Uzdiplomat | Расмий канал

Олий суд: Ҳокимлар кўплаб хато қарорлар чиқармоқда

Ҳокимларнинг 933 та қарорлари ҳақиқий эмас деб топилди.

2024 йилда маъмурий судлар томонидан оммавий-ҳуқуқий муносабатлардан келиб чиқадиган 15 373 та иш кўриб чиқилди. Бунинг натижасида 6 338 та фуқаро ва юридик шахсларнинг ҳуқуқлари тикланди. Олий суд бу ҳақида ҳисобот эълон қилди.

Қайд этилишича, ҳисобот даврида маъмурий ва фуқаролар ўзини ўзи бошқариш органларининг, мансабдор шахсларининг қарорлари устидан шикоят қилиш тўғрисидаги 6 991 та иш кўриб чиқилган. Хусусан, ҳоким қарорини ҳақиқий эмас деб топиш билан боғлиқ кўриб тамомланган ишлар сони 2 720 тани ташкил қилиб, шундан жисмоний ва юридик шахсларнинг 933 та аризаси қаноатлантирилган.

Вилоят ва унга тенглаштирилган маъмурий судлар томонидан апелляция тартибида 3 174 та иш кўриб чиқилди. Биринчи инстанция судлари томонидан чиқарилган 385 та қарор бекор қилиниб, 14 та қарор ўзгартирилди. Кассация тартибида 1 208 та иш кўриб чиқилди. Биринчи инстанция судлари томонидан чиқарилган 130 та қарор бекор қилиниб, 4 та қарор ўзгартирилди. Тафтиш тартибида 1 649 та иш кўриб чиқилди. Қуйи инстанция судлари томонидан чиқарилган 141 та қарор бекор қилиниб, 2 та қарор ўзгартирилди.

Олий суднинг Маъмурий ишлар бўйича судлов ҳайъати томонидан тафтиш тартибида 2 132 та шикоят ва протест ўрганиб чиқилиб, шундан 309 таси иш материаллари асосида кўриб чиқилди. Натижада қуйи судлар томонидан чиқарилган қарорларнинг 95 таси бекор қилинди.

Telegram | Instagram | You Tube | Facebook | X

🔴Абдуқодир Хусанов Ўзбекистоннинг Буюк Британиядаги элчихонасига борди

Ўзбекистоннинг Буюк Британиядаги янги фавқулодда ва мухтор элчиси Равшан Усманов “Manchester City”нинг янги ўзбекистонлик ўйинчиси Абдуқодир Хусанов билан элчихонада учрашди.
Элчи Равшан Усманов “Manchester City” футбол клуби ҳимоячиси ҳамюртимиз Абдуқодир Хусановга доимо муваффақиятлар тилаймиз!”, деб ёзади ўзининг ижтимоий тармоқдаги саҳифасида.
Абдуқодир Хусанов элчихонага ўз дастхати туширилган клуб формасини совға қилган.

Telegram | Instagram | You Tube | Facebook | X

🔴Аҳолиси доимий равишда ўсаётган Ўзбекистонда қандай қилиб чақалоқлар сони қисқармоқда?

✔️«Туғилишлар сонининг камайиши чуқур демографик муаммоларни англатмайди»

Бу хулосани иқтисодчи Миркомил Холбоев билдирди.

2024 йилда 926 минга чақалоқ дунёга келган бўлиб олдинги йилга нисбатан туғилишлар сони 3,7 фоизга қисқарган. Умуман олганда, сўнгги йилларда туғилишлар сонининг доимий ўсиш тенденцияси кузатилаётган эди, 2024 йилда туғилишларнинг қисқариши кўпчиликда саволларни келтириб чиқарди? Яъни аҳолиси доимий равишда ўсаётган Ўзбекистонда қандай қилиб чақалоқлар сони қисқармоқда?

Батафсил Uzdiplomat'да ўқинг!

Telegram | Instagram | You Tube | Facebook | X

#TAYINLOV

⚡Сирдарё вилояти ҳокимига янги ўринбосар тайинланди

Хидиров Алишер Бўриевич 2025 йил 4 февралдан Сирдарё вилояти ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимига тайинланди.

