Telegram-канал "Vector's blog (uz)" — @vector_m_v_blog

Vector's blog (uz)

11 Feb, 13:19

Репост из: U.S. Embassy Tashkent

⚠️ At this time, the U.S. Embassy is not accepting transfer requests for immigrant visa cases for applicants who reside outside of Uzbekistan.

🇺🇸 U.S. Embassy Tashkent is able to accept only a limited number of transfer requests, mainly for medical emergency and other urgent reasons. Long wait time in other countries is not a sufficient justification for a transfer request.

__

⚠️ Hozirgi vaqtda AQSh Elchixonasi O'zbekiston hududidan tashqarida istiqomat qiluvchi murojaatchilardan, immigratsion ishni ko'chirish bo'yicha murojaatlarini qabul qilmaydi.

🇺🇸 Toshkentdagi AQSh Elchixonasi faqatgina cheklangan sonda immigratsion ishni ko'chirish murojaatlarini, asosan favqulodda tibbiy yoki boshqa shoshilinch holatlarni ko'rib chiqib, qabul qilish imkoniyatiga ega. Boshqa davlatlardagi uzoq kutish vaqti, immigratsion ishni ko'chirish uchun yetarli asos hisoblanmaydi.
__

⚠️ В настоящее время Посольство США не принимает запросы на перевод иммиграционного дела от заявителей, проживающих за пределами Узбекистана.

🇺🇸 Посольство США в Ташкенте может принять только ограниченное количество запросов на перевод иммиграционного дела, в основном по неотложным медицинским или другим срочным причинам. Длительное время ожидания в других странах не является достаточным основанием для отправки запроса на перевод дела.

16 0 0 7

Vector's blog (uz)

10 Feb, 23:26

#breaking_news

Nyu-York o‘qituvchilari noqonuniy muhojir oilalarga ICE bilan uchrashuvdan qanday qochishni o‘rgatmoqda – NYP

Nyu-Yorkda o‘qituvchilarga muhojirlarga Immigratsiya politsiyasi (ICE) tomonidan ham uyda, ham jamoat joylarida hibsga olinishdan qochishga yordam berish bo‘yicha tavsiyalar berilmoqda.

Shahar o‘qituvchilari kasaba uyushmasi, United Federation of Teachers (UFT) o‘z a’zolari uchun treninglar o‘tkazib, ularni muhojirlarga konstitutsiyaviy huquqlarini tushuntirib beruvchi "qizil kartochkalar" tarqatishga o‘rgatmoqda.

"Agar ICE sizning uyingizga kelsa, siz eshikni ochishingiz shart emas. Agar siz eshikni ochsangiz, lekin zanjirni qoldirsangiz ... bu ICEning kirishiga ruxsat sifatida talqin qilinishi mumkin, shuning uchun siz eshikni yopiq holda saqlashingiz va sukut saqlashingiz kerak", dedi UFT vakili Keti Kuryakovich.

Uning qo‘shimcha qilishicha, ingliz tilida gaplashmaydiganlar eshik tagidan "qizil kartochka"ni o‘tkazishlari mumkin, unda quyidagilar yozilgan:
"Men siz bilan gaplashishni, savollaringizga javob berishni, imzolashni yoki Amerika Qo‘shma Shtatlari Konstitutsiyasiga kiritilgan beshinchi tuzatish bilan kafolatlangan huquqlarim asosida sizga biron bir hujjatni berishni xohlamayman. Men to‘rtinchi tuzatish bilan kafolatlangan huquqlarim asosida sizga uyimga kirishga ruxsat bermayman".

© https://t.me/vector_m_v_blog

20 0 0 7

Vector's blog (uz)

10 Feb, 04:43

#personal_opinion

Sen o'rganmasang, u o'rgana olmaydi!‌‌

O‘zbeklarda shunday atama mavjud:
Katta bo‘lsang, bilib olasan.

Qiziq? Katta bo'lgunicha o'rgansa bo'lmaydimi? Yoki, buning ham izohi o‘zbekcha stereotiplardan bir: Yomon bo'ladi! yoki yoqoridagodek Katta bo‘lsang, bilib olsan degan jumla bilan tugaydimi?

Tahminimcha, 90% o‘zbek oilalari traumatic.
Bunga yana bir misol farzand tarbiyasi.
Oilada yangi farzand tug'ilsa, unga nisbatan yana bir ortiqcha yukdek qarashadi. Kitob o'qib berishmaydi yoki shunchaki jajji qo'lchalarga telivizor pulti yoki telefonlarini tutqazishadi xolos. Bola jim bo'lib, savol bermasa yetarli deb o‘ylashadi. Darvoqe, bolalar judayam qiziquvchan bo'lishadi. Chunki ular hali bu hayotda yangi va o'zlari uchun ma'lumotlar bazasini shakllantirish payidalar. Eng ko'p savollar yuzasidan tabiiyki ota-onalariga murojaat qilishadi.
Ota-onalar orasidagi eng aktual javob esa: Jim, yomon bo'ladi / Katta bo'lsang, bilib olasan / Bo'ldi bor, boshimni qotirma yokida Dadangdan so'ra/onangdan so'ra.....
Bu esa bolalarda savollari juda katta "so'roq ostida" qolayotganidan darak beradi...
Ammo ba'zida, vaqti kelib, shu so'roqlar yechim topadi, lekin afsuski o'z ota-onalari tomonidan emas.)

