Включи Счастье на максимум!

Счастье — это навык: тренируйся с нами!

Залью подписчика по 3 рубля

В любую тематику, с мелких регионов. 5% за работу.

вдохновляющие истории

вместе исследуем красивые уголки Канады и не только.

Статистика Избранное

Усмон Азим ижоди

@UsmonAzimijodi

Гео и язык канала: Узбекистан, Узбекский

Категория: Блоги

Ўзбекистон ҳалқ шоири Усмон Азим ижодидан баҳраманд бўламиз

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Усмон Азим ижоди

4 Apr, 21:56

***
Сенсиз маст-аласт айландим дунёни,
Сенсиз тонг каби хушёр кездим
ўша маст- аластликнинг ичида.
Сенсиз яшадим-
бировнинг дунёсида кун кўраётгандай,
Сенсиз ёлғиз кездим одамларнинг орасида,
Сенсиз ҳақиқат қидирдим юрагимни йиртиб!
Сенсиз фарзандли бўлдим
(оҳ, уларни жон дилдан суйдим сенсиз!)
Сенсиз тўйлар қилдим
(фақат шўҳ қўшиқлар айтилди, Мақомдан қўрқади булар.
Иккаламиз учрашмоғимиз мумкинда бирор нолада!..),
Сенсиз кулдим (ўзинг кечир, жондан суйганим!),
Сенсиз сочларимга оқ тушди,
Сенсиз йиғладим,
ва шеърлар ёздим сенсизликдай даҳшатли – англадим:
Умримнинг қолгани ҳам сенсизлик...

Энди... сенсиз яшагим келмаяпти,
Азизим.

Усмон Азим

https://t.me/UsmonAzimijodi

1.4k 0 32 5 79

Усмон Азим ижоди

4 Apr, 17:49

***
Биздан олдин ҳам
одамлар яшаганми?

Биз каби яшаганми улар?
Ўлимни ҳам ўшалар
ўйлаб топганми?

Барака топгурлар…

Усмон Азим

https://t.me/UsmonAzimijodi

1.8k 0 17 68

Усмон Азим ижоди

3 Apr, 21:19

***
Бўлмагайдир кемалар дохил,
Бу оролга тўлқинлар қайтмас,
Бандаргоҳсиз, умидсиз соҳил -
"Кут!.." сўзини бирор кас айтмас.

Бу оролда қувонч зиндонда,
Бу оролда ҳурдир фақат ғам.
Бу оролда боқдим осмонга -
Қуёши йўқ, юлдузлари кам.

Турналар ҳам этмайди парвоз -
Баҳор келмаслиги ғалати.
Бу оролда ҳар лаҳзам дорбоз -
Мудом қалтис мувозанатим.

Бу оролнинг ҳаёти майда,
Фақат... Фақат юраги йирик -
Бу беънажoт, беҳаёт жойда
Шеър ёзаман... Шеър ғоят тирик!

Етти қават кўкдан келган нур
Руҳу қалбга майин қуйилар.
Баъзан сенсиз қолган бу умр
Тангри инъомидай туйилар...

Усмон Азим

https://t.me/UsmonAzimijodi

2.1k 1 36 8 71

Усмон Азим ижоди

2 Apr, 23:02

***
Менга маъқул эмас олти томон ҳам,
Аллақачон аён барча пинҳон сир:
Тўрт тараф девордир, осмон - армон - ғам,
Бизлар тепкилаган замин сабрдир.

Бундай аёнликда яшаш - ғуссали.
Кўнгил дарддан асрор истаган ул дам
Еттинчи тарафга учдим - сен сари.
Қанотсиз парвозни ўргандим, Эгам!

Усмон Азим

https://t.me/UsmonAzimijodi

2.4k 1 40 10 93

Усмон Азим ижоди

2 Apr, 17:23

Репост из: Erkin Vohidov nomidagi ijod maktabi

#Ijod_bogʻi_oqshomlari

❤️‍🔥Xabaringiz bor, Ijod maktablari o‘quvchilari o‘rtasida IJODIY OLIMPIADA 3-, 4-aprel kunlari Erkin Vohidov nomidagi ijod maktabida o‘tkazilmoqda. Shu ilhombaxsh kunlar bahonasida she’rlashsak, kuylashsak "Ijod bog‘i oqshomlari" loyihasini o‘tkazsak nima deysizlar!!!

