Taekwondo WT🇺🇿

🇺🇿Xolmurod Nozimovni tabriklaymiz!

Bugun Namangan viloyati taekvondo WT federatsiyasi ijrochi direktori Xolmurod Nozimov o‘z tug‘ilgan kunini nishonlamoqda. 

O‘zbekiston taekvondo WT assotsiatsiyasi uzoq yillardan buyon o‘zbek taekvondosi rivoji yo‘lida xizmat qilayotgan Xolmurod Nozimovni tavallud ayyomi bilan tabriklaydi va kelajakdagi faoliyatida omad yor bo‘lishini tilaydi.

Obuna bo'ling👉uzbtaekwondowt

🇺🇿O'zbekiston MOQ 33 yoshda!

Bugun 21-yanvar, O‘zbekiston Milliy Olimpiya qo‘mitasi tashkil etilganiga roppa-rosa 33 yil to‘ldi. MOQ ortda qolgan davr mobaynida mamlakatimizda olimpizmning pok va ezgu qadriyatlarini, sog‘lom turmush tarzini targ‘ib etish yo‘lida faoliyat olib bormoqda.

O‘zbekiston MOQ 1993-yil Xalqaro Olimpiya qo‘mitasining 101-Sessiyasida rasman tan olingach, mamlakatimiz delegatsiyasi 8 ta yozgi va 8 ta qishki Olimpiya o‘yinlarida qatnashdi. Yakuniga yetgan 2024-yilda esa XXXIII yozgi Olimpiya o'yinlarida munosib ishtirok etib, umumjamoa reytingida ilk bor 13-o'rinni qo'lga kiritdi.

O’zbekiston taekvondo WT assosiatsiyasi bugungi sana munosabati bilan yurtimizdagi Olimpiya harakatining barcha ishtirokchilari, shuningdek Milliy Olimpiya qo’mitasi xodimlarini samimiy qutlaydi.

Obuna bo'ling👉uzbtaekwondowt

🇺🇿🥋Assosiatsiyamiz mutaxassisi "Antidoping ta’limoti" bo‘yicha maxsus o‘quv-seminarida ishtirok etyapti

Shu kunlarda O‘zbekiston Milliy antidoping agentligining 2025-yil uchun ishlab chiqilgan "Antidoping ta’limoti" o‘quv rejasiga asosan federatsiya va assosiatsiyalarda faoliyat olib borayotgan antidoping bo‘yicha mas’ul xodimlar uchun 3 kunlik o‘quv-seminar o‘tkazilmoqda. Unda O‘zbekiston taekvondo WT assosiatsiyasi mutaxassisi Mufiza Xodja Nurulla ham qatnashib, o'z tajribasini oshirmoqda.

🕊Telegram 📱Instagram 📱Facebook 🌐Site

🇺🇿Bobur Akbarovni tabriklaymiz!

Bugun O‘zbekiston taekvondo WT assotsiatsiyasining Axborot texnologiyalari va innovatsiyalar bo‘limi rahbari Bobur Akbarov o'zining 35 yoshini nishonlamoqda.

Fursatdan foydalanib, yurtimizda taekvondo sport turini yanada rivojlantirishga o'z hissasini qo‘shayotgan hamkasbimiz Bobur Akbarovni tavallud ayyomi bilan tabriklaymiz va unga sog‘lik, omad va oilaviy baxt tilab qolamiz.

🕊Telegram 📱Instagram 📱Facebook 🌐Site

🇺🇿🫡Bayramingiz muborak bo‘lsin, Vatanimiz himoyachilari!

O‘zbekiston taekvondo WT assotsiatsiyasi "14-yanvar – Vatan himoyachilari kuni" munosabati bilan barchani chin dildan samimiy muborakbod etadi.

Ushbu qutlug‘ ayyom tom ma’nodagi umumxalq bayramiga, azaldan xalqimizga xos bo‘lgan vatanparvarlik, mardlik va jasurlik kabi yuksak fazilatlar timsoliga aylanib borayotgani barchamizni quvontiradi.

