Oʻzbekiston XDP

#Munosabat

Davlat dasturi loyihasi O‘zbekiston Xalq demokratik partiyasining doimiy pozitsiyasiga hamohang

Shu kunlarda 2025-yilgi davlat dasturi loyihasi xalq bilan keng muhokama qilinmoqda. Bu esa mamlakatda demokratiya prinsiplari amalda bo‘lganidan dalolatdir. Mazkur jarayonda, tabiiyki, O‘zbekiston Xalq demokratik partiyasi ham o‘z dasturiy maqsadlaridan kelib chiqib, davlat dasturiga munosabat bildirishni muhim, deb hisoblaydi.

Dasturning loyihasida aholining ijtimoiy himoyasini kuchaytirish, bandlik darajasini oshirish, ta’lim va tibbiyot sohalarini rivojlantirish borasida belgilangan maqsadlar partiyamizning asosiy g‘oyalari bilan muvofiq keladi. Jumladan, davlat dasturida ehtiyojmand qatlamlarni qo‘llab-quvvatlash, ishsizlik darajasini pasaytirishga qaratilgan chora-tadbirlar partiya dasturining ustuvor vazifalaridan biri hisoblanadi. Bu yo‘nalishda davlat dasturida kam ta’minlangan oilalar uchun ijtimoiy uy-joylar qurish va ularni subsidiyalash masalalari ko‘tarilgani partiya elektorati tomonidan ijobiy baholanadi.

Ta’lim sifati va tibbiy xizmatlarga e’tibor davlat dasturining muhim yo‘nalishlari hisoblanadi. O‘zbekiston XDPning pozitsiyasiga ko‘ra, aholining barcha qatlamlari uchun teng imkoniyatlar yaratilishi, xususan, qishloq hududlarida ta’lim va tibbiyot infratuzilmasini rivojlantirish ustuvor vazifa bo‘lishi kerak.

2025-yilgi davlat dasturi loyihasi mamlakatni ijtimoiy-iqtisodiy rivojlantirishning muhim asosidir. 2025-yilgi davlat dasturi xalq bilan muloqotda, ularning haqiqiy ehtiyojlarini inobatga olgan holda amalga oshirilsa, mamlakat taraqqiyoti yangi bosqichga ko‘tariladi. O‘zbekiston Xalq demokratik partiyasi bu jarayonda o‘zining ijtimoiy adolat va xalq manfaatlarini himoya qilish borasidagi pozitsiyasini izchil amalga oshiradi...

Shoxrux O‘KTAMOV,
O‘zbekiston XDP Farg‘ona viloyat kengashi raisi v.b.
___
🌐 XDP.uz
👉Telegram|Facebook|Youtube|Instagram|Twitter

#munosabat

❗️ Yashash sifatini yaxshilash – bosh maqsad

Yangi yilga nom berilishi va shunga mos ravishda Davlat dasturi ishlab chiqilishi xalqimizni ezgu maqsadlar yo‘lida yanada jipslashtirishga xizmat qilmoqda. Keng jamoatchilik muhokamasi uchun e’lon qilingan “Atrof-muhitni asrash va “yashil iqtisodiyot” yili Davlat dasturi bo‘yicha Prezident Farmoni hamda dastur loyihasidagi barcha vazifa-tashabbuslar yurtdoshlarimizning ko‘nglidagi fikrlarni ifodalamoqda.

Davlat va jamiyatni yanada rivojlantirish bo‘yicha bosh hujjat, eng avvalo, inson uchun, uning huquq va manfaatlari himoyasi uchun yo‘naltirilgandir. Mulohaza qilinsa, atrof-muhitni asrash, “yashil iqtisodiyot”ni rivojlantirish birinchi navbatda insonni asrash va unga qulay sharoit yaratishni anglatadi.

Alohida ta’kidlash kerakki, Davlat dasturi loyihasidagi aksariyat vazifalar turmush tarzini yanada yaxshilash, ijtimoiy masalalarni samarali hal etish bilan chambarchas bog‘liq. Shu nuqtai nazardan Farmon va Davlat dasturi loyihasi O‘zbekiston Xalq demokratik partiyasining dasturiy maqsadlari bilan har tomonlama hamohangdir.

