O'zLiDeP - Andijon

“O’ZLIDEP БИЛАН ЮКСАЛИШ САРИ!”

O‘zLiDeP Асака туман Кенгаши “Аёллар қаноти” фаоллари томонидан туман Ирригация бўлими қошидаги бошланғич партия ташкилотида партиянинг ғоя ва мақсадлари тарғиботи, партия аъзолари сафини кенгайтириш, ўтган давр мобайнида корхона фаолияти сарҳисобига бағишланган йиғилиш бўлиб ўтди. Унда БПТдаги 16 нафар аъзонинг партиявий тадбирлар, сайлов жараёнларидаги фаоллиги эътироф этилди.
Корхонада БПТ очилганига оз фурсат бўлишига қарамай, партия аъзолари сафини кенгайтириш бўйича ташаббус ва таклифлар билдирилаётганлиги алоҳида таъкидланди.
- O‘zLiDeP Асака туман Кенгаши фаоллари Асака туманида кўплаб ибратли ташаббусларни, инновацион лойиҳаларни амалга оширишда доимо пешқадамлик қилиб, кенг жамоатчиликнинг эътиборини тортиб келмоқда. Бу кенг кўламли ишларда Ирригация бўлими қошидаги бошланғич партия ташкилоти аъзоларининг ҳам ўз ҳиссалари бор, албатта. Жумладан , “Яшил макон”, “Сув ресурсларидан оқилона фойдаланиш”, “Яшил энергетика” каби лойиҳаларни амалда татбиқ этилишида алоҳида намуна бўлиб келадилар. O’zLiDeP нинг дастурий мақсад ва вазифаларини кенг тарғиб қилиш, лойиҳалар мазмун-моҳиятини кенг оммага тушунтириш қаратилган бугунги тадбир - “O’zLiDeP билан юксалиш сари!” - тарғибот тадбири барчамизда катта таассурот қолдирди,” - деди БПТ раиси Гулбаҳорхон Хусанова.
Тадбирда партия туман Кенгаши аппарат раҳбари, туман Кенгаши депутати Умидахон Назарова иштирок этиб, O’zLiDePнинг мамлакатимиз ҳаётида тутган ўрни, етакчилик фаолияти, эришган ютуқлари ҳақида гапириб, келгусидаги ишлар ва галдаги режалар ҳақида сўз юритди. Тадбир ниҳоясида яна беш нафар ишчи партия сафига кириш истагини билдирди.!

“ АЁЛ – ЮКСАК МАЪНАВИЯТ СОҲИБАСИ”
Марҳамат туман Кенгаши “Аёллар қаноти” гуруҳи томонидан туман маънавият марказида "Аёл - юксак маънавият соҳибаси" лойиҳаси доирасида маънавий- маърифий тадбир ташкил этилди.
Тадбирда республика маънавият ва маърифат маркази туман бўлинмаси раҳбари М.Сотволдиева ҳамда O’zLiDeP Марҳамат туман Кенгаши аппарат раҳбари Х.Шералиевлар сўзга чиқиб, хотин-қизларнинг ҳуқуқий маданияти ва саводхонлигини, уларнинг оила ва жамиятдаги ўрни, мавқеини оширишда уларнинг ўқимишли ва билимли бўлишлари, бунинг учун давлатимиз томонидан етарли шароит ва имкониятлар яратиб берилаётганлиги тўғрисида гапириб ўтдилар.
Давра суҳбатида иштирок этган фаол аёл М.Турсунова миллий қадриятларимизни сақлаш ва тарғиб этиш, ўтмишдаги улуғ аждодларимиз маънавий меросларини асраш, келажак авлодларга безавол етказиш - ўзимизга боғлиқ эканлигини айтди. Якунда партия сафига янги аъзолар қабул қилиш бўйича таклифлар маъқулланди.