Репост из: Замбаракнинг ўқи
Сўнгги кунларда Канадада бепул ўқиш имконияти ҳақида кўп саволлар келиб тушди. Бундан ташқари, баъзи телеграм-каналларда ана шу грантга ёрдамлашувчи Ўзбекистон компаниялари рекламаларини ҳам кўрдим.
Бир нарсани таъкидламоқчиман: аввало Канададаги ўқишга қабул қилинасиз, кейин эса улар (Канададаги олий ўқув юрти, Ўзбекистондаги фирма эмас) сизнинг ҳужжатларингизни грант олиш учун топширади.
Агар Ўзбекистонда кимдир ҳужжатларни улар топширишини, грант олишга гарантия беришини айтса, билингки улар фирибгар.
Қуйида грант билан боғлиқ саволларга жавоб топишингиз мумкин.
Канада ташқи ишлар вазирлиги ривожланаётган давлатлар, шу жумладан Ўзбекистон фуқароларининг Канадада олий таълим олиши учун грантлар ажратди. Грантнинг номи – Study in Canada Scholarships. Инглиз тилида батафсил.
Грант олиш учун ҳужжатлар қачон топширилиши керак?
Грантга ҳужжатлар 2020 йилнинг январь ва апрель ойлари (дедлайн - 31 март) оралиғида қабул қилинади. Грант учун ҳужжатлар Канада ўқув юртлари томонидан топширилади, талаба томонидан эмас.
Грант олиш учун ўқишни қачондан бошлаш керак?
Абитуриент ўқишни 2020 йил сентябрида ёки 2021 йили февралида (қишки семестр) бошлаши керак. Ундан кеч ёки вақтли бошлаган талабаларга ушбу грант тааллуқли эмас.
Грант қандай ҳаражатларни қоплайди?
Грант бир йилга берилганда 60 минг, икки йилга берилганда 120 минг Канада долларигача бўлган ҳаражатларни қоплайди. Грант талабага пул кўринишида берилмайди, балки ҳаражатлари қоплаб берилади.
Виза, Канадага бориш ва ўқиш тугаганда ватанга қайтиш учун самолёт билети, таълим контракти суммаси, уй-жой, еб-ичиш, тиббий суғурта, ойлик «проездной», китоблар ҳаражатлари қоплаб берилади.
Фақат талабанинг ҳаражатлари қопланади; у билан бирга келган оила аъзолари ҳаражатлари қопланмайди.
Грант қандай ўқув даражасини қоплайди?
Грант Канада университетлари, техникум, профессионал коллежларида тақдим қилинаётган дастурларни қоплайди. Бунга профессионал диплом, бакалавр, магистр даражалари киради.
Грант қанча муддатга берилади?
Грант бир ёки икки йилга берилади, ундан кўпига эмас.
Канадада бакалавр даражаси учун 3–5 йил ўқиш керак (программага қараб). Аммо грант максимум 2 йилга берилади. Икки йил грант ёрдамида ўқиб, учинчи йилини ўз чўнтагидан тўлаш мумкин эмас. Грант фақат максимум икки йил ичида тугайдиган дастурлар учун берилади.
МУҲИМ! Грантнинг минус томони шундаки, бу грант ёрдамида бакалавр дипломини олиш мумкин эмас. Аммо магистр даражасини олиш учун фойдаланиш мумкин.
Грант қандай соҳаларга ўқиш учун берилади?
Исталган соҳалар қопланади, ҳеч қандай чеклов йўқ.
Грант олиб, ишласа ҳам бўладими?
Бу сизнинг визангизга боғлиқ. Талаба визасини олганда, ишлашга таъқиқ қўйилмаган бўлса, унда ҳафтасига маълум соат ишлашга рухсат берилади.
Грант олиб, ўқиш тугаганидан кейин ватанга қайтиб кетиш мажбурийми?
Бу сизнинг визангизга боғлиқ. Талаба визасини олганда, ватанга қайтиб кетиш мажбурийлиги кўрсатилмаган бўлса, Канадада қолиш имконияти бўлади.
Грантни олиш учун инглиз ёки француз тилини қай даражада билиш керак?
Грантни олиш учун инглиз ёки француз тилини сиз кирмоқчи бўлган ўқув юрти белгилаган даражада билиш керак. Тахминан айтганда, IELTS'дан 6,5-7,0 балл керак.
Жараён қандай?
1. Абитуриент Канададаги ўқишга киришга ҳужжат топширади, анкетасида ушбу грантни олишга қизиқиши борлигини кўрсатади.
2. Олий ўқув юрти абитуриентни ўқишга қабул қилади.
3. Ўқув юрти (талаба ёки Ўзбекистондаги фирма эмас) Канада ҳукуматига ушбу талабага грант берилишини сўраб ҳужжат юборади.
Ҳаракатни нимадан бошлай?
Аввало, инглиз тилини пухта билишингиз керак. Адашмасам, IELTS'дан камида 6,5-7 балл бўлиши керак.
Кейин ушбу сайтни яхшилаб ўрганиб чиқиш керак. Бу ерда грант ҳақида батафсил маълумот берилган.
Иннакейин, Канадада ўқиш учун ўқув юртини танлаш, унга ҳужжат топшириш ва унга кириш керак.
Тўртинчидан, грантни олиб, мазза қилиб ўқиш керак.
Мана шунақа гаплар. Дўстларингиз билан ҳам улашинг.
@zambarakning_oqi
Бир нарсани таъкидламоқчиман: аввало Канададаги ўқишга қабул қилинасиз, кейин эса улар (Канададаги олий ўқув юрти, Ўзбекистондаги фирма эмас) сизнинг ҳужжатларингизни грант олиш учун топширади.
Агар Ўзбекистонда кимдир ҳужжатларни улар топширишини, грант олишга гарантия беришини айтса, билингки улар фирибгар.
Қуйида грант билан боғлиқ саволларга жавоб топишингиз мумкин.
Канада ташқи ишлар вазирлиги ривожланаётган давлатлар, шу жумладан Ўзбекистон фуқароларининг Канадада олий таълим олиши учун грантлар ажратди. Грантнинг номи – Study in Canada Scholarships. Инглиз тилида батафсил.
Грант олиш учун ҳужжатлар қачон топширилиши керак?
Грантга ҳужжатлар 2020 йилнинг январь ва апрель ойлари (дедлайн - 31 март) оралиғида қабул қилинади. Грант учун ҳужжатлар Канада ўқув юртлари томонидан топширилади, талаба томонидан эмас.
Грант олиш учун ўқишни қачондан бошлаш керак?
Абитуриент ўқишни 2020 йил сентябрида ёки 2021 йили февралида (қишки семестр) бошлаши керак. Ундан кеч ёки вақтли бошлаган талабаларга ушбу грант тааллуқли эмас.
Грант қандай ҳаражатларни қоплайди?
Грант бир йилга берилганда 60 минг, икки йилга берилганда 120 минг Канада долларигача бўлган ҳаражатларни қоплайди. Грант талабага пул кўринишида берилмайди, балки ҳаражатлари қоплаб берилади.
Виза, Канадага бориш ва ўқиш тугаганда ватанга қайтиш учун самолёт билети, таълим контракти суммаси, уй-жой, еб-ичиш, тиббий суғурта, ойлик «проездной», китоблар ҳаражатлари қоплаб берилади.
Фақат талабанинг ҳаражатлари қопланади; у билан бирга келган оила аъзолари ҳаражатлари қопланмайди.
Грант қандай ўқув даражасини қоплайди?
Грант Канада университетлари, техникум, профессионал коллежларида тақдим қилинаётган дастурларни қоплайди. Бунга профессионал диплом, бакалавр, магистр даражалари киради.
Грант қанча муддатга берилади?
Грант бир ёки икки йилга берилади, ундан кўпига эмас.
Канадада бакалавр даражаси учун 3–5 йил ўқиш керак (программага қараб). Аммо грант максимум 2 йилга берилади. Икки йил грант ёрдамида ўқиб, учинчи йилини ўз чўнтагидан тўлаш мумкин эмас. Грант фақат максимум икки йил ичида тугайдиган дастурлар учун берилади.
МУҲИМ! Грантнинг минус томони шундаки, бу грант ёрдамида бакалавр дипломини олиш мумкин эмас. Аммо магистр даражасини олиш учун фойдаланиш мумкин.
Грант қандай соҳаларга ўқиш учун берилади?
Исталган соҳалар қопланади, ҳеч қандай чеклов йўқ.
Грант олиб, ишласа ҳам бўладими?
Бу сизнинг визангизга боғлиқ. Талаба визасини олганда, ишлашга таъқиқ қўйилмаган бўлса, унда ҳафтасига маълум соат ишлашга рухсат берилади.
Грант олиб, ўқиш тугаганидан кейин ватанга қайтиб кетиш мажбурийми?
Бу сизнинг визангизга боғлиқ. Талаба визасини олганда, ватанга қайтиб кетиш мажбурийлиги кўрсатилмаган бўлса, Канадада қолиш имконияти бўлади.
Грантни олиш учун инглиз ёки француз тилини қай даражада билиш керак?
Грантни олиш учун инглиз ёки француз тилини сиз кирмоқчи бўлган ўқув юрти белгилаган даражада билиш керак. Тахминан айтганда, IELTS'дан 6,5-7,0 балл керак.
Жараён қандай?
1. Абитуриент Канададаги ўқишга киришга ҳужжат топширади, анкетасида ушбу грантни олишга қизиқиши борлигини кўрсатади.
2. Олий ўқув юрти абитуриентни ўқишга қабул қилади.
3. Ўқув юрти (талаба ёки Ўзбекистондаги фирма эмас) Канада ҳукуматига ушбу талабага грант берилишини сўраб ҳужжат юборади.
Ҳаракатни нимадан бошлай?
Аввало, инглиз тилини пухта билишингиз керак. Адашмасам, IELTS'дан камида 6,5-7 балл бўлиши керак.
Кейин ушбу сайтни яхшилаб ўрганиб чиқиш керак. Бу ерда грант ҳақида батафсил маълумот берилган.
Иннакейин, Канадада ўқиш учун ўқув юртини танлаш, унга ҳужжат топшириш ва унга кириш керак.
Тўртинчидан, грантни олиб, мазза қилиб ўқиш керак.
Мана шунақа гаплар. Дўстларингиз билан ҳам улашинг.
@zambarakning_oqi