𝗨𝘇𝗗𝗲𝘂𝘁𝘀𝗰𝗵𝗹𝗮𝗻𝗱

#Ferienjob_Soliqlar

Bismillahir Rohmanir Rohiim. Bu yil work and travel (Ferienjob) qilgan yurtdoshlarimiz Germaniyada to'lagan soliqlarini qaytarib olish uchun yanvar oyidan boshlab hujjat qilsa bo'ladi.

Soliqlarni qaytarib olish uchun rasmda ko'rsatilganidek hujjat olgan bo'lsangiz, ishingiz osonroq hal bo'ladi. Bu hujjat Lohnsteuerbescheinigung deb ataladi va ish beruvchi siz to'lagan soliqlarni Finanzamtga o'tkazib berganini tasdiqlaydi.

Ish beruvchi ushbu hujjatni sizga berishga majbur. Agar hali olmagan bo'lsangiz, ish beruvchiga email yozib, so'rab olishiz mumkin. Quyidagicha email yozsangiz bo'ladi:

"Sehr geehrte Damen und Herren,

mein Name ist [Ism Familyangiz], und ich habe im Sommer 2023 in Ihrem Betrieb gearbeitet. Mein Geburtsdatum lautet [Tug'ilgan sanangiz].

Ich benötige nun meine Lohnsteuerbescheinigung für das Jahr 2023. Ich wäre Ihnen dankbar, wenn Sie mir diese zukommen lassen könnten.

Vielen Dank im Voraus.

Mit freundlichen Grüßen,
Ism familyangiz"

Undan tashqari, ko'p finanzamtlar O'zbekistonda ochilgan bank hisob raqamiga pul o'tkazib bermayabdi. Shuning uchun, soliqlarni qaytarib olishga wise yoki shunga o'xshash yevropa banklarida hisob raqamingiz bo'lgani yaxshi. Agar o'zingizda bank hisob raqami bo'lmasa, pulni ishonchli tanishingizni hisob raqamiga tushursangiz ham bo'ladi.

Oldin ham aytganimdek, siz to'lagan soliqarning 100% hammasi qaytarib beriladi.

Ushbu postni Germaniyada ishlab, soliq to'lagan tanishlaringizga jo'natib qo'ying😉

@uzDeutschland

#uzDeutschland

Bismillahir Rohmanir Rohim.

Hozirda ma'lumot olishni osonlashtiruvchi sun'iy intellektlar juda ko'payib ketgan. Men ham qatordan qolmay deb OpenAi yordamida o'zimning kichkina sun'iy intellektimni ishga tushurdim. Ushbu bot orqali Germaniyaga kelish, Germaniyada o'qish va shunga o'xshash mazular haqida ma'lumotlar olishingiz mumkin. Ma'lumotlar har doim ham to'g'ri bo'lmasligi mumkin, chunki hali bu botga ko'p narsalarni o'rgatish kerak😄

Bot uchun link: link

#BuchClub

Bismillahir Rohmanir Rohim. Nemislardan o'rganishimiz mumkin bo'lgan bir nechta qadriyatlar bor. Ana shulardan biri bu - Buchclub (kitobxonlar klubi). Maktablarda, universitetlarda, kutubxonalarda yoki online tarzda kitob mutolaa qilishadi.

Bunday kitobxonlar davrasining o'ziga xos afzalliklari bor. Misol uchun, doimiy kitob o'qish uchun motivatsiya, kitoblarda yoritilgan mavzular bo'yicha suhbat, muloqot ko'nikmalarini shakllantirish, dunyo qarashni kengaytirish va hokazo.

Shularni inobatga olgan holda, shu kanal a'zolari uchun ham Buchclub tashkillashtirishga qaror qildik. Bunda quidagilar amal qiladi:

1️⃣. Nemis tilida yozilgan kitobni o'rtacha 4-6 haftada birgalikda o'qib chiqamiz.

2️⃣. Kitobda yoritilgan mavzular yuzasidan nemis tilida prezentatsiya tayyorlaymiz. Misol uchun, kitobda 10 ta bob bo'lsa, volontyorlar orasida shu 10 ta bobni taqsimlaymiz. O'sha volontyorlar mavzu yuzasidan 5-10 daqiqalik prezentatsiya tayyorlashadi va uni nemis tilida tushuntirishadi. (Bob nima haqida ekanligi, undan qanday foyda va xulosa olish mumkinligi va hkz)

3️⃣. Kitobxonlar klubiga a'zo bo'lganlar kitoblarni o'z vaqtida o'qishlari va ma'suliyatli bo'lishlari talab etiladi.