А.Хидиров мазкур тайинловга қадар “Ўзбекистон темир йўллари” акциядорлик жамияти “Ўзтемирйўлйўловчи” акциядорлик жамияти маркетинг ва сервис хизматлари бўйича директори вазифасида фаолият олиб борган.

Telegram | Instagram | You Tube | Facebook | X

🔴Яна ҳоким ёрдамчиси жиноят билан қўлга олинди

✔️Тошкент шаҳрида ҳоким ёрдамчиси мансабидан фойдаланиб қатор молиявий жиноятларни амалга ошириб келгани аниқланди.

Uzdiplomat 3 йил ичида ҳоким ёрдамчилари томонидан 40 дан ортиқ молиявий жиноятлар содир этилгани ҳақида хабар берган.

Тошкент шаҳри Шайхонтоҳур туманида фаолият юритган ҳоким ёрдамчиси М.Ф. 20 нафар фуқароларга электрон тарзда берган тавсияномаларига асосан, қабул қилиб олган электрон калитлардан фойдаланган ҳолда жами  427,7  млн. сўмлик кредит маблағларини қўлга киритиб, оилавий тадбиркорликни ривожлантириш, жумладан эҳтиёжманд оила аъзоларининг ҳунармандчилик, касаначилик, томорқадан самарали фойдаланиш, кичик ишлаб чиқариш, хизмат кўрсатиш ва бошқа турдаги фаолияти йўлга қўйилишини ташкиллаштирмасдан, ўз эҳтиёжларига сарфлаб юборган.

Шунингдек, М.Ф. ўзининг қариндошлари ва бошқа 5 нафар фуқароларга маҳалла ҳудудида яшамаган бўлсада, қалбаки тавсияномалар орқали жами 207,7 млн. сўм миқдоридаги кредит маблағлари ажратилишига эришиб, ўзлаштириш йўли билан талон-торож қилган.

Telegram | Instagram | You Tube | Facebook | X

uzdiplomat иқтибоси: 🖍

«Ҳокимлар ҳудудларнинг беги эмас, халқнинг ёлланма ишчиси».

Русланбек Давлетов

Ўзбекистон Республикаси Президентининг ижтимоий-сиёсий ривожланиш масалалари бўйича маслаҳатчиси, собиқ Адлия вазири

07.02.2022 йил

Telegram | Instagram | You Tube | Facebook | X

⚡️Янги пулли йўл қурилгандан сўнг пойтахтдан Андижонга бориш вақти икки соатга қисқаради

Бу ҳақида бугун Президент Шавкат Мирзиёев иштирокида ўтган йирик транспорт инфратузилмаси лойиҳалари тақдимотида маълум қилинган.

Давлат раҳбари матбуот хизматининг хабар беришича, Жаҳон банки иштирокида «Тошкент — Андижон» муқобил йўли лойиҳасининг умумий узунлиги 314 километр бўлган бу тезюрар магистрал фойдаланишга топширилиши натижасида Тошкентдан Андижонга етиб бориш вақти 5 соатдан 3 соатгача қисқаради. Шунингдек, бу ялпи ички маҳсулотни 2,6 фоизга ошириб, автоҳалокатларни 40 фоизга камайтириши мумкин.

Аввалроқ, ушбу пулли автомобиль йўлини давлат-хусусий шериклик асосида лойиҳалаштириш, қуриш, молиялаштириш, бошқариш ва техник хизмат кўрсатиш юзасидан тендер эълон қилинганди.

Лойиҳа консепцияси Вазирлар Маҳкамаси томонидан 2025 йил 21 январда тасдиқланган.

Эслатиб ўтамиз, транспорт вазирлиги мутасаддилари аввалроқ йўлнинг қурилиш муддати 6 йил 3 ойни ташкил этишини маълум қилишган. Лойиҳа қиймати 4,28 млрд долларни ташкил этади.