Endi ular uchun ota-onalaridanda ustunroq shaxs mavjud. U to'g'ri javob beradimi, yoki noto'g'ri baribir savollari javobsiz qolmayapti. Aana shunisi ahamiyatlidir!

Bola tug'ilishi bilanoq unga "Dada", "Ona" deyishni o'rgatishadi ammo bu bilan ularga bilim bera olishadi degani emas!
Shuning uchun ham, ota-onalar har bir sohadan boshlang'ich ma'lumotga ega bo'lishlari kerak. Zero, bolakay Bu Nima? Bu Kim? Bu qanday yaralgan? Bu Nima qila oladi? kabi savollarni bersa ularga javob bermasdan yuqoridagi "O‘zbek stereotiplaridan" foydalanmasliklari uchun ham)

Siz sohalar bo'yicha "Qomusiy olim" darajada bo'lishingiz emas, atigi 5 yoshli bolaga yetarlicha boshlang'ich ko'nikma bera olishingiz kerak!

Bola sizga savol berdi:
Dada yoki oyi nega mana bu ko'chatimiz ko'karmayapti? deganida, aslo Bilmasam. deb javob qaytarmang! Chunki keyingi yangi savol tug'ilsa, endi bola sizdan u savolni so'ramaydi ham. Endi bola uchun "Lider" emassiz) (Hozir o'qimasangiz ahvolingiz shu kabi bo'ladi)

Agar har bir sohadan boshlang'ich ko'nikmaga ega bo'lsangiz qanday bo'ladi?

Bola savol berishi bilan sekin uni yoshiga moslab tushuntirishni boshlaysiz:
Ko'chat ko'karishi uchun 4 unsur: suv, havo, tuproq, quyosh nuri kerak bo'ladi! va shu kabi tushuntirishda davom etasiz!

Bu siz uchun oddiy holdir, ammo bola uchun bir olam ma'lumot! Chunki u o'rganyapti. Va eng asosiysi, siz uning miyyasida endi "Lidersiz"! Endi ikkinchi marta savol paydo bo'lsa, u faqat sizdan so'raydi.

Har bir ota-ona o'z farzandi oldida Liderlik darajasini yuqotib qo'ymasligi kerak. Modomiki, yo‘qotsa Yana yuqoridagi o‘zbek stereotiplaridan biriga murojaat qilishga to'g'ri keladi ya'ni "Bu bola kimga o'xshadi ekana? Gapga quloq solmaydi! yoki Shu bola hech odam bo'lmadi!"

Aslida bola shunday holatga kelishiga o'zingiz vaqtida o'qib o'rganmaganligingiz sababchi bo‘lib qolishi mumkin.

Qisqasi, yosh avlod barcha sohadan xabardor bo'ling! Men matimatikman, biologiyani bilishim shart emas. deb xato fikrda yurmang)

© https://t.me/vector_m_v_blog

21 0 0 1 9

Vector's blog (uz)

10 Feb, 02:56

Bobby Caldwell - What You Wont Do for Love HQ Audio —

04:45

#good_morning
#my_music_playlist

Hayrli tong, do'stlar

Yana bir yangi hafta, yana bir yangi imkoniyatlar boshi bilan Xudoning o'zi qo'lladi. Tongning osoyishta va go‘zal paytida Bobby Caldwellning What you wont do for love qo‘shig‘i sizga tinchlik va ilhom baxsh etsin. Yangi hafta barchangizga omadli kelsin.

Sezganingizdek, o'tgan haftada postlar soni sezilarli darajada kam bo'ldi. Bunga asosiy sabab esa shaxsiy hayotdagi yumushlarning ortishi edi. Ammo yangi haftada bunday bo'lmasligiga umid qilaman.

18 0 0 8

Vector's blog (uz)

8 Feb, 04:21

#personal_opinion

Qaysi kasb egalari xiyonatga moyilroq?

Hayotda turli kasblar inson xarakterining muayyan jihatlarini ochib beradi. Britaniyaning mashhur DailyMail nashri tomonidan e’lon qilingan tadqiqot natijalariga ko‘ra, ayrim kasb egalari shaxsiy munosabatlarda xiyonatga ko‘proq moyil ekani aniqlangan. Bu ro‘yxatda, afsuski, turli sohalardagi obro‘li mutaxassislar ham bor.
https://www.dailymail.co.uk/femail/article-14282409/love-rat-catcher-professions-cheaters.html

Tadqiqot natijalariga ko‘ra, xiyonatga eng ko‘p moyil bo‘lgan kasblar quyidagilar: yuristlar, shifokorlar, savdo va marketing mutaxassislari hamda fitnes-trenerlar. Bu sohalarda ishlaydigan insonlar ko‘pincha o‘z mehnat faoliyatida stressga duch keladi. Ular atrofida insonlar bilan uzluksiz muloqotda bo‘lishni talab qiluvchi muhit paydo bo‘ladi, bu esa shaxsiy munosabatlarda tushunmovchiliklarga va hatto xiyonatga olib kelishi mumkin.

Tahlilchilarning fikriga ko‘ra, ayniqsa, yurist va shifokorlarning yuqori darajadagi kasbiy faoliyati va ularning ish jadvali shaxsiy munosabatlarga salbiy ta’sir ko‘rsatadi. Savdo va fitnes sohasi egalari esa keng ijtimoiy aloqa doirasi sababli xiyonatga moyilroq bo‘ladi.