4️⃣. Har bir kitob o'qilganidan so'ng, online tarzda uchrashamiz. Kitob haqida mulohaza qilinadi.

5️⃣. Buchclubga a'zo bo'lish uchun nemis tilidan eng kami B1 darajaga ega bo'lishingiz lozim.

Ushbu kitobxonlar davrasiga qo'shilish orqali, nafaqat nemis tilidagi bilimlaringizni, balki dunyoqarashingizni ham o'zgartirishingiz mumkin inshaallah.

Qo'shilmoqchi bo'lganlar uchun link: https://t.me/+4SaaQDT_x7VjOTI6

Ilimos, kitob o'qish uchun vaqtingiz yo'q bo'lsa, guruhga qo'shilmay qo'yavering.

#Siyosat

Amerika Qo'shma Shtatlaridagi saylovlardan keyin Germaniyada ham bir nechta siyosiy o'zgarishlar sodir bo'ldi. Chorshanba kuni Germaniya kansleri Olaf Scholz (SPD, rasmda o'ng tomonda) Germaniyaning amaldagi moliya vaziri Christian Lindnerni (FDP, rasmda eng chapda) o'z vazifasidan ozod qildi. Bunga sabab qilib Lindler va Scholzning Germaniya byudjetini qanday yurgizish (pullarni qayerga sarflash, qarz olishni kamaytirish...) to'g'risidagi qarama-qarshi fikrlari ko'rsatildi, ya'ni Lindner byudjetni iloji boricha kamroq sarflashga (Sparmaßnahmen) va ko'p qarz olmaslikka (Einhaltung der Schuldenbremse) chaqirgan. Yashillar va SPD esa ijtimoiy himoya va iqlim himoyasiga (Klimaschutz) ko'proq pul ajratish kerak degan fikrda bo'lgan.

Lindner vazifasidan bo'shatilganidan keyin Germaniyaning amaldagi Ta'lim vaziri Stark-Watzinger (FDP) hamda Adliya vaziri Buschmann ham o'z lavozimidan ketishga qaror qilishgan.

-Endi nima bo'ladi?

-Olaf Scholz 2025-yil 15-yanvarda Vertraunsfrage (ishonch masalasi) nomli siyosiy jarayon o'tkazishni e'lon qildi. Bunga ko'ra parlament a'zolari Olaf Scholzga ishonish yoki ishonmaslik masalasini ovozga qo'yishadi. Agar Olaf Scholz yetarliche ovoz to'play olmasa, Bundestag uchun yangittan saylov o'tkaziladi. Hozircha yangi saylovlarni martda o'tkazish reja qilinyabdi. Ammo boshqa partiyalar Scholzdan Vertraunsfrageni tezroq o'tkazishni talab qilmoqda.

-Ampel🚦 koalitsiyasiga nima bo'ldi?

-FDP koalitsiyadan chiqib ketganidan so'ng, Ampel (ya'ni svetofor) koalitsiyasi ham o'zgardi. Chunki, endi ampelning faqat yashil va qizil chirog'i qoldi😆

-Qanaqa chiroq, nimalar deyabsan?

-Germaniyadagi siyosiy partiyalar o'zlarini turli ranglarda ifodalashadi. Misol uchun, Angela Merkelning CDU (Christlich Demokratische Union) partiyasi qora ran⚫️, Olaf Scholzning SPD (Sozialdemokratische Partei Deutschlands) partiyasi esa qizil,🔴 yashillar (Die Grünen) o'z nomi bilan yashil🟢, FDP (Freie Demokratische Partei) sariq🟡, AfD (Alternative für Deutschland) esa ko'k🔵 rangda.

Germaniya saylovlarida bitta partiya hukumatni yakka o'zi boshqarish uchun ko'p ovoz yig'a olmaydi. Shuning uchun qolgan partiya bilan birgalikda hukumatni boshqarish uchun koalitsiya tuzadi. Koalitsiyani nomi esa ranglarga mos tarzda tanlanadi. Misol uchun, hozirgi koalitsiya qizil, sariq va yashil rangdaligi uchun Ampel (svetofor🔴🟡🟢) nomini olgan. Merkel boshqargan qora, sariq va yashil koalitsiya esa Yamayka 🇯🇲 deb nomlangan.