Resurs tejamkor iqtisodiy rivojlanish modeliga o‘tish orqali 2030-yilgacha yalpi ichki mahsulotning yillik o‘sishini kamida 6 foiz va uning hajmini 200 milliard dollarga yetkazish, inflatsiyani 5 foiz darajasida saqlash, kambag‘allikni qisqartirish va aholi farovonligini oshirish eng muhim maqsad, deb belgilandi.

Fuqarolar o‘rtasida “Tejamkorlik va barqarorlik” tamoyili asosida yangicha ijtimoiy munosabatlar rivojlantirilishi, mahallalarning ekologik qiyofasi yaxshilanishi, yashillik darajasi oshirilishi, ekologik jihatdan qulay va farovon yashash muhiti shakllantirilishi, aholi salomatligi yaxshilanishi, inson salohiyatini ro‘yobga chiqarish uchun keng sharoit yaratilishi mamlakatimizdagi ijtimoiy muhitni yangi darajaga ko‘taradi.

Dastur loyihasida partiyamiz elektorati manfaatlari himoyasiga xizmat qiladigan vazifalar belgilanmoqda. Xususan, respublikamizning har bir tumanida (shahrida) bosqichma-bosqich inklyuziv ta’lim talablariga javob beradigan kamida bittadan umumta’lim maktab faoliyati tashkil etilishi qayd etilyapti. Bu jamiyatimizni bosqichma-bosqich inklyuzivlashtirishda strategik ahamiyatga ega masala hisoblanadi.

Bolalar qanday oila va sharoitda voyaga yetayotganidan qat’i nazar, ta’limda teng imkoniyatlarga ega bo‘lishi muhim, deb hisoblaymiz. Hujjat loyihasida joriy yilning o‘zida 3,5 ming kambag‘al oilalar farzandlarini tayyorlab, oliy ta’lim tashkilotlariga belgilangan tartibda grant asosida qabul qilinishi vazifasi qo‘yilgani qanchadan-qancha yoshlar va oilalarning kelajakka ishonchini oshiradi.

Oziq-ovqat mahsulotlari ishlab chiqarishda transyog‘lardan foydalanishning cheklangan miqdorlarini belgilash bo‘yicha sanitariya qoidalari va me’yorlari Jahon savdo tashkiloti talablariga muvofiqlashtirilishi nazarda tutilgani ham dasturiy vazifalarimiz bilan mos keladi.

Keyingi yillarda kam daromadli oilalarning ijtimoiy-iqtisodiy faolligini qo‘llab-quvvatlash islohotlarning juda muhim strategik yo‘nalishiga aylandi. Joriy yilda ham bu borada dolzarb vazifalar belgilanayotganini alohida qayd etish joiz. Jumladan, 100 ming gektar yer maydonlarini ijaraga berish orqali 200 ming nafar aholi bandligini ta’minlash ko‘zlanmoqda.

Yuqorida keltirilgan va boshqa ko‘plab vazifa-tashabbuslarga asoslangan holda, Davlat dasturi loyihasi yurtimizda ijtimoiy yo‘naltirilgan siyosat izchil davom etishining o‘ziga xos kafolati bo‘lmoqda.

Shunga muvofiq, Xalq demokratik partiyasi Farmon va Dastur loyihasini to‘liq qo‘llab-quvvatlaydi, albatta, tashkilotlari, barcha darajadagi deputatlik korpusi orqali qo‘shimcha takliflarini ham beradi.

Faollarimiz, elektorat vakillarimiz hamda xayrixohlarimiz dastur loyihasi muhokamasi va uning hayotga tatbiq etilishida faol ishtirok etadi.

