Ўзбекистон ҳудудида
қурбақанинг 4 тури ва
бақаларнинг 2 тури учрайди. Бақа ва қурбақаларнинг ташқи кўринишига назар солганда дастлаб улар бир-биридан фарқ қилмайдигандек таасурот уйғонади, лекин уларнинг фарқли жиҳатлари анчагина. Келинг, уларни фарқ қилишни ўрганайлик.
1️⃣ Бақаларнинг орқа оёқлари узунроқ бўлади, чунки узун оёқлар узоқроқ масофага сакрашига имконият яратади. Қурбақалар эса асосан тўрт оёқлаб судралиб юрганлиги сабабли, орқа оёқлари калтароқ бўлади.
2️⃣ Бақаларнинг териси силлиқроқ ва нам бўлса, қурбақаларнинг териси нисбатан қуруқ ва бўртма шаклидаги «сугаллар» билан қопланган ҳамда ғадир-будур бўлади.
3️⃣ Бақалар асосан сувда, қурбақалар эса қуруқликда ҳаёт кечиради.
4️⃣ Бақалар ўзи кабилар билан ўзаро гуруҳлар шаклида биргаликда яшашни ёқтирса, қурбақалар кўпайиш даврини истисно қилган ҳолда асосан бошқа қурбақалардан алоҳида ҳаёт кечиришни танлайдилар.
5️⃣ Уларнинг «сайроғи» ҳам бир-биридан фарқ қилади, яъни бақалар «квааа-квааа», қурбақалар эса «пррр-пррр» деган овозда «куйлашади».
Барчага баҳор фаслида қурбақа ва бақаларни учратишни ҳамда уларни томоша қилишни, шу билан бирга уларни тур жиҳатдан осонгина фарқ қила олишни тилаб қоламиз 😊.
Кўл бақаси | Озёрная лягушка | Lake frog | Rana ridibunda
📷 Мария ГрицинаЯшил қурбақа | Зелёная жаба | Green toad | Bufo viridis
📷 Валентин СолдатовОбуна бўлинг 👉
Wildlife of UzbekistanРус тилида 🐸
Facebook Wildlife of Uzbekistan Instagram Wildlife of Uzbekistan