O‘zbekiston Respublikasi Qurolli Kuchlari tashkil etilganining 33 yilligi hamda Vatan himoyachilari kuni bilan Sizni va oila a’zolaringizni yana chin yurakdan tabriklaymiz.

Barchangizga mustahkam sog‘liq, oilaviy baxt va saodat, sharafli va mas’uliyatli faoliyatingizda ulkan zafarlar tilaymiz. Xalqimizning yuksak ishonchi va hurmat-ehtiromi sizlarga hamisha yor bo‘lsin!

Yana bir bor bayramingiz muborak bo‘lsin, aziz Vatan himoyachilari!

🕊Telegram 📱Instagram 📱Facebook 🌐Site

🇺🇿Marat Qurbonovni tabriklaymiz!

Bugun o'zbek boksi olamining eng taniqli vakillaridan biri, boks bo'yicha O'zbekiston milliy terma jamoasi sobiq bosh murabbiyi Marat Qurbonov bugun tavallud ayyomini nishonlamoqda.

O'zbekiston taekvondo WT assosiatsiyasi jamoasi "Mehnat shuhrati" ordeni va "Oʻzbekiston Respublikasida xizmat koʻrsatgan sport ustozi" faxriy unvoni sohibi Marat Galiyevichni tug'ilgan kuni bilan tabriklagan holda unga uzoq umr, sihat-salomatlik tilab qoladi.

🕊Telegram 📱Instagram 📱Facebook 🌐Site

🇺🇿🥋Jahongir Xudoyberdiyevni tabriklaymiz!

Bugun taekvondo WT bo’yicha O’zbekiston milliy terma jamosi a’zosi, Osiyo chempionati sovrindori va bir qancha mahalliy hamda xalqaro musobaqalar g'olib va sovrindori Jahongir Xudoyberdiyevning tugʻilgan kuni.

Oʻzbekiston taekvondo WТ assotsiatsiyasi Jahongirni tavallud ayyomi bilan tabriklaydi va eng yaxshi tilaklarni tilaydi.

🕊Telegram 📱Instagram 📱Facebook 🌐Site

🥋Taekvondo olamida yakunlangan 2024-yil qanday o'tdi?

O'tgan yilda taekvondo WT bo'yicha milliy terma jamoamiz bir qancha nufuzli musobaqalar, ular orasida eng ahamiyatlisi, XXXIII yozgi Olimpiya o'yinlarida ishtirok etdi va ularda sportchilarimiz g'olib hamda sovrindorlar qatoridan joy oldi.

YouTube platformasidagi WorldTaekwondo rasmiy kanali yil yakunlariga bag'ishlab, sarhisob videosini joyladi.

👇👇👇
https://youtu.be/9tOqWLrNI3Q?si=AzSSuX25ecyVqHOE

🕊Telegram 📱Instagram 📱Facebook 🌐Site

🥋Taekvondo WT Bahrayn mezbonlik qiladigan yoshlar o‘rtasidagi Osiyo o‘yinlarining yangi dasturidan joy oldi

Osiyo Olimpiya kengashining ma’lum qilishicha, yoshlar o‘rtasidagi III Osiyo o‘yinlari 2025-yilning 22-31-oktyabr kunlari Bahraynning Manama shahrida o‘tkaziladi.

Aslida, mazkur musobaqa 2025 yil sentyabr oyida Toshkentda o‘tkazilishi kerak edi, biroq ma'lum sabablarga ko'ra u Bahrayn mezbonligiga ko'chirildi. Biz uchun ahamiyatlisi, uning dasturidan avvalgisida bo'lgani singari taekvondo WT sport turi ham o'rin oldi.

