Uzpharmcontrol

Ўзбекистон фармакопеясини халқаро стандартларга уйғунлаштиришда USP билан ҳамкорлик мустаҳкамланмоқда

Фармацевтика маҳсулотлари хавфсизлиги марказининг Давлат фармакопеясини ишлаб чиқиш бўлими раҳбари, Ўзбекистон Республикаси Давлат фармакопеяси бош муҳаррири, ф.ф.д профессор Х. Жалилов, амалий ташриф билан юртимизда бўлиб турган USPʼнинг Яқин Шарқ ва Африка худуди Тартибга солиш масалалари ва давлат сиёсати бўйича минтақавий раҳбари Закия Ал-Курди билан учрашди.

Унда келгусида ҳамкорликда амалга ошириладиган ишлар, хусусан, сифат стандартларини ишлаб чиқиш ва уйғунлаштириш, АҚШ Фармакопеясидан онлайн фойдаланиш, USP Education платформасига уланиш, соҳада кадрлар малакасини ошириш ҳамда бошқа йўналишларда ҳамкорликни йўлга қўйиш ва замонавий технологияларни соҳа амалиётига жорий этиш мақсадларига эришишда техник ва ресурслар жиҳатидан қўллаб-қувватлаш юзасидан фикр алмашилди.

Маълумот учун, Марказнинг Давлат фармакопеясини ишлаб чиқиш бўлими томонидан USP 47-NF-42 (USP 2024) фармакопея мақолаларига мувофиқ, миллий фармакопея монографияларини уйғунлаштириш бўйича фаол ишлар олиб борилмоқда.

Мазкур йўналишда USP’нинг 31 та фармакопея монографияси ишлаб чиқилиб, давлат тилида тайёрланди ва Соғлиқни сақлаш вазирлигининг 2024 йил 6 августдаги 258-сонли буйруғи билан тасдиқланиб, Ўзбекистон Республикаси Давлат фармакопеясининг биринчи нашри биринчи жилдига иловалар сифатида қабул қилинди ҳамда тегишли экспертизадан ўтказилди.

Айни кунларда Миллий фармакопеяни USP'га уйғунлаштириш бўйича амалий ишлар давом эттирилмоқда.

Telegram | Facebook | Instagram | Youtube

💬 18-савол:

Муддати ўтган дори воситалари қандай тартибда йўқ қилинади?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бош мутахассиси Расул Тураев жавоб берди.

💳 Жавоб:

Муддати ўтган ҳамда қўллаш учун яроқсиз дори воситалари, Ўзбекистон Республикаси Вазирлар Маҳкамасининг 2017 йил 6 апрелдаги 185-сон қарори 3-иловасида белгиланган тартибда йўқ қилинади.

Қўллаш учун яроқсиз дори воситалари ва тиббий буюмларни йўқ қилиш «Аҳолининг санитария-эпидемиологик осойишталиги тўғрисида», «Экологик назорат тўғрисида» ҳамда «Чиқиндилар тўғрисида»ги Ўзбекистон Республикаси қонун ҳужжатлари талабларига амал қилган ҳолда амалга оширилади.

Батафсил қуйидаги ҳаволада танишасиз.

Савол юбориш - @uzpharmcontrol_bot

Telegram | Facebook | Instagram | Youtube

Подписано соглашение о сотрудничестве с Фармакопеей США (USP)

Сегодня директор Центра безопасности фармацевтической продукции Алишер Темиров встретился с Закией Аль-Курди, региональным руководителем USP по вопросам регулирования и государственной политики на Ближнем Востоке и в Африке.

Стороны обсудили перспективы международного сотрудничества, совершенствования системы контроля качества фармацевтической продукции и внедрения современных технологий.

Также Закия Аль-Курди ознакомилась с деятельностью современно оборудованных лабораторий Центра и пообщался со специалистами, высоко оценив научно-техническую работу, проводимую в лабораториях по обеспечению безопасности и качества фармацевтической продукции.

По итогам встречи было подписано соглашение о сотрудничестве между Центром безопасности фармацевтической продукции и Фармакопеей США (USP). Благодаря этому соглашению Центр безопасности фармацевтической продукции стал участником программы преференциального доступа для регулирующих органов (PAR).

Это обеспечивает привилегированный доступ к ресурсам и продуктам USP, доступ к Американской Фармакопее, доступ к образовательной платформе USP Education и доступ к правовым документам США, включая Food Chemicals Codex и словарь USP Dictionary.

Telegram | Facebook | Instagram | Youtube

🖥🖥🖥

Актуализированы данные Управлением лицензирования фармацевтической деятельности Центра безопасности фармацевтической продукции.

