Ҳиссиёт = нохолислик?

1948 йили Жероме Брунер қизиқарли тадқиқот ўтказади:

Болаларга 3 та бир хил ўлчамдаги тангалар берилади. Топшириқ: тангалар ўлчамини таҳминий аниқлаш.

Тангалар — нейтрал, ижобий ва ўта салбий хусусиятга эга 3 та ҳар хил рамз:

1. Хат;
2. Пул;
3. Гитлер белгисидан иборат эди. (расмни кўринг)

Тадқиқот натижасига кўра:

Ижобий ва салбий ҳиссиёт берувчи — пул ва Гитлер рамзлари аслидан-да каттароқ кўриниши аниқланади.

Яъни вазиятга ижобий ё салбий ҳиссиёт билан қараш — бизни адаштиради. Нохолис фикрлашимизга сабабчи бўлади.

Тадқиқотдан педагогик хулосалар:

1. Севимли ўқувчингиз қилган кичик иш ҳам сизга каттадек кўринади. Юқори баҳолайсиз.

2. Сиз ёқтирмайдиган ўқувчилар қилган оддий ҳаракатлар эса сизга ўта қўпол туюлиши мумкин.

Ҳаётий хулосалар:

1. Севиб қолган инсонингиз аслидан-да чиройлироқ кўринади;

2. Кимдандир нафратлансангиз — кичик камчиликлари ҳам катталашиб кетади.

Қиссадан ҳисса:

Ҳиссиётни четга суринг — холис кўрасиз.

@Ustoz_kundaligi