“O‘zbekbaliqsanoat” uyushmasi

Мингбулоқ туманида ўрдакчилик ва балиқчилик фаол ривожланмоқда

Ўзбекистон Республикаси Президентининг 2024 йил 2 декабрдаги ПҚ-414-сонли қарорига мувофиқ, Мингбулоқ туманида 1,7 минг км зовурлар таъмирланиб, уларнинг 938 км қисмида 515 тонна балиқ, 505 км қисмида эса 1,4 минг тонна парранда гўшти ва 1,2 млн дона тухум етиштириш режалаштирилган.

Ҳозирги кунда 300 та фермер хўжалиги ва 800 нафар фуқаро томонидан 16,4 млрд сўм маблағ йўналтирилиб, ўрдак ва балиқ боқиш учун инфратузилма тайёрланмоқда. Айни вақтда 32 та фермер хўжалиги ва 15 та тадбиркор 50 та ўрдакхона ташкил этиб, 40 минг дона ўрдак парваришлашни бошлаган.

Наманган вилояти ҳокими Шавкатжон Абдураззоқов Амир Темур ММТП ҳудудида "Ойбек Диёр Турсунбоевлар" фермер хўжалигида мазкур йўналишларда ташкилланган ишлар билан яқиндан танишди. Шунингдек, дарахт экиш акциясида ҳам иштирок этди.

Наманган вилояти ҳокимлиги Ахборот хизмати.

Sayt | Telegram | Instagram | Facebook |Twitter | YouTube

Omilkorlik va puxta reja bo‘lsa cho‘lda ham baliq yetishtirish, chorva uchun vaksina ishlab chiqarish mumkin

📍Xabar berib borayotganimizdek, Qishloq xo‘jaligi vaziri Ibrohim Abdurahmonov hududlarda agrar sohada amalga oshirilayotgan islohotlar izchilligini ta’minlash, qishloq xo‘jaligi obyektlarida olib borilayotgan ishlar bilan yaqindan tanishish maqsadida Navoiy viloyatida bo‘lib turibdi.

💬Tashrif dasturiga ko‘ra, vazir viloyatning Navbahor tumanidagi “Yashil orol by grand" MChJ tomonidan intensiv usulda baliq yetishtirish bo‘yicha olib borilayotgan ishlar bilan tanishdi.

✅Umumiy suv havzasi maydoni 16 gektar bo‘lib, shundan 10 gektardan iborat yirik suv havzasida asosan sazan va do‘ngpeshona baliqlari yetishtirilmoqda. Ularning asosiy iste’molchilari esa Samarqand va Buxoro viloyatlari hisoblanadi.

🟢Bir qarashda asosan cho‘l hududidan iborat bo‘lgan Navoiyda baliq yetishtirishni yo‘lga qo‘yishning imkoni yo‘qdek tuyuladi. Biroq mamlakatimiz qishloq xo‘jaligida faoliyat yuritayotgan tadbirkorlar buning ham uddasidan chiqishgan.

▶️Korxona mas’ullarining ma’lumotlariga ko‘ra, ayni paytda bu yerda baliqlarni intensiv ko‘paytirish yo‘lga qo‘yilgan. Bu yerdagi suv havzasidan dastlab, yiliga bir marta baliq olinayotgan bo‘lsa, ayni paytda ishning ko‘zini bilgan mutaxassislar yordamida yiliga ikki marta baliq olish yo‘lga qo‘yildi. Natijada yiliga o‘rtacha 300-350 tonna baliq olish imkoniyati yaratildi. Daromad ham shunga yarasha.

🎣Baliqchilikda yaxshi tajriba to‘plagan tadbirkorning hali rejalari bisyor. 20 nafardan iborat mehnat jamoasi joriy yilda baliq urug‘chiligini rivojlantirish bo‘yicha sa’y-harakatlarni ham boshlab yuborgan. Bozordagi talabni puxta o‘rganib chiqqan tadbirkor Vetnam va Gollandiyadan karp sazan baliq chavoqlarini keltirib ko‘paytirish niyatida. Zero, buning uchun barcha imkoniyatlar mavjud.

🗣Shundan so‘ng vazir Ibrohim Abdurahmonov shu tumandagi “Biotech reseption innovation” korxonasida ham bo‘lib, ularning faoliyati bilan tanishdi. Korxona mutasaddilari yilqichilik va baliqchilikdan tashqari mo‘jazgina hududda serpentariy tashkil etib, 1000 bosh ilonni boqish uchun imkoniyat yaratishgan.

↔️Ayni paytda O‘zMUning yetakchi mutaxassislari va zoolog olimlari bilan hamkorlikda startap loyiha ustida ish olib borilmoqda. Kelgusida bu yerda boqilayotgan ilonlarning zahari olinib, qayta ishlanadi va chorva mollari uchun vaksinalar ishlab chiqarish yo‘lga qo‘yiladi.

📌Vazir Ibrohim Abdurahmonov mutasaddilarning rejalari bilan tanishish chog‘ida O‘zMUning sohaga aloqador fakultetlari bilan hamkorlik yaxshi natija berishini qayd etib o‘tar ekan, bu borada dunyo tajribasi va qo‘yilayotgan talablarga alohida to‘xtalib o‘tdi.

ℹ️Jumladan, mazkur startap loyihani amalga oshirishda HECI chaqirig‘i, xususan, insoniylik va axloq me’yorlaridan kelib chiqqan holda yondashish zarurligini, har qanday tadbirkorlik bilan shug‘ullanayotganda masalaning ikkinchi tarafiga ham alohida e’tibor qaratish lozimligini ta’kidlab o‘tdi.

🌐Website 💬Telegram 💬Facebook 📺YouTube 📷Instagram