Bismillahir Rohmanir Rohiim. Rasmdagi ikki yoshli bolakay saraton kasalligiga chalinibdi. O'ng tomondagi dorini ichishi kerak ekan, ammo dorining narxi 1100€ dan qimmatroq ekan (Germaniyada sug'urtasi bo'lsa, 10€). O'zbekistondagi oila uchun bu qimmatlik qiladi.

Shuning uchun, yurtdoshimizga yordam berish maqsadida Germaniyadagi bir qarindoshi pul yig'yabdi. Kimdir yordam bermoqchi bo'lsa, pastdagi konto raqamiga pul o'tkazishi mumkin. 5-10€ ham kimLARnidir hayotini o'zgartirib yuborishi mumkin.

Payg'ambarimiz Muhammad (s.a.v.) aytganlar: “Kim bir musulmonning dunyoviy qiyinchiliklaridan birini bartaraf etsa, Alloh uning oxiratdagi qiyinchiliklaridan birini bartaraf etadi. Kim qiyin ahvolda qolgan kishiga yordam bersa, Alloh ham unga yordam beradi.”

Dori uchun pulni ushbu bank hisob raqamiga o'tkazsanglar bo'ladi:

Munisakhon Fayzieva
DE14 6005 0101 7007 5483 00

Paypal so'raganlar uchun (o'zimning paypalim, pulni keyin überweisen qilaman):

https://www.paypal.me/shohruhbekcom

Bolakayga Alloh shifo bersin, oila a'zolariga sabr bersin. Ehson qilganlarning ehsonlarini qabul qilsin. Ehson qilolmagan lekin qilishni chin dildan xohlaganlarga ehson qilganlik savobini bersin, amin.

#Selbstbestimmungsgesetz

2024-yil 1-noyabrdan boshlab Germaniyada Selbstbestimmungsgesetz (o'zini o'zi belgilash) nomli qonun kuchga kirdi. Unga ko'ra quyidagilar amal qiladi:

1⃣. Endilikda passportdagi "jinsi" (gender, Geschlecht) degan joyini o'zgartirish osonlashadi. O'zini ayol his qilib qolgan "erkak" Standesamt orqali jinsini ayolga o'zgartirib olishi mumkin. Yoki birontasi o'zini na erkak, na ayol deb his qilsa, jinsini "divers" qilib o'zgartirishi mumkin.

2⃣. 14 yoshga to'lmagan bolalar ota-onalari bilan birgalikda hujjatdagi jinsini o'zgartirishi mumkin.

3⃣. Boyagi o'zini ayol his qilib qolgan "erkak" yana "erkak" bo'lmoqchi bo'lsa, jinsini yana o'zgartirishi uchun 12 oy kutishi kerak.

4⃣. Agar siz jinsini o'zgartirgan insonni uning roziligisiz avvalgi jinsini ochiqlasangiz, 10 ming yevrogacha jarimaga tortilishingiz mumkin ya'ni "bu odam oldin erkak edi" degan gapingiz uchun jarima to'lashingiz mumkin.

5⃣. O'zini ayol deb hisoblashni boshlagan "erkaklar" endilikda ayollar uchun ajratilgan joylardan (ayollar xojatxonasi, ayollar uchun mashina parkovkasi, ayollar sport zali va hkz) foydalanishi osonlashadi.

Alloh bizni va zurriyodlarimizni bunaqa fitnalardan asrasin, amin.

@uzDeutschland

#AQSHga_Vizalar
#Ikkinchi_qism

Amerika Qo'shma Shtatlariga viza olish haqidagi ma'lumotlarni davom ettiramiz. Bu galgi post Germaniyadan AQSHga sayyohlik (B1) va biznes (B2) vizalarini olish haqida bo'ladi.

Avvalo umumiy ma'lumotlarni aytib o'tsam:

1️⃣. AQSHga viza olish uchun Berlin, Frankfurt yoki Münchendagi AQSH konsulligiga hujjat topshirish mumkin. O'zingizga qaysi shahar qulay bo'lsa, o'sha shahardan uchrashuv belgilasangiz bo'ladi. 14 yoshga to'lganlar Terminga shaxsan o'zlari borishi kerak, boshqa odam nomingizdan hujjat topshira olmaydi.

