Asosiy olimpiadaning IV (respublika) bosqichi Biologiya test savollarini BAHOLASH MEZONIAsosiy olimpiadaning IV (respublika) bosqichi uchun
biologiya fani bo‘yicha test topshiriqlari o‘quvchilarning
bilim, ko‘nikma, malaka va kompetensiyalarini baholash uchun ularning yosh xususiyatlarini e’tiborga olgan holda tayyorlanadi.
Test topshiriqlarini ishlab chiqishda o‘quvchilarning psixofiziologik xususiyatlariga mos keladigan, o‘quv dasturi va darsliklar bilan bir qatorda 30% gacha ijodiy fikrlashni talab qiladigan qo‘shimcha manbalardan foydalaniladi.
Test jarayonida o‘quvchilarning kognitiv ko‘nikmalarni egallaganligini aniqlash bo‘yicha baholash maqsadi (BM):
➖
BM1: Bilish va tushunish kognitiv ko‘nikmalar• biologiya fani va uning obyektlari haqida bilim hamda tushunchalarga
ega bo‘lishi.
➖
BM2: Qo‘llash kognitiv ko‘nikmasi• biologiya fani tamoyillari va tushunchalari to‘g‘risidagi bilimlarni
va tushunchalarni ma’lum bir sharoitda qo‘llash;
• murakkab biologik masalalarni yecha olish, biologik hodisa va
jarayonlarni baholash, nazariy bilimlarini amaliyotda qo‘llay olish.
➖
BM3: Tahlil qilish kognitiv ko‘nikmasi• biologik qonuniyatlar va nazariyalarni, ular orasidagi bog‘liqlikni mantiqiy fikrlash, tahlil qila olish;
• biologik tushunchalarni mustaqil qo‘llay olish, biologik hodisa va jarayonlarni tahlil qilish.
Shakllantirilgan test topshiriqlari yordamida quyi darajadagi kognitiv ko‘nikmalar va yuqori darajadagi kognitiv ko‘nikmalar baholanadi.
▪️Asosiy olimpiadaning IV (respublika) bosqichida biologiya fani bo‘yicha test variant 30 ta test topshirig‘idan iborat bo‘lib, bu test topshiriqlarining
20 tasi qat’iy strukturalangan (yopiq) va
10 tasi strukturalangan (ochiq) test topshiriqlaridan tarkib topadi. Test topshiriqlari o
ddiy, o‘rta va
yuqori qiyinlik darajalarida shakllantiriladi.
Har bir qiyinlik darajasidagi test topshiriqlari 10 tadan bo‘ladi.⏰Test topshiriqlarini bajarishga 90 daqiqa vaqt ajratiladi.Yopiq test topshiriqlarining “Muqobil javobli”, “Moslashtirishni talab qiladigan” va “Ketma-ketlikni topishni talab qiluvchi” kabi test topshiriq shakllaridan foydalaniladi.
Ochiq test topshiriqlarining “Qisqa javobni talab qiladigan” test topshirig‘i turidan foydalaniladi.
Asosiy olimpiadaning IV (respublika) bosqichida biologiya fanidan o‘quvchilarning test topshiriqlari natijalari qiyinlik darajasi bo‘yicha tabaqalashgan ball berish tizimi asosida baholanadi. Har bir to‘g‘ri bajarilgan oddiy qiyinlik
darajasidagi test topshirig‘i 0,9 ball, o‘rta qiyinlik darajasidagi test topshirig‘i 1,7 ball va yuqori qiyinlik darajasidagi test topshirig‘i 2,4 ball bilan baholanadi.
“Muqobil javobli”, “Moslashtirishni talab qiladigan” va “Ketma-ketlikni topishni talab qiluvchi” yopiq test topshiriqlari quyidagicha baholanadi:
a) agar belgilangan javob to‘g‘ri javob bo‘lsa, maksimal ball (qiyinlik darajasi bo‘yicha)
b) agar belgilangan javob noto‘g‘ri bo‘lsa, 0 ball
“Qisqa javobni talab qiladigan” ochiq test topshirig‘i quyidagicha baholanadi:
a) agar kiritilgan javob to‘g‘ri bo‘lsa, maksimal ball (qiyinlik darajasibo‘yicha);
b) agar kiritilgan javob noto‘g‘ri bo‘lsa, 0 ball.
“Qisqa javobni talab qiladigan” ochiq test topshirig‘ining javobi bir yoki bir
nechta so‘z, so‘z birikmasi, simvol, formula va bitta son ko‘rinishida beriladi.
Test topshiriqlari umumiy 50 ballni tashkil etadi.
🌐 UzDoctors Club Academyni you tube va telegram orqali kuzatib boring:🔴
You tube ▫️ 🔵
Telegram
