Savdo-sanoat palatasi

Пахтачи туманида камбағалликка қарши амалий чора-тадбирлар кўрилмоқда

👍 Самарқанд вилояти Пахтачи туманида “Камбағалликдан фаровонлик сари” дастури доирасида кенг кўламли ўрганиш ишлари олиб борилди.

Савдо-саноат палатаси раиси ўринбосари Ҳ.Сафаров Пахтачи туманидаги “Сардоба”, “Мирзаолим”, “Амиробод” ва “Сарой” маҳаллаларида бўлиб, маҳалла фаоллари, тадбиркорлар ва “маҳалла еттилиги” аъзолари билан учрашди. Тадбир давомида аҳолининг ижтимоий-иқтисодий шароити ўрганилиб, муаммоларни бартараф этиш бўйича таклифлар ишлаб чиқилди.

👍Ташриф чоғида “Сарой” маҳалласида 1 гектарлик майдонда боғ ташкил этилди. Шунингдек, камбағал оилаларга кўмак сифатида уларнинг томорқалари мултикултиватор ёрдамида ҳайдалиб, мевали дарахтлар экилди.

Бундан ташқари, ижтимоий ҳимояга муҳтож хонадонларга ташриф буюрилиб, аниқланган муаммоларни ҳал этиш мақсадида масъуллар билан биргаликда амалий чора-тадбирлар белгилаб олинди.

🕊Telegram 📱Instagram 📱Facebook 📺 Youtube

8 март – Халқаро хотин-қизлар куни муборак бўлсин! 🌷

Азиз ва муҳтарам аёллар!

Сизларни баҳорнинг илк ва энг гўзал байрами – Халқаро хотин-қизлар куни билан чин қалбимиздан табриклаймиз!

Сиз – оила таянчи, жамият файзи, меҳр ва нафосат тимсолисиз. Фидойилигингиз, меҳрибонлигингиз ва беқиёс жасоратингиз учун сизга чексиз миннатдорчилик билдирамиз.

Доимо юзингизда табассум, қалбингизда бахт ва ҳаётингизда файзу барака ҳукмрон бўлсин! Барча эзгу орзу-умидларингиз рўёбга чиқсин!

Байрамингиз муборак бўлсин!

🕊Telegram 📱Instagram 📱Facebook 📺 Youtube

Ўзбекистон делегацияси Hong Kong International Jewellery Show 2025 кўргазмасида

🇨🇳 4 март куни Гонг Конгда ўз фаолиятини бошлаган Hong Kong International Jewellery Show халқаро кўргазмасида Ўзбекистон делегацияси ҳам иштирок этмоқда.

Делегация таркибида "NUR STAR JEWELRY", "ORIENT JEWELRY", "GOLD AFSONA", "ST TILLO KORI", "ONESTO HIGH JEWELRY" ва бошқа маҳаллий заргарлик корхоналари мавжуд.

📌Ушбу нуфузли тадбир заргарлик саноатининг етакчи вакилларини, ишлаб чиқарувчилар, инвесторлар ва экспертларни бир жойга жамлайдиган энг йирик глобал платформалардан бири ҳисобланади.

Мазкур кўргазмада “Ўзбекзаргарсаноати” уюшмаси раиси Шохрух Туйчибаев халқаро тажрибани ўрганиш, глобал тенденцияларни таҳлил қилиш ва заргарлик саноати учун янги ҳамкорлик йўналишларини аниқлаш мақсадида иштирок этмоқда. Шу билан бирга, тадбир давомида Ўзбекистоннинг заргарлик саноати, унинг инвестицион салоҳияти ва ривожланиш истиқболлари ҳақида хорижлик ишлаб чиқарувчиларга маълумот бериш ҳам асосий мақсадлардан бири ҳисобланади.

🇺🇿

Шунингдек,

23-25 май кунлари Тошкентда бўлиб ўтадиган "UZBEK JEWELLERY FAIR" халқаро кўргазма-савадосига

хорижий компанияларни жалб этиш бўйича фаол иш олиб борилмоқда. Бу ташриф доирасида потенциал ҳамкорлар ва инвесторлар билан музокаралар ўтказилиб, Ўзбекистонда заргарлик саноатини ривожлантириш учун яратилаётган шароитлар ҳақида батафсил маълумот тақдим этилмоқда.

👍 Маҳаллий ишлаб чиқарувчилар хорижий корхоналар билан музокаралар олиб бориб, янги бозорларга кириш имкониятларини ўрганишмоқда. Хусусан, "ONESTO HIGH JEWELRY" корхонаси бугун Италиянинг "FAOR SPA" компанияси билан ўзаро B2B учрашувида иштирок этиб, ҳамкорлик шартларини муҳокама қилдилар.

🕊Telegram 📱Instagram 📱Facebook 📺 Youtube

Энг гўзал ойнинг энг нафис байрами муносабати билан хотин-қизларга эҳтиром кўрсатиш анъанаси йил сайин умумдавлат аҳамиятига эга бўлиб, юқори мақом даражасига кўтарилмоқда.

🌸 Савдо-саноат палатасида ҳам 8 март – Халқаро хотин-қизлар куни нишонланди ва байрам тадбири ташкил қилинди.

Ушбу кунда аёлларга чуқур ҳурмат ва миннатдорлик ифодаланган илиқ сўзлар, самимий тилаклар айтилди. Жумладан, аёлларнинг бизнес, иқтисодиёт ва жамият ривожига қўшаётган бебаҳо ҳиссаси алоҳида эътироф этилди. Уларга хос меҳнатсеварлик, масъулият ва донолик ташкилот муваффақияти ва тараққиётининг ажралмас қисми эканлиги таъкидланди.

Тадбир сўнгида Палата тизимида меҳнат қилаётган хотин-қизларга эсдалик совғалари топширилди.

🕊Telegram 📱Instagram 📱Facebook 📺 Youtube

Бугун Кўксарой қароргоҳида Президент Шавкат Мирзиёев иштирокида 8 март - Халқаро хотин-қизлар куни муносабати билан тантанали маросим бўлиб ўтади.

🕊Telegram 📱Instagram 📱Facebook 📺 Youtube

#ОАВ_биз_ҳақимизда

📰 “Янги Ўзбекистон” газетасининг бугунги сонида “Ўзбекистон ва Ўмон: хотин-қизлар тадбиркорлигини қўллаб-қуқватлашда янги тандем” номли сарлавҳа остида мақола чоп этилди.

Унда Ўзбекистон Савдо-саноат палатаси бошчилигида тадбиркор аёллар делегациясининг Ўмон Султонлигига бизнес миссияси ҳақида Палата раиси Даврон Вахабовнинг фикр-мулоҳазалари ўрин олган.

🕊Telegram 📱Instagram 📱Facebook 📺 Youtube