2️⃣. Siz Germaniyada qanday viza turi bilan yashayotgan bo'lishingizdan qat'iy nazar, AQSHga viza olish uchun hujjat topshirsangiz bo'ladi. Ya'ni agar siz work and travel bilan Germaniyaga kelgan bo'lsangiz ham, AQSH elchixonasidan termin olib, vizaga hujjat topshirsangiz bo'ladi. Boshqa davlatda (misol uchun, Polsha, Litva) yashayotganlar ham bemalol Germaniyadagi AQSH elchixonasida hujjat topshirishlari mumkin.

3️⃣. B1 yoki B2 toifadagi viza uchun terminga 185$ (taxminan 175€) to'lov qilishingiz kerak. Viza rad etilgan holatda ham ushbu pul sizga qaytarib berilmaydi.

4️⃣. Viza uchun intervyu 5-10 daqiqa davom etadi. Sizga viza berilishi yoki rad etilishi o'sha zahotiyoq aytiladi. Germaniya vizasidek 3-4 oylab kutishingiz shart emas. Intervyu ingliz yoki nemis tilida bo'ladi, buni o'zingiz tanlaysiz.

5️⃣. Viza olish uchun quyidagi bosqichlarni amalga oshirishingiz kerak:

5.1. Ushbu sayt orqali DS-160 nomli viza arizasini online to'ldirasiz hamda rasm yuklaysiz. Shundan so'ng sizga barcode jo'natishadi, o'shani printerdan chiqarib olishingiz kerak bo'ladi.

5.2. Viza uchun to'lovni (yuqorida aytganimdek 185$, MRV-Gebühr) online amalga oshirasiz. Shundan so'ng sizga chek jo'natiladi, o'sha chekni ham printerdan chiqarib olishingiz kerak.

5.3. To'lov qilganingizdan so'ng 12 oyni ichida Intervyu uchun uchrashuv belgilashingiz lozim. Agar 12 oyni ichida uchrashuv belgilamasangiz, pulingizga kuyasiz. Germaniyadagi AQSH konsulliklaridan uchrashuv belgilash oson, uzoq muddat kutish shart emas.

5.4. Kerakli hujjatlarni to'plab, intervyuga borishingiz kerak. Quyidagi hujjatlarni olib borish majburiy : Passport, DS-160 arizasining barcodi, to'lov qilganligingiz haqidagi chek, 5x5 ga rasm, uchrashuv belgilaganligingiz haqidagi ma'lumotnoma.

Bulardan tashqari hamma hujjatlar ixtiyoriy. Misol uchun, o'zingiz bilan birga ish shartnomasi, oylik daromadlaringiz haqida hujjat, mol-mulk haqidagi hujjat, agar talaba bo'lsangiz, o'qish haqidagi hujjat va shu kabi boshqa hujjatlarni ham olib kirishingiz mumkin.

5.5. Hujjatlarni tayyor qilganingizdan keyin, viza uchun intervyuga borishingiz lozim. Intervyu davomida sizdan nima uchun AQSHga bormoqchi ekanligingiz, Germaniyada nima qilishingiz, oilaviy holatingiz va shu kabi savollar so'raladi. Shunga qarab sizga viza berish yoki bermaslikni hal qilishadi.

5.6. Agar viza berishga qaror qilishsa, passportingizni olib qoladi. Uni keyinchalik pochtadan jo'natishadi yoki o'zingiz shaxsan borib olishingiz mumkin.

#Arbeitslosengeld

Bismillahir Rohmanir Rohim. Germaniyada ishlayotgan ko'pchilik Arbeitslosenversicherung (ishsizlik nafaqasi uchun sug'urta) to'lashi zarur. Haftasiga 20 soatdan kam ishlaydigan talabalar yoki Minijobda ishlayotganlar bundan mustasno. Bugun o'sha pul nima uchun to'lanishini va u sizga qanday hollarda yordam berishi haqida ma'lumot bermoqchiman.

Bu to'lanayotgan Arbeitslosenversicherung o'z nomi bilan siz ishsiz qolgan vaqtingizda sizga vaqtinchalik to'lanadigan moliy yordam uchun sug'urta. Ishxona siz bilan mehnat shartnomasini bekor qilsa (Kündigung) yoki siz o'zingiz xohlab ishdan chiqib ketsangiz va hali boshqa ish topmagan bo'lsangiz, u holda siz Arbeitslosengeld 1 (ALG 1, ishsizlik nafaqasini) olishingiz mumkin bo'ladi.

1️⃣. Arbeitslosengeld 1 ni kimlar olishi mumkin?