Bahrayndagi musobaqa dasturidan quyidagi sport turlari o‘rin oladi:

Yengil atletika
Badminton
Basketbol 3x3
Ot sporti
Kibersport
Futzal
Golf
Gandbol
Dzyudo
Jiu-jitsu
Aralash jang san’ati turlari
Veloshosse
Suzish
Stol tennisi
Tayekvondo WT
Triatlon
Sport kurashlari
Og‘ir atletika
Kabaddi
Voleybol
Tekbol.

🕊Telegram 📱Instagram 📱Facebook 🌐Site

🇺🇿🥋Yil sarhisobi: Olimpiya yilini ko‘ngildagidek, muvaffaqiyatli yakunladik!

2024-yil O‘zbekiston taekvondosi uchun chinakamiga zafarli o‘tdi deyish mumkin.

Milliy terma jamoamiz yakunlanayotgan yil davomida 10 ga yaqin xalqaro musobaqalarda ishtirok etib, g‘olib va sovrindorlar qatoridan joy oldi.

Jumladan, sportchilarimiz yil boshida "Fujairah Open" xalqaro musobaqasida 6 ta oltin, 1 ta kumush va 3 ta bronza medallariga ega chiqdi.

Vyetnamda o‘tgan Osiyo chempionatida esa 1 ta oltin, 1 ta kumush va 5 ta bronza, jami 7 ta medal qo‘lga kiritildi.

Koreya Respublikasi mezbonlik qilgan xarbiylar o‘rtasidagi Jahon chempionati ham terma jamoamiz uchun chinakamiga omadli o‘tdi — 6 ta oltin, 2 ta kumush va 4 ta bronza.

Eng ahamiyatlisi, bu yil Parijda (Fransiya) tashkil etilgan XXXIII yozgi Olimpiya o‘yinlarida O‘zbekiston milliy terma jamoasi o‘z tarixida ilk bor eng ko‘p, 5 nafar sportchi bilan ishtirok etdi. Musobaqa yakunida Ulug‘bek Rashitov 68 gk vazn toifasida dunyodagi ilk ikki karra Olimpiya o‘yinlari g‘olibiga aylandi va O‘zbekistonning ham ilk ikki karra Olimpiada chempioni nomiga sazovor bo‘ldi. Svetlana Osipova esa O‘zbekiston tarixida Olimpiada kumush medaliga ega chiqqan ilk ayol sportchiga aylandi. Musobaqada ishtirok etgan Ozoda Sobirjonova, Jasurbek Jaysunov hamda Nikita Rafalovich esa o‘tish bosqichiga qadar yetib kelib, bronza medali uchun kurashishdi. Parij Olimpiadasida sportchilarimiz yakkalik dasturida tashqari Olimpiadalar tarixida ilk bor ko‘rgazmali maqomda o‘tkazilgan aralash jamoaviy dasturda ham dunyoning eng kuchli to‘rt termasi qatorida ishtirok etib, yakunda kumush medallarga ega chiqdi.

Dekabr oyi boshida hamyurtlarimiz Xitoyning Usi shahrida o‘tkazilgan "Katta dubulg‘a Chellenjer"ida qatnashib, 1 ta oltin va 1 ta kumushga ega chiqishdi."Jamoaviy Jahon kubogi"da esa bronza medaliga ega chiqildi.

Yil yakunida Ulug‘bek Rashitov Butunjahon taekvondo ittifoqi tomonidan yilning eng yaxshi erkak sportchisi deb topildi. O’zbekiston taekvondo WT assosiatsiyasi esa “Milliy sport mukofoti-2024” marosimida “yilning eng yaxshi sport federatsiyasi” deya e’tirof etildi.

Umuman olganda, yakunlanayotgan 2024-yilni nafaqat taekvondo, balki butun O'zbek sporti uchun chinakamiga g'alabalarga boy bo'ldi desak, mubolag'a bo'lmaydi. Kelayotgan 2025-yilda ham sportchilarimizdan zafarli ishtiroklarni kutib qolamiz!

🕊Telegram 📱Instagram 📱Facebook 🌐Site