Ulug‘bek Inoyatov,
Oliy Majlis Qonunchilik palatasidagi
O‘zbekiston XDP fraksiyasi rahbari.
___
🌐 XDP.uz
👉Telegram|Facebook|Youtube|Instagram|Twitter

Elektoratimiz manfaati uchun

Mahalliy Kengashlarning hududlarni ijtimoiy-iqtisodiy rivojlantirish, ijro etuvchi hokimiyat idoralari faoliyati ustidan nazorat o‘rnatish va odamlarni o‘ylantirayotgan muammolarni hal qilish borasidagi sa’y-harakatlari samaradorligini oshirish dolzarb ahamiyatga ega. O‘zXDP Markaziy Kengashi tomonidan joylarda mahalliy Kengashlar deputatlari ishtirokida o‘quv-seminarlar tashkil etilgani shu nuqtai nazardan alohida diqqatga molikdir.

Ma’lumki, deputatlar turli sohalarda faoliyat yurituvchi, tajribali, fidoyi, jamiyatda hurmat qozongan va obro‘-e’tiborga ega shaxslar orasidan saylanadi. Lekin ular deputatlik faoliyatini qanday olib borishlari bo‘yicha alohida o‘qitilmaydi, bu borada xalq noiblari hayot maktabida olgan ko‘nikmalariga tayanishadi.

2024-yilning 2-dekabridan 25-dekabriga qadar hududlarda o‘tkazilgan o‘quv-seminarlar mahalliy Kengashlarga yangi saylangan 1 ming 200 nafar deputat uchun nafaqat o‘zaro bilim va tajriba almashish, balki elektorat manfaati yo‘lidagi faoliyatining eng ustuvor yo‘nalishlarini belgilab olishiga imkon berdi.

Endilikda respublikamizdagi har bir hududning mavjud muammolari va ehtiyojlaridan kelib chiqib, deputatlik guruhlari o‘rganishlarini manzilli amalga oshirishni rejalashtiryapmiz. Nazorat-tahlil va jamoatchilik nazorati tadbirlarini quyi palatadagi fraksiyamiz deputatlari va mahalliy Kengashlar hamkorligida tashkil etishni mo‘ljallamoqdamiz. Bu esa siyosiy partiyaning fraksiya a’zolari va quyi tizimdagi mahalliy Kengashlar deputatlarining bahamjihatlikdagi samarali faoliyatini ta’minlaydi...

Mavjuda HASANOVA,
O‘zXDP Markaziy Kengashi boshqarma boshlig‘i.
___
🌐 XDP.uz
👉Telegram|Facebook|Youtube|Instagram|Twitter

❗️ O‘zbekiston XDP fraksiyasidan tashabbus:

BARCHA YANGI TUG‘ILGAN BOLALAR UCHUN DEPOZITLARNI OCHISH

Qoraqalpog‘iston Respublikasi Jo‘qorg‘i Kengesidagi O‘zbekiston XDP fraksiyasi yig‘ilishining kun tartibiga “Barcha yangi tug‘ilgan bolalar uchun depozitlarni ochish bo‘yicha loyiha taqdimoti to‘g‘risida”gi hamda partiya fraksiyasining 2025-yilga mo‘ljallangan ish rejasi va kelgusidagi vazifalarga bag‘ishlangan masalalar kiritildi.

👆 Ijtimoiy davlat maqomini mustahkamlash uchun, yangi tug‘ilgan bolani tarbiyalashda ota-onalarni qo‘llab-quvvatlash choralarini kuchaytirish maqsadga muvofiqdir. Buning uchun qo‘shimcha imkoniyatlar yaratish va ularni bolalarga uzoq muddatli sarmoya kiritishga yanada faol jalb qilishni rag‘batlantiruvchi chora-tadbirlarni izlab topish zarurati tug‘iladi.

✅ Bunday qo‘llab-quvvatlash chora-tadbirlaridan biri sifatida 47-sonli “Sanoat” saylov okrugidan deputat, Qoraqalpog‘iston Respublikasi Jo‘qorg‘i Kengesi raisi o‘rinbosari Rustam Saparbayev tomonidan ishlab chiqilgan “Barcha yangi tug‘ilgan bolalar uchun bolalar depozitini ochish bo‘yicha loyihasi” taqdimot qilindi.