-ALG olish uchun quyidagi shartlartga javob berishingiz kerak bo'ladi.
1.1. Oxirgi 24 oy davomida eng kamida 12 oy Arbeitslosenversicherung uchun to'lov qilgan bo'lishingiz. Agar sizning oylik daromadingiz kam bo'lgan bo'lsa, faqatgina 6 oy ishlagan bo'lsangiz ham kifoya qiladi.
1.2. Ishsiz qolishingizni bilgan zahoti (Kündigung olganingizdan keyin) 3 kun ichida o'zingizni Agentur für Arbeitga ishsiz (arbeitslos) sifatida ro'yhatdan o'tkazishingiz. Bu saytda online qilishingiz mumkin yoki Agentur für Arbeitga o'zingiz borsangiz ham bo'ladi. Hujjatlarni ham online yuborish mumkin.
1.3. Haftasiga eng kamida 15 soat ishlash uchun vaqtingiz bo'lishi. Ya'ni agar talaba bo'lsangiz yoki farzandingizga qarashingiz kerak bo'lsayu, 15 soat ishlash uchun vaqtingiz bo'lmasa, u holda ALG 1 ololmaysiz.
1.4. Ish topishda Agentur für Arbeit bilan birgalikda ishlashingiz kerak.

2️⃣. Arbeitslosengeld qancha miqdorda beriladi?

-Bu sizning oxirgi 12 oy davomida ishlab topgan daromadingizga bog'liq. Netto daromadingizning taxminan 60%i miqdorida ALG 1 olishingiz mumkin. Misol uchun, siz oxirgi 12 oy davomida 3000€ brutto maosh olgansiz va Steuerklasse 3 bo'yicha soliq to'lagansiz. Endi ishsiz qoldingiz, shunda siz taxmiman 1400€ miqdorida ALG olishingiz mumkin. Agar farzandlaringiz bo'lsa, bu miqdor yana ko'payadi. Undan tashqari sog'lik sug'urtasi ham Agentur für Arbeit tomonidan to'lanadi.

3️⃣. Ishsizlik nafaqasini qancha muddat olish mumkin?

-Bu ikkita faktorga bog'liq : yoshingizga va ishsiz bo'lishdan oldin qancha muddat Arbeitslosenversicherung to'laganizga. Agar siz 50 yoshga yetmagan bo'lsangiz va eng kamida 24 oy ishlagan bo'lsangiz, u holda 12 oy davomida ALG 1 olishingiz mumkin. Agar siz bor yo'g'i 12 oy ishlab, keyin ishsiz bo'lgan bo'lsangiz, u holda faqatgina 6 oy ALG 1 olishingiz mumkin.

4️⃣. Qanday hollarda ALG 1 berilmaydi?

4.1 Talabalar ALG 1 olisholmaydi. Misol uchun, siz Germaniyada 3 yil ishladingiz, endi esa "o'qish kerak ekan, o'qigan baribir boshqada" deb, o'qishga kirdingiz. Agenturga borib "men 3 yil ishsizlik nafaqasi uchun sug'urtaga pul to'laganman, hozirda ishsizman, ALG berish" deganingizni foydasi yo'q. Lekin yarim stavkada (teilzeit) talaba bo'lsangiz, u holda ALG 1 olsangiz bo'ladi.

4.2 Ishsiz qolganingizni o'z vaqtida Agentur für Arbeitga xabar bermadingiz. Bu holatda sizga 12 haftagacha ALG 1 berilmasligi mumkin (Sperrzeit). Shuning uchun, o'z vaqtida Agenturga xabar berishingiz lozim.

5️⃣. Ausbildung qilayotganlar kündigung olsa, ular ham ALG 1 olsa bo'ladimi?

-Ha, albatta. Ular ham o'z oyliklaridan Arbeitslosenversicherung uchun pul to'laydi, shuning uchun ular ham pulni olishlari mumkin. Faqat eng kamida 12 oy Arbeitslosenversicherung uchun pul to'lagan bo'lishlari kerak.

6️⃣. ALG 1 olishning vizaga ta'siri bormi?

-Yo'q, ALG 1 olishning vizaga hech qanday salbiy ta'siri yo'q. Shuning uchun, mabodo shunday holatlarga tushib qolsangiz, bemalol pulni olavering.

