Telegram-канал "Sanjarbek Husanov" — @usturlobiy

Sanjarbek Husanov

12 Nov, 10:47

Репост из: eResearch - Iqtisodiyot

#fan

Monopoliyalar masalasi

Monopoliya masalasi haqida yana bir bor gaplashamiz, keyin bu masalaga qaytmaslikka harakat qilamiz . Chunki hayot go'zal va gaplashadigan narsalar juda ko'p!

Zamon qaltis. Kimdan so'rasang ochiqlik, demokratiya, erkinlik davrida yashayapmiz deydi. Aksini aytsang og'zingga urishadi. Bu faktni qabul qilish kerak. Demak, davlat kuch bilan hamma narsani boshqarish davri o'tib ketti, tadbirkorlik va erkin raqobat davri keldi. Buni unutmaslik kerak.

Davlat tadbirkor emas. Davlat yaxshi tadbirkor emas. Davlatni ishi tadbirkorlik qilish emas, aksincha tadbirkorlikni qo'llab-quvvatlash. Tadbirkor foydani o'ylashi, davlat esa ijtimoiy himoyani o'ylashi kerak. Hozirgi tizimda hamma o'zini ishini qilgani ma'qul.

Boksda tajribaliroq g'olib. Trener bokschini mashq qildirgani kabi hozirgi kuchli raqobat muhitida davlat ham o'z tadbirkorlarini "mashq qildirishini" hech kim ma'n qilmagan. To'g'ri, Toyota va BMW hozirgi holatga kelishi uchun yuz yillar "mashq" qilgan. Unlarga yetish uchun UzAvto shu yo'lni bosib o'tishi kerak. Uni ustiga "Boks" sirlarini u kompaniyalar ochiqlamaydi. UzAvto o'zi noldan harakat qilishi kerak. Lekin, ham boksda, ham futbolda ham boshqa sport turida g'olib bo'lamiz deyish to'g'ri emas. Shuninig uchun, davlat bittasini tanlab o'sha bo'yicha "shogirt" tayyorllashi kerak. Shunda bir oz vaqtdan keyin shogird oyoqqa turadi va ustozni mehnatini oqlashni, foyda keltirishni boshlaydi. Oldingi rejimda esa boshqa ko'p sohalar qatorida avtosanoat ham tanladi. Avto masalasi odamlarimizga yaqin bo'lganiga ko'zga ko'rinib qolyapti. Enbi biz aytishimiz kerak, qaysi "sport turi"dan chempion bo'lamiz? Unitmang, kichik davlatlar uchun chempionlik iqtisodiy rivojlanish asosi!

@eresearch_iqtisodiyot

18 0 0

Sanjarbek Husanov

12 Nov, 09:52

Репост из: ??????? ?????????? ✍?

ВОДИЙ ХАЛҚИДАН ХАФАМАН!

Ассалому алайкум, палаги тоза ўқирманлар. "Япониядаги жадидларимиз" рукни остида кўпчилик муваффақиятга эришган ватандошларимиз ҳақида ёритиб келаябман. Рухсатингиз билан бу сафарги ҳикоямизни ҳикоя қилсак.

Ўтган ҳафта жума куни ишхонамиздаги бир лойиҳа билан Япониядаги додахўжа корпорацияга боришимга тўғри келди. У ерга хафтада бир-икки марта бориб тураман. Бордим. Ишларни тугатдим. Аср намозини масжидга бориб ўқишга улгурмас эканман. Шу ерда ўқиб кета қоламан деб, ўша компаниянинг Намозхонасига бордим. Тасаввур қилаябсизми? Японияда, ишхонада мусулмонлар учун кичкина масжиддек қилиб хона қилиб қўйишган. Энди Намозни бошлайман десам, эшик очилиб, сиз расмда кўриб турган ака кириб келиб қолдилар.
Ҳар куни Ўзбекларни ичида юрсангиз билинмас, аммо ернинг бир бурчагида бир ватандошингизни кўриб қолсангиз ажиб ҳиссиёт беради одамга.
Салом-алик қилиб, аср намозини бирга ўқиб, ярим соатча сухбатлашдик.

Хуллас, бу акамиз ТЎЛҚИНЖОН РАҲИМОВ бўладилар! Фарғона вилояти, Бағдод туманидан. Япониядаги нуфузли, Нагоя университетини тугатганлар. Ва ҳозирда, ҳаттоки Японлар ҳам киришни орзу қиладиган МИТСУИ КОРПОРАЦИЯСИДА ишлайдилар. У компания шу даражада катта ва кучли компанияки, бир йиллик даромади миндайроқ давлатларнинг даромадидан кўп!
Дунё рейтингида кучли 300 таликка, Япония рейтингида кучли 20 таликка киради. Тасаввур қилаверинг! Энди бу акадаги камтарлик, синиқлик, тарбия юксак даражада. Агар, мен шундай катта компанияда, шундай лавозим, шундай ойлик билан ишлаганимда, "Икки тиличка ғўзапоя сотган фермер"дек кекириб юборардим)) Йўқ, бу ака камтарликда чемпион эканлар. Шундай ватандошларимизни кўрсам, эшитсам жуда фахрланиб кетаманда.

Энди, сарлавхага қайтсак, Водий аҳлидан хафа бўлганимни сабаби шу. Бунча олим, бунча иқтидорли фарзандларни қандай тарбиялаябсизлар? Катта-катта диний олимлар ҳам сизлардан чиққан, илм-фандаги юксак марраларга эришаётган олимлар ҳам сизлардан чиққан. Бугунги қаҳрамонимиздек дунёнинг манаман деган компаниясида ишлайдиганлар ҳам сизлардан чиққан. Олим ишлаб чиқарадиган аппаратларингиз борми? Ёки бирорта кампир-мампирни светофордан ўтказиб қўйиб, у кампир "Ҳамманг олим бўл!" деб дуо қилганми? Сир-синоатини айтинг бизларга ҳам эй, аҳли водий! 😁

Хулосайи калом, хурматли ота-оналар фарзандларингизни қўшимча дарсларидан 100-200 минг сумни аяманг! Келажакда, албатта мевасини беради.
Хурматли ёшлар, ўқишга астойидил бўлинг. Юқоридаги акаларингиз ҳам худди сиздек тунларни бедор илм олишга сарфлашган. Сиз ҳам уддалайсиз!

Ҳавас қилинг ва дуо қилинг. Сизнинг фарзандларингиз ҳам ана шу акаларидек улкан муваффақиятларга эришиб, жамиятимизга нафи тегадиган олимлардан бўлсин!

https://t.me/BahodirIskandarov

16 0 0

Sanjarbek Husanov

8 Nov, 16:18

Репост из: Нишондаги гаплар

#сарказм

Ҳиндлар келиб бизда ўқийди. Лекин биз бориб, Ҳиндистонда даволанамиз. Негадир шу ерда мантиқ кўринмаяпти...

Нишонига тегадиган гаплар фақат бизда: @nishondagi_gaplar_tegadi

29 0 0

Sanjarbek Husanov

8 Nov, 09:13

Репост из: Девонайи Ҳақгўй

01:29

Видео недоступно для предпросмотра

Смотреть в Telegram

Ҳеч шубҳасиз, ҳозир ҳам бойларимизнинг аксарияти яхши лойиҳаларни қўллаб-қувватламайди. Ўзим ҳам пул етишмовчилиги сабаб ёпилиб кетган кўп лойиҳаларни биламан.

Ҳозир аҳмоқгарчилик қилиб пул топиш осон бўлиб қолди. Табиийки ҳамма ўзини шу соҳага уради. Қанийди, бойларимиз халқимизга манфаатли бўлган лойиҳаларни молиялаштиришда фаол бўлишганида...

@adolat_kuychisi

27 0 0

Sanjarbek Husanov

7 Nov, 07:32

Репост из: 𝓥𝓪𝓯𝓸 𝓜𝓸ʻ𝓶𝓲𝓷

Ишхонада қўшимча бизнесларим борлиги учун: ҳам ишни, ҳам бизнесларимни эплаганимга кўпларнинг менга ҳаваси келар эди.