❗️ Ushbu loyiha bola voyaga yetganida shaxs sifatida shakllanish, iqtidorini rivojlantirish uchun erkin moliyaviy resurslarga ega bo‘lishini ta’minlashga xizmat qiladi. Barcha yangi tug‘ilgan bolalar uchun “bolalar depozitini” ochish, mazkur depozitni ota-onalar, vasiylar yoki boshqa homiylar tomonidan qonun asosida bosqichma-bosqich to‘ldirish imkoniyati bilan ta’minlash va 18 yoshga to‘lganda foizlari bilan to‘lovni olish huquqini beradi.

✅ Loyihaga ko‘ra, “bolalar depozitining” egasiga kelgusida voyaga yetgan mehnatga layoqatli bolalarning ota-onalariga g‘amxo‘rlik qilish uchun konstitutsiyaviy majburiyatlarini bajarish imkoniyati yaratiladi. Natijada mamlakatning “ijtimoiy davlat” sifatidagi imidji o‘sadi. Bundan tashqari, uzoq muddatda davlatning qo‘shimcha budjet xarajatlari ko‘rinishidagi davlatning ijtimoiy yuki kamayadi. Tabiiyki, “bolalar depoziti”ning egasi 18 yoshga to‘lgandan so‘ng ta’lim olishni davom ettirish, uy-joy-maishiy masalalarni hal qilish, to‘plangan mablag‘larni keyinchalik investitsiya qilish yoki ulardan boshqa shaxsiy qonuniy maqsadlar uchun foydalanish kabi asosiy ehtiyojlarni qondirish uchun bo‘sh moliyaviy resurslarga ega bo‘ladi...
___
🌐 XDP.uz
👉Telegram|Facebook|Youtube|Instagram|Twitter

Gulistonda yangi BPT tashkil etildi

O‘zbekiston XDP Sirdaryo viloyat kengashi tomonidan joylarda partiyaning eng kichik va muhim bo‘g‘ini sonini ko‘paytirish, a’zolar safini kengaytirish borasida samarali ishlar amalga tashkil etilmoqda. Buning uchun targ‘ibot tadbirlari o‘tkazilib, partiyaning maqsadlari, tashabbuslari odamlarga tushuntirilmoqda.

Ijtimoiy sohani rivojlantirish har bir inson uchun naqadar muhim ekani, partiya esa ayni ushbu yo‘nalishlardagi g‘oyalari bilan harakat qilishi va partiya dasturidan o‘rin olgan ta’lim, tibbiyot, pensiya va nafaqalar, kommunal xizmat kabi sohalarga aloqador tashabbuslar haqida ma’lumotlar berilmoqda.

Guliston shahar kengashi tashabbusi bilan o‘tkazilgan ana shunday targ‘ibot tadbirlari natijasida Guliston shahrida joylashgan Alisher Navoiy nomidagi Axbarot-kutubxona markazida boshlang‘ich partiya tashkiloti tuzildi. Uning atrofida partiya g‘oyalariga xayrixoh insonlar jamlandi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Yangi O‘zbekiston g‘oyasi real voqelikka aylanmoqda

Doniyorbek JUMABOYEV,
“UZAUTO MOTORS” AJ transport bo‘limi ta’minotchisi,
O‘zbekiston XDP boshlang‘ich tashkiloti yetakchisi:

— Prezidentimizning O‘zbekiston xalqiga Yangi yil tabrigida aytgan fikrlari albatta 2025-yilgi ishlarimizda dasturulamal bo‘ladi. Tabrikda “Yangi O‘zbekiston g‘oyasi real voqelikka aylanmoqda”, degan so‘zlarning isbotini o‘z yashayotgan manzilimiz, o‘qish va ish joylarimiz, odamlarning hayotidagi o‘zgarishlarda ko‘rib turibmiz. Haqiqatan ham hududlarda yangi uy-joylar, bog‘cha va maktablar, oliygohlar, madaniyat va sport maskanlari qad ko‘tarmoqda. Yurtimiz tobora obod qiyofa kasb etib bormoqda. Minglab yurtdoshlarimiz Yangi yilni yangi uylarda kutib olmoqda. Bunday bunyodkorlik ishlari xalqimizning fidoyi mehnati, davlatimizning oqilona siyosati natijasidir.