Telegram | Instagram | You Tube | Facebook | X

Ўзбекистон ва Афғонистон тадбиркорлари қарийб 5 миллион долларлик шартнома имзолади

Афғонистоннинг Саноат ва савдо вазирлиги Ўзбекистон тадбиркорлари билан 4,5 миллион долларлик савдо битимлари имзоланганини эълон қилди.

Вазирлик маълумотига кўра, бу ҳамкорлик келишувлари икки давлат хусусий сектор вакиллари ўртасида тузилган.

"Толибон" ҳаракатининг Саноат ва савдо вазири Нуруддин Азизий Ўзбекистонлик тадбиркорлар делегацияси билан музокаралар ўтказган.

Эслатиб ўтамиз, аввалроқ Ўзбекистон ва Афғонистон темир йўл маъмуриятлари Ҳайратон – Мозори Шариф темир йўлини эксплуатация қилиш ва хизмат кўрсатиш бўйича шартномани узайтириш тўғрисида келишувга эришган эдилар.

Telegram | Instagram | You Tube | Facebook | X

⚡Эрон Ўзбекистонга нефт экспортини 18 фоизга оширди

Ўзбекистон 2024 йил 20 март – 20 декабргача Эрондан 292 миллионлик нефт импорт қилган. Бу ҳақида Эрон Божхона маъмурияти статистикасига таяниб Trend нашри хабар бермоқда.

Бу ўтган йилнинг худди шу даври (2023 йил 21 март – 21 декабрь) билан солиштирилганда ўсиш кузатилган.

Расмий маълумотларга кўра, ўтган йилнинг 9 ойида Эрон Ўзбекистонга 414 минг тонна нефт экспорт қилган. Ушбу экспортнинг умумий қиймати 292 миллион АҚШ долларига етган.

Эрон Ўзбекистонга нефтдан ташқари 364 минг тонна маҳсулот нефт-кимё маҳсулот, озиқ-овқат маҳсулотлари, сут ва сут маҳсулотлари, қишлоқ хўжалиги техникаси, шиша идишлар ва бошқа товарларни экспорт қилган.

Шунингдек, 9 ой давомида бу икки мамлакат ўртасидаги умумий товар айирбошлаш ҳажми 444 минг тоннани ташкил қилган бўлиб, умумий қиймати 358 миллион доллар бўлган.

Эрон Божхона маъмурияти статистикасига кўра, 2024 йилнинг 9 ойи мобайнида Эроннинг умумий нефт маҳсулотлари экспорти 116 миллион тоннага етди ва бунинг қиймати 43,1 миллиард долларни ташкил қилди. Ушбу кўрсаткич аввалги йилнинг шу даврига нисбатан қиймат жиҳатидан 18% ўсганини кўрсатмоқда.

Telegram | Instagram | You Tube | Facebook | X

Германиянинг яқин тарихдаги энг қиммат мулки — Алишер Усмоновнинг вилласи сотувга қўйилди

Алишер Усмоновнинг Тегернзее альп кўли соҳилидаги вилласи офшор компанияси Tegernsee (IOM) Limitedнинг қарзлари учун сотувга қўйилди. Бу ҳақида DW хабар берди.

Вилла Германиянинг яқин тарихидаги энг қиммат кўчмас мулк бўлиб, унинг ўртача нархи 25 миллион еврога баҳоланган. Бу нарх Immowelt сайтидаги энг қиммат нарх бўлиб, сайт 1996 йилдан бери Германиядаги кўчмас мулкларнинг маълумотларини йиғиб келмоқда.

Вилланинг сотувини арбитраж мутахассиси Ульрих Крамер амалга оширмоқда. Унинг сўзларига кўра, компания қарздор бўлиб, унга қарашли активлар асосан кўчмас мулкдан иборат бўлиб, қарзларни тўлашга яроқсиз. Шу боис, вилла сотилиб, компаниянинг қарзлари тўланиши керак.