Shu bilan birga, tadqiqotda IT mutaxassislari, ya’ni dasturchilar va texnika sohasidagi insonlar nisbatan kamroq xiyonat qilishini ta’kidlashgan. Sababi ular ko‘proq shaxsiy muhitda, kompyuterlar va dasturlar bilan ishlashga yo‘naltirilgan. Aytish mumkinki, ular o‘z ishlariga ham, shaxsiy munosabatlariga ham sodiqlikni saqlab qoladi.

Albatta, kasb xiyonatni belgilaydigan yagona omil emas. Barcha insonlar turli darajada mas’uliyatli va munosabatlarga sodiq bo‘lishi mumkin. Lekin tadqiqot natijalari inson xarakterining turli kasbiy omillar bilan qanday bog‘liq ekanini anglab yetishga yordam beradi. Kasb tanlash shaxsiy munosabatlarda qanday ahamiyatga ega bo‘lishi mumkin?

© https://t.me/vector_m_v_blog

24 0 0 7

Vector's blog (uz)

5 Feb, 22:14

#personal_opinion

"Kalmar o‘yini"dagi Salesman: Manipulyatsiya san’ati

“Kalmar o‘yini” serialidagi Salesman obrazi sizga tanishmi? Uning insonlarga ta’sir o‘tkazish usuli chinakamiga manipulyatsiyaning ustalik bilan ishlatilishini ko‘rsatadi. Salesman har doim xotirjam va ishonchli ko‘rinadi, bu esa odamlarni uning gaplariga e’tibor qaratishga majbur qiladi. U o‘z harakatlarini oddiy va zararli bo‘lmagan narsadan – bolalikdagi o‘yinlarni eslatishdan boshlaydi. Bu esa odamda qiziqish uyg‘otib, o‘zini xavfsiz his qilishiga sabab bo‘ladi. Ammo bu oddiy taklif ortida yotgan asosiy maqsad – odamni katta xavf ostiga qo‘yadigan qaror qabul qilishga undashdir.

Salesman manipulyatsiyasi shunchalik sodda va samaraliki, u insonlarning zaif tomonlarini mohirlik bilan ishlatadi. U ularning qiyinchiliklari va umidsizliklaridan foydalangan holda, “bu sizning yagona imkoniyatingiz” degan tasavvurni uyg‘otadi. Oxir-oqibat, u odamni o‘z istagiga bo‘ysundirishga muvaffaq bo‘ladi.

© https://t.me/vector_m_v_blog

37 0 0 9 10

Vector's blog (uz)

3 Feb, 01:58

Redbone - Come and Get Your Love Single Edit - Audio —

03:27

#good_morning
#my_music_playlist

Hayrli tong, azizlarim

Bugun yangi kun va yangi imkoniyatlar bilan boshlanmoqda. Hammangizga bardamlik, kuch-g‘ayrat va yaxshi kayfiyat tilayman. Kunimizni go‘zal musiqa bilan boshlash uchun sizga Redbone ijrosidagi ajoyib qo‘shiqlardan biri bo'lgan Come and get your loveni tavsiya qilaman.

Hafta davomida barchaga omad yor bo‘lsin!

© https://t.me/vector_m_v_blog

47 0 0 11

Vector's blog (uz)

30 Jan, 14:59

#historical_pictures

Adolf Eichmann (1906 - 1962)

Ramla qamoqxonasidagi kamerasi hovlisida sayr qilmoqda, 1961 yil, Isroil.

Adolf Eyxman nemis SS obersturmbannfyureri va Xolokostning asosiy tashkilotchilaridan biri edi. U yahudiylarni Germaniya tomonidan bosib olingan Sharqiy Yevropadagi gettolar va o'lim lagerlariga ommaviy surgun qilish uchun logistika bilan shug'ullangan.

https://www.britannica.com/biography/Adolf-Eichmann

© https://t.me/vector_m_v_blog

54 0 0 8

Vector's blog (uz)

28 Jan, 23:27

3:15:06

Видео недоступно для предпросмотра

Смотреть в Telegram

#cinematic
#personal_opinion

Shindler roʻyxati!

Dunyodagi eng ogʻir jinoyat - bu inson hayotiga qilinadigan suiqasddir! Har qanday sabablar bilan ham bu oqlanmaydi, baʼzida esa bunday mudhishliklar hech qanday sabablarsiz qilinadi... Bu hali eng yomoni emas, eng achinarlisi, insonning millati, dini, irqi tufayli oʻldirish, shunchaki oʻziga oʻxshamagan insonni oʻzidan pastda koʻrish.

Ushbu film insoniyatning eng mudhish jinoyatlarini koʻrsatib bergan oyna misolidir. Ushbu film tinchlikni nechogʻlik buyuk neʼmat ekanligini anglashimiz uchun bir nishonadir. Ushbu film olamdagi barcha odamlarning tengligini isbotlaydigan hujjatdir!

Film ikkinchi jahon urushi davridagi Polshadagi yahudiylarga qilingan jabrlar haqida. Bosh qahramon Oscar Shindler tadbirkor, fashistik partiya aʼzosi boʻlgan nemis. U Polshaga kelib idish ishlab chiqaradigan korxona tashkil qiladi va bu yerda arzon ishchi kuchi boʻlgan yahudiylarlarni ishlatadi, chunki allaqachon nemislar "noraso irqlar" ga nisbatan zulmni boshlagan edi. Ammo hali bu boshlanishi, haqiqiy genotsidlar oldinda. Dastlab Shindler uchun faqat pullar ahamiyatli boʻladi, ammo u tushunib boradi, inson qadrini, yahudiylar ham boshqalar kabi yashashga haqli ekanini anglaydi. Keyin oʻz korxonasiga koʻproq odamlarni ishga ola boshlaydi va oxirida oʻzi bilan qoʻlidan kelganicha (puli yetganicha) yahudiylarni "jahannamdan" koʻchirib ketadi.