“UZAUTO MOTORS” qo‘shma korxonasida O‘zbekiston Xalq demokratik partiyasining boshlang‘ich tashkiloti tuzilgan. Mana 3 yildiriki, ushbu kichik bo‘g‘inni boshqarib kelyapman. 1991-yilda yangi tashkil topganida 272 nafar a’zo bo‘lgan, hozirga kelib a’zolar soni 1500 ga yaqinlashdi. Yaqinda jamoamizdagi 130 nafar yoshlar partiyamiz safiga qabul qilindi. Partiyamiz tarafdorlari, a’zolarimiz soni ortib borayotgani ijtimoiy sohadagi tashabbuslarimizni amalga oshirishda muhim ahamiyat kasb etadi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Davlatimiz rahbarining da’vati bilan

Maxsud SA’DULLAYEV,
O‘zbekiston XDP Amudaryo tuman Kengashi raisi, tuman Kengashidagi partiya guruhi rahbari:

— Prezidentimizning Yangi yil tabrigida “Oliy Majlis va mahalliy Kengashlarga bo‘lib o‘tgan saylovlar demokratik islohotlarning yangi davriga qadam qo‘yganimizni yana bir marta tasdiqladi”, deya ta’kidlandi. Haqiqatan ham o‘tgan saylovlarda siyosiy partiyalarning dasturi ham, g‘oyalari ham bir-biridan farq qildi. Turli siyosiy mafkuralar kurashi ko‘zga tashlandi.

Saylovlar natijasiga ko‘ra, xalq deputatlari Amudaryo tuman Kengashidagi 25 ta o‘ringa partiyamizdan 6 nafar deputat saylandi. Qisqa vaqt ichida yangidan saylangan deputatlar bilan partiyaning Harakat dasturida belgilangan masalalarni deputatlik guruhida o‘rgandik. Doimiy komissiyalar va sessiya kun tartibiga olib chiqib, partiya elektorati manfaatlariga daxldor qarorlar qabul qilinishiga erishdik. Deputatlarning o‘z saylovchilari bilan uchrashuvlari ko‘lami va samaradorligi ortdi.

Bularning barchasiga davlatimiz rahbarining “deputat va senatorlarni o‘zlari saylangan hududdagi muammolar tegishli vazirlik va hokimliklar tomonidan qay darajada hal etilayotganini doimiy o‘rganib, nazorat qilib borishga chaqiraman”, degan da’vati kuchli turtki bo‘ldi.

Siyosiy partiyalar va deputatlar oldida turgan muhim vazifalar ma’lum. Ya’ni, elektoratimizni o‘ylantirayotgan masalalarni o‘rganish, aholini turmushini yanada yaxshilash bo‘yicha takliflar berish, turli dasturlar, me’yoriy-huquqiy hujjatlar ijrosi ustidan nazorat o‘rnatishdan iborat. Umuman, xalqning yonida bo‘lish, ularning nomidan gapirish va faoliyatimizni ham xalq manfaatlari yo‘lida tashkil etish oliy burchimizga aylanmog‘i zarur. O‘z navbatida, Prezidentimiz tomonidan o‘rtaga tashlangan eng dolzarb va xalqchil tashabbuslar, muhim takliflar, belgilab berilgan hayotiy vazifalarning mazmun-mohiyatini saylovchilar, elektoratimiz vakillariga yetkazishda doim faol bo‘lishimiz talab etiladi...
___
🌐 XDP.uz
👉Telegram|Facebook|Youtube|Instagram|Twitter

