O‘zLiDeP Андижон вилоят Кенгаши

Давлат Дастури соҳамиз вакилларининг фаолият мезонига айланиши керак.

Шу кунларда мамлакатимизда "Атроф муҳитни асраш ва "яшил иқтисодиёт йили" давлат дастури лойиҳаси кенг жамоатчилик томонидан қизғин муҳокама қилинмоқда. Ушбу ҳужжатни янада такомиллаштириш, мукаммаллаштиришга барчамиз бефарқ бўлмай, ўз ҳиссамизни қўшишимиз керак.

Мен мазкур Давлат дастури лойиҳаси билан танишиб чиқдим. Лойиҳа 2025 йилнинг - Атроф муҳитни асраш ва "яшил иқтисодиёт йили" дея номланишига мос равишда ишлаб чиқилган. Менга айниқса, "яшил макон" умуммиллий лойиҳаси ва "Менинг боғим" лойиҳаси доирасида 200 миллион туп дарахт ҳамда буталар экилиши, яшил боғлар ва яшил паркларда қуёш панеллари ёрдамида қувватлантирувчи ёритгичлардан фойдаланишни йўлга қўйилиши жуда маъқул келди. Фермер сифатида шу йўналишдаги ишлар кўламини янада кенгайтириш, қўллаб-қувватлаш тарафдориман. Ўзим раҳбарлик қилаётган фермер хўжалиги ҳудудида қолаверса, 8 та фермер иш олиб бораётган массивимизда кўкаламзорлаштириш, ерлардан унумли фойдаланиш, янги технологиялар асосида табиий сув ресурсларидан оқилона фойдаланиш, экин экиладиган ер майдонлари четларидан, сув ўзанлари қирғоқларидан самарали фойдаланиш орқали кўкаламзор ҳудудларни кенгаштириш, аҳоли даромадларини ошириш муҳим аҳамиятга эга. Бу йўналишда кўчатчилик, дориворчилик ва экотуризмни ривожлантириш давлатиимз иқтисодиётини янада юқори босқичларга олиб чиқади. Маҳаллаларнинг экологик қиёфасини яхшилаш, кўчаларда яшиллик даражасини ошириш, экологик жиҳатдан қулай ва фаровон яшаш муҳитинми шакллантириш орқали аҳоли саломатлигини яхшилаш, экологик турмуш тарзини шакллантириш, инсон салоҳиятини рўёбга чиқариш учун шарт-шароитлар яратиш тўғрисидаги банди ҳам ўйлайманки кўпчиликка а жуда маъқул келади.

Ушбу дастурда кўзда тутилган лойиҳаларни муваффақиятли амалга оширилиши келгусида жаннатмакон Янги Ўзбекистонни бунёд этилишига замин ҳозирлаган бўламиз. Бу сиз билан бизнинг саъйи -ҳаракатларимизга, истиқболли лойиҳаларимиз рўёбга чиқара олишимизга боғлиқдир.

Умидахон Эгамова, ЎзЛидеП Олтинкўл туман Кенгаши депутатлик гуруҳи раҳбари, Халқ депутатлари туман Кенгаши депутати

https://t.me/uzlidepandijon

Ҳурматли Ватан ҳимоячилари!

Ўз ҳаётини Ватанни ҳимоя қилишдек энг улуғ ва олижаноб ишга бағишлаган Сиз, азизларни, бутун халқимизни Ўзбекистон Республикаси Қуролли Кучлари ташкил этилганининг 33 йиллиги ҳамда Ватан ҳимоячилари куни билан чин қалбимдан самимий муборакбод этаман.
Ушбу қутлуғ айёмда барчамиз аввало ўз жанговар постида доимо ҳушёр ва сергак туриб, юртимиз сарҳадларини кўз қорачиғидек асраб келаётган мард ва жасур, содиқ ўғлонларимизни, фидойи ота-боболаримизни, ҳақиқий ватанпарвар инсонларни шарафлаб, уларнинг шаънига энг эзгу тилакларимизни изҳор этамиз.
Азиз Ватан ўғлонлари! Якинлашиб келаётган Айёмингиз муборак бўлсин ! Сизлар бор- тонг беҳадик отади ! Сизлар бор- кун безиён ўтади ! Сизлар бор- тун ёқимли оромга қўл тутади! Йигитлик шаъни, мардлик ғурури тарк этмасин. Сиз марду майдон ичра САРДОР бўлиш йўлидасиз. Бу йул машаққати юрагингизда фақат элга, атрофдагиларга кераклик билан уйғун бўлаверсин! Доимо соғ бўлинглар!

Ҳурмат ва самимият ила, Хуршидахон Халилова, ЎзЛиДеП Андижон вилоят Кенга раисининг Аёллар масалалари бўйича ўринбосари, Халқ депутатлари Андижон вилоят Кенгаши депутати, Қорасув шаҳар тиббиёт бирлашмаси раҳбари https://t.me/uzlidepandijon

Халқ депутатлари Бўстон туман Кенгаши депутати, ЎзЛиДеП депутатлик гуруҳи аъзоси Раънохон Содиқова ўзи сайланган 7- "Бўстон"сайлов округи ҳудудидаги "Пиллакор" МФЙдаги "Обод турмуш" кўчасида яшовчи Гулбаҳор Хасанованинг яшаш хонадони ёниб кетганлиги сабабли, хонадон эгалари билан учрашди ва холатни атрофлича ўрганди. Муаммони халқ вакили ўз назоратига олди. https://t.me/uzlidepandijon