O‘zAgroLizing | Rasmiy kanal

🚜 "O‘zagrolizing" aksiyadorlik jamiyatida korrupsiyaga qarshi murosasiz kurashish masalalariga bag‘ishlangan muhim yig‘ilish bo‘lib o‘tdi. Ushbu tadbirda O‘zbekiston Respublikasi Bosh prokuraturasi xodimlari ishtirok etib, sohada korrupsiyaga qarshi kurashish borasida olib borilayotgan ishlar va kelgusidagi vazifalar muhokama qilindi.

⏺Asosiy eʼtibor, O‘zbekiston Respublikasi Prezidentining joriy yil 5-mart kuni Korrupsiyaga qarshi kurashish milliy kengashi yig‘ilishidagi ishtiroki hamda maʼruzasi tafsilotlari, belgilangan ustuvor yo‘nalishlar hamda bu illatga qarshi kurashishning samaradorligini oshirish bo‘yicha ko‘rsatmalariga qaratildi.

✅ Shuningdek, korrupsiyadan xoli muhit yaratish borasida amalga oshirilgan ishlar sarhisob qilinib, mavjud kamchiliklarni bartaraf etish, shaffoflikni ta’minlash, korrupsion xavf-xatarlarning oldini olish va ushbu yo‘nalishda samarali nazorat tizimini shakllantirish masalalariga alohida e’tibor qaratildi.

🔵 Yig‘ilish davomida korrupsiyaga qarshi kurashish bo‘yicha amalga oshirilishi lozim bo‘lgan chora-tadbirlar, jumladan, tizimdagi har bir xodimning mas’uliyatini oshirish, ichki nazorat mexanizmlarini yanada takomillashtirish hamda jamoatchilik ishtirokini kengaytirish bo‘yicha takliflar ishlab chiqildi. Shuningdek, Jamiyat tomonidan korrupsiyaga qarshi kurashish bo‘yicha yangi strategiya va chora-tadbirlarni ishlab chiqish hamda ularning ijrosini ta’minlash bo‘yicha tegishli vazifalar belgilandi.

#seminar🌎 www.uzal.uz
🕊Telegram | 📹Instagram | 📱Facebook | 📺YouTube

"O‘zagrolizing" AJ va Xitoyning TCA - Zhucheng Xinxundong Machinery Co., LTD o‘rtasida strategik hamkorlik muzokaralari

🚜 "O‘zagrolizing" aksiyadorlik jamiyati Boshqaruv raisi N.Otajonov Xitoyning TCA - Zhucheng Xinxundong Machinery Co., LTD kompaniyasi vakillari bilan uchrashuv o‘tkazdi. Muzokaralar davomida agrologistika sohasida hamkorlikni rivojlantirish, zamonaviy texnologiyalar asosida meva-sabzavotlarni quritish uskunalarini yetkazib berish va ularni samarali yo‘lga qo‘yish masalalari muhokama qilindi.

✅ Shuningdek, mazkur uskunalar yordamida qishloq xo‘jaligi mahsulotlarini qayta ishlash hajmini oshirish, eksport salohiyatini kengaytirish va ichki bozorda raqobatbardosh mahsulotlar yetkazib berish imkoniyatlari ko‘rib chiqildi.

⏺Uchrashuvda loyihalarni moliyalashtirish manbalari, investitsion shartlar va hamkorlikning huquqiy asoslari bo‘yicha fikr almashildi hamda o‘zaro manfaatli shartnoma loyihasini ishlab chiqish bo‘yicha kelishuvga erishildi.

#hamkorlik🌎 www.uzal.uz
🕊Telegram | 📹Instagram | 📱Facebook | 📺YouTube

Mavsumga puxta tayyorgarlik ko’rish – yuqori natijadorlik demak

🚜 "O‘zagrolizing" aksiyadorlik jamiyati Boshqaruv raisi N.Otajonov Andijon viloyati, Oltinko‘l tumaniga tashrifi davomida "TIANYE AGRO" korxonasining faoliyati bilan yaqindan tanishdi.

👀 U yerda Xitoydan keltirilgan zamonaviy chigit ekish seyalkalarining yig‘ish jarayonlari, ularning sifati va samaradorligi o‘rganildi. Shuningdek, qishloq xo‘jaligi mahsulotlari yetishtirishda texnikalarni amaliyotga tatbiq etish borasidagi ishlar ko‘zdan kechirildi.

🔵 Tanishuv davomida qishloq xo‘jaligi texnikalarining agrotexnik tadbirlardagi o‘rni, hosildorlikni oshirishdagi ahamiyati va ularning fermerlarga taqdim etilish jarayonlari muhokama qilindi. Zamonaviy texnologiyalarni joriy etish orqali hosildorlikni oshirish, mehnat unumdorligini yuksaltirish va qishloq xo‘jaligi mahsulotlarini eksport qilish hajmini ko‘paytirish muhimligi qayd etildi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

“O’zagrolizing” aksiyadorlik jamiyati jamoasi, mo'tabar va mukarrama ayollarimiz – onaxonu lobar opa-singillarimiz hamda latofatli qizlarimizni 8-mart — Xalqaro xotin-qizlar kuni bayrami bilan samimiy muborakbod etadi!