Ushbu hikoya real voqelikka asoslangan. Aynan ushbu davrda (ikkinchi jahon urushi) taxminan 6 million yahudiy shunchaki yahudiy boʻlganligi uchun oʻldirib yuborilgan. Tasavvur qilyapsizmi, siz shunchaki boshqa millat vakillari boʻlganingiz uchun kelib oʻldirishmoqda. Filmni koʻrsangiz, shunchaki shok holatiga tushib qolasiz bunday jarayonlarni koʻrib, agar ishga yaroqsiz ekanligi aniqlansa, omma oldida, butun oilasi oldida otib tashlanadi. Amon aytganidek, yahudiylar shunchaki bir qora nuqta kabi, hech qanday ahamiyatga ega emas. Bu esa shunchaki daxshatli.

Filmdagi hech bir sahna ahamiyatsiz emas, filmni koʻrgan sari miya holatini oʻzgartirib, tayyorlab boradi, oxirida esa butun vujud hammasini qoʻyib yuboradi va hamma ish faqat koʻzlarga qoladi... Film bizni tarbiyalaydi, kechirimli boʻlishga, tolerant boʻlishni oʻrgatadi. Oscar aytganidek: "Qachonki oʻldirishga toʻliq asosimiz boʻlsa-yu, lekin bunday qilmasak - shundagina bu haqiqiy kuch hisoblanadi".

Oscar Shindler oʻzi bilan ketadigan insonlar roʻyxatini tuzadi, bu haqiqatdanda "Ezgulik roʻyxati " edi. Bu butun bir millat kelajagi uchun ibtido boʻlib bergan "bir parcha qogʻoz" edi. Insoniylik degan tuygʻuni hali uzoq yashashini bugun dunyoga yana bir bor isbotlagan "muqaddas hujjat" edi!

Inson hayotiga zomin boʻlish - eng ogʻir jinoyatdir! Bir insonni oʻldirish orqali kelajakdagi millionlab insonlar hayotiga zomin boʻliniladi. Har bir inson tugʻilganidan to intihosigacha tengdir, hech kimning, hech qaysi guruhning boshqalardan koʻra ustun boʻlishi mumkin emas! Ayniqsa bu millat,din, irq, nasab kabi masalalarga borib taqalganida.

© https://t.me/vector_m_v_blog

60 0 0 6

Vector's blog (uz)

28 Jan, 05:07

#historical

Oscar Schindler. (1908 - 1974)

Oskar Shindler Ikkinchi Jahon urushi davrida yahudiylarni natsistlar zulmidan qutqargan nemis sanoatchisi va qahramon sifatida tanilgan. U avvaliga foyda olish maqsadida Polshada zavod ochib, yahudiy ishchilarni arzon ishchi kuchi sifatida ishlatgan. Ammo vaqt o'tishi bilan yahudiylarga qilingan vahshiyliklarni ko‘rib, insonparvarlik yo‘lini tanladi.

Shindler o‘z zavodini yahudiylar uchun boshpana sifatida ishlatdi va ularni natsistlarning o‘lim lagerlariga yuborilishidan asradi. U natsist amaldorlariga pora berib, "Shindlerning ro‘yxati" nomli maxsus ro‘yxat tuzdi va bu orqali qariyb 1200 yahudiyni qutqardi. Bu harakatlari uchun u tarixda insonparvarlik va mardlik timsoli sifatida eslab kelinadi.

Shindler urushdan keyin qiyin kunlarni boshidan kechirdi, ammo qutqargan yahudiylar uning qahramonligini hech qachon unutmadilar. U 1963-yilda Isroil tomonidan "Xalqlar orasidagi solih" unvoni bilan taqdirlangan. Uning hikoyasi 1993-yilda Stiven Spilbergning "Shindlerning ro'yxati" filmi orqali dunyoga mashhur bo‘ldi.

© https://t.me/vector_m_v_blog

50 0 0 8

Vector's blog (uz)

27 Jan, 20:47

#remembrance_day

🫁 27-yanvar - Xalqaro Xolokost qurbonlarini xotirlash kuni.

Xalqaro Xolokost qurbonlarini xotirlash kuni BMT tomonidan 2005-yilda tashkil etilgan va har yili 27-yanvarda nishonlanadi. Aynan 80 yil oldin, shu kuni Sovet qo'shinlari natsistlarning Osventsim (Auschwitz) kontslagerini ozod qilishdi, bu erda milliondan ortiq odam - asosan yahudiylar, shuningdek, boshqa xalqlar vakillari halok bo'ldi.
Holokost insoniyat tarixidagi eng fojiali sahifalardan biri bo‘lib, olti million yahudiy, bir million lo‘li, yuz minglab nogironlar va natsistlarning genotsid siyosatining boshqa ko‘plab qurbonlari qurbon bo‘ldi.

