O‘zbekiston tumani hokimligi

Yoshlar giyohvandlik vositalariga qarshi

“Yoshlar orasida giyohvandlik vositalari va psixotrop moddalarning tarqalishini oldini olish” kompleks tezkor-profilaktik tadbiri doirasida O‘zbekiston tumanidagi yoshlar vakillari bilan turkum uchrashuv-muloqotlar tashkillanmoqda.

Ana shu mavzudagi targ‘ibot tadbiri Qirqketmon mahallasidagi 16-umumta’lim maktabida ham bo‘lib o‘tdi.

Tuman hokimining o‘rinbosari Muslimbek Ahmedov boshchiligidagi daxldor mutasaddilar ishtirok etgan uchrashuvda o‘quvchilarga giyohvand moddalarning inson sog‘lig‘i va taqdiriga zarari to‘g‘risida keng tushuntirishlar berilib, mavzuga oid videorolik namoyish etildi. Shuningdek, yoshlar bilan buzg‘unchi g‘oyalar ta’siridan saqlanish, jaholatga qarshi ma’rifat yo‘nalishlarida ham suhbatlar o‘tkazildi.

@uzbaxborotxizmati

Farg'onada Xalqaro xotin-qizlar kuni munosabati bilan "Fargʻona ayoli" videoroliklar koʻrik-tanlovi o'tkaziladi

8-mart - Xalqaro xotin-qizlar kuni bayramini viloyatimizda koʼtarinkilik va bayramona kutib olish maqsadida viloyatimizdagi ibratli, faol va ish faoliyatida oʼrnak koʼrsatgan xotin-qizlar haqida "Fargʻona ayoli" videoroliklar koʻrik-tanlovi tashkil etiladi.

“Fargʼona ayoli” videoroliklar koʼrik-tanlovi oʼz oldiga ayolning jamiyatdagi nufuzini yanada koʼtarish, uni ulugʼlashni maqsad qilgan.

Tanlov nizomi bilan ushbu havola orqali tanishing.

Tashqi yozuvlarni tartibga solishga doir nazorat tadbirlari olib borilmoqda

O‘zbekiston Respublikasining “Reklama to‘g‘risida”gi Qonuni hamda Vazirlar Mahkamasining 2020-yil 20-fevral kungi “Tashqi reklama bozorini tartibga solish to‘g‘risida”gi 104-son qarorining ijrosini ta’minlash maqsadida Oʻzbekiston tumanidagi nazorat tadbirlarida hududdagi tashqi yozuvlar, xususan peshlavha, reklama, e’lon va boshqa axborot matnlarining davlat tilida, xatolarsiz yozilganlik holatlarini o‘rganish ishlari davom etmoqda.

Tuman hokimining davlat tili masalalari bo‘yicha maslahatchisi va mutasaddi idoralar hamkorligida хorijiy tillarda yozib tayyorlangan tashqi yozuvlar egalari – tadbirkorlik subektlari bilan belgilangan tartibda tushuntirish ishlari olib borilib, aniqlangan kamchiliklarni bartaraf etish choralari ko'rilyapti.

@uzbaxborotxizmati

⚠️ Ogoh bo‘ling Feyk!
——
Telegram messenjeri orqali noma’lum akkauntlardan yoki tanishingizdan, turli kanal va guruhlarda kishini o‘ziga jalb qiluvchi so‘zlar bilan zararli dastur oxiri ".APK" yozuvli xabarlar tarqatilmoqda, ushbu xabarlar YOLGʻON va aslo ilovani yuklab olmang.

🟢 Unutmang! Firibgarlarning maqsadi Sizning pul mablag‘laringizni o‘zlashtirish!

❗️❗️❗️ Hurmatli yurtdoshlar agar Sizda ham shunday holat kuzatilib, pullaringiz talon-toroj qilingan bo‘lsa darhol 102 yoki 1102 📞 qisqa raqamlariga murojaat qiling!

