O'zLiDeP - Andijon

Тадбиркор аёл-элга мададкор

Мамлакатимиз иқтисодиётини янада ривожлантириш, халқ фаровонлиги даражасини юқори поғоналарга кўтариш, кичик бизнес, оилавий бизнес ва хусусий тадбиркорликни оммалаштириш ва тараққий топтириш, айниқса, бу йил ўзгача касб этмоқда. Чунки Юртимиз тарихида тадбиркорлик қадим замонлардан буён алоҳида ўрин тутиб келади. Ота – боболаримизнинг ўз ери, ўз касбу – ҳунарига эга бўлиш, омилкорлик билан иш юритиш, тадбиркор ва ишбилармон инсонларни қадрлаш борасидаги анъаналари ҳақида кўп гапириш мумкин.

Бу ўринда Соҳибқирон А. Темур бобомизнинг барчамизга яхши маълум бўлган: “Азми қатъий, тадбиркор, ҳушёр, мард ва шижоатли бир киши мингта тадбирсиз ва лоқайд кишидан афзалдир”, – деб айтган чуқур маъноли сўзларини яна бир бор эслаб ўтиш ўринлидир.

Дарҳақиқат, бугун Андижон вилоятида ташкил этилган “Тадбиркор-элга мададкор” шиори остидаги форум тадбиркор ва ҳунарманд аёлларнинг чинакам байрамига айланди.

Андижон вилоят ҳокимлиги, Савдо-саноат палатаси Андижон вилоят бошқармаси, O’zLiDeP Андижон вилоят Кенгаши "Аёллар қаноти" билан ҳамкорликда “Тадбиркор аёл – элга мададкор” мавзусида тадбиркор аёллар форуми фикримизнинг яққол далилидир.

Мазкур форумда тадбиркор аёллар, Олий Мажлис Қонунчилик Палатаси ва маҳаллий Кенгаш депутатлари, ҳунармандлар, ОАВ вакиллари иштирок этдилар.

Форумда вилоят миқёсида юздан ортиқ ҳунармандлар, тадбиркорлар ва ишлаб чиқариш усталари ўз кўргазмаларини намойиш этдилар. Кўргазмада “Ишбилармон аёл” кўрик-танлови иштирокчиларидан 10 нафарга яқин тадбиркор аёлларнинг борлиги бизни қувонтирди.

Улардан бири, партиямиз фаоли Майрамхон Эргазиева шундай фикр билдирди: - Мен бу тадбирда иштирок этаётганимдан жуда хурсандман. Мана, ушбу кўргазмада ҳамкасбларимизнинг ижодлари, қўл меҳнати намуналарини кўриб қувонасан киши.

Ҳақиқатда Аёл яратувчи, интилувчи, ҳаётни давомчисидир. Улар оилалар фаровонлиги, юртимизнинг ривожи учун ўзларининг муносиб ҳиссаларини қўшиб, оилада ва жамиятда ўз ўрнига эга бўлмоқдалар.

https://t.me/uzlidep_andijon

Қуйи бўғинларда ҳисобот-сайлов йиғилишлари бўлиб ўтмоқда

O'zLiDeP Балиқчи туман Кенгаши томонидан партия қуйи бўғинларининг ҳисобот давридаги фаолиятини сарҳисоб қилишга қаратилган ҳисобот сайлов йиғилишлари қизғин олиб борилмоқда.

Навбатдаги ҳисобот йиғилиши Балиқчи тумани Касаба уюшмаси қошидаги БПТда бўлиб ўтди.

Йиғилишда O`zLiDeP бошланғич ташкилотининг 2024 йилдаги фаолияти юзасидан ҳисобот берилди. Шунингдек, бошланғич партия ташкилоти раиси сайланди.

Бошланғич партия ташкилотининг 2025 йил учун иш режаси тасдиқланди ва “ Ўзбекистон-2030 стратегияси" ва 2025 йил – Атроф муҳитни асраш ва "яшил" иқтисодиёт йилида амалга оширишга оид давлат Дастури”даги белгиланган вазифалардан келиб чиққан ҳолда БПТнинг 2025 йилдаги устувор вазифалари белгиланиб олинди. https://t.me/uzlidep_andijon

Бошланғич партия ташкилотларида партиявий фаолият сарҳисоб қилинмоқда

O'zLiDeP Асака туман Кенгаши томонидан "Миллийбанк" акциядорлик банки қошидаги бошланғич партия ташкилотида ҳисобот-сайлов йиғилиши бўлиб ўтди.

Унда ўтган даврда амалга оширилган ишлар сарҳисоб қилиниб, таҳлилий-танқидий ўрганилди.
Ҳисобот жараёнида келгусида бошланғич партия ташкилотида амалга ошириладиган ишлар режалаштирилиб олинди.

Йиғилишда сўзга чиққан партия фаоллари ташкилотнинг келгуси фаолиятида Ўзбекистон Республикаси Президентининг “Ўзбекистон – 2030” стратегияси тўғрисида”ги 158-сон Фармони ҳамда уни 2025 йил – “Атроф-муҳитни асраш ва “яшил” иқтисодиёт йили”да амалга оширишга оид давлат дастури”даги белгиланган вазифаларнинг мазмун-моҳиятини кенг аҳоли қаталмлари орасида самарали тарғибот қилиш, партиянинг ижобий имиджини яхшилаш, дастурий мақсад ва вазифалари кенг тарғиб қилиш юзасидан ўзаро келишиб олинди. https://t.me/uzlidep_andijon