Ijtimoiy masala sessiyaga kiritildi

Xalq deputatlari Mirobod tuman Kengashining Ijtimoiy soha, yoshlar siyosati, taʼlim, sogʼliqni saqlash, madaniyat va sport masalalari boʼyicha doimiy komissiyasi hamda tumanda 2025-yilda “Аyollar daftari”ni shakillantirish boʼyicha ishchi guruhining kengaytirilgan yigʼilishi boʼlib oʼtdi. Yigʼilish kun tartibi boʼyicha tuman oila va xotin-qizlar boʼlimi tomonidan 2024-yilda amalga oshirilgan ishlari yuzasidan F.Madaminovaning yillik hisoboti tingladi. Keltirilgan maʼlumotlar asosida deputatlar turli savollar bilan murojaat qildi.

Shuningdek, 2025-yilda “Аyollar daftari”ni 6-bosqichda shakillantirish borasida mutasaddi rahbarlar, mahalla raislari, “mahalla yettiligi” va ishtirokchilarning fikr-mulohaza hamda takliflari tinglandi.
Mazkur masala yuzasidan tuman oila va xotin-qizlar boʼlimining tuman faollari va jamoatchilikka Murojaati oʼqib eshittirildi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Jamiyatni harakatga chorlab, kelajakka ishonch uyg‘otadi

Zulfiya TO‘YYEVA,
O‘zbekiston XDP Buxoro viloyat kengashi raisi:

— Davlatimiz rahbarining bayram tabrigida 2024-yildagi ortga qaytmas islohotlar, har bir muhim yo‘nalishga to‘xtalib o‘tildi. Shu bilan birga, joriy yilda oldimizda turgan eng ustuvor masalalarga e’tibor qaratildi. Zero, ilgari surilgan g‘oyalar va undovlar jamiyat uchun foydali, manfaatli va dolzarb sanaladi. Chunki, kelajak uchun qo‘yilgan aniq maqsadlar va vazifalar barchamizga yangicha shijoat bag‘ishlaydi.

2024-yilgi saylovlar mamlakatimizda demokratik tamoyillarni yanada mustahkamlashga qaratilgan muhim voqea sifatida tarixdan joy oldi. Jarayonlar ochiqlik, shaffoflik va xalqning erkin irodasini ifoda etish tamoyillariga asoslangan holda o‘tgani, demokratik islohotlarning yangi bosqichiga qadam qo‘yganimizni ko‘rsatib berdi. Saylovlarda aholining faol ishtirok etishi, partiyalar va nomzodlar o‘rtasidagi sog‘lom raqobat muhiti, fuqarolarning siyosiy madaniyatining o‘sganini ko‘rsatdi. Bu jarayon davlat va jamiyat rivojlanishida har bir fuqaroning o‘rni, mas’uliyati muhim ekanini yana bir bor tasdiqladi.

Shuningdek, saylovlarda qabul qilingan yangi siyosiy jarayonlar va islohotlar xalq bilan davlat o‘rtasidagi ishonchni yanada mustahkamlashda muhim ahamiyat kasb etdi. Bu jarayonlarda yoshlar, xotin-qizlar va faol fuqarolarning hamkorligi kuchaydi. Bularning barchasi mamlakatimizda demokratik qadriyatlarni chuqurlashtirish va barqaror rivojlanishni ta’minlash yo‘lida yangi imkoniyatlarni yaratdi.

Bundan tashqari, iqtisodiyot, ta’lim, tibbiyot yoki madaniyat sohalariga oid ta’kidlangan maqsadlardan ushbu sohalarda kutilayotgan o‘zgarishlarni tasavvur qilish qiyin emas. Prezidentimizning Yangi yil tabrigi xalqimizda yurt taraqqiyoti va o‘z kelajagiga bo‘lgan ishonchni yanada orttirdi, desak to‘g‘ri bo‘ladi...
___
🌐 XDP.uz
👉Telegram|Facebook|Youtube|Instagram|Twitter

Faol deputat har doim muammoga yechim topadi

Buxoro viloyati Qorako‘l tumani «Tinchlik», «Arabxona» va «Qoraxoji» mahalla fuqarolar yig‘inlarida sayyor qabul o‘tkazildi.

