UYSOZLAR MFY YOSHLARI

Hurmatli mahalladoshlar!

Sizlar bilan yanada yaqin bo'lish maqsadida instagramda o'z sahifamizni ochdik!

🤎 @Kuranbayev_K instagram sahifamiz orqali sizlar bilan to‘g‘ridan-to‘g‘ri muloqot qilish imkoniyatiga egamiz. Fikrlar, takliflar va savollaringizni kutib qolamiz.

📲 Instagram sahifamizga obuna bo‘ling!

📹 Instagram.com/Kuranbayev_K

🇺🇿Bugungi Prezidentimiz raisligida o‘tgan videoselektor yig‘ilishi tarixiy voqea bo‘ldi.

✅Darhaqiqat, insoniyat oldida turgan eng og‘riqli masala – korrupsiya degan illat. Davlatimiz rahbari qator tarmoq va sohalarda bu illatning oldini olish choralariga to‘xtalib o‘tdilar.

"Korrupsiyani yengish uchun birinchi navbatda uning ortiqcha hashamat va dabdaba degan" o‘q ildizlarini quritishimiz shart. Eng achinarlisi, bunga taniqli shaxslar bosh-qosh bo‘layapti, odamlar ularga tenglashaman deb, o‘zini "o‘tga-cho‘g‘ga" uryapti.

Bu borada ayrim rahbarlar o‘zining kamtarona turmush tarzi bilan barchaga namuna bo‘lish o‘rniga, bunday soxta qadriyatlar asiriga aylanib, noqonuniy daromad topishga intilayotgani ham bor gap", - dedi Prezidentimiz.

➡️ Albatta, to‘ylardagi ortiqcha dabdaba, isrofgarchilik, ayniqsa bularni urfga aylanib ketishi eng og‘riqli masala. Bu jiddiy muammoning yechimida jamoatchilik vakillari, mahalla raislari boshchiligidagi "yettilik", nuroniylar bosh-qosh bo‘lib, aholi orasida tushuntirish ishlarini kuchaytirishimiz kerak!

💬 @Kuranbayev_K
📹 Instagram.com/Kuranbayev_K

Assalomu alaykum aziz mahalladoshlar!

🔍Yurtimizda bahor nafasi hukmron. Bu yil qalblarimizdagi shukronalik, shukuh ikki hissa ko‘pdir. Boisi, ko‘klamning ilk kuni muqaddas ramazon oyi bilan boshlandi.

🔍Barchangizni avvalo, bahorning kirib kelgani, bu yilgi yasharish fasli ezgulik, xayr-u saxovat va mehr-oqibat oyi bo‘lgan Ramazoni sharifni ham boshlab kelgani bilan chin dildan qutlaymiz.

🔍Xalqimizda "Obodlik ko‘ngildan boshlanadi" degan naql bor. Aslida har bir ezgulik, yasharishlar, yangilanishlar qalbdan boshlanadi, amallarimizda esa aks etadi. Shu bois tabiat ham bor go‘zalligini ko‘rsatib, olamni yashillikka, gullarga burkaydi. Bu jarayonda har bir inson ham ona tabiat bilan monand harakat qilib, xonadoni, mahallasiga obodlik olib kirsa, gullar eksa, saramjon-sarishtalikni kanda qilmasa, yurt ham farovon, ko‘ngillar ham obod bo‘ladi.

🔍Ayniqsa, bunday kunlarda xalqimizga xos an’ana va qadriyatlarimiz, urf-odat va an’analarimiz yanada yaqqolroq namoyon bo‘ladi, bo‘y ko‘rsatadi. Azaldan xalqimiz uyini obod, ko‘nglini pok tuyg‘ular, ezgu amallar bilan bog‘laydi, sarishtalikni xush ko‘radi, go‘zallikdan ko‘zi quvnaydi.

Hurmatli mahalladoshlar, kelinglar, obodlikni xonadonimizdan, mahallamizdan boshlaylik. Uyimizga ko‘chalarimizga fayz, mahallaga kirgan har bir inson qalbiga esa yasharish ruhini olib kiraylik!

Qahramon Quronboyev
O‘zbekiston mahallalari uyushmasi raisi

💬 @Kuranbayev_K
📹 Instagram.com/Kuranbayev_K