Osventsim o'lim lageri sifatida ham tanilgan Osventsim yodgorligi fashistlar rejimining g'ayriinsoniy shafqatsizligining ramziga aylandi. Bosib olingan Polshada joylashgan lager barcha fashistlarning kontslagerlari ichida eng kattasi edi. 1940-yildan 1945-yilgacha u nafaqat yahudiylarni ommaviy qirg'in qilish joyi, balki majburiy mehnat, tibbiy tajriba va siyosiy mahbuslarni repressiya qilish markazi sifatida ham ishlatilgan. Lagerdagi mahbuslarning sharoitlari g'ayriinsoniy edi: oziq-ovqatning halokatli etishmasligi, mashaqqatli mehnat, kasallik va doimiy zo'ravon o'lim tahdidi. Osventsimning gaz kameralari va krematoriyalari qurbonlarni yo'q qilish yo'lga qo'yilgan o'lim fabrikasining timsoliga aylandi.

Osventsimda ko'plab xalqlarning vakillari halok bo'ldi, ammo qurbonlarning aksariyati natsistlar genotsid siyosatining asosiy nishoni deb hisoblagan yahudiylar edi. O'lim poezdlari har kuni minglab odamlarni olib ketardi, ular darhol gaz kameralariga yuborildi yoki ochlik va og'ir mehnatdan azobli o'limga qoldirildi. Bugungi kunda Osvensim-Birkenau yodgorligi xotira va motam joyi bo'lib, unutib bo'lmaydigan vahshiyliklarni eslatib turadi.

Holokost yahudiy xalqi uchun misli ko'rilmagan darajada fojia edi. Natsistlar tomonidan qirib tashlangan olti million yahudiyning bir yarim millionga yaqini bolalar edi. Natsistlar targ'iboti yahudiylarning yo'q qilinishini oqladi, antisemitizm ularni Evropaning barcha illatlarida ayblash vositasi sifatida ishlatdi. Ushbu g'ayriinsoniy siyosat oilalar, jamoalar va butun madaniyatlarni vayron qildi, o'chmas og'riq va yo'qotish izlarini qoldirdi. Yahudiylarni yo'q qilish uylaridan haydab chiqarish va deportatsiya qilishdan tortib, gettolarga ommaviy qatl qilish va o'lim lagerlaridagi gaz kameralariga qadar muntazam ravishda amalga oshirildi.

Holokost qurbonlari yahudiylar uchun eng dahshatli tajribalardan biri umidsizlik va xiyonat tuyg'usi edi. Ko'pchilik deportatsiya vaqtinchalik chora bo'ladi deb umid qilgan, ammo buning o'rniga ular o'limga duch kelishgan. Biroq, bu sharoitda ham qarshilik ko'rsatganlar bor edi. Misol uchun, 1943-yildagi Varshava getto qo'zg'oloni jasorat va ozodlik istagi timsoliga aylandi. Xolokost qurbonlari bo‘lgan yahudiylarni xotirlash, bunday fojialarning yana takrorlanmasligi uchun insonparvarlik va hamjihatlik qanchalik muhimligini eslatib turadi.

Batafsil quyidagi havolalarda.

https://isralove.org/load/80-let-nazad-byl-osvobozhden-osventsim

https://isralove.org/load/14-1-0-2394

https://isralove.org/load/14-1-0-2836

© https://t.me/vector_m_v_blog

48 0 0 8

Vector's blog (uz)

27 Jan, 16:52

#personal_opinion

Qattiq uyquni orzu qilganlar uchun

O‘tirib ishlaydiganlar o‘rtasida uyqusizlik xavfi 37% ga yuqori ekanligi aniqlandi. Kunduzi harakatsizlik tunda uxlashda qiyinchilik tug‘diradi va uyqu paytida tez-tez uyg‘onishlarga sabab bo‘ladi. Eng yomoni, buning oqibatlari yana 10 yil davomida sezilishi mumkin.

Bundan tashqari, erkin grafikda ishlaydiganlar uchun uyqu rejimi buzilish xavfi 66% ga oshadi. Bunday sharoitda ko‘pchilik tundagi yetarli darajada uxlamaslikni kunduzi, tush paytida uxlash bilan qoplashga harakat qiladi. Ammo bu esa uyqu rejimida yanada jiddiy muammolarni keltirib chiqaradi.

Tanani doimiy harakatda saqlash muhim. Kun davomida juda ozgina bo‘lsa ham, jismoniy faollik uyquni yaxshilashda muhim omil hisoblanadi. Qattiq ish yuklamasi bilan harakatsiz qolib ketilsa, kechqurunga yaqin yengil yurish yoki badantarbiya bilan shug‘ullanishni odat qilish tavsiya etiladi.

Shu bilan birga, to‘g‘ri uyqu gigiyenasiga amal qilish muhim. Har kuni bir vaqtda uxlashga yotish va turish, yotoqxonaning tozaligi va shovqinsizligiga e’tibor berish, shuningdek, gadjetlarning ko‘k nuridan voz kechish uyquni yaxshilashda yordam beradi.

Ohir-oqibat, ortiqcha urinishlarsiz uyqu sifatini yaxshilashning eng oddiy yo‘li bu kundalik rejim va jismoniy harakat deyiladi. Qattiq uyquni orzu qilganlar, o‘z odatlaridan boshlashi kerak.

Uyquga yordam beruvchi dorilar qanchalik samarali va xavfsiz?