Xalq deputatlari Qorako‘l tuman Kengashidagi O‘zbekiston XDP guruhi a’zolari L.Shermuhammedova va Sh.Salomov fuqarolar bilan yuzma-yuz muloqot qildi. Suhbat davomida bir qancha muammo o‘rtaga tashlandi va muhokama qilindi. O‘rganilgan holatlar yuzasidan tegishli tashkilotlarga deputat so‘rovi bilan murojaat yuborildi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Yaxshi va barakali yil bo‘lsin

Qizilgul QOSIMOVA,
Oliy Majlis Qonunchilik palatasidagi O‘zbekiston XDP fraksiyasi a’zosi:

— Ayni paytda biz 2024-yilning sarhisobini, nimalarga erishdig-u qaysi imkoniyatlarni boy berdik, deb mulohaza qiladigan, xatolardan xulosa chiqarib, yangi rejalar tuzadigan bir palladamiz. Bu fikrlar davlatimiz rahbarining xalqimizga yo‘llagan tabrigida ham alohida qayd etildi. Shu o‘rinda aytish kerakki, 2024-yil yurtimiz siyosiy hayotida tarixiy sana sifatida o‘rin oldi. Iqtisodiy va ijtimoiy sohalarda qator yutuq va marralarga erishildi.

Birgina sog‘liqni saqlash sohasini oladigan bo‘lsak, bu yo‘nalishga 5-6 yil avvalgiga nisbatan 6 barobar ko‘p mablag‘ ajratildi. Ya’ni, qariyb 33,4 trillion so‘m sohani rivojlantirish, aholi salomatligini saqlash uchun yo‘naltirildi. Tibbiyot muassasalarining moddiy-texnik bazasi yangilandi, zamonaviy tibbiyot muassasalari barpo etildi, tizim mahallaga, odamlarga yaqinlashtirildi. Markaziy Osiyoda yagona bo‘lgan Respublika ixtisoslashtirilgan onkologiya va radiologiya ilmiy-amaliy tibbiyot markazi yangi majmuada ish boshladi. Bularning barchasi aytishga oson, xolos. Amalga oshirish uchun esa jasorat, tashabbus va albatta katta mablag‘ zarur.

Bu kabi ijobiy natijalarni har bir sohada ko‘rishimiz mumkin.

Prezident tabrigida 2025-yilgi reja va maqsadlar ham avvalgisidan kam emasligiga e’tibor qaratildi. Xususan, Atrof-muhitni asrash va “yashil iqtisodiyot” yilida asosiy maqsad – inson va tabiat muvozanatiga asoslangan tizim yaratishdan iborat ekani ta’kidlandi. Tabiiyki, buning uchun ko‘p ishlarni amalga oshirish zarur. Yangi yil bu yangi imkoniyatlar demakdir...
___
🌐 XDP.uz
👉Telegram|Facebook|Youtube|Instagram|Twitter

O‘zbekiston XDP saylovchilarning davlat dasturiga takliflarini o‘rganyapti

O‘zXDP Qo‘qon shahar kengashi raisi H.Ismoilov ishtirokida bo‘lib o‘tgan tadbirda partiya faollari 2025-yil – «Atrof-muhitni asrash va “yashil” iqtisodiyot yili»da amalga oshiriladigan davlat dasturiga saylovchilarning takliflarni oldi.

Shuningdek, partiyaning dasturiy tashabbuslari, g‘oyalari, maqsad va vazifalari ham targ‘ib etildi. Muassasaning pedagoglar jamoasi partiya xodimlariga turli savollar bilan murojaat qildi, o‘z taklif va mulohazalarini bildirdi.

Bundan tashqari, bir guruh tashabbuskorlarning taklifiga ko‘ra maktabda partiyaning boshlang‘ich tashkiloti tashkil etildi...
___
🌐 XDP.uz
👉Telegram|Facebook|Youtube|Instagram|Twitter