Маълумот учун, уч қаватли вилла 4 700 квадрат метр майдонни эгаллаган. У Роттах-Эгерн қишлоғида жойлашган. 2011 йилдан кейин Усмонов виллани ҳафтасига 77 000 еврога Tegernsee (IOM) Limited компаниясидан ижарага олган. Münchner Merkur нашри бу компанияни “яширин фирма” деб атаган ва у виллани таъмирлаш учун яна бир неча миллион евро сармоя киритганини таъкидлаган.

Вилланинг сотилиши "махфий маркетинг кампанияси" асосида амалга оширилади. Ҳозирда арбитраж мутахассиси томонидан тўғрисидаги маълумотлар фақат муайян шахсларга тақдим этилади. Усмонов ушбу жойда кўп йиллар давомида яшаб келган ва у ерга шахсий доктори билан учрашишга борган.

Telegram | Instagram | You Tube | Facebook | X

🔴 Данияда яна Қуръон ёқиб юборилди

Данияда мусулмонлар учун муқаддас бўлган Қуръонни ёқиш акцияси яна такрорланди. Бу сафар тадбирни ўнг экстремистик партия (Stram Kurs) асосчиси ва раҳбари Расмус Палудан ташкил қилди. У муқаддас китобни Копенгагендаги Туркия элчихонаси олдида ёқиб юборди.

Расмус Палудан ўзининг Instagram саҳифасида бу ҳаракатини Швецияда бир неча марта Қуръонни ёққан ва кейинчалик Стокгольм яқинидаги уйида TikTok орқали жонли эфир вақтида отиб ўлдирилган Салван Момика хотирасига бағишлаганини айтди. Унинг таъкидлашича, Дания полицияси унга Момикани қўллаб-қувватлаш учун митинг ўтказишга рухсат бермаган.

Батафсил…

Telegram | Instagram |  You Tube | Facebook | X

📄uzdiplomat iqtibosi🖍

“Kелгуси йил насиб бўлса, 1 апрелдан энергетика таърифлари яна оширилади”

Жамшид Қўчқоров,

Иқтисодиёт ва молия вазири
2024 йил, 18 декабр

Telegram | Instagram |  You Tube | Facebook | X

Дунёнинг машҳур юлдузлари тарихий алломаларимизга бағишланган роликларда қатнашади

Ислом цивилизацияси марказининг янги медиалойиҳасига Морган Фримен, Дензел Вашингтон, Мел Гибсон, Бурак Озчивит, Бен Кингсли, Анжелина Жолини жалб этиш режалаштирилган.

Марказнинг Кенгайтирилган илмий кенгашнинг навбатдаги йиғилишида бу ҳақида маълумот берилди.

Ташкилот ахборот хизматининг хабар беришича, Кенгаш давомида Марказ ҳақида халқаро стандартларга жавоб бера оладиган медиалойиҳалар устида ҳам иш бошлангани айтиб ўтилган.

Юз нафар буюк ўзбек алломалари ҳақида дунёнинг етакчи ахборот платформалари Euronews ва CNN форматида креатив роликлар тайёрлаш лойиҳаси ишга туширилади.

Ушбу медиа-лойиҳалар бутун дунёга Ўзбекистоннинг таниқли тарихий шахслари, кашфиётлари, замонавий илм-фан ва техниканинг асосига айланган ўзбек олимлари, файласуфлар ва мутафаккирлар ҳақида ҳикоя қилади. Буюк алломалар меросини қайта тиклаб, инсоният тараққиётига йўл очади. Ушбу меросни глобал даражада тақдим этиш учун дунё юлдузларининг ҳикоячи сифатида иштирок этиши режалаштирилган. Морган Фримен, Дензел Вашингтон, Мел Гибсон, Бурак Озчивит, Бен Кингсли, Анжелина Жоли шулар жумласидандир», дейилади хабарда.

Telegram | Instagram |  You Tube | Facebook | X

Трамп: Канада АҚШнинг 51-штати бўлиши керак

АҚШ президенти Дональд Трамп Канада мамлакатга қўшилиши кераклиги ҳақида баёнот берди.