Лекин мен бошқа бир кишига ҳавас қилар эдим. Унинг қилаётган "соққа"си олдида меники копейка эди. Ишхонамизда ҳар қандай шароитда ҳам беш маҳал намозни канда қилмайдиган ҳамкасбимиз бўлар эди. Ҳақиқий фойдани ўша қилар эди.

Менинг топаётган пуллариму қиммат машинам унинг бир ракат намози олдида қадрсиз эди.

Мен ўзимча ўзимни тақводор қилиб кўрсатмаяпман. Юрагимдан ўтиб турган ўйларни ёзяпман. Дарҳақиқат, бир куни ўламиз-кетамиз, ортимиздан ўзгаларга тўплаган бойликларимиз қолади. Лекин қилган эзгу амалларимиз биз билан бирга кетади. Ана ўшанда бутун умр чивиннинг қанотичалик қадри бўлмаган дунёнинг ортидан қувиб юрганингни англаб етасан...

Илоҳо, ҳаммамизни эзгу амалларда бардавом қилсин!

✅ Telegram | 🌐 Instagram | 📹 Youtube

28 0 0

Sanjarbek Husanov

6 Nov, 14:41

Репост из: Sirdaryo tumani hokimligi

Firma nomini Milliynom.uz platformasi orqali tanlang

Savdo, ishlab chiqarish va xizmat ko‘rsatish obyektlariga nom berishni takomillashtirish maqsadida “Milliynom.uz” platformasi yaratilgan.

Mazkur platforma fuqarolar ayniqsa, yoshlar orasida yozma savodxonlik madaniyatini keng targ‘ib qilish, o‘zbek tiliga bo‘lgan hurmat va qiziqishni yanada oshirish, uning ijtimoiy mavqeyini mustahkamlash maqsadida ishlab chiqilgan.

Mazkur platformada foydalanish yoshi chegaralanmagan bo‘lib, unda o‘zbek tilida yozishni biladigan barcha xohlovchilar diktant yozish yo‘li orqali imlo savodxonligi bo‘yicha o‘z bilimlarini tekshirib ko‘rish imkoniyatiga ega.

Bundan tashqari firma, xizmat ko‘rsatish obyektlarini nomlashda mazkur platformadan foydalanishingiz mumkin.

Platformaga ulanish: 👉 https://www.milliynom.uz

📲 @Sirdaryotumanpress

30 0 0

Sanjarbek Husanov

4 Nov, 06:10

Репост из: Нишондаги гаплар

#танқид

Англияда ўқиётган Ўзбекистонлик талабанинг таълим тизимимиз хақидаги фикрлари:

• Лондонда тили бурро тадбир уйиштириб "фаол" бўлганлар бир тийин экан.
• Мен ҳиндлар ва хитой, корейс ва япон талабаларини кўриб мактабдаги олган билимларига тан беряпман.
• Хуллас, мен шунчаки бўм-бўш мия билан магистратурага келиб қолибман. Масалан, гурухдаги ҳамма математикани чачворади. Сиз ўйлаган даражада эмас, яхши билади дегани хам эмас. Булар "чачворади". Шунақанги тенгламаларни улар мактабларидан ўрганиб келишганки, мен уларга ҳалиям ета олмаяпман.
• Компютерни, офис дастурларини, ҳар хил программалар ва дастурлашни ўзимча яхши биламан десам. Бутун гуруҳ, ҳа ишонинг, ҳар бири мендан яхши билади.
• Дунёқараш жиҳатидан ххҳам биз Марказий Осиё талабалари оқсоқ эканмиз. Улар шунақанги дунё таниган брендларни эгаларидан тортиб, улар нима ишлаб чиқарадию, қайси маҳсулоти яхши эканини билишади. Мен бўлса ҳалиям кофе турларини фарқига бормайман.
• Сиз ўзингизни Ўзбекистонда туриб "Келажак бизники, шу туришимда Ўзбекистонни дунёга танитаман" деманг.
• Мен шунақа деб хато қилганимни билдим. Биз ростдан юртимизни юқорига олиб чиқмоқчи бўлсак, ростдан ўқишимиз керак.
• Лондонга келиб билдим. Биз орқада эканмиз, кўп соҳада. Давлат сиёсати ёки иқтисодий нуқтаи назардан эмас, оддий мактабдаги асосий фанлар кўникмаларидан уларни амалиётга татбиқигача...
• Бизни яна энг катта айбимиз бу номзодларга катта рағбатлар беришимиз. Мисол учун: Бизнинг Навоий, Беруний ва Зулфияни олаётган болалар келиб Ню Йорк, Лондон, Токио ёки шунга ўхшаган шаҳарлардаги бизнес марказлардан юқори лавозим тугул қабулхонага хам ишга кира олмайди. Нега?
• Чунки у ерда биздаги "фаол талаба"дан олдин ҳинд ёки хитойлик ишга топшириб бўлган. Ундан устун бўлиш учун "Компаниям фахрим" деган видео ясаб келсангиз ўтмайди.
• Бу ерда, яъни Лондонда, яхши офис ишига киришингиз осмонўпар бинода ишлашингиз учун ростакам юзма юз интервью бўлади. Улар сиздан ютуқларингизни умуман сўрамайди. Улар сиздан "илм" сўрайди. Уларга сизнинг 2 та мақола орқали хар кимга бериладиган Қозоғистоннинг хусусий кўкрак нишонлари бир тийин. • Улар илм сўрайди.
• Хулоса: бу фикрлар ҳеч кимга қаратилмаган лекин, кўзимизни очишимиз керак. Дунё миқёсида бизнинг талабалар анча ортда. Сиздан илтимос "Мен энг фаол, энг зўр талабаман" деманг. Англияда сиз тенги одамлар анча бунча сизнинг ва бизнинг келажакдаги иш жойларимизни эгаллаб, қўлимиздан олиб бўлишмоқда...
• Ўқинг биродар...

©️Ўринов Ахмаджон

Нишонига тегадиган гаплар фақат бизда: @nishondagi_gaplar_tegadi

33 0 0

Sanjarbek Husanov

4 Nov, 06:07

Репост из: 𝓥𝓪𝓯𝓸 𝓜𝓸ʻ𝓶𝓲𝓷

Сизнингча, бахт нима?

Соғлик, бойлик, куч-қудрат ёки мансаб...

Ҳозир бир одам ҳақида айтаман. У бутун умри давомида касал бўлмаган, ақалли тиши ҳам оғримаган. Мислсиз бойлик эгаси бўлган. Ўз даврининг энг қудратли давлатини бошқарган. Бу кимлигини биласизми?

Бу — башариятнинг энг ёмони, барча асарларда ёвузлик тимсоли бўлиб келадиган, ўзини худо деб эълон қилган Фиръавн алайҳилаъна...

Бизнинг мезонимиз бўйича қараладиган бўлса, ер юзидан ундан бахтли одам бўлмаслиги керак эди. Бироқ, Аллоҳ мезонларимиз хатолиги исботига қиёматга қадар унинг жасадини сақлаб қўйди...

Демакки, кимнидир бахтли ёки бахтсиз деб хулоса қилмайлик. Чин бахтли ва бахтсизлар Қиёмат куни аниқ бўлади.

ИншааАллоҳ, барчамизни бахтлилар қаторида қилсин!

✅ Telegram | 🌐 Instagram | 📹 Youtube

29 0 0

Sanjarbek Husanov

2 Nov, 11:06

Репост из: ??????? ?????????? ✍?

ИСЛОМОФОБЛАР НАРИРОҚҚА БОРИБ ТУРИНГЛАР)

ЯПОНИЯДА АЖРАШИШЛАР АВЖИДА!

Ассалому алайкум, палаги тоза ўқирманлар. Саломатмисиз?
Сиз расмда кўриб турган инсон, Япониядаги тутунган онам. Япон миллатига мансуб мусулмон! Шу инсон мени социологияга қизиқтириб қўйган. Бу инсондан жуда кўп нарсаларни ўрганганман. Психология, жамиятшунослик, фикрий гипноз, қаршингдаги одамни фикрини ўқиш, самимийлик, одамийлик кабилар. Бу устозим, Малайсия, Сингапур, Япония университетларини битирган. Замонавий билимлар, диний билимлар ҳаммаси дахшат. Анча бунча, ўзидан ақлли ясаган "Замонавий"ларни ўтирғизиб қўядилар. Энди, шу инсонни шогирди, яъни мен. Биздаги айрим, чала ақлли, чала замонавий, Исломофобчаларни нафақат ўтирғизиб қўяман, балки, миясини бепушт қилиб қўйишим мумкин. Кейин, Доктор Д ҳам, Доктор Ш ҳам, ҳаттоки, Доктор Ж-ю, Доктор П лар ҳам ёрдам беролмай қолади)

Бугун, бир Сатоу деган танишим бирга тушлик қилайлик деди. Бирга ўтирдик. Бечорани дардини мендан бошқа одам эшитмайди. Шунга мени жуда яхши кўради. Японларда ким биландир дардлашиш йўқ. Ҳаттоки, яқинлари билан ҳам қандайдир чегарада туришади. Шу сабабли доимий стрессда юришади. Бирга ўтирдик. Яқинда ажрашганини айтди. 10 йилдан бери шунақа дерди. "Қақақлаган товуқ туғмай қўймайди" дегандек. Охири ажрашибсизда" деб кайфиятини кўтардим))

Шу Сатоусан, 58 га киради. Бу ёшда ажрашишга нима бор десангиз, бор экан. Ҳозир Японияда катта ёшлилар ўртасида ажрашиш авжига чиққан. Ёшларку, ажрашиш бўйича чемпион. 2023 йилда 35% дан ошиқ оилалар ажрашибди. Ўзи ҳукумат оила қурдиролмай ҳалак, буёқда оила қурганлари ҳам ажрашиб ётишибди. Камига, ёшларга ўрнак бўлаётган катта ёшлилар муаммоси ҳам келиб чиққан. Айни пайтда, Японияда 50-60 ёшдан ошган инсонларнинг жуда кўпчилиги ажрашган. Ажрашмаганлари ҳам эр алоҳида, хотин алоҳида яшаш урфга айланган. Тўғри, соғлом оилалар жуда камайиб кетган.

Ўша Сатоусан билан бунинг сабабларини гаплашган бўлдик. Сатоусанни айтишича: "Биздан иккита олдинги авлод, оилага, фарзандга жиддий қарашар эди. Оталар "Коваи моно" ( Қўрқадиган одам) эди. Аёллар эрларини хурмат қилар эди. Ғарб ривожланишни ҳам олиб келди-куя, оилаларимизни пароканда қиладиган маданиятни ҳам олиб келди. Аёлларни ҳуқуқларини керагидан ортиқ ошириб юборишди. Эркак кўчада пул топиб келиб, яна уй ишларини қилиши, яна хотиндан гап эшитиши оддий ҳол бўлиб қолди. Натижада, эркаклар уйланмай қўйди. Қадриятларга жиддий туриб ривожланишимиз керак эди. Энди кеч. Энди буни тўғрилаш амри маҳол. Биласанми, Япония қачон жарга қулаган? ЎША ҒАРБНИ ТАРБИЯСИДА ЎСГАНЛАР, ЎҚИТУВЧИ БЎЛИШНИ БОШЛАГАНДА" деди.

Фикрларини эшитиб ўйланиб қолдим. Худди шунга ўхшаган гапларни расмдаги тутинган онам ҳам айтгандилар. " ЎҚИТУВЧИСИ АЙНИГАН МИЛЛАТ, ТАМОМ БЎЛГАН МИЛЛАТ" деб!

Роса тафаккур қиладиган гаплар а? Ақлли одам бировларни хатоларидан хулоса қилади деганларидек, вақтида кўзимизни очишимиз керак. Японлардек ақлли миллат бугун аҳолини камайиб кетишига қарши чора топа олишмаябди. Келажакда қандай ривожланишга эришмайлик, динимиз, қадриятларимиз, миллийлигимиз, одамгарчилигимиз билан бирга ривожланишимиз лозим-у лобуд!

Айтганча, мен Японияда кўрганимни ёзаябман. Японияга умрида келмаган, қарши фикр берсам бўлди дейдиган, Ўзбекофоб, Исломофоб, мазгифоблар ақлингиз етса, Ўзбек, Инглиз, Рус, Япон, Тожик тилларида янги йилгача бахслашаман) Мен билан ўйнашманглар. Питбул итларда, тимсохларда ва менда тишлаган жойини узиб олмагунча қўймайдиган тиш бор. Анави аррага ўхшаган тиш бўлади-ку, эээ палакат аррада ҳам бор экан) Хуллас, шунақа гапларда, ЁҚТИРМАНИ босгайсиз ва саломат бўлгайсиз)

Bahodir Iskandarov

https://t.me/BahodirIskandarov

40 0 0 1

Sanjarbek Husanov

2 Nov, 07:59

Репост из: Aziz Rahimov

Oxirgi to'rt yilda 30 000 yoshlarimiz IELTS 7.0+ olishibdi.

Yiliga topshirayotganlar esa 35 000 dan oshibdi.

Aholi soniga test topshirish bo’yicha dunyoda top 15 talikka kirib bo’libmiz.

Navoiy Muhokamatul Lug’ataynda yozgandilar: Turklar (hozirgi o’zbeklar) fors tilini o’rgansa, forslardek gapiradi, sezmaysan. Forslar turkcha gapirsa, bitta jumlasidan bilasan.

Bizning tilga iqtidorimiz bor.

Shu ko’rsatgichlarni uch barobar oshirsak Vietnamdan, besh barobar oshirsak Singapurdan til bilishda o’tib ketamiz.

Til o’rganing, bo’shashmang.

Va yana,

Til o’rganish bilan to’xtab ham qolmang, azizlar.

36 0 0

Sanjarbek Husanov

31 Oct, 17:43

Репост из: ECO LIFE

00:54

Видео недоступно для предпросмотра

Смотреть в Telegram

#Tezkor #Nega #Sabab

Bu holatga asosiy sabab nima boʻlishi mumkin 🤔
Aslida kim ayibdor .

📍Izohlarda oʻz fikringizni yozib qoldiring 📝

📍Bizga OBUNA BOʻLING ✊🏼

📍Doʻstlaringizga maksimal yuboring ✈️

Video yoqqan boʻlsa bizni ijtimoiy tarmoqlarimizga obuna boʻlish esdan chiqmasin 🤝

Instagram Youtube TikTok Telegram

46 0 0

Sanjarbek Husanov

30 Oct, 10:23

Репост из: ??????? ?????????? ✍?

БАС ҚИЛИНГ! ЭЙ, ОТА-ОНАЛАР!

Ассалому алайкум, хурматли ўқирманлар!
Бугун бир қиз, "Ака, кварплатага пулим етмай қолди. Ёрдам қилиб тура олмайсизми?"деб ёзиб қолди. У қиз Японияга келганида 20 ёш эди. Ҳозир 30 га яқинлашиб қолди. Ўқиди, ишлаябди. Квартирасига пули йўқ. Нимага? Нафси ўпқон, харобадан чиққан миллионер онаси сабабли. Ўша аёлни ейишга нони ҳам йўқ эди. Шу қиз бечора ҳам ўқиб ҳам ишлаб, уйларини ремонт қилдирди. Оиласидагиларга машина олиб берди. Ўзидан олдин сингиллари эрга тегиб кетди. Ўзи ҳалиям турмушга чиқмаган. Сингилларига энг зўр сарполарни мажбурлаб қилдирибди. Энг ёмони, ҳозирги оддий машина уйдагиларига ёқмай қолибди. Малибу олармиш мана шу ергача чидади бечора қиз. Ўкириб йиғлаб юборди. "Менчи, мен қачон турмуш қураман? Нимага уларни ялло қилиб юришига мен хор бўлишим керак" деди! Роса, юрагим эзилди.

Шахсан ўзим бунга ўхшаган тақдирларни 100 дан ошиғи билан гаплашиб кўрганман. "Акангга машина олишимиз керак, уканга данғиллама тўй қилишимиз керак, опангни эрига фалон қилишимиз керак" каби гаплар билан қурбон бўлаётган ёшларни ўз кўзим билан кўрганман.

Эй, барака топгурлар, Японияда юрган қизингиз, тўйиб овқатланмаябди. Тўйиб уҳламаябди, шунчаки сизларни нафсингиз йўлида қурбон бўлаябди. У-бу чиройли жойда расм тушган бўлса, ишга кетаётиб, йўлда тушиб олади бечоралар. Кечаси билан ишлаб, кундузи яна ишлаябди. 24 соат ишлаябди. Тасаввур қилаябсизми? Сиз дугоналарингиз билан гап-гаштакда, тўй-ҳашамда юрганингизда бу бечора уйқусизликдан боши айланиб, бурни қонаб кетиб, хор бўлиб ишлаб юрибди. Бечораларда шунчалик босим каттаки, оила ҳам қуролмайди. Уёқдагиларни ўйлаб. Гаплашиб кўрсангиз, "Менга уй-пуй керакмас, ҳеч нарса керакмас, қайтмайман" деб зада бўлиб қолганлари ҳам кўп!

Кунига 100$ топар экан деб, нафсингиз баттар ўпқон бўлмасин. Кунига 100$ топса, одамга ўхшаб яшаш учун 80$ ини ҳаражат қилиши керак. Ҳам ўқиш, ҳам контракт тўлаш, ҳам сизларни бой қилиб кўрсатишга ҳаракат қилиш жуда қийин!

Келадиган ёшларимизнинг деярли ҳаммасини бўйнида юк. Емаса, емайди уёқдагиларни ўйлайди. "Энди, Тошкентдан уй олишимиз керак қизим" деб қолишади. У Тошкентдан уймас, тўйиб овқатланиши керак, ўқиши керак, эй барака топгурлар. Намунча босим қиласизлар?
Шу Ўзбекни боласи сиз босим қилавермасангиз ҳам ака-укаси, ота-онасини ўйлайди. Фақат вақт беринг оёққа туриб олсин, ўзини эплаб олсин, кейин ўзи ёрдам беради ҳаммасига.

Бизни миллатдан бошқа миллатда кўрмадим шунақа нафси ҳаталак отганларни. Непал, Ҳиндистон, Ветнамдагилар биздан қашшоқ яшашади. Аммо, фарзандларини "Яхши ўқи" деб жўнатишади. Натижада, келажакда катта-катта натижаларга эришишаябди. Бизникилар бўлса, бечоралар шунчаки ўзини қурбон қилишади. Бошқа фарзандларингиз учун, тўй-ҳашамингиз учун, маҳаллада тилингиз бир қарич бўлиши учун битта фарзандингизни шунчаки қурбон қилиб қўяверасизми?

Ишонинг, Японияда ҳам, бошқа давлатда ҳам осон пул топиб бўлмайди. Бўлди қилинг, данғиллама тўй, данғиллама уй, "Яна-яна" деб, ўз васвасангизни болага ҳам юқтирманг. Сизга онам хафа бўлмасин деб айтолмайди. Қийналаётганини сизга кўрсатгиси келмайди. Бирдан, нозик жойига зарба берасиз. "Мен сизларни қийналиб туққанман, фалон қилганман, фустон қилганман" деб! Қаердадир, қайсидир авлод "Уй, Тўй, машина" деган васвасадан қутулишимиз керак-ку. Бутун дунё ҳашамат эмас, комфортга қараб кетаябди.

Хулосайи калом, эҳтиёжга бўлса сўранг. Камолотга сўраманг. Қудангизни апти қурсин, одамларни кўзи учун қиладиган тўй-у, бошқа маросимларингизни ранги руфтори қурсин. Эркаклар, кераксиз ҳаражатларни ҳаддидан ошираётган аёлингизга "Бўлди қил" деёлмасангиз, тамом бўлибсиз. ХУДО инсоф берсин, ҳаммамизга.

https://t.me/BahodirIskandarov

39 0 0

Sanjarbek Husanov

30 Oct, 10:19

Репост из: ??????? ?????????? ✍?

ЭРДАН ХОТИНДАН КУЙГАНЛАР УЧУН!

Ассалому алайкум, хурматли ўқирманлар. Бугун Япония ҳақида яна бир қизиқ маълумотни айтиб бераман сизларга. Шу десангиз, Японияда энг машхур спорт тури- Футбол эмас, бейсбол. Эрталабдан кечгача бейсбол ҳақида гаплашишади. Ҳамма янгиликларни биринчи бети бейсбол. Японларда аёл ҳам эркак ҳам, ҳамма бейсболни яхши кўради. Бейсболни сизларга соддароқ тушунтириб берай. Ёшлигимизда чиллак ўйини бўлардику, кимдир таёқчани буёқдан отади-да, уёқдаги одам таёқ билан уради. Ана шу -БЕЙСБОЛ. Ия, насинемсин, ўзим билмай кашфиёт қилиб қўйдим. Демак, бейсболни ватани Ўзбекистон!

Хуллас, Японларнинг севимли спорт тури бейсбол. Ундан ҳам севимлиси, ана шу мен билан илтимос қилиб расмга тушган, Бейсбол ўйинчи ОҲТАНИ деган йигит. Бу йигит учун Японлар ўлиб қолади. Қизлар сочини юлиб, юзларини тимдалаб ташлайди. Анвар Санаевни стадионда ўпиб ўлдириб юбормоқчи бўлган қизлар, Японларни Оҳтанига бўлган муҳаббатини олдида копейка))

Бугун эрталабдан ишхонадаги ҳамма Японни оғзида бир гап. Оҳтани отган тўпни илиб олган мухлис, ўша коптокчани 4 миллион долларга сотибди. Тасаввур қилаябсизми? стадионда ўйин томоша қилиб ўтирибсиз, тўсатдан бульбулнинг туҳумидек келадиган коптокча қўлингизга тушди. Уни аукционга қўйиб, 4 миллион долларга сотаябсиз.

Хуллас, у Оҳтани деган бола. Японларни Роналдоси. Машхурликда Роналдодан 100 марта машхур. Уни коптоги уёқда турсин. У стадионда босган қадамларини изини, аукционда миллионлаб долларларга сотишаябди. Бир дақиқада 1 миллион доллар топаркан шу бола. Ҳозир, шу туришизга 1 миллион сум тополмай турган ҳолингизга, жа ёқадида шунақа янгиликлар а?😁 Эрингизга бориб, Оҳтанини кўрсатинг. Битта эр бўлса шунчалик бўларда а?)

Мавзуга қайтайлик. Бояги Оҳтани деган бола ниҳоятда оддий бола. Шунча пул, шунча машхурликка қарамай қулоғини қимирлатмай юради. Биздаги анави машхурча боксчилардан 700 марта бой аммо, қўлида 300 минг сумлик оддий соат тақиб юради. Яқинда уйланди. Биров билиб, биров билмай қолди. Ўзига ўхшаган спортчига қизга уйланди. Бу хабарни эшитиб, Нечтадан-нечта қиз ўзини поездни тагига ташлади. Бояги Оҳтанини спортчи хотини ўтган ҳафта бир маросимга келибди. Япон журналистлари ёмонда. У қизни эгнидаги кийимларини нархини чиқариб ташлабди. Ҳаммаси бўлиб, 200$ атрофида кийимлар эмиш. Бу дегани бизда Абу Сахийдаги ёйма бозордан кийингандек гап, Японларда. Кўраябсизми, бир минутда 1 миллион доллар топадиган Оҳтанини хотини ёйма бозордан кийинаябди. Бир ойда 2 миллион сум топадиган Шерматни хотини БУТИКДАН кийинади😁 Оҳтанини хотинини хотинингизга кўрсатинг. Битта хотин бўлса шунчалик бўларда а? )

Бу ҳали ҳолва. У Оҳтанини онаси, ҳозир ҳам соатбай ишда ишлайди. Ўғли бир соатда неччи миллион доллар топади. Она бир соатда 10 долларлик ишда ишлайди. Японлардаги шунақа оддийликка қойил қоламанда. Оҳтанини онасини, "Ўғлим ўзинг келмай қўявер. Доллордан жўнат" деган оналарга жўнатиб қўйинг. Битта она бўлса шунчалик бўларда а?)

Шунақа гаплар. Қиссадан хисса, қанчалик зўр бўлиб кетманг. Чориғингизни илиб қўйинг. Оддий бўлинг, оддийликда, самимийликда гап катта. Қолаверса, ким қаердаги миллионтадан бир омади чопган Роналдо, Оҳтани, Бурак кабилар билан эрингизни солиштирманг. Худо сизга энг лойиғини учратган. Оғир кунингизда Роналдо-ю, Бураклар эмас, ўша қўллари қабарган эрингиз туради. Эркакларда, унақа машхур аёлларга ўлиб қолиш йўқкуя, кўчадаги аёлларга чопиб кетиш бор-да. Сизларга ҳам ўша гап, оғир кунингизда уйингиздаги хотинингиз туради ёнингизда, анави қирчанғиларингизни йиғиштиринг)

https://t.me/BahodirIskandarov

34 0 0

Sanjarbek Husanov

25 Oct, 08:22

Репост из: ??????? ?????????? ✍?

18+ ЯПОНИЯНИНГ ОИЛА ИНҚИРОЗИ!

Ассалому алайкум, мен учун қадрли ўқирманлар! Сизлардан шу пайтгача ЁҚТИРМАДАН бошқа нарса сўрамабман. Бундан кейин ҳам сўраш ниятим йўқ. Ўзларингиздан билиб бир нарсаларни босиб қўйинг, ахир)) Бугун даврани ёндирадиганидан айтиб бераман. Хорғин, хафа кайфиятингизни менга бериб туринг, 3 дақиқада зўр қилиб қайтиб бераман. Қани кетдик бўлмаса...

Шу десангиз, душанба куни биз билан ишлайдиган иккита севишган, асал ойидан қайтиб, таътилларини тугатиб ишга қайтиб келди. Эри-хотин ҳам биз билан ишлайди. Уларни тўйига асосий сабабчи ўзимман. Қиз билан юриб-юриб, "Ҳа, зўр қиз, уйлан ўртоқ" деб болага тиқиштирмаганман. Тўғри маслаҳатлар бериб, икала ёшни ували-жували қилдим))

У шалпанқулоқ, Сужо деган Япон йигит билан Японияга келганимдан бери танишман. У болани "Уйлан, уйлан" деб қулоқ миясини еб битирганман. Уйлан десам, "Мендокусаи" ( Бош оғриқ)ни нима қиламан. Бир ўзим мазза қилиб яшаб юравераман дейди. Бола зоти умуман керакмас дерди. 80% Япон ёшлари шу фикрда. Оила қуриш, маъсулиятни бўйнига олишдан қўрқишади.

Хуллас, у болага "Сени ҳам ота-онанг, бизга бола керакмас, биз оила қурмаймиз" деб сенга ўхшаб фикрлаганда сен ҳозир бу дунёда бўлмасдинг. Японияни аҳолиси 100 йилдан кейин йўқ бўлиб кетади. Оила қуриш мазза, хотинчанг билан вачач десам, "Хотинча билан вачач бўлиш учун уйланиш шартми?" дейди. Ростанамда, уйланмаса ҳам уйланганларни ишини қилиб юрса, уйлангиси келармиди. ЯПОНЛАРНИНГ ОИЛА ҚУРМАСЛИГИНИ, АҲОЛИ СОНИНИ КАМАЙИБ КЕТИШИНИ АСОСИЙ САБАБЛАРИДАН БИРИ ана ўша "Вачач"ни очиқ-ойдинлиги, дехқончилик бўлиб ётгани бўлса керак! ШУНИНГ УЧУН БИЗДАГИ ШАРМ ҲАЁНИ САҚЛАБ, УНАҚА ВАЧАЧЛАРНИ БЕМАЛОЛ, ДЕХҚОНЧҲИЛИК ҚИЛИБ ЮБОРМАСЛИК КЕРАК. ЙИГИТ ҲАМ ҚИЗ ҲАМ ТЎЙ КУНИ КЎРСИН КЎРАДИГАНИНИ!

Хуллас, бояги йигитни жавраб-жавраб, оила қуришга кўндирдим. Уйланди, асал ойларни тугатиб, эри хотин ишхонага келди. Ҳамма ҳамкасблар оила қуришнинг яхши томонларини, таасуротларини сўраябди. Бояги қиз шу пайтгача юраверган эканман. Эрга тегиш яхши нарса экан, бахт-тахтлар ҳақида гапириб, қолганларга ҳам эрга тегинглар мазмунида маслаҳатлар берди.

Шуларни эшитиб, бир латифа ёдимга келди. Иккита дугона бўлган экан. Икаласи ҳам эркаклардан нафратланар экан. Эркакларни пайпоғи ҳидланади, кечаси хуррак отади, бошида яхши гапириб, кейин азоб беради. Фалон-фалон, фустон-фустон деган хулосачаларни йиғиб, икаласи бу дунёдан роҳибалардек пок ўтишга келишиб олишибди. Икаласи битта уйга кўчиб ўтишиб, ёнларига битта эрга тегмаган мушукчани ҳам қўшиб олишибди. Тарки дунё! Бир йил ўтибди, икки йил ўтибди. Ўн йил ўтибди! Қизлардан биттаси ахдини бузиб, секин эрга тегиб кетиб қолибди-да. Битта қиз битта мушук уйда ёлғиз қолиб кетишибди. Қиз бир аҳвол, мушук бир аҳвол эмиш. Учрашувга чиққиси келган мушукни овозини биласиз а? одамга ўхшаб гапириб миёвлайди. Мёвеаяяай деб серенада айтиб юборади)) Орадан бир ой ўтиб, бояги аҳдини бузиб, эрга тегиб кетган қиз, нариги қизга телефон қилибди. "Ҳа, эрга тегиш қандай экан?" деса,
"Энди, дугона, ўз ҳаётингни ўзинг ҳал қил. Аммо, мушукни қўйвор. Мушук бу дунёнинг лаззатларини ҳис қилиши керак" деган экан))

Хулосайи калом, "Оила қурма, ажраш, эркин яша" деб, бизнинг оила институтимизга зимдан зарба бермоқчи бўлаётган роҳибаларга парво қилманг! Оиласиз фарзандсиз ҳаёт ҳаёт эмас. Ишонмасангиз, мушукдан сўраб кўринг)

https://t.me/BahodirIskandarov

51 0 0

Sanjarbek Husanov

25 Oct, 07:58

Репост из: Нишондаги гаплар

#ибрат

2017 йил Малайзиянинг Куала Лумпур шаҳрида Менталь арифметика бўйича жаҳон чемпионатида ўғлим иштирок эдти. Мен кузатувчи сифатида у билан бирга бордим. Мусобақада 35 давлатдан 700 нафар 6 ёшдан 14 ёшгача бўлган болалар иштирок этишди. Мусобақа бошланди, ташкилотчилар томонидан шаффофликни таъминлаш мақсадида катта залда ота-оналар учун экранлар ўрнатилган ва тўғридан-тўғри эфирда ҳамма кузатиб турипти. Менинг диққатимни тортган нарса ёнимдаги Ҳиндистондан ташриф буюрган эру- хотин бўлди. Уларнинг ташқи кўринишидан билиниб турипти ўзига тўқ оила эмас. Ўзларини ҳайкалччаларини қўйиб тинмасдан дуо қилишарди.

Мен уларнинг ёнига бориб ўтирдим ва уларни суҳбатга тортдим. “Нимага бунча ҳаяжондасан, менинг ҳам ўғлим иштирок этаяпти, шу ерга келгани ўзи катта ютуқ” дедим. Шунда эри ўзини ҳаётини менга сўзлаб берди. Унинг оиласига ва фарзандига бўлган муносабатни кўриб таъзим қилдим. Унинг ўзи ҳақидаги ҳикояси мени бутунлай лол қолдирди. Бугунги кунда Президентимиз томонидан болаларга, илмга ва ёшларимизни янада маърифатли қилиш учун қилаётган ишларини кўриб ҳамда унга ўз ҳиссасини қўшмаётган ота-оналарни кўрсам шу воқеа доим эсимга тушади. Воқеага қайтадиган бўлсак.

Ҳинд кишининг исми адашмасам Ракеш эди. Унинг оиласи Калькутта шаҳрида яшар экан. Оиласи жуда қашшоқ ҳолда кун кечиради, унинг отаси, бобоси барчаси шундай қашшоқ ҳолда яшаган экан. Унинг таъкидлашича, унга бу авлоддан авлодга мерос бўлиб келаётган камбағаллик жонига теккан ва фарзандлари, набиралари келажакда унга ўхшаб қашшоқликда кун кечиришини хоҳламаган. Узоқ ўйлаб бунинг ягона йўли фарзандига илм бериш ва шу йўл билан бу мерос бўлиб келаётган ботқоқликдан чиқиш йўли эканлигига кўзи етган.

Шундан сўнг эру-хотин туну кун ишлаб топган пулини боласини илм олишига сарфлаган. Яъни айтишича, ҳатто эру хотин фақат нонушта қиларкан, тушлик ва кечки овқат қилмаймиз, яъни у пулни болам ўқишига сарфлаймиз. Агар тўйиб 3 маҳал, яъни ота-онамга ўхшаб топган пулга фақат овқат есак, унда боламни ўқитишга пул етмайди ва у ҳам менга ўхшаб ночор ҳаёт кечиради. Кийим кечакдан деярли воз кечганмиз, 4 та фаслда битта кийим етади ҳамма топган пулимиз математика ва мактабига сарфлаймиз. Илм бу ягона йўл ҳар қандай ночорлик ва камбағалликдан қутилиш ва буюк келажакка умид қилишга куч берадиган мўъжизадир.

Мусобақа тугади, унинг фарзанди учинчи ўринни олди эру хотинни хурсандилигини, ҳаётдан мамнунлигини кўрсангиз эди. Бундай ота-оналар бизда кўпайишини хоҳлайман, яъни фарзандига илм, маърифат бериш учун жон куйдирадиган, кечаси ишдан чарчаб келганда фарзанди ёнига китоб кўтариб келиб ўқиб беринг деганда, барча чарчоқларини унутиб сакраб туриб боласи билан китоб ўқийдиган, соатлаб ижтимоий тармоқларда ўзини кўз- кўз қилиб ўтириш ўрнига фарзандига бадиий китоб ўқиб берадиган, чойхона билан чойхона, ресторан билан ресторан юрмай фарзанди билан китоб дўконига бориб китоб қидирадиган ота-оналарга таъзим қилгим келади.

Бугунги кунда жамиятимизни емирадиган нарса бу маънавият ва маърифатдан узоқлашишдир. Яъни, ўзи ҳаётда бир марта кўрган одамини тўйга чақириб ҳар бирига 125 мингдан 500 кишига пул тўлаб тўй қилади, бироқ инглиз тили репетиторга 300 минг сўм қизғанади. Уч қаватли сарой қуради, йилда бир марта келадиган меҳмон учун катта меҳмонхона қуради, 21 та хонаси бўлиб туриб битта кичкина маънавият ўчоғи бўлган кутубхонаси йўқ инсонлар қанча...

Ҳурматли ота-оналар, бизнинг келажак илмли, зукко фарзандлар қўлида. Шундай экан, келинглар биргаликда келажагимизга мос фарзандлар тарбиялайлик. Биргаликда бу ишни қилмасак ҳеч нарсага эриша олмаймиз.

✍️ Отабек Хасанов
"Лидерлар китоби"

Нишонига тегадиган гаплар фақат бизда: @nishondagi_gaplar_tegadi

42 0 0

Sanjarbek Husanov

25 Oct, 07:43

Репост из: Allaev Uz

Misrda arab tili rasmiy til hisoblanadi. Musulmon dunyosining eng katta mamlakatlaridan birida arab tili davlat tili ekanligi oddiydek ko‘rinadi. Lekin, ichkaridan yagona davlat tili bo‘lgan arab tili bilan vaziyat ancha murakkab. Amalda ikki xil, bir-biridan keskin farq qiladigan arab tillari ishlatiladi.

Fusxa — klassik arab tili bo‘lib, yozuv tili hisoblanadi, lekin nutqda ishlatilmaydi. Uni o‘lik til desa ham bo‘ladi. Uni grammatik strukturasi juda murakkab, xato va so‘z o‘yinlariga imkon qoldirmaydi. Fusxa arab tilining barcha dialektlari otasi yoki onasi hisoblanadi. Xullas, dialektlar Fusxadan tarqagan. Dialektlar bir-biridan shunchalik farq qiladiki, bir arab mamlakatdagi arab dialektida gapiradiganlar boshqa arab dialektida hech narsani tushunmasligi mumkin.

Ammiyya— fusxaning norasmiy bolasi, og‘zaki yoki ko‘cha arab tilisi, tarixi fusxaga taqaladi. Bu bugungi Misrdagi zamonaviy arab tili deyish mumkin. Bu Misrda kino sanoati tili ham. Regionda eng kuchli kinosanoat Mist va Livanga tegishli uchun, ammiyya kino orqali ham arab mamlakatlarida keng tarqaladi.

Ammiyyaning san’atda va hayotda keng qo‘llanishiga qaramasdan, Misrda aksar kitoblar, darsliklar va matbuot fusxada chop etiladi. Misr to‘g‘ri ma’noda ikkita til orasida bo‘linadi. Bu butun boshli millat savodiga ta’sir qilmasdan qolmaydi.

Bolalar ammiyyada til chiqarishadi, lekin o‘qish uchun fusxani o‘rganishga majbur. Bu xuddi kitob o‘qish, ta’lim olish uchun italyanni lotin tilini o‘rganishga majburlashga o‘xshaydi. Tez-tez akademik doiralarda, bahslarda ammiyyaga o‘tish, uni adabiy til sifatida tan olish masalasi ko‘tariladi.

Lekin, jamiyat bu masalada ikkiga bo‘linadi. Bir qism klassik arab tilini saqlashni talab qilsa, boshqa qism yozma manbalar ammiyyaga o‘tishi kerakligini aytadi. Qaysidir manbalar ammiyyada kitob ham chiqarishadi. Fusxaning eng asosiy himoyachisi, umuman fusxada dunyoda eng kuchli bo‘lgan ta’lim dargohi, Islom olamining eng eski Universiteti Al-Azhar hisoblanadi. Ammiyya foydasiga Qohira universiteti kabi asosan zamonaviy ta’lim dargohlari fikr bildirishadi.

Lekin, amalda Misrliklarning katta qismi fusxani bilmasligi uchun mutolaada va tushinishda qiynaladi. Fusxani bilmasdan ijod kilish xam muammo. Bu millatning savod darajasiga ta’sir qilmasdan qolmaydi.

Bu post til bayrami kuni yozilgan, lekin chiqarish ortga qolgan edi. Post nima uchun yozilmoqda, lotin va kirill muammosi bilan, shuningdek yangi so‘zlarga yopiqlik bilan biz ham yozma tilni real tildan uzib qo‘ymasligimiz kerak. Lotin yozuvi masalasini imkon boricha tezroq yopib, qanaqa bo‘lsada variant qabul qilib yoki borini qoldirib, qonun bilan lotinga o‘tishni va bu lotin yaqin kelajakda, masalan yaqin 50-yilda o‘zgarishi mumkinmasligini qabul qilishimiz kerak. Millat yagona yozuvga, yagona standartga o‘tishi kerak. O‘zbek tili jonli til, u jonli til sifatida o‘sishi, yangiliklarga ochiq bo‘lishi, qanaqadir kichik akademik guruhga emas, xalqqa, u o‘qishi va tushunishiga oson bo‘lib rivojlanib borishi kerak. Turk tili yoki hatto shovinist bo‘lgan fransuzlar o‘z tiliga xalqaro so‘zlarni qabul qilishga ikkilanmayotgan ekan, nima uchun biz chet tilidan so‘zlarni qabul qilishga qiynalishimiz kerak?! O‘zi shundoq ham tilimizda katta qism so‘zlar fors va arab tilidan, XX asrda rus tilidan kelgan. Bugun ingliz yoki rus tilidan keladigan yangi so‘zlarga nima uchun yopiq bo‘lishimiz kerak?

Tilimiz sofligi degan hissiyotni tushunaman, lekin bu tilni bir joyda qotib qolib noqulay bo‘lishiga, avlodlarning ta’lim sifatiga ta’sir qiladigan muammoga aylanishiga qarshiman. Bular hammasi vaziyatga o‘ta shaxsiy qarash va fikrlardir.

O‘zbek tilini sevadigan, shu til haqida qayg‘uradigan noshir
Firuz Allayev

23.10.2023

#til
@allaevuzb

43 0 0

Sanjarbek Husanov

22 Oct, 07:40

Репост из: Mubaşşir Ahmad

Тил дин, маданият ва ахлоқ ташийди. Мен зарурат бўлмаганда ғарбда яшашни ҳалол ҳисобламайман. Зарурат - дини, жони ва молига ҳалокат хатари юзага келишидир. Шунда ҳижрат қилинади. Тирикчилик ўтказиш эса зарурат ҳисобланмайди. Тирикчилик сабаб ҳижрат қилишга мусулмон мамлакатлар бор.

Исломини ўрганиб, унга тўлиқ амал қила бошлагач, яъни иммунитет ҳосил қилгачгина, таълим учун чет элга юборилиши мумкин. Ота-оналар, бунга диққат қилинг!
Нега бундай кескин фикрлаётганимни эса қуйидаги шахсийга юборилган мактуб изоҳлаб беради:

====
Ассалому алайкум устоз. Бу ёзаётганим уз ҳаётимизда булган бошимиздан утқизган Реал ҳолат,сизга бир узбек қизи сифатида қолган миллатдошларимиз уқиб урнак булиши учун ёздим.

Биз Германияда яшаймиз. Эр ҳотин зиёли уқимишли нуфузли Университäтларни магистр даражасигача битирганмиз. Фарзандларимиз мактаб ёшида Германияга келди бу ерда мактабда уқиб немис тилини ва қушимча инглиз тилини ургана бошлади.

Шунчалик тилни яхши узлаштиришдики, ҳатто она тилимиз узбек тилини унута бошлади. Секин аста уйда немис ва инглиз тилида гаплашишди, аввалига улар бн росса фаҳрландик, ҳамма яқинларимизга бу ҳақида огиз кöпиртириб гапириб,уларни немис ва инглиз тилида гапирган Видеоларини мақтаниб тарқатардик, айниқса она сифатида Мен бу ишни бажонидил қила бишладим.

Фарзандларим бора бора уйда биз узбеча гапирсак гапларимизга тушунмасликни,ёки бизни устимиздан кулишлик одати пайдо булди. Секин аста бизни узбекча гапларимизга реагиерт қилмай қуйишди. Қанча курашмайли улар бир бирлари бн фақат шу тилларда гапиришадиган булишди. Майли чет элда яшаган бола шу эканда, деган ҳаёл бн таслим булдик.

Углим фақат инглиз тилида контент куради Мен буни тил урганиши учун яхши деб уйладим ва кураётган видеоларини кузатиб турибман у беҳаё эмас деб уйладим. Улар бн ҳар куни утириб гаплашамиз энг коп вақтимизни уларга сарфлайм7з аслида. Бир куни углим ислом динига қарши фикрлар билдириб қолди, шунда туҳта туҳта сен буларни қаердан олдинг дедим, у эса инглиз блогерларида эшитганини айтди.

Мен унга қаттиқ тақиқлар қуя бошладим, лекин фарзандларим бу пайтгача инглиз ва немис тилларида ҳар уз ҳуқуқлари ҳақидаги видеоларни кöравериб Мен бн қандай öзини ҳимоя қилиб гаплаша олишини ҳуллас ҳамма Демократие ҳуқуқларини урганиб булган экан. Бир куни кечаси соат 2:30ларда уйимизга полиция келди.

Дадаси икковимиз шокка тушиб қолдик, сабаби фарзандингиз уз жонига қаст қилмоқчи экан, бизга бир дугонаси телефон қилиб айтди деди, улар уйимизга кирди ва у бн ёлгиз гаплашишди. Нималарни öргатишди билмадим шулар келиб кетганидан кейин фарзандим мени умуман менсимай қуйди, гапирсам ҳудди кучадаги бегона бн гаплашгандай эмоцияларсиз гаплашадиган булди.

Ҳозир Мен учун дунё қоронгу. Нима қилишимни билмаяпман. Тил билиш биз учун бундай мусибатларга ҳизмат қилишини билмаган эканман, дунёвий Илм ислом билан бирга ургатилмаса мусибат келтирар экан. Энди тушундим исломи юқ ривожланган давлатларда нима учун дунёвий Илм чöққига чиққанига қармай одамлар бахтсиз эканини.

@MubashshirAhmad

48 0 0

Sanjarbek Husanov

22 Oct, 05:53

Репост из: ??????? ?????????? ✍?

ЯПОНИЯНИНГ ҚОРА ТОМОНЛАРИ!

Ассалому алайкум, хурматли ўқирманлар. Бугун Япония ҳақидаги тасаввурларингизга бир-икки тарсаки тушираман)

Шу десангиз, охирги пайтлар бошқа миллатларни кўкларга кўтариб, ўзимизни ерга урадиганлар пайдо бўлибди. Шунақа тоифалар ҳамма гапга ишониб кетаверишади-вей. Келинг, Японлар ҳақида сизга ёқадиган қилиб битта факт айтаман. Ҳамма жойда гапириб юрасиз. Хуллас, Японлар шу даража маданиятлики, ҳаттоки, "Товуқ билан Хўрозни никоҳи йўқ. Демак, товуқни туҳумини ейиш гуноҳ бўлади" деб, товуқлар ва хўрозларни заксдан ўтказишиб, кейин туҳум ейишади. Ана маданият, мана маданият!

Кейин, бизнинг ижтимоий тармоқларда Японлар ҳақида урчиган яна бир ёлғон маълумот бор. "Японияда, ўқитувчиларни кўриб қолишса метроларда, автобусларда жой беришар экан. Ана, маданият, мана маданият"! Шуларга бир гап айтай: Бекорларни бештасини айтибсиз. Японлар ўлган бобоси тирилиб келса ҳам, жой бермайди.

Қарияларгаку, умуман жой беришмайди, кўпчилиги. Безрайиб, телефондан кўз узмай, ёки ўзини ухлаганга солиб кетишаверади. Бу томонлама, биз Ўзбеклардаги тарбия аъло даражада. Японияни ўзида, нечтадан-нечта қариялар, аёлларга деярли ҳар куни жой бераман ўзим. Бир нечта Ўзбек танишларим ҳам шундай қилишини айтишади. Жой берсангиз илтифотни кўриб, жуда хурсанд бўлиб қолишади.

Қарияларга, ногиронларга, ҳомиладор ва боласи борларга алоҳида жой қилиб қўйишган. Аммо, ўша ерга ҳам без бўлиб ўтириб олишади. Жуда кўп Япондан "Нега шундай қиласизлар? Жой бермайсизларми? деб сўраганман. " Биз ҳам ишдан чарчаб чиқамиз, ўзинг учун ўл етим" қабилида жавоб беришади.

Японларни метро, поездлари биз болаликда ўйнаган, "Мусиқий стул" ўйини билан бир хил. Эсладингизми? Анжон полкасини мусиқаси кетади. Мусиқа тугашига улгурган ўтириб олади. Японларни метроларида ҳар куни шу аҳвол. Метрони эшиги очилишига орқасини тўғирлаб бўш жойга ўзини уришади. Қариялар, кучсизлар ўйинда ютқазишади!

Гап исботи билан деганларидек, расмда, қўлимда чақалоқ, ёнимда яна битта ўғлим, махсус боласи борлар, қариялар, ногиронлар учун мўлжалланган жойга яқин жойда тик туриб кетаябман. У жойда эса, на қария, на боласи бор, на ногиронлиги бор, на қалби бор, на виждони бор маданиятли Японлар ўтириб олиб, кўзларини телефондан узмай кетаябдилар. Менку майли, забардаст йигитман😁 Орқамдаги эри-хотин қарияларга қаранг. Бечоралар поезд қимирлаганда йиқилиб тушай-йиқилиб тушай базур кетишаябди. Бир инсон қарияларга жой бергиси келмади.