Ona tabiat tobora chiroy ochayotgan, bahor nashidasi kezayotgan ayni shu fusunkor lahzalarda barchangizga shodu xurramlik, ko'tarinki kayfiyat va, albatta, husn-malohatda tengsizlik tilaydi.

Yuzingizdan nur, labingizdan hamisha tabassum arimasin, aziz opa-singillar!

“O’zagrolizing” AJ matbuot xizmati

#tabrik 🌎 www.uzal.uz
🕊Telegram | 📹Instagram | 📱Facebook | 📺YouTube

👀 Tojikiston Respublikasining Soʻgʻd viloyati sharoitida qishloq xoʻjaligi texnikalari uygʻunligini aniqlash va tuman hokimlari bilan ikki tomonlama hamkorlik istiqbollarini muhokama qilish maqsadida “Oʻzagrolizing” AJ Boshqaruv raisi N.Otajonov va Toshkent viloyati hokimining qishloq va suv xoʻjaligi masalalari boʻyicha birinchi oʻrinbosari boshchiligidagi bir guruh mutaxassislar Tojikiston Respublikasining Soʻgʻd viloyatida xizmat safarida boʻlishdi.

👉 Xususan, xizmat safari davomida bir qator muhim uchrashuvlar va oʻzaro ikki tomonlama muhokamalar tashkil etildi. Jumladan, Xoʻjand shahrida Soʻgʻd viloyati raisi Rajabboy Axmadzoda boshchiligidagi tuman hokimlari, viloyat rasmiylari hamda Oʻzbekiston Respulikasi delegatsiyasi ishtirokida uchrashuv tashkil etildi.

⏺Uchrashuv davomida oʻzaro iqtisodiy sherikchilik munosabatlarini rivojlantirish, savdo va tovar ayirboshlash, qishloq xoʻjaligi mahsulotlarini yetishtirishda oʻzaro tajriba almashish va hamkorlikda ishlash, tuman hokimlari bilan ikki tomonlama hamkorlikni yoʻlga qoʻyish, Oʻzbekistonda ishlab chiqarilayotgan qishloq xoʻjaligi texnikalarini Tojikiston Respublikasiga yetkazib berish hamda zamonaviy mexanizatsiya xizmatlarini koʻrsatish masalalarida hamkorlik aloqalarini kengaytirish borasida fikrlar bildirildi.

🗣Shuningdek, hamkorlik toʻgʻrisidagi bitimga muvofiq taraflar oʻrtasida paxtachilik, gʻallachilik va boshqa turdagi qishloq xoʻjalik mahsulotlarini yetishtirish, Oʻzbekistonda ishlab chiqarilayotgan qishloq xoʻjalik texnikalarini xarid qilish kabi sohalarda hamkorlikni yoʻlga qoʻyishga kelishib olindi.

⏺Tadbirdan so'ng, Oʻzbekiston delgetsiyasi Soʻgʻd viloyati raisining muovini Fayzullo Qosimiy taklifiga binoan CHDMM “KM Sugʻdiyon-Sverdlovsk” parrandachilik fabrikasiga tashrif buyurishdi.

🔵 Ushbu fabrikaning rahbari A.Sharipov tomonidan fabrikaning ishlab chiqarish salohiyati, ozuqa ratsioni va ishlab chiqarish quvvatlari boʻyicha taqdimot qilinib, delegatsiya aʼzolariga toʻliq tanishtirildi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

Agrar sohani barqaror mexanizatsiyalashtirish muhim ahamiyat kasb etadi

🗣 Kuni kecha, Qishloq xo‘jaligi vazirligida vazir o‘rinbosari Alisher Shukurov raisligida 2025-yil paxta xomashyosini mashinalarda terib olishni ta’minlash borasidagi vazifalar ijrosini ta’minlash masalalariga bag‘ishlangan yig‘ilish o‘tkazildi.

🚜 Unda“ O‘zagrolizing” aksiyadorlik jamiyati Boshqaruv raisi N.Otajonov, Investitsiyalar, sanoat va savdo vazirligi, Agrosanoat majmui ustidan nazorat qilish inspeksiyasi va Qishloq xo‘jaligini davlat tomonidan qo‘llab-quvvatlash jamg‘armasining mas’ul vakillari ishtirok etishdi.

⏺Yig‘ilishda Prezident Qarori ijrosini ta’minlash borasida qishloq xo‘jaligini tizimli ravishda zamonaviy texnika bilan ta’minlash orqali sohada samaradorlikni oshirishga qaratilgan ishlar tahlil qilindi.

✅ Bundan tashqari, qishloq xo‘jaligiga zamonaviy texnikalarni joriy etish, bunda fermer va klasterlarga har tomonlama maqbul bo‘lgan paxta terish mashinalarini xarid qilish borasidagi kelgusida amalga oshiriladigan ishlar belgilab olindi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube