atmosphere️ | uktamova

Qoidalar, qonunlar, o’yinlar nima kerak?

Instagramda kichkina postcha yozgandim. How would it be like to be loved by me degan. Bir dugonam yozgan shaxsiydan: unaqa mehr berishlar qadrlanmaydi, ayol kishi muhabbatini ko’rsatmasligi kerak. Qancha uzoq bo’lsangiz yaqinlashadi, unaqada hech kim bilan relationship qilolmaysiz ubu deb.

Hayron qoldim. Qachondan odamlar munosabat qurish uchun qandaydir qoidalar yaratish boshladi. Qachondan emotsiyalar o’lchanishni boshlanadi. Nega ko’rsatmaslik, tan olmaslik kerak?

Xabarlarni bir muddat ochmaslik, kuttirish, ozgina yaqinlashib keyin kunlab ignor qilish. Biz munosabat qurmoqchimizmi kimdir bilan yokida o’yin o’ynamoqchimi?

O’yin o’ynamoqchi bo’lsak balkim hali munosabatga kiradigan daraja ulg’aymagandirmiz.

Qanday qilib sevilish haqidagi be’mani yangi turk adabiyotlari ta’sirimi bu? Yokida pul uchun xohlaganda kurs qilayotgan psixologlar ta’siri? Yokida o’zimizdagi ego rivojlanib ketdimi?
ㅤㅤㅤ
Emotsiyalar o’lchanadi deb o’ylamayman. Hamma boricha ichidagi ko’rsata olganda muammolar kamroq bo’lardi ehtimol. Baxtliroq bo’lardi juftliklar. Judayam g’alati. Hech kim o’zicha bo’lolmaydi. Qanaqadir qoliplar bo’yicha harakatlanadi. Lekin har bir inson o’zgacha yaralgan va bitta qoida hamma uchun yaramaydi.

Ayni paytda tutadigan ro’zamdan ko’ra kichkinaligimda 4 mahal ovqatlanib tutgan ro’zamni savobi kattaroq bo’lsa bo’lsa kerak deb o’ylayman.

Chunki o’sha paytdan chindan ixlos bilan, samimiyat bilan, iliqlik bilan ro’za tutganman. Soat 14:00larga yaqinlashishi bilan chanqab ketib, og’zimga qiryuzbesh marta suv olib, ichmasdan tashlab yuborishlar, oxiri ayamdan yuz martalab menga gunoh bo’lmaydiya deb ro’zamni ochib yuborishlar va hech nima bo’lmagandek yana iftorda o’tirishlar.

Har xolda ixlos kuchliroq bo’lgan. Samimiyat, dildan bo’lgan.

Hozirgi kunda ro’za tutish u daraja qiyin emasdek go’yo. 30 kun qilinishi kerak bo’lgan amaldek. Xuddi butun boshli bir odamlar qilayotgani uchun takrorlanayotgan harakatdek. Ortiqcha samimiyatsiz, oddiy tartibdek. O’sha o’sha gunohlar va o’sha o’sha odatlar bilan birga.

Kichkinaligimda 30 kun ro’za tutmagan bo’lsam ham, sabrim yetmay ro’zamni buzgan bo’lsam ham Alloh o’sha payti ko’proq sevgani, ko’proq duolarimni eshtgani aniq. Har xolda dunyo ichiga botib ketgan hozirgi bandasi holatida emasdim.
ㅤㅤㅤ
Hammani Ramazon bilan tabriklayman. Bugun birinchi Taroveh ekan, yigitlarga kuch quvvat. Ertadan ro’za…

Jiyanlari bor har bir obunachim uchun muhim post.

Ularga kichkinaligidan mehr bering.

Katta bo’lib, nimagadir erishganidan, yo’lini topganidan keyin ko’rsatgan mehringizni bir tiyinli foydasi yo’q.

Kichkina paytida erkalang, tizzangizga olib 2 og’iz shirin so’z ayting. Bitta shirinlik yoki shkalat tutqazing eplasangiz.

Men har safar uyga borsam jiyanlarim olib magazinga boraman eng kamida. Ikkalasi ham 3 yosh atrofida. To’g’ri, hamma narsalar esida qolmaydi lekin ayrim kichkina soniyalar, sahnalar yodida qoladi. Va eng yomoni siz aynan o’sha xotirasida muhrlanadigan qisqa soniyalar qachon bo’lishi bilmaysiz. Shu uchun hech qachon xaqorat qilmang. Faqat mehr ko’rsating.

Eng kamida katta bo’lganida, “Ammam/xolam/amakim/tog’am menga mehr bermagan, hech erkalamagan, qo’limdan tutib nimadir olib bermagan” demaydi. Kichkina bo’lsa ham shirin xotiralari qoladi.

Kichkina jiyanlaringiz onasiga hech qachon yomon muomala qilmang. Har qanday farzand doim o’z onasini deydi kim va qanday ona bo’lishidan qat’iy nazar. Katta bo’lib aqlini tanisa onasini sizdan himoya qilish uchun hurmatingiz va yoshingizga ham qarab o’tirmaydi. Ortiqcha travma berganingiz qoladi.

Har bir kichik yoshdagi bolalar mehr olishi shart. Yoshligidan yaxshi xotiralarga ega bo’lishi muhim. Ota-onasi, aka-ukalar mehri yetadi desangiz adashasiz. Atrofidagi har bir insonning muomalasi, gaplari bolani shaxs sifatida shakllanishiga, xarakter hosil qilishida o’rin tutadi.

Qizlarga masalahat: to’g’ri partniyoringiz bilan yashaysiz. Uni ota onasi, opa singil, aka ukalari bilan emas. Lekin baribir bir oila sifatida ularni hayotingizga ta’siri bo’ladi. Shu uchun qaror qabul qilayotganda kengroq o’ylash ham muhimroq. Typical o’zbek qizlarga typical o’zbekcha maslahat. Yevropeskiylashib ketgan tanishlarim, postni shunchaki o’tkazib yuborishingiz mumkin.
ㅤㅤㅤ
Mehr muhabbat ila, Uktamova