Uyqusizlik bugungi kunda ko‘p uchraydigan muammolardan biri. Stress, zamonaviy turmush tarzi va turli kasalliklar tufayli odamlar sog‘lom uyquga erishishda qiynalyapti. Bunday hollarda uyquga yordam beruvchi dorilar ko‘pchilik uchun yechimdek tuyuladi. Lekin olimlarning fikricha, bu dorilar muammoni chuqur hal qilmaydi va ularning foydasidan ko‘ra zarari ko‘proq bo‘lishi mumkin.
https://www.eurekalert.org/news-releases/1069271#:~:text=Danish%20scientists%20found%20that%20a,about%20once%20every%2050%20seconds

Tadqiqotlar shuni ko‘rsatadiki, uyqu tabletkalari insonni chuqur uyquga tushirish o‘rniga uyquni yuzaki holatda ushlab turadi. Bu holatda miyaning asosiy tiklanish jarayonlari – toksinlarni chiqarish va neyronlar faoliyatini qayta tiklash to‘liq amalga oshmaydi. Uyqu vaqtida miya "glimfatik tizim" orqali zararli moddalarni chiqarib tashlaydi, lekin uyquga yordam beruvchi dorilar bu jarayonni 30-50% ga sekinlashtirishi mumkin. Natijada, organizm sog‘lom uyqudan keyin bo‘lishi kerak bo‘lgan tetiklik holatiga erishmaydi.

Bundan tashqari, bu dorilarga tezda psixologik va jismoniy bog‘liqlik paydo bo‘ladi. Ya’ni inson dorilarsiz uxlashni qiyin deb hisoblab, ularni ko‘proq miqdorda qabul qila boshlaydi. Bu esa salomatlik uchun jiddiy oqibatlarga olib kelishi mumkin, jumladan, asab tizimidagi buzilishlar, kun davomida sustlik va diqqatning yo‘qolishi.

Mutaxassislar uyqusizlik muammosini tabiiy usullar bilan hal qilishni tavsiya etadilar. Sog‘lom uyqu uchun asosiy qoidalar sifatida uyqu rejimiga rioya qilish, uxlashdan oldin ekranlardan uzoqlashish va tinchlantiruvchi faoliyat bilan shug‘ullanish aytiladi. Masalan, romashka choyi ichish, meditatsiya qilish yoki salqin muhit yaratish miyaga tiklanish uchun qulay sharoit hozirlaydi.

Uyqu tabletkalari faqat juda og‘ir hollarda va shifokor nazoratida qo‘llanilishi kerak. Lekin uzoq muddatli yechim sifatida sog‘lom uyqu odatlarini shakllantirish har doim afzal hisoblanadi. Tabiiy va uyg‘un uyqu nafaqat inson salomatligi, balki hayot sifati uchun ham asosiy omil.

© https://t.me/vector_m_v_blog

45 0 0 1 7

Vector's blog (uz)

27 Jan, 00:16

#personal_opinion

Uyqusizlikni kunlarda hisoblaganda...

1 - kun uyqusizlik.
Juda ham qiyin kechadi bu tun. Ertalabgacha uxlolmaganingizdan asablaringiz nima bo'lsa bo'ladi. Kunduzi bilan juda ham qiynalasiz.

2 - kun uyqusizlik.
Bu safar tun avvalgiga qaraganda osonroq kechadi. Nimadir bilan band bo'lsangiz ertalabgacha hech nimani payqamaysiz.

3 - kun uyqusizlik.
Ikki kun ketma-ket uxlamaganingiz sabab kun davomida sizga nimadir yetishmayotyandek tuyuladi, lekin nimaligini bilolmaysiz. Tuni bilan o'ylanib chiqishingiz aniq.

4 - kun uyqusizlik.
Endi bunisi ancha qiyin bo'ladi sababi ko'zlaringiz yetarlicha dam olmagani sabab o'z-o'zidan yoshlanishni boshlaydi. Ko'zlaringizga igna sanchilayotganga o'xshaydi har yumib ochganingizda.

5 - kun uyqusizlik.
Endi miyyangiz umuman bo'shamaydi. Motor kabi tez ishlashni boshlaydi. Har narsani o'ylayverasiz. Konsertratsiya yo'qoladi. Bir ish qilayotganingizda uni nega qilayotganingiz yoki qilib bo'lganingizdan so'ng nima qilganingizni o'ylanib o'tiraverasiz.

6 - kun uyqusizlik.
Endi sizga hech nimani foydasi yo'q. O'ylaysizki sizga uyqu kerak emas. Ketma-ket 6 kun uxlamaganingizdan so'ng miyyangiz ham uyquni xoxlashni to'xtatadi. Uxlash haqida deyarli o'ylamaysiz(chiday olsangiz).

Agar shunday davomiylikda 9 - kun ketma-ket uxlamasangiz nima haqiqatu nima ro'yoligini deyarli ajratolmay qolasiz. Ko'zinga nimadirlar ko'rinib yana tezda yo'qoladi. Nimaligini o'zingiz ham bilmaysiz yoki payqolmaysiz. Hech qachon bunaqa uzoq muddat uxlamasdan yurmang. Bularni hammasini o'zimda sinab ko'rganman. Rejimga qaytib olish juda qiyin bo'ladi. Bitta joyda o'qigandim. Insonni qiynashni eng og'riqli yo'li bu uni uxlatmaslik ekan. Har qanday insonni 10 - kun uyqusizlik bilan qiynasangiz, uxlash uchun so'ragan xoxlagan ishingizni qilar ekan. Xullas, bitta vaqtda yotib bitta vaqtda turib to'yib-to'yib uxlab yuraveringlar. Uxlamaslikni turgan bitgani zarar.