Telegram | Facebook | Instagram | Youtube

✏️✏️✏️

Президентимизнинг тегишли Фармонига биноан, Асилбек Анварович Худаяров Ўзбекистон Республикаси соғлиқни сақлаш вазири лавозимига тайинланди.

Telegram | Facebook | Instagram | Youtube

💬 17-савол:

Дорихона лицензияси бор ёки йўқлигини қандай билиш мумкин?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси бошлиғи ўринбосари Д. Мансурбеков жавоб берди.

💳 Жавоб:

Лицензиялар реестри «Лицензия» АТда электрон шаклда фаолиятнинг ҳар бир лицензияланадиган тури бўйича алоҳида юритилади ва ундаги маълумот барча учун очиқ ҳисобланади.

Шунингдек, дори воситалари ва тиббий буюмларни чакана реализация қилиш учун лицензияга эга юридик шахслар ҳақида Фармацевтика маҳсулотлари хавфсизлиги марказининг расмий веб сайтида маълумот олишингиз мумкин.

Вазирлар Маҳкамасининг 2017 йил 6 апрелдаги 185-сон қарори билан тасдиқланган "Дори воситаларини ва тиббий буюмларни чакана реализация қилиш тартиби тўғрисида"ги низомга кўра, дорихоналар фармацевтика фаолиятини амалга ошириш учун берилган лицензиянинг рақами, амал қилиш муддати, шунингдек лицензия берган орган тўғрисидаги маълумотларни ёки лицензия нусхасини истеъмолчилар танишиши учун қулай бўлган жойга жойлаштириши керак.

Савол юбориш - @uzpharmcontrol_bot

Telegram | Facebook | Instagram | Youtube

Марказда Экспертлар кенгашининг навбатдаги йиғилиши бўлиб ўтди

Фармацевтика маҳсулотлари хавфсизлиги марказида 27-сонли Экспертлар кенгаши йиғилиши бўлиб ўтди.

Унда маҳаллий ва хорижий давлатлар ишлаб чиқарувчилари тақдим этган:

↗️ 12 номдаги дори воситалари, 43 номдаги тиббий буюмлар ва тиббий техника давлат рўйхатидан ўтказилди. Ҳамда 20 номдаги дори воситалари ва 1 номдаги тиббий буюм ва тиббий техникани рўйхатдан ўтказиш рад этилди.

↗️ 38 номдаги дори воситалари ва 9 номдаги тиббий буюмлар ва тиббий техниканинг рўйхатдан ўтказилганлик гувоҳномасини амал қилиш муддати узайтирилди.

↗️ Давлат рўйхатидан ўтган 22 номдаги дори воситалари ва 3 номдаги тиббий буюм ва тиббий техниканинг рўйхатдан ўтказилганлик гувоҳномалари ҳамда рўйхатдан ўтказиш ҳужжатларига ўзгартириш ва қўшимчалар киритишга рухсат этилди.

↗️ 6 номдаги дори воситалари клиник тадқиқотлар ўтказишга тавсия этилди.

Telegram | Facebook | Instagram | Youtube

✏️✏️✏️

Фармацевтика маҳсулотлари хавфсизлиги марказининг Фармацевтика фаолиятини лицензиялаш бошқармаси томонидан статистик маълумотлар янгиланди.

Telegram | Facebook | Instagram | Youtube

🟦🟦🟦

4 номдаги 150 ўрам дори воситаси қалбакилаштирилганлиги аниқланди

Ҳуқуқни муҳофаза қилувчи тегишли органлар томонидан Тошкент шаҳар ва Андижон, Наманган, Тошкент вилоятлари ҳамда Қорақалпоғистон Республикасида ўтказилган тезкор тадбирларда олинган дори воситалари ва тиббий буюмлар "Фармацевтика маҳсулотлари хавфсизлиги маркази" ДМ лабораторияларида экспертиза қилинди.

Жорий йилнинг 11-15 ноябрь кунлари ўтказилган таҳлил натижаларига кўра, 175 номдаги 4711 ўрам ва 15323 дона жумладан:

✔️ 35 номдаги 1874 ўрам — давлат рўйхатидан ўтган ва мувофиқлик сертификати мавжуд бўлган;
✔️ 72 номдаги 2587 ўрам — давлат рўйхатидан ўтмаган ва мувофиқлик сертификати мавжуд бўлмаган;
✔️ 54 номдаги 100 ўрам — яроқлилик муддати тугаган, сифатсиз;
✔️ 10 номдаги 15323 дона — кучли таъсир қилувчи моддалар рўйхатига киритилган дори воситалари;
✔️ 4 номдаги 150 ўрам — қалбакилаштирилган ва яроқсиз ҳолга келган фармацевика маҳсулотларининг юртимизда тиббиёт амалиётида қўллаш мумкинмаслиги бўйича хулоса берилди.

Ҳамда сифати кафолатланмаган мазкур дори воситалари ва тиббий буюмларнинг ноқонуний айланмасига чек қўйилди.

Постмаркетинг назорати бошқармаси

Telegram | Facebook | Instagram | Youtube

🟦🟦🟦

Марказ мутахассислари Жанубий Кореяда малака ошириб қайтди

Хабар берганимиздек, "Фармацевтика маҳсулотлари хавфсизлиги маркази" давлат муассасасининг икки нафар мутахассиси – Камола Ҳакимова ва Дилафрўз Муйдинова – Жанубий Кореянинг GTH-B (Global Training Hub for Biomanufacturing) марказида ташкил этилган ўқув дастурида иштирок этиб, малака ошириб қайтди.

☑️Мазкур дастур — биофармацевтика маҳсулотларини ишлаб чиқариш ва уларнинг сифатини назорат қилиш бўйича замонавий технологиялар ҳамда халқаро стандартлардан фойдаланишни ўрганишга қаратилган. Вакилларимиз тренинглар давомида биотехнология соҳасидаги илғор тажрибалар билан яқиндан танишди ва уларни Ўзбекистон шароитига жорий этиш бўйича билим ва кўникмаларга эга бўлди.

Маълумот учун: GTH-B (Global Training Hub for Biomanufacturing) – биофармацевтика ишлаб чиқариш соҳасида малакали мутахассислар тайёрлашга ихтисослашган Жанубий Кореянинг нуфузли ўқув марказларидан бири бўлиб, замонавий лаборатория жиҳозлари ва юқори даражадаги ўқув дастурлари билан жиҳозланган.

Таъкидлаш жоиз, "Фармацевтика маҳсулотлари хавфсизлиги маркази" давлат муассасаси мутахассисларининг бундай ўқув дастурларида иштирок этиши миллий фармацевтика саноатини ривожлантириш, илғор халқаро тажрибаларни татбиқ этиш ва сифатли, рақобатбардош маҳсулотлар ишлаб чиқаришда муҳим аҳамият касб этади.

Telegram | Facebook | Instagram | Youtube

4 саволга 4 жавоб:
Муҳим маълумотлар эслатмаси

🦠 Танада касаллик бошланиши билан антибиотик қабул қилиш мумкинми? - Жавоб

🦠 Дори воситаларининг электрон савдоси: веб-сайтда қандай маълумотлар бўлиши керак? - Жавоб

🦠 Дори воситаларини қандай суюқлик билан ичиш керак? - Жавоб

🦠 Нима учун яроқлилик муддати ўтиб қолган дори воситасини ичиш мумкин эмас? - Жавоб

Telegram | Facebook | Instagram | Youtube

⚖️ 🟦🟦🟦

"Ҳуқуқ билимдонлари - Умуммиллий Конституция имтиҳони" ўтказилади

Конституциямизнинг 32 йиллиги муносабати билан Адлия вазирлиги ва ТДЮУнинг Мақсадли капитал жамоат фонди ҳамкорлигида Ҳуқуқ билимдонлари - Умуммиллий Конституция имтиҳони ўтказилади.

Танловда @huquqbilimdonibot телеграм ботини ишга туширган ҳолда иштирок этиш мумкин. Танлов шартлари билан батафсил бу ерда танишасиз.

Ғолибларни қуйидаги миқдорда мукофот пуллари кутмоқда:

3️⃣ - ўрин 8 млн сўм;
2️⃣ - ўрин 12 млн сўм;
1️⃣ - ўрин 20 млн сўм.

Имтиҳонда қатнашиб билимингизни синовдан ўтказинг ва ғолиб бўлинг!

Telegram | Facebook | Instagram | Youtube

Марказ вакиллари Бутунроссия тиббий техника илмий-тадқиқот ва синов институти фаолияти билан танишди

Жорий йилнинг 14-15 ноябрь кунлари Россияда бўлиб ўтган “Novamed-2024" Бутунроссия халқаро форуми доирасида, Фармацевтика маҳсулотлари хавфсизлиги маркази мутахассислари Бутунроссия тиббий техника илмий-тадқиқот ва синов институтининг Синов маркази фаолияти билан яқиндан танишди.

Маълумот учун, Бутунроссия тиббий техника илмий-тадқиқот ва синов институти Россия Федерациясидаги тиббий техника ва асбоб-ускуналарни ишлаб чиқиш, таҳлил қилиш ва уларнинг хавфсизлигини таъминлаш соҳасида етакчи илмий марказлардан бири ҳисобланади. Институт Россияда тиббий техника ва асбобларни лойиҳалаштириш, уларни синовдан ўтказиш ва стандартлаштириш бўйича ишларни амалга оширади.