#Velosiped 🚴‍♂️

O'tgan hafta bir tanishim velosipedda telefonda gaplashib ketayotgan ekan, politsiya to'xtatib, 55€ jarima solibdi. Boshida uncha ishonmadim, chunki men o'zim velosipedda yurganimda ko'p qoida buzganman, ammo politsiya hech qachon jarima yozmagan alhamdulillah. Lekin boshqa bir tanishim ham velosipedda svetoforni qizil chirog'ida yurganida politsiya 20€ jarima yozganini aytib qoldi. Internetdan ma'lumotlar qidirib, Germaniyada velosipedda yurish davomida qoida buzganlarga qanday jarimalar borligini o'rganib chiqdim. Quyida ba'zi jarimalar miqdorini keltirib o'taman:

1️⃣. Velosiped boshqarayotganda telefonda gaplashish 55€

2️⃣. Faqat piyodalar yuradigan joyda (Gehweg) velosiped boshqarish 55€

3️⃣. Velosipedni kechqurunda chiroqsiz boshqarish 20€

4️⃣. Stop belgisida to'xtamaslik 50€

5️⃣. Mast holda velosiped boshqarish (1,6 promilledan ko'p alkogol) 500€. Agar haydovchilik guvohnomangiz bo'lsa, uni ham olib qo'yishlari mumkin.

6️⃣. Svetoforning qizil chirog'ida o'tib ketish 60€ yoki 100€, agar baxtsiz hodisaga sababchi bo'lsangiz, 180€

7️⃣. Zebra chizig'idan o'tayotgan piyodalarga halaqit berish 80€

8️⃣. Qarama-qarshi yo'ldan foydalanish 20-35€

Ana shunaqa gaplar. Velosipedda yurganingizda ham qoidalarga amal qilib yuring. Aks holda jarima to'lashingizga, hattoki haydovchilik guvohomangizni olib qo'yilishiga ham sabab bo'lishi mumkin.

Izoh: Germaniyada velosiped haydash uchun haydovchilik guvohnomasi kerak emas, lekin siz velosipedda yoki piyoda holda qoidalarni buzsangiz ham, sizdan mashina uchun olingan haydovchilik guvohnomasini (Führerschein) olib qo'yishlari mumkin.

@uzDeutschland

#Germaniyada_Hijob

Ushbu postdan keyin Germaniyada hijob kiyishga ta'qiq bormi deb savol berishibdi. Hozirgi kunda Germaniyada hijob bilan aloqador hech qanday ta'qiq yo'q. Germaniya maktablarida, o'quv yurtlarida va universitetlarida hech qanday majburiy forma yo'q. Hamma o'quvchilar, talabalar, o'qituvchilar, professorlar, umuman olganda hamma o'zi xohlagan formada o'qishga va ishga boradi. Shuning uchun, Germaniyadagi maktablarda hijob kiygan o'quvchi va o'qituvchilar, universitetlarida esa hijob kiygan talaba qizlar va professorlar ko'p. Islom dinini qabul qilgan nemis qizlar ham bor.

Boshqa ish joylarida ham hijob kiyish juda ham normal holat.

P.S Germaniyaga viza olishda ham hijobning hech qanday salbiy ta'siri yo'q

#Hijobning_haqqi

Bismillahir Rohmanir Rohim. Germaniyadagi masjidlarda ayollar ham juma namoziga chiqishlari odatiy hol. Ular ikkinchi qavatda yoki alohida xonada namoz o'qishadi. Shuning uchun, imom ma'ruza qilganida ayollarga ham nasihat qilib o'tib ketadi, imomga ayollardan ham savollar kelib turadi, qog'ozga yozib, imomga jo'natishadi.
Bugun ana shunday savollardan birini va imomning javobini kanalga joylamoqchiman, balki boshqalarga ham manfaatli bo'lar. Afsuski imom aytgan hamma gap ham esimda qolmadi, lekin asosiy nuqtalarini yozib o'tishga harakat qilaman.

Savol : Hijob o'rashni xohlayman, ammo hijobning haqqini ado eta olmaslikdan qo'rqyabman. Menga nima nasihat qilasiz?

Imomning javobi:

1️⃣. Hijobga xohlaganing uchun emas, Allohning buyrug'i ekanligi uchun kir. Bu Allohning mo'minalarga bergan buyrug'i, xohlaysanmi xohlamaysanmi buni ahamiyati yo'q ya'ni bu ixtiyoriy narsa emas. Savoldagi mantiq o'zi xato "xohlayman", ya'ni xohlamasang ham bo'ladigan ishmi bu? Bu farz, uni farz deb ko'rishing kerak. Shunda unga bo'ysunishing oson bo'ladi.