Хулосайи калом, ҳар қандай ривожланган давлатни яхши томонларини албатта ўрганишимиз керак. Аммо, ёмон томонларидан хулоса чиқаришимиз керак. Японларни Япон қилиб турган жиҳат, қонунлар ва тизим. Бизда ҳам қонунлар ишлаб, бир тизимга тушиб олсак, анча-бунча миллатга наъмуна бўладиган ДИНИМИЗ, маданиятимиз, урф одатимиз, қадриятларимиз бор. Ўзингизни ерга уришни бас қилинг!

Бошқа миллатни кўкларга кўтариб, ўзимизникиларни ерга урадиганлардан, туҳум ейишда никоҳини суриштирадиган даражада калтафаҳмлардан бўлиб қолмайлик деганлар ЁҚТИРМАНИ босинг))

Telegram / Facebook / Instagram / You tube

43 0 0

Sanjarbek Husanov

21 Oct, 09:23

Хулоса шуки, шўро тузуми даврида ҳамда ҳозирги кунда ғарб томонидан мусулмонларни айнитиш, тўғри йўлдан адаштириш учун "ислом дини мафкураси шодлик ва ҳаёт қувончларининг кушандаси" деган ғояларни сингдириш ва бу орқали динни қоралашлари оқибатида тараққиётдан мисли кўрилмаган даражада орқада қолиб келмоқдамиз.
Бу каби бузғунчи ғоялар энг адолатсиз ва асоссиз ғоялар бўлиб, Аллоҳ кўрсатиб берган тўғри йўлдан юрмаган миллат буёғига ютқазади, аламли мағлубият азобини чекишга мажбур бўлади...

33 0 0

Sanjarbek Husanov

21 Oct, 09:23

Rajab Ro'zimuhammad ёзмоқдалар:

Интернетга кирсам фақат қалбим оғрийдиган бўлиб қолди. Шунинг учун кам киришга ҳаракат қиламан. Энг қаттиқ азоб берадигани Ислом динини қораловчилар кўпайиб кетганидир. Мусулмонларнинг қолоқлигига уларнинг эътиқоди асосий айбдор деб қаровчи адашганлар кўпайган.
Гўё дин бизни қашшоқликка, илмсизлик ва жоҳилликка элтганмиш, уларнинг фикрича. Бу жудаям нотўғри қарашлар бўлиб, ўзидан ақлли ясаб олган бундай ғаламисларнинг гапларига кўпам ишониб, эргашиб кетавермаслик керак.

Асл ҳақиқат эса қуйидагича:
Мусулмонлар бутун инсониятни уйғотишган. Илм ва маърифатни мусулмонлар ривожлантиришган. Бугунги кашфиётларнинг калити мусулмонларнинг қўлида бўлган. Ўша вақтларда мусулмонлар динга жуда яқин эди. Шунинг учун улар илғор эди.
Бугунга келиб, мусулмонлар диндан, Қуръон ва ҳадислардан мисли кўрилмаган даражада узоқлашишди. Шунинг учун орқада қолиб кетмоқдамиз. Менинг хулосам шундай. Хато бўлса хатолигини исботлаб, фикримни тўғирлашингизга яъни соғлом баҳсга тайёрман.
Диндан ҳам илмдан ҳам узоқлашиб кетган бир авлод чиқиб, ўзича динни айблаб ўтирибди.
Ғарб мусулмонларга кўрсатилган тўғри йўлни ўрганиб, шундан фойдаланиб ривожланиб олди. Ислом динига амал қилишмасада, унда кўрсатилган тўғри йўлни билиб олиб ҳаракат қилишди ва тараққий этишди. Бугунга келиб ғарб ўзининг аввалги адашган йўлига ўтиб бормоқда ва уларни мисли кўрилмаган таназзул қарши олмоқда.
Кўр-кўрона тақлид ва ҳавас билан бу масалаларга фикр билдиришни нодонлик деб биламан.

Илон Маск ойга чиқиш ҳаракатида юрганида, биз калта юбка, соқол-рўмолдан нарига ўтолмаяпмиз, -деган мазмундаги жудаям кўп постларга кўзим тушади. Илон Масклар ғарбнинг Аллоҳ кўрсатган йўлдан фойдаланиб, эришган ютуқлари меваси. Буёғига ғарбда бошқа Илон Масклар етишиб чиқмайди.
Илон Масклар етишиб чиқиши учун ғарб асрлар давомида изланган. Ғарб жамияти соғломлашган. Рост гапириш, тартибли яшаш, ҳалоллик ва ҳоказолар қонунан маданият даражасида яхши шаклланган. Шунинг учун мисли кўрилмаган кашфиётлар бўй кўрсатган. Бугунга келиб тобора айниб бораётган ғарб жамиятидан Илон Масклар етишиб чиқмаслиги аниқ.
Бизга эса ривожланишимиз учун, ойга учиш ҳақида ўйлашимиз учун ҳали бор бўлиб, жамиятда тарбия ва тартиб интизом ўрнатилиши, қонунларга риоя этилиши, ҳар ким ўз ишини виждонан бажариши, кийиниш, муомила ва мутолаа маданиятлари шакллантирилиши лозим. Ғарб ривожланишидан олдин шу санаганларимни ўз жамиятида тўғри шакллантирган. Кейин ривожланган. Ғарб жамиятида бугун тарбия, тартиб-интизом, кийиниш - муомила-мутолаа маданиятлари буткул барбод бўлишни бошлади. Оила институти таназзулга юз тутиши авж нуқталарига қараб кўтарилмоқда. Буёғига қолоқлик, таназзул ва маънавий қашшоқликнинг, маданиятсизликнинг меваси ўлароқ Илон Масклар етишиб чиқмаса керак ғарбда.
Шундай экан Илон Маск ойга учиш ҳақида ўйлаб юрганида биз ундай, биз бундай ...-дейдиган аҳмоқона постларни қўйишдан тийилиш керак бўлади.

Ривожланиш ва тараққиётга Аллоҳ кўрсатган тўғри йўлдан юрилсагина эришилади. Бошқа ҳеч қандай йўл йўқ.

Жамиятда кийиниш маданияти билан боғлиқ муаммо борми, бор. Қўйиб беринг муҳокама қилиб, тўғри йўлни топиб олсин. Олимлар ва уламолар ҳам бу ишга жиддий аралашиши лозим.

Жамиятда муомила маданияти билан боғлиқ муаммо борми, бор. Қўйиб беринг, баҳслашиб тўғри йўлни топиб олишсин. Бу ишга ҳам олимлар ва уламолар ёрдами сув ва ҳаводай зарур.

Жамиятда мутолаа маданияти билан боғлиқ муаммо борми, бор. Қўйиб беринг баҳслашиб, тўғри йўлга тушиб олсин. Бундаям олимлар ва уламоларни вазифаси муҳим аҳамият касб этади.

Жамиятда эътиқод билан боғлиқ муаммо борми, бор. Бор бўлгандаям энг жиддий даражага кўтарилган муаммо бор. Қўйиб беринг соғлом баҳслашиб, тўғри йўлга тушиб олсин. Бу масала олим ва уламоларсиз ўта жиддий тус олса оладики, ўнгланмайди...

Мен тўртта энг жиддий муаммони санадим. Буларни тўғри йўлга қўймасдан туриб, Аллоҳ кўрсатган тўғри йўлда юрмасдан туриб ойга учиш ҳақида гаплашиш ёки пост улашишни аҳмоқона деб баҳолаганим боиси шу...

42 0 0

Топ 4 ошибки оформления канала

Атомный конкурс uz

Чистая Энергия ӏ Sof Energiya UZ

Sanjarbek Husanov

Гео и язык канала

Категория

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

Sanjarbek Husanov

83

Популярное в канале

Язык сайта

Топ 4 ошибки оформления канала

Атомный конкурс uz

Чистая Энергия ӏ Sof Energiya UZ

Sanjarbek Husanov

Гео и язык канала

Категория

83

Популярное в канале