© https://t.me/vector_m_v_blog

48 0 0 7

Vector's blog (uz)

26 Jan, 20:33

Bir yaqin do'stim ham maqola yozibdi. Sizlarga ham ulashgim keldi. O'qib, izoh yozing.
https://conferencea.org/index.php/conferences/article/view/3755/3635

© https://t.me/vector_m_v_blog

47 0 0 8 11

Vector's blog (uz)

26 Jan, 13:33

#personal_opinion

☕️Coffee umrni uzaytirishi qanchalik haqiqatga yaqin?

Portugaliyalik olimlar tomonidan o‘tkazilgan tadqiqotga ko‘ra, kuniga 3 chashka kofe ichish inson umrini o‘rtacha ikki yilgacha uzaytiradi. Ular 3 milliondan ortiq inson ishtirok etgan 85 ta ilmiy ishni tahlil qilib, kofe iste’moli va uzoq umr ko‘rish o‘rtasidagi aniq bog‘liqlikni aniqlashdi.
rel='nofollow'>https://www.sciencealert.com/giant-study-links-drinking-coffee-with-almost-2-extra-years-of-life?utm_source=https://t.me/concertzaal&utm_content=post

Ma’lum bo‘lishicha, kuniga 3 finjon kofe ichuvchilar kofesiz yashovchilarga qaraganda o‘rtacha 1,84 yil ko‘proq umr ko‘rishadi. Shuningdek, muntazam kofe iste’moli infarkt, insult, demensiya, depressiya va hatto ba’zi turdagi saraton kasalliklari xavfini kamaytiradi.

Kofe antioksidantlarga boy bo‘lib, ular hujayralarni erkin radikallar (faol kislorod molekulalari) ta’siridan himoya qiladi. Bu esa qarish jarayonini sekinlashtirish va turli kasalliklardan saqlanishga yordam beradi. Shuningdek, kofe tarkibidagi kofein sababli kayfiyatni ko‘taradi, diqqatni oshiradi va metabolizmni tezlashtiradi.

Lekin har bir insonning organizmi turlicha. Masalan, ba’zilarda kofe turg‘unlik yoki uyqusizlikka sabab bo‘lishi mumkin. Shuning uchun kunlik kofe miqdorini me’yorda saqlash muhim. Ko‘pchilik uchun kuniga 3-4 finjon ideal miqdor hisoblanadi.

Ertalabki bir finjon kofe nafaqat kundalik kayfiyatga kayfiyat qo‘shadi, balki uzoq va sog‘lom hayot sari qo‘yilgan bir qadam ham bo‘lishi mumkin. Qahva iste’molining foydasi bo‘lishi mumkin, lekin uni me’yorda va aql bilan ichish kerak.

Shunday ekan kofe hayotni uzaytiradi, lekin faqat tongda ichilsa.

Olimlar bir kun kelib kofe foydasi haqida yagona fikrga kelishlari mumkin. Hozircha esa turli tadqiqotlardan eng qiziqarli ma’lumotlarni o‘rganishda davom etamiz.

So‘nggi tadqiqotlardan birida olimlar 20-yil davomida 40 000 dan ortiq insonning ma’lumotlarini tahlil qilib, kunning qaysi vaqtida kofe ichish inson organizmiga qanday ta’sir qilishini o‘rganishdi.
https://www.theguardian.com/food/2025/jan/08/coffee-drinkers-reap-health-boost-but-only-if-they-do-it-in-the-morning

Ma’lum bo‘lishicha, agar kofe ertalab yoki tushgacha ichilsa, undan maksimal foyda olish mumkin. Xususan, kun davomida ikki finjon kofe ichish yurak xastaliklari sababli o‘lim xavfini 31% ga kamaytiradi.

Shu bilan birga, kofe kunning qolgan vaqtida ichilsa, bunday ijobiy natijalar aniqlanmagan. Ya’ni, kechqurun yoki kun davomida kofe iste’mol qilish hayot uzayishi bilan bog‘liq emas.

Tadqiqotchilarning fikricha, nafaqat qancha va qanday kofe iste’mol qilishingiz muhim, balki uni qaysi vaqtda ichishingiz ham ahamiyatga ega. Ehtimol, kelajakda vaqtga bog‘liq tavsiyalar yanada katta ahamiyat kasb etadi.

Olimlar kofening ertalab foydaliroq bo‘lishini uning sirkad ritmlarga va melatonin ishlab chiqarilishiga ta’siri bilan bog‘lashmoqda. Kechqurun kofe ichish uyqu buzilishiga olib kelib, yurak-qon tomir tizimiga salbiy ta’sir qiladi va yallig‘lanish jarayonlarini kuchaytirishi mumkin.

© https://t.me/vector_m_v_blog

45 0 0 7

Vector's blog (uz)

23 Jan, 20:42

#breaking_news

Mana sizlarga islom dini radikallashuvining oqibati:
Iroqda 9 yoshli qizlar nikohga kirishi qonuniylashtirildi.

21-yanvar kuni Iroq Parlamenti tomonidan uchta yangi qonun qabul qilingan. Ulardan biri shaxsiy maqom to‘g‘risidagi qonunga kiritilgan o‘zgartirishlar bo‘lib, huquqshunoslarning fikricha, bu amalda voyaga yetmagan qizlar bilan nikohga ruxsat beradi.