⭐️Yana bir go‘zal tongni Erkin Vohidov nomidagi ijod maktabida kutib olamiz.

▶️Kechamizda O‘zbekiston xalq shoiri, Usmon Azim aziz mehmon bo'ladi.

😎3-aprel, soat 19:00da ko‘rishamiz.

💻Ha aytgancha she’r-u, qo‘shiq bayrami bo‘lgan "Ijod bog‘i oqshomlari" loyihasi Erkin Vohidov nomidagi ijod maktabida o‘tkaziladi.

🕸Hozirning o‘zida do‘stlarga ulashib qo‘ying.
Hech kim shunday madaniy hordiqdan quruq qolmasin!

😎Erkin Vohidov nomidagi ijod maktabining ijtimoiy tarmoqdagi sahifalari👇

👉TelegramI OromgohI FacebookI YoutubeI O‘zbegim👈

2.2k 0 6 16 29

Усмон Азим ижоди

2 Apr, 17:16

***
Мен чарчаб сенга суяндим, ҳақиқат.
Соат бонг урмоқда,
Гаплашайлик, кел.
Қўрқма,
Ўтиб кетди бир кунлик даҳшат.
Бугун, иккинчи апрель,
Ҳақиқат.
Иккинчи апрель..

Усмон Азим

https://t.me/UsmonAzimijodi

2.9k 1 45 6 65

Усмон Азим ижоди

2 Apr, 14:33

Денгизнинг сўнгги бор.
Саҳролар тугайди.
Сен – сўнгсизсан, муҳаббат.

Қўлларингни бер,
Тафтида исинай.
О, баттар тирикман
оловингда ёнганим сайин.

Сени кезиб,чарчамайман,
Сенда сузиб, чўкмайман.
Сенда учиб,
юксалганим сайин юксалган.

Кўзларинг – тиниқ осмон…
О, нақадар бесарҳад дунёсан!
О, нафас нафасга туташди!

Тириклик – лабларимиз орасидадир,
муҳаббат.

Усмон Азим
Коллаж китобидан

https://t.me/UsmonAzimijodi

2.3k 0 16 13 43

Усмон Азим ижоди

1 Apr, 17:38

***
Жуда хотиржамман бу куз кунлари,
Сокин ғуссаларга юрак йўлиққан.
“Оҳ”ларсиз дардларга етган мунгларим –
Жуда тўлиққанман, жуда тўлиққан.

Хазонли суҳбатда кетмайман ёниб:
Шукур, Тангри кузни уч ойга чўзди...
Менга ҳам, кузга ҳам оқибат аниқ:
Фақат англамоққа бахш этдик ўзни.

Намиққан боғлардан тумандай кўчиб,
Бевазн борамиз – умр руҳга жам:
Сўнг барглар тушади бандидан учиб –
Аммо хотиржаммиз, жуда хотиржам!

Мана, устимизга жимжит қўнди қиш,
Бесаноқ кумушранг вужуди билан...
Яхши иш бошлади, жуда яхши иш –
Баҳорни яратмоқ бошланди биздан!

Фалакка интилмай, бедор тоқатда,
Ерга қоришмоқдан топиб чин маъни –
Чўкиб бораяпмиз фақат тупроққа,
Илдизга, илдизга етиб боргани!..

Усмон Азим

https://t.me/UsmonAzimijodi

2.9k 0 43 9 57

Усмон Азим ижоди

1 Apr, 01:12

***
Ваъда бер! Ваъда бер,
Дунёга қарашга –
Ҳатто ўлмасам ҳам,
Бемалол яшашга.

Ваъда бер! Ваъда бер,
Ёнишга, ёнишга!..
Мабодо ўлсам ҳам,
Яшашда қолишга.

Ваъда бер! Ваъда бер,
Армонни кўмишга,
Менсиз ҳам, менсиз ҳам
Ҳаётга кўнишга.

Кетишнинг қайтиши
Борми, билмадим...
Йиғла! – Қайтмаслигим
Тилаб йиғлагин.

Усмон Азим

https://t.me/UsmonAzimijodi

3k 0 28 6 62

Усмон Азим ижоди

1 Apr, 01:10

ҲАЙРАТ

Тавба!
Шу иморат олдида ҳам
Дарахт гуллади.