P.s. Tekin pishloq qopqonda bo‘ladi, begona shaxs Sizga to‘satdan mo‘maygina daromad keltirishni taklif qildimi, bilingki bu - firibgar.

O'zbekiston Respublikasi IIV TQD Kiberxavfsizlik markazi

GO‘ZAL FARGʻONAMIZGA BUNYODKORLIK, YASHIL MAKONLAR VA OBODLIK YARASHADI!

FARGʻONA VILOYATI FAOLLARINING VILOYAT AHOLISIGA MUROJAATI

Aziz farg‘onaliklar!

Yurtni obod qilish, tabiat ne’matlarini ko‘z qorachig‘idek avaylab-asrash qadimdan xalqimizning eng ezgu fazilatlari sirasiga kiradi. Xalqimizning “Vatan – mahalladan boshlanadi”, degan purma’no o‘giti zamirida ham, eng avvalo, o‘zimiz istiqomat qilayotgan mahalla, ko‘cha va oilani obod, fayzli hamda farovon maskanga aylantirishdek ezgu maqsadlar mujassamdir. Dilbar tabiati, mehnatkash va samimy insonlari bilan tanilgan Farg‘ona ahli azaldan bu boradagi sa’y-harakatlar jarayonida faolligi va fidoyiligi bilan ajralib turadi.

Batafsil

O‘zbekiston tumanida "Siz ekologiyaga oid qonunlarni bilasizmi?" tanlovining tuman bosqichi o‘tkazildi

Tumandagi ta’lim muassasalari o‘rtasida besh bosqichli "Siz ekologiyaga oid qonunlarni bilasizmi?" respublika tanlovining tuman bosqichi qizg‘in bahslarga boy tarzda o‘tkazildi. 

Tanlovning sektorlar bosqichida g‘oliblikni qo‘lga kiritgan 5 ta umumta’lim maktablari o‘quvchilaridan tashkil topgan jamoalar tuman bosqichida o‘zaro bellashdilar.

Tadbir tuman prokuraturasi, maktabgacha va maktab ta’limi bo‘limi, ekologiya atrof muhitni muhofaza qilish va iqlim o‘zgarishi bo‘limi hamda boshqa hamkor muassasalar tashabbusi bilan tashkil etildi. 

Tabiat himoyachilari 4 ta shart bo‘yicha o‘z bilim va ko‘nikmalarini namoyon etishdi.

Ikki buyuk siymoga ehtirom

O‘zbekiston tumanida buyuk shoir va mutafakkir, atoqli davlat va jamoat arbobi Alisher Navoiy tavalludining 584 yilligi hamda yirik davlat arbobi, yetuk sarkarda va hassos shoir Zahiriddin Muhammad Bobur tavalludining 542 yilligi keng nishonlanmoqda.

Bugun Yaypandagi 23-sonli bolalar musiqa va san’at maktabida bo‘lib o‘tgan madaniy-ma’rifiy kecha xam har ikki bobokalonimiz tavalludiga bag‘ishlanib, ularning siymosiga ehtirom ko‘rsatildi.

Tadbirda tuman hokimining o‘rinbosarlari Zulfiyaxon Sarimsoqova, Muslimbek Ahmedov, davlat va jamoat tashkilotlari mas’ullari, ma’naviyat targ‘ibotchilari, jamoatchilik va yoshlar vakillari ishtirok etdi.

Adabiy kechada buyuk mutafakkirlarimizning boy ijodiy merosi va uning beqiyos ahamiyati haqida so‘z yuritildi.

Badiiy jamoalar va yoshlar tomonidan tayyorlangan dastur, o‘qilgan g‘azallar va kuylangan qo‘shiqlar ishtirokchilar uchun yana bir bor chinakam ma’naviy ozuqa bo‘ldi.

@uzbaxborotxizmati

#Milliy_liboslar_milliy_qadriyatlar_bezagi

O‘zbekiston tumani “Inson” ijtimoiy xizmatlar markazi xodimalari bugungi ish faoliyatlarini faxru iftihor bilan milliy liboslarda davom ettirishdi