⚡Шаҳриёр Даминов барои роҳхати олимпӣ талош мекунад👏
18 апрел дар шаҳри Токиои Ҷопон Чемпионати Осиё оид ба қайиқронӣ дар байдарка ва каноэ оғоз гардид, ки то 21-уми апрел идома меёбад.
Ба иттилои Федератсияи қайиқронии Тоҷикистон, ҷумҳурии моро Шаҳриёр Даминов намояндагӣ дорад ва рӯзи аввал дар марҳалаи интихобии сабқати С-1 ба масофаи 200 метр ширкат карда, ба марҳалаи финалӣ, ки имрӯз - 19-уми апрел доир мегардад, роҳ ёфт.
Варзишгарон имкон доранд дар чемпионат роҳхати Бозиҳои олимпии Париж-2024-ро соҳиб гарданд. Дар сабқатҳои К-1, С-1, К-2, С-2 миёни мардон ва бонувон ду роҳхат дода мешавад.
@varzishtv.tj