Ushbu qonunni qo‘llab-quvvatlovchilar bu o‘zgarish Iroqda huquq tizimini islomiy tamoyillarga moslashtirish va mamlakat madaniyatiga G‘arb ta’sirini kamaytirish vositasi deb hisoblashlarini aytishmoqda.

Aslida, Iroq davlati nikoh yoshini musulmon davlatlarni ichida eng progressivi sifatida 1959-yildayoq 18 yosh qilib belgilagandi. Saddam Husayn ham diktator bo‘lsa-da mutaassib bo‘lmagan. Uni davrida ham Iroqda bunday nomaqbulchiliklar bo‘lmasdi.

Men uchun bunday voqealar radikallashuvning eng ayanchli oqibatlaridan biridir. Inson huquqlarini chetga surib, diniy tamoyillar ortiga yashirinib, jamiyatda zo‘ravonlikni qonuniylashtirishga harakat qilish o‘ta ketgan mutaassiblik va razillik natijasidir.

Men kelajakda o‘z yurtimda bunday holatlarni hech qachon ko‘rishni istamagan bo‘lardim.

Bolalar nikohi nafaqat bolaning jismoniy va ruhiy salomatligiga zarar yetkazib xavf tug‘diradi, balki shunchaki jirkanch va mutlaqo nomaqbul ishdir. Bundan tashqari, u amalda qizning bolaligini o‘g‘irlaydi, uning kelajagini barbod qiladi, moliyaviy va boshqa mustaqilligini butunlay yo‘qqa chiqaradi. Umuman olganda, bola chimildiqda emas, maktabda bo‘lishi kerak.

© https://t.me/vector_m_v_blog

58 0 0 2 15

Vector's blog (uz)

20 Jan, 02:56

Grover_Washington_Jr_feat_Bill_Withers_Just_The_Two_of_Us_HQ —

03:56

#good_morning
#my_music_playlist

Hayrli tong azizlarim.

Bugun haftaning dushanba kuni va barchanggizga og‘ir ish va o'qish kunidan oldin bardam salomatlik tilab qolaman. Quloqchinlaringizda esa Grover Washington va Bill Withers hamkorligida yaratilgan shedevrlardan biri bilan bugingi kunni boshlashni maslahat beraman.

Hafta davomida hammaga omad yor bo'lsin.

©https://t.me/vector_m_v_blog

69 0 1 3 11

Vector's blog (uz)

19 Jan, 23:34

63 0 0 12

Vector's blog (uz)

15 Jan, 10:56

Репост из: U.S. Embassy Tashkent

⚠️ Dear immigrant visa (IV/DV) applicants!

If you have a new spouse or a new child NOT included into your case, you will need to follow these steps 👈

- - - - -

⚠️ Hurmatli immigratsion viza (IV/DV) murojaatchilari!

Agar immigratsion ishingizga yangi oila a'zosi (turmush o'rtoq yoki yangi farzand)ni kiritmagan bo'lsangiz, ushbu ko'rsatmalarga amal qilishingizni so'raymiz 👈

- - - - -

⚠️ Уважаемые заявители на иммиграционную визу (IV/DV)!

В случае, если вы не добавили новых членов семьи ( супруг/супруга или новорожденный ребенок) в свое иммиграционное дело, следуйте нижеприведенным инструкциям 👈

66 0 0 6

Vector's blog (uz)

12 Jan, 12:27

#personal_opinion

Menimcha, Californiada sodir bo'layotgan tabiiy ofatlardan ko'pchilikning xabari bo'lsa kerak.

Ijtimoiy tarmoqlarda ko'p odamlar
Oltin Globus taqdimotida Allohning ustidan kulishgani sabab ertasi kuni Los Angelesda yong'inlar boshlanib ketgan deb yozishmoqda.

Falastin bombalangani va insonlar o'lgani sabab Alloh Amerikaliklardan qasos olish uchun Los Angelesda yong'inlar boshlabdi

Yuqoridagi kabi fikrda bo'lgan, va qo'shilgan insonlar o'ta ahmoq va radikal. Uylar yonmoqda, hayvonlar va insonlar halok bo'lmoqda. Ular esa bundan xursand. Bundan xursand bo'lishi, ilohiy adolat deyish uchun juda pastkash va razil inson bo'lishi kerak. Bunday odamlar bilan Falastinda qirg'in qilayotganlar orasida farq yo'q.

Keltirilgan sabablarga o'tsak:
Oltin globusda boshlovchi Ricky Gervais bundan oldin ham necha marta dinlar va yaratgan haqida aytgan, boshqalar ham doim aytadi.
Agar Falastin uchun bo'lsa: Falastinni qo'llab-quvvatlagan Los Angelesliklarni yondirib, fanatik Isroilni qo'llaydigan boshqa shtatlarni nega yondirmoqda?
https://www.latimes.com/california/story/2023-10-21/pro-palestinian-supporters-hold-rally-and-march-in-downtown-los-angeles

Shunday fikrlayotgan ahmoqlardan uzoqroq yuring.

©https://t.me/vector_m_v_blog

80 0 0 18 8

Деньги с телеграм-канала

Ваш доход с телеграм-канала

Возобновляемая энергия (виэ)

Vector's blog (uz)

Гео и язык канала

Категория

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

Vector's blog (uz)

124

Популярное в канале

Язык сайта

Деньги с телеграм-канала

Ваш доход с телеграм-канала

Возобновляемая энергия (виэ)

Vector's blog (uz)

Гео и язык канала

Категория

124

Популярное в канале