Усмон Азим

(Шоир асли қай бир иморат олдида гул очилишига ҳайратланган, буниси бизга қоронғу. Лекин аминман ҳар биримизнинг кўнглимиздан шу фикр ўтадиган иморатлар бор!!!)
https://t.me/UsmonAzimijodi

2.7k 0 6 36

Усмон Азим ижоди

29 Mar, 20:06

Ҳаёт қўшиғи

Боғ қўйнида икки дарахт -
Бир-бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр.

Аммо баҳор келганида
Очилиш керак экан.
Гулу мева, хазон бўлиб,
Сочилиш керак экан.

Шамолларга дилим ёрдим,
Гул-япроқлар тилида.
Ел кафтида олиб келган
Ҳар шивиринг дилимда.

Аммо баҳор келганида
Очилиш керак экан.
Гулу мева, хазон тўкиб,
Сочилиш керак экан.

Ерга боғлаб қўйилганман,
Илдизим ер остида.
Кечалари шовуллайман,
Боқиб бўйи бастингга.

Аммо яшаш керак экан,
Очилмоқ керак экан,
Гулу мева хазон тўкиб,
Сочилмоқ керак экан.

Боғ қўйнида икки дарахт -
Бир - бирига интизор.
Сен - бир дарахт,
Мен - бир дарахт,
Куйиб-куйиб ўтдик, ёр!

Усмон Азим

https://t.me/UsmonAzimijodi

4k 0 46 8 99

Усмон Азим ижоди

28 Mar, 22:15

***
Кўмилгансан тонгдан кечгача ишга,
Тақдирни ўзгартмоқ бўлган фаришта.

Ҳаётдан зарра ҳам этмайсан гина,
Гарчи кўйлакларинг иккитагина.

Туфлингга ҳеч қачон қўнмайди ғубор,
Уста умрин чўзган унинг неча бор.

Яшашинг – ҳалолдир, меҳнатинг – ҳалол,
Сўзларинг – таъмизли, ўйларинг – зилол.

Қарашинг – меҳрдир, равишинг – рағбат:
Жонда кўтармоққа арзийсан фақат.

– Уйим бўлса эди! –
“Оҳ” урма туйқус!
Фаришта азалдан яшаган уйсиз…

Усмон Азим

https://t.me/UsmonAzimijodi

3.5k 0 55 3 107

Усмон Азим ижоди

28 Mar, 21:45

* * *
Ҳеч ким билан ишим йўқ.
Бир ўзим
яшаяпман.
Дунёдан кенглигини сездим
юрагимнинг.
Мен уни бир томчи ёшимга
жо этолсайдим.
Юрагим бир томчи ёшга айлангунча
неча дунёнинг умрини яшайман?.. Фақат
тез-тез ўлиб туриш лозим.
Фақат
узлуксиз тирилиб туриш шарт.
Ва бир баргликнинг
мунтазам титроғи керак менга.
Ва бир илдизнинг
бу баргга садоқати. ҳамма нарса
ўтади.
Фақат
қолса кўз ёш қолади.
Бу дунёнинг чегарасини
фақат кўз ёш буза олар.
Чексизликдан нари
олмосдай ярақлаганда,
Тангрим
жирканмайди ундан.
Тангрим
жиддий боқар унга.
Тангрим
ўз заррасига қарагандай
унга қарайди...

Усмон Азим

https://t.me/UsmonAzimijodi

3.6k 0 21 1 39

Усмон Азим ижоди

28 Mar, 16:01

Hali siz yo'qsizu
Sog'inchingiz bor...
Visolga chiqaman yuragim yonib,
Sizga tutqazaman
Yam-yashil bahor,
Yerga tushirasiz-qo'lingiz tolib.

Hali yonimdasiz.
Ammo bir savdo
Boshimda aylanar changalin yozib.
Men tortiq etaman yozni...
Beparvo
O'tasiz-
Avgustning ko'ksini bosib.

Hamon dil talpinar
Sizday olamga.
Ishqning anduhiga hamon jon bog'liq.
Sizga kuz beraman...
Kuzgi olamdan
Olib qololmaysiz biror bir og'riq.

Endi fasllarim qolmadi manim-
Ufqda eng so'nggi kunduzim