Мутахассисларимиз ташриф давомида институт Синов марказида амалга оширилаётган тиббий буюмлар ва техникаларни синаш, сифатни назорат қилиш ҳамда инновацион тадқиқотлар жараёнлари ҳақида маълумотга эга бўлди. Шунингдек, улар институтнинг замонавий технологиялар билан жиҳозланган лабораториялари фаолияти, тиббий асбоб-ускуналарни метрологик тадқиқ қилиш бўйича ўзларини қизиқтирган саволларга жавоб олишди.

Telegram | Facebook | Instagram | Youtube

🟦🟦🟦🟦🟦

Ўтган ҳафта давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

😎 8 номдаги 1360 ўрам дори воситаси қалбакилаштирилганлиги аниқланди

😎 “Терафлю” ва “Нимесил” дори воситаларини бирга қўшиб ичиш тўғрисида берилган саволга Фармакология қўмитаси раиси Саидислом Абдуллаев жавоб берди

😎 Марказ мутахассислари "Соғлиқни сақлаш аълочиси" кўкрак нишони билан тақдирланди

😎 “Европа иқтисодиёти кунлари” форуми доирасида очиқ давра суҳбати бўлиб ўтди

😎 Марказ мутахассислари “Реглек 2024” конференциясида иштирок этди

😎 Марказда соҳа тадбиркорлар билан профилактик учрашув бўлиб ўтди

😎 336 та тиббий ўлчаш воситаси қиёслаш назоратидан ўтказилди

😎 Россия Федерацияси Соғлиқни сақлаш вазирлигининг Тиббий буюмлар экспертиза қилиш илмий маркази билан англашув меморандуми имзоланди

😎 Марказ мутахассиси Японияда бўлиб ўтаётган халқаро семинарда иштирок этди

😎 Бутунроссия тиббий техникалар илмий-тадқиқот ва синов институти билан англашув меморандуми имзоланди

😎 Фармацевтик компанияларнинг фармаконазоратга масъул бўлган шахсларни ўқитиш режалаштирилмоқда

😎 Марказда Давлат байроғи қабул қилинганлигини 33 йиллиги нишонланди

😎 Марказ директори Алишер Темиров бошчилигидаги делегация "Novamed-2024 - тиббий буюмлар айланмаси" халқаро форумида иштирок этди

😎 Гиёҳвандлик ва наркожиноятларга қарши курашиш бўйича 2024 — 2025 йилларга мўлжалланган миллий дастур тақдимоти бўлиб ўтди

😎 Марказ томонидан маҳаллий ва хорижий дори воситаларига нисбатан белгиланган чекланган нархлар тўғрисидаги маълумотлар янгиланди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

🟦🟦🟦🟦

​​Бугун - Ўзбекистон Республикаси давлат байроғи қабул қилинган кун!

Ўз мустақиллигини қўлга киритган ҳар бир юрт байроғининг Бирлашган миллатлар ташкилоти бош қароргоҳи майдонида музаффар ҳилпирашини истайди. Чунки бу дунёда ўз ўрни, ўз овозига эга эканининг тасдиғи, мустақиллигининг тан олингани ифодасидир.

Бундан роппа-роса 33 йил муқаддам Ўзбекистон деб деб аталмиш осойишта, эркин ва фаровон юртнинг она табиатдан андоза олиб ишланган давлат байроғи қабул қилинган эди. Шундан буён бу муқаддас туғ энг олий саҳналар, энг юқори марраларда, зафарли қўлларда баланд кўтарилмоқда, шавқу завқ билан кўзларга суртилиб, лабларга босилмоқда.

Бугун бу байроқ фақатгина Ўзбекистон Республикаси давлат рамзи эмас, у шу юртда туғилиб, шу заминнинг меҳридан қониб яшаётган барча эл-элатларнинг тинчлик ва аҳиллик тимсолига, қалбларни қалбларга яқинлаштирадиган, дилларни дилларга улайдиган воситага айланган. Дунёнинг қайси бурчида бўлманг, бу байроқ она юрт нафасини димоққа уради, қадрдон Ватанни ёдга солади.

Фармацевтика маҳсулотлари хавфсизлиги маркази барча юртдошларимизни ушбу сана билан қизғин муборакбод этади.

Юртимиздаги тинчлик ва осудалик ҳеч қачон бизни тарк этмасин, байроғимиз баланд-баландларда Ўзбекистон деб аталмиш жаннатмакон юрт шаъни, шону шавкатидан дарак бериб ҳилпирайверсин!

Telegram | Facebook | Instagram | Youtube