2️⃣. Hijob senga hech qanday qo'shimcha vazifa yuklamaydi. Sen muslima sifatida qilishing shart bo'lgan yoki qilmasliging shart bo'lgan amallar bor. Sen ana o'shalarga e'tibor berishing shart, misol uchun ramazon oyida ro'za tutishlik, namoz o'qishlik, alkogol, kredit, zino kabi xarom ishlardan tiyilishing shart. Bu narsalar sen hijobdamisan yoki yo'qmi, seni ustingdagi vazifalar, hijobda bo'lishing senga qo'shimcha vazifa bermaydi, hijobning haqqi degan narsa yo'q. Bu vasvasa, shaytonning senga qilayotgan hiylasi.

3️⃣. Sen nafaqat o'zing, balki boshqalarning gunohiga ham sababchi bo'lasan. Erkaklarga hijoblanmagan ayollarga qarash gunoh, agar sen hijobsiz ko'chaga chiqsang, erkaklar senga qarasayu, ko'zini boshqa tomonga burmasa, ularning gunohiga sen sababchi bo'lasan. Alloh insonlarni shunday yaratgan. "Erkaklar o'zlari qaramasligi kerak" deyishing mumkin, bu to'ppa to'g'ri. Lekin hamma erkakda ham bunday iymon yo'q, hammasi ham Allohdan bu darajada qo'rqmaydi. Shuning uchun, sening hijob o'ramasliging qolganlarni gunohiga sabab bo'lishiga va sen o'sha gunohlarga sherik bo'lishingni o'yla.

Bulardan tashqari imom ayollar ham jasur bo'lishi kerakligini ham aytib o'tdi. Ahloqsiz ayollar o'zlarini ahloqsizligini, botil g'oyalarini himoya qilish uchun jasur bo'layotgan bir vaqtda, musulmon ayollari o'zlarining haq e'tiqodlariga amal qilishga va uni himoya qilishga jasurlik qilmayotgani achinarli ekanligini aytib o'tdi.

P.S. O'zim ham bir ikkita narsani qo'shimcha qilmoqchiman. Birinchisi, ba'zilar imomlar aytgan gaplarga amal qilganlarga kinoya uslubida "Bularning o'zini kallasi yo'q", "Siz yashashni qaysi imomdan o'rganasiz?" deyishadi. Shunday insonlarga biz imomga emas, osmonlar-u yerni yaratgan Allohga itoat qilishimizni aytib qo'yishimiz kerak. Imom shunchaki bir vosita xalos, Alloh nima deganini ilm olmaganlarga tushuntirib beradigan. Lekin buyruq imomdan emas, Allohdan kelgan. Ikkinchisi, odam boshqalarga qarab yashamasligi kerak. "Imomdi o'zini xotini hijob o'ramaydi", "ko'ryabmiz hijob o'rab yurganlar nimalar qilayotganini" deydiganlar bu gaplari bilan o'zlarini nafsining boshqara olmasligini oqlamoqchi bo'lishadi xalos. Bunday gaplar sizga oxiratda hech qanday yengillik bermaydi. Uchinchisi, "qalbing toza bo'lsa bo'ldi" degan gapning dinda hech qanday asosi yo'q. Hijobning farzligi bilib turib uni inkor etgan inson dindan chiqadi.

Shayx Muhammad Sodiq Muhammad Yusufning hijob haqidagi savollarga javobini bu yerda, shu yerda va mana bu yerda o'qishingiz mumkin.

Alloh hammamizni isloh qilsin🤲

#Germaniyada_ishlash

Bismillahir Rohmanir Rohim. So'ngi paytlarda Germaniyaga oid guruhlarda shunga o'xshash xabarlar ko'payib qolibdi. Til bilmagan, diplomi yo'q odamlarni ham Germaniyaga ishga jo'natisharmush...
Bugun shu xabarlar qanchalik haqiqatga yaqinligi haqida ma'lumot bermoqchiman.

Germaniyaning menga eng yoqqan taraflaridan biri deyarli hamma narsa qonun-qoida va tartibga asoslangan. Daryoga chiqib, baliq tutmoqchi bo'lganlar uchun qonunlar bor: Fischereiverordnungen, Landesfischereigesetzen. Uyida it yoki mushuk boqmoqchi bo'lganlar uchun qonunlar bor: Tierschutzgesetz. Kechasi nechchidan nechchigacha shovqin qilmaslik haqida qonun : Bundesimmissionsschutzgesetz, chiqindilarni ajratish bo'yicha qonun bor: Kreislaufwirtschaftsgesetz.

