақ жайы статусы.

➖Пуқара яки оның шаңарағына тийисли мүлк яки турақ жайының жоқлығы - 20 балл.

3️⃣ Социаллық қорғаўға мүтәж айырым пуқаралар:

➖"Labor-Migration" бағдарламасынан дизимнен өткен мийнет мигранты болса - 10 балл;

➖Алыс ҳәм шетки аймақларда басқа аймақлардан келип жумыс ислеп атырған жоқары мағлыўматлы қәнигелер яки педагоглар, қәнигелестирилген пәнлерден сабақ бериўши оқытыўшылар яки тәжирийбе өткерип атырған оқытыўшылар ҳәм билимлендириў усталары болса - 5 балл;

➖Жаслар категориясына кириўшилер (30 жасқа шекем) болса - 5 балл;

➖Аўыр социаллық жағдайға түсип қалған пуқаралар (жалғыз аналар, майыплығы болғанлар, жетим-жесирлер болса - 5 балл.

4️⃣ “Медициналық-социаллық эксертиза” электрон системасынан дизимнен өткенлер болса - 5 балл.

☝️Барлық критерийлер бойынша максимал балл 35 балл.

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

⚡️Быйылдан баслап жоқары оқыў орынларында бағшалардың тийисли жоқары мағлыуматқа ийе болмаған педагоглары ушын арнаўлы квоталар ажыратылады

✅ Президенттиң Пәрманына бола, 2025-2026-оқыў жылынан баслап:

➖ мәмлекетлик жоқары оқыў орынларында мектепке шекемги билимлендириў бағдары бойынша дуал билимлендириў формасы енгизиледи;

➖ мәмлекетлик жоқары оқыў орынларына мектепке шекемги билимлендириў бағдарының сыртқы хәм кешки формасына ҳәр жылы кеминде 200 мақсетли квота ажыратылады.

☝️Бул квотаға бағшаларда кеминде 5 жыллық жумыс стажына ийе болған педагог кадрлар еселенген төлемли-контракт тийкарында қабылланады.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - халықтың ҳуқықый саўаты ушын!

⚡️Өзлестириўи жоқары болған социаллық категориядағы студентлерге процентсиз тәлим кредити бериледи

Ҳүкимет қарарына бола, белгиленген категориядағы студентлер ушын 2024/2025-оқыў жылынан баслап жоқары оқыў орынларында пәнлерди өзлестириўдиң орташа көрсеткиши (GPA) 3,5 ҳәм оннан жоқары болған студентлерге кейинги оқыў жылы ушын процентсиз тәлим кредити ажыратылады.

Бундай жеңиллик берилетуғын категориялар дизими Социаллық қорғаў миллий агентлиги ҳәм Жоқары билимлендириў, илим ҳәм инновациялар министрлиги тәрепинен тастыйықланады.

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

❓Баланың тутлығып сөйлеўине не себеп болады?

Балалар арасында жийи ушырасатуғын кеселликлердиң бири болған тутлығыў (тутлығып, иркилип сөйлеў) көп жағдайларда ата-ананың жүдә қаттықоллығы ақыбетинде пайда болады.

Адамның бас мийинде сөйлеў ушын жуўап беретуғын 7 орай бар болып, бул орайлар 7 жасқа шекем қәлиплесип барады. Соның ушын да 7 жасқа дейинги болған балаларда тутлығып сөйлеў жағдайы көп ушырайды.

Сондай екен, ата-аналардан усы жасқа шекемги болған балалар менен жүдә абайлы болып сөйлесиў, қатнас жасаў керек. Раўажланып киятырған сөйлеў орайларына үлкен зыян жеткеретуғын ис-ҳәрекетлерге улыўма жол қоймаў талап етиледи.

Егер балада әллеқашан қорқыў себепли тутлығып сөйлеў раўажланған болса, оны педагогпсихолог ҳәм логопед қабыллаўына алып барып, емлеў илажларын қыстаўлы түрде әмелге асырыў тийис.

Егер балада сөйлеў бузылыўлары бас мий кеселликлери, соның ишинде олигофрения, бас мий жарақатлары ҳәм т.б. себепли раўажланған болса, оны невропатолог ямаса медициналық психолог жәрдеминде емлеў керек.

Әлбетте, бундай диагноз қойылғанда, емлеў процесинде логопед те қатнасыўы шәрт.