У бу ҳақда ўзининг Truth Social ижтимоий тармоғида ёзди.

"Биз Канада учун юзлаб миллиард долларлик субсидия тўлаймиз. Бу улкан ёрдамларсиз Канада мустақил, ривожланган давлат сифатида мавжуд бўлолмайди. Бу қаттиқ гап, лекин ҳақиқат!", — деди Трамп. Унинг бу баёноти АҚШ ва Канада ўртасидаги иқтисодий ва сиёсий муносабатлар муҳокамасини янада кучайтирди.

Аввалроқ, Трамп Канада, Хитой ва Мексикадан келаётган импортга 25%лик бож жорий этиш ҳақида фармон имзолагани хабар берилганди. Оқ уй маълумотига кўра, Канададан келадиган энергия ресурсларига 10%, бошқа товарларга эса 25%лик тариф қўлланилади. Бу қарор Оттавада кескин реакцияга сабаб бўлди.
Канада бош вазири Жастин Трюдо АҚШдан келадиган товарларга 25%лик жавоб божи жорий этилишини эълон қилди. Унинг айтишича, бу чекловлар 155 миллиард долларлик маҳсулотларга таъсир қилади.

Telegram | Instagram |  You Tube | Facebook | X

“Ғишткўприк” чегара божхона пости 5 февралдан бошлаб 4 ойга ёпилмоқда

«Черняевка»дан ўтмоқчи бўлганлар Тошкент туманида жойлашган «Навоий» постига боришлари мумкин.

Бу ҳақида Божхона қўмитаси матбуот котиби Хусен Тангриев маълум қилди.

Қайд этилишича, чеклов мазкур постдаги улкан қурилиш ва реконструкция ишларини мантиқий ниҳоясига етказиш мақсадида амалга оширилмоқда. Хусусан, постда вақтинчалик биноларни демонтаж қилиш, ҳудудни ободонлаштириш, постга туташ ҳудудда зарур инфратузилмани ташкил этиш назарда тутилган.

“Ғишткўприк” чегара пости орқали ҳаракатланаётган фуқаролар ва транспорт воситаларининг ҳаракати 2025 йилнинг 5 февраль кунидан “Навоий” чегара божхона постига йўналтирилади.

“Навоий” чегара божхона пости ҳам Тошкент вилоятининг Тошкент туманида жойлашган бўлиб, “Ғишткўприк” постига яқин ҳудуд ҳисобланади.

Бу постдан фақат Жисмоний шахслар, енгил автомобиллар ва автобуслар ҳаракати учун очиқ. Юк автотранспорт воситалари ҳаракати чекланган.

Telegram | Instagram |  You Tube | Facebook | X

Ўзбекистон Президенти Малайзияга боради

Ўзбекистон Республикаси Президенти Шавкат Мирзиёев, Малайзия Бош вазири Анвар Иброҳимнинг таклифига биноан, 4-5 февраль кунлари расмий ташриф билан Малайзияда бўлади.

Ташриф доирасида Куала-Лумпурда бўлиб ўтадиган Бош вазир Анвар Иброҳим билан икки томонлама музокаралар, Малайзиянинг етакчи компаниялари раҳбарлари билан учрашувлар ва қўшма бизнес форуми каби тадбирлар ташкил этилади. Музокаралар кун тартибида Ўзбекистон-Малайзия дўстлик муносабатларини ривожлантириш, савдо, инвестициялар, инновациялар, технологик кооперация, нефть-кимё, электроника, "яшил" энергетика, "ақлли" қишлоқ хўжалиги, туризм ва бошқа кўплаб устувор йўналишларда амалий ҳамкорликни кенгайтириш масалалари жой олган.

Шунингдек, маданий-гуманитар алмашинувни фаоллаштиришга алоҳида эътибор қаратилади.

Саммит доирасида халқаро сиёсат ва минтақавий масалалар ҳам кўриб чиқилади.

Ташриф якунида Қўшма баёнот ва салмоқли битимлар тўплами қабул қилинади.

Telegram | Instagram |  You Tube | Facebook | X