Germaniyaga ishlash maqsadida kelish va viza olish ham qonun-qoidalarga asoslangan. O'sha qonunlarda kimlar Germaniyaga ishlash uchun kelishi mumkinligi haqida yozilgan, bularni kanalda batafsil keltirib o'tganman.

Endi yuqoridagiga o'xshash xabarlarga to'xtalsak:

1️⃣. Germaniyada ish beruvchi bilan shartnoma tuzganingiz sizga viza olishni kafolatlamaydi. Deylik siz Nestle, BMW yoki Mercedes kabi firmalar bilan haqiqiy ishchi shartnoma oldiz. Lekin agar siz viza olishning qolgan talablariga to'g'ri kelmasangiz, o'sha olgan shartnomangiz hech qanday ahamiyatga ega emas.

2️⃣. Mashenniklar Germaniyaga keladiganlarga ish topib berishi mumkin, elchixonadan viza uchun Termin olib berishi mumkin. Lekin viza olib berolmaydi. Vizani faqat elchixona qonun-qoidalarga tayangan holda beradi. BWM sizni ishga olish uchun elchixonaga 100 betlik iltimosnoma yozib bersa ham foydasi yo'q, shuning uchun Germaniyadagi ish beruvchi sizga "vizani o'zimiz hal qilamiz, sen sug'urtaga pul berseng bo'ldi, unga pul berseng bo'ldi" desa laqqa tushib yurmang.

3️⃣. Zavodda oddiy ishchi, qadoqlovchi, tozalovchi, yana shunga o'xshash hammani qo'lidan keladigan ishga viza olishni esingizdan chiqarsangiz ham bo'ladi. Bunaqa ishlarni qilish uchun Germaniyada ham ishchi kuchi yetarlicha.

4️⃣. Ishchi viza olish uchun eng kamida 2-yillik kollej diplomi yoki oliy ma'lumotlik diplom bo'lishi kerak. Litseyni bitirgan bo'lsangiz, 11-sinfni bitirgan bo'lsangiz, ishchi viza ololmaysiz. Topgan ishingiz ham diplomga aloqador bo'lgani yaxshi yoki shunga yaqin soha.

5️⃣. Agar yosh bo'lsangiz, Germaniyaga rostdan kelmoqchi bo'lsangiz, unda o'qing va kasb-hunar o'rganing. Nemis tilini o'qing, matematikani o'qing, IT ni o'qing, kerakli kadr bo'ling, shunda nafaqat Germaniya, butun dunyoga yo'llar ochiladi inshaallah.

Germaniyaga ishga borish uchun kimgadir pul bermoqchi bo'lganlarga ushbu postni jo'natib qo'ying.

@uzDeutschland

#Kindergeld-Elterngeld-Kinderzuschlag

Bismillahir Rohmanir Rohim. O'tgan oyda oilasi Germaniyaga yangi kelgan bir nechta yurtdoshimiz Kindergeld va Elterngeldga hujjat tayyorlashda yordam so'ragan edi. Aslida ushbu pullarni olish uchun hujjat qilish juda oson, bir necha soat vaqtingizni ajratsangiz kifoya. Lekin Germaniyaga yangi kelgan yoki nemis tilini yaxshi bilmaydigan yurtdoshlarimiz hujjat qilishda qiynalishi mumkin. Shuning uchun, Elterngeld, Kindergeld va Kinderzuschlag uchun hujjatlar tayyorlash bo'yicha video qo'llanma tayyorladim. Video davomida ushbu pullarni olish uchun qanday hujjatlar kerakligi, hujjatlarni qanday qilib to'ldirish lozimligi hamda qaysi tashkilotga jo'natish kerakligini tushuntirib o'tishga harakat qildim. Undan tashqari Elterngeld va Kinderzuschlag olish talablari haqida ham ma'lumot berdim. Agar sizga yoki bironta tanishingizga ushbu ma'lumotlar kerak bo'lsa, pullik kanalimzga a'zo bo'lishingiz mumkin.
Kanal manzili : https://t.me/+e-SB5IKAywc1NGYy
Qo'shilish uchun @Abu_Umar_2021 ga yozsangiz bo'ladi!