Себеби балаға сөзлерди дурыс айта алыўды тек логопед ғана үйрете алады. Балада түрли руўхый кеселликлер раўажланыўының алдын алыў ушын оны мектеп жасына жетпей турып емлетиў зәрүр.

🔔 Постты жақынларыңызға тарқатың.

👉 @XALIQ_USHIN - халықтың саламатлығы ушын!

⚡️Ҳаял-қызларды жумыс пенен тәмийинлеўге қаратылған жойбарлар ушын исбилерменлерге мәмлекет гранты ажыратылады

🔰 Нызамшылыққа муўапық, Мәҳәллелерде ҳаял-қызлардың бәнтлигин тәмийинлеў ҳәм денсаўлығын беккемлеў орайлары дүзилиўи белгиленген.

💰 Орайларда бир социаллық жойбар шеңберинде 20 ға шекем ҳаял-қызлардың турақлы бәнтлигин тәмийинлеў мақсетинде бәнтлиги тәмийинленетуғын ҳәр бир жумыссыз ҳаял-қыз ушын исбилерменлерге 3 миллион сумға шекем мәмлекет гранты ажыратылады.

☑️ Мәмлекет гранты төмендеги қатламдағы ҳаял-қызларды кәсип-өнер ҳәм исбилерменликке оқытыў, олардың бәнтлигин тәмийинлеў ҳәм де исбилерменлик жумысын баслаўына көмеклесиўге қаратылған жойбарлар ушын ажыратылады:

“Социаллық қорғаўдың бирден-бир реестри”не, соның менен бирге “Ҳаяллар дәптери”не киргизилген;

▫️жумыссыз, әсиресе, аўыллық жерлерде бала тәрбиясы менен шуғылланып атырған;

▫️шет ел мийнет миграциясынан қайтып келген;

▫️майыплығы болған мийнетке жарамлы жумыссыз;

▫️рәсмий емес бәнтликти қысқартыў мақсетинде күнделикли жумыс пенен шуғылланып, дәрамат таўып атырғанлар;

▫️адам саўдасынан ҳәм де күш көрсетиў ҳәм зорлықтан жәбир көрген, аўыр экономикалық жағдайға түсип қалған;

▫️улыўма орта ҳәм профессионал билимлендириў мәкемелерин тамамлаған, ЖООна оқыўға кире алмаған ямаса жоқары оқыў орынларында оқыў ушын имканияты болмаған жумыссыз ҳаял-қызлар;

▫️алдын жынайый жуўапкершиликке тартылған, профилактикалық дизимге алынған, жазаны орынлаў мәкемелеринен қайтып келген ҳаял-қызлар.

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

⚡️Кибер алдаўшылар урлаған пулларды қайтарып алыўға бола ма?

Өзбекстанда кибералдаўшылық барған сайын кеңейип бармақта. Оның сондай түрлери бар, жойтылған мүлкиңизди ямаса қаржыңызды қайтарып ала алмайсыз, бунда тийисли шөлкемлер де жәрдем бере алмайды.

2024-жылы бир ғана Ташкент қаласында алдаўшылар аралықтан турып адамлардың 381 млрд сум (шама менен 30 млн доллар) пулын өзлестирген.

Ташкент қаласы ИИББның мәлим етиўинше, бул пуллардың тек 4 проценти (14,2 млрд сумы) қайтарылған, қалғаны сырт елге шығып кеткен.

ИИББ ўәкили Жаҳонгир Садуллаевтың айтыўынша, өзин банк ямаса ҳуқық қорғаў уйымы хызметкери сыпатында таныстырыў менен байланыслы алдаўшылық усылы жәми кибержынаятлардың 3,2 процентин қурайды. Яғный 300 ден аслам жағдайда пуқаралар жәбирленген. Тилекке қарсы, ҳәзирше бундай алдаўшылардың ҳеш бири де әшкараланбаған.

📺 Интервьюды толық көриў

🔔 Постты жақынларыңызға тарқатың.

👉 @XALIQ_USHIN - халықтың ҳуқықый саўаты ушын!

⚡️Субботник отмен!

Улыўмахалықлық қайырқомлық шембилик өткерилетуғыны ҳаққындағы хабар тастыйықланбады.

Өзбекстан мәҳәллелери аўқамының айтыўынша, тек ғана Президент бийлиги менен 2025-жыл 11-марттан "актуал бир айлық" мобилизациясы жәрияланған.

👉 @XALIQ_USHIN - халықтың ҳуқықый саўаты ушын!