Tezkor xabarlar

Парда ҳақидаги Олий суд қарори тўғрисида икки оғиз

Бугун бир гуруҳ автоблогерлар Олий суд машинанинг орқа ён ойнасига парда тақишни ҳуқуқбузарлик эмас деб топгани ҳақида хабар беришди. Ҳайдовчи Ботир Бахранов анча аввал унга нисбатан тузилган маъмурий баённома устидан шикоят қилиб судлашганди. Туман судида ютгач, Ички ишлар органлари ходимлари бу қарор устидан вилоятга шикоят қилишди. Вилоятда ютқазгач, Олий судга шикоят қилишди. Ва мана Олий судда ҳам ютқазишди.

Бу хабардан заррача ҳайрон бўлганим йўқ. Чунки шундоқ ҳам кўрга ҳассадек кўриниб турган нарса эди, судьяларимиз ана шундай қарор қабул қилишига 99% ишонгандим.

Парда билан боғлиқ воқеалар ривожи анчайин қизиқарли.

Дастлаб орқа ён ойнага парда тақиш қонунда тақиқланмагани, бемалол тақиб юриш мумкинлиги ҳақида 1 йил олдин мақолам чиққанди ва ўшанда барча юридик жиҳатларини тушунтириб беришга ҳаракат қилгандим.

Ўтган йилдан буён парда бўйича кўплаб ҳайдовчиларимиз судлашди ва ғалаба қозонишди. Жарималарни қайтариб олишди.

Судларда кетма-кет мағлубиятга учрашни бошлагач, масъуллар номардлик йўлини танлашди. Тонировкага оид жарима жазосини кучайтириш баҳонасида Маъмурий жавобгарлик тўғрисидаги кодексга пардани тақиқловчи қоидани киритмоқчи бўлишди. Ими-жимида халқни кўзини шамғалат қилиб, ўтказиб оламиз деб ўйлашган шекилли. Аммо ижтимоий тармоқларда дод-вой қилганимиздан кейин, бу лойиҳа тасдиқланмади.

Шундан сўнг ИИВнинг янги тайинланган матбуот котиби Шохрух Гиясов пардага тақиқ - мантиқсиз қарор эканлигини таъкидлади.

Аммо ИИВ Йўл ҳаракати хавфсизлиги бош бошқармасидаги масъуллар юқоридаги оддий ҳақиқатни тан олишни исташмади. Аниқроғи қонунни тушунишни хоҳламади ёки бунга ақли етмади. Фуқароларнинг тинкаи мадорини қуритиб, улар билан судлашди. Охир-оқибат шармандаларча барча судда ютқазди.

Бошқача айтганда улар ернинг тўртбурчаклигига ҳаммани ишонтирмоқчи бўлишди. Афсуски бунга на суд, на одамлар ишонди.

Бугунги Олий суд қарори гарчи бутун бошли парда масаласида эмас, фақат биргина ҳайдовчига қўлланган маъмурий жарима юзасидан бўлса-да, аммо бу яхши сигнал. Ҳар ҳолда Олий суд даражасида ер думалоқлиги расман тасдиқланди дегани.

Қиссадан ҳисса шуки, бемалол машинанинг орқа ён ойнасига парда тақиш мумкин. Бунга илгари ҳам ҳеч қачон тақиқ бўлмаган. Аммо қонунларни яхши тушунмайдиганларнинг касрига узоқ йиллар давомида юзлаб, балки минглаб ҳайдовчиларга ноҳақ жарималар қўлланган. Ишонамизки, энди бундан буён орқа ён ойнага ўрнатилган парда учун ҳеч кимга жарима қўлланмайди. Мабодо сизга жарима қўллашса, унда ўйлаб ўтирмай судга беринг. Ҳаққингизни талаб қилинг.

❗️Таксичилик учун лицензиялаш тартиби бекор қилингани йўқ

Ижтимоий тармоқларда 2021 йил 1 январдан бошлаб таксичилик учун лицензиялаш тартиби бекор қилиниши ҳақида хабарлар тарқалди. Аммо ушбу хабар ҳақиқатга тўғри келмайди.

Кеча Президент фармонига биноан, бир қатор фаолият турларини лицензиялаш тартиби бекор қилинган эди. Тўлиқ рўйхат мана бу ерда (t.me/uzauz/278).

Ушбу рўйхатда қуйидагича банд бор:

«Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини лицензиялашда:
- юкларни автомобиль транспортида шаҳарда ва шаҳар атрофида ташиш фаолияти;
- юкларни автомобиль транспортида шаҳарлараро ташиш фаолияти».

Кўпчилик шу бандни таксичиларга ҳам тааллуқли деб тушунибди. Аммо бу фақат юк ташиш фаолиятига тааллуқли.

❌ Одам ташувчи таксичиларга лицензиялаш тартиби бекор бўлмади, у ҳалиям ўз кучида турибди.

Аввалроқ 60 дан зиёд касблар қаторида таксистлар ҳам ўзини-ўзи банд қилган фуқаролар сифатида даромад солиғидан озод қилиниши таъкидланганди, аммо кейинчалик тасдиқланган касблар рўйхатидан негадир таксичилик ўрин олмади. Кейинчалик таксистлар учун алоҳида тартиб бўлиши ва яқин орада эълон қилиниши айтилганди, аммо ҳозирча бундай тартиб эълон қилинмади.

Бизда расмий фаолият юритмайдиган таксичилар сони кўплиги таъкидланади, аммо қонуний таксичилик фаолияти билан шуғулланиш жуда қийин ва бюрократик жараёнларга тўла эканлиги, бировга халақит бермай ўз оиласини боқаётган юртдошларимизнинг фаолиятини соддалаштириш кераклиги ҳақида ҳам доимий равишда айтиб келинади.

Якшанба куни учун таъсирли воқеа.

Кун.уз нашри Бектемир туманида ижарада яшовчи, жигар циррозига чалинган ва зудлик билан операция қилиниши зарур бўлган бемор Мурот Тлеумуратов учун хайрия акцияси ташкил этади. Акцияда 100 млн сўмдан ортиқроқ маблағ йиғилади.

Аммо чегаралар ёпилиб қолгани учун Ҳиндистонда ўтказилиши керак бўлган операцияга 40 ёшли бемор етиб бора олмади ва яқинда касаллик зўрайишидан вафот этди.

Шундан сўнг, марҳумнинг турмуш ўртоғи хайрияга тушган 100 млн сўмни бошқа беморларга бўлиб берибди.

Кун.уз мухбири сўраяпти: «ижарада тураман дегандингиз, чоғроқ бўлса ҳам уй олишга ҳаракат қилмадингизми?»

Марҳумнинг турмуш ўртоғи Нурсулу жавоб беряпти:

– Бу пулларни ўзим учун ишлатишга ҳаддим сиғмади. Ҳеч кимнинг бошига биздаги каби айрилиқ тушмасин. Ҳозир ҳам 1,3 млн сўм тўлаб ижарада турамиз, эримнинг жони ҳам уйсизликда узилди. Лекин Аллоҳнинг бизга, қизимга атагани ҳам борлигига ишонаман. Ўзи истаса уйлик ҳам бўламиз.

Мана шундай яхши инсонлар борлиги учун ҳам бу дунё турибди, менимча. Яхшилар ва яхшиликлар кўпаяверсин...


👉 @xabarlaruzbekistan1

Турфа тақдирлар

Карантин зонасида кўнгилли сифатида ишлаш бўйича эълон қилган махсус анкетамизга ҳозирга қадар 3343 та ариза келиб тушди. Барча маълумотларни Бош вазирнинг ижтимоий ривожлантириш масалалари бўйича ўринбосари бошчилигида тузилган Тезкор штабга ҳамда Соғлиқни сақлаш вазирлигига етказдим.

Анкетада қўшимча изоҳ ҳам қолдириш мумкин эди. Қолдирилган изоҳларни ўқиб, очиғи турли тақдирларни кўргандай бўлдим. Айрим изоҳларни ўқиб, кайфиятим кўтарилди, айримларини ўқиб эса қийин ҳолатда қолган юртдошларимизни ўйлаб, юрагим сиқилди.

Келинг, шахсиятларни ошкор қилмаган ҳолда, баъзи талабгорлар қолдирган баъзи изоҳларни Сизлар билан улашсам (имло аслича сақланди):

https://teletype.in/@xushnudbek/izohlar

❗️Маълумот ўрнида: ариза юборганларни ишга олиш масаласини мен ҳал қилмайман, мен шунчаки талабгорлар ва тегишли ташкилотлар ўртасида кўприк бўлишга ҳаракат қиляпман холос.


👉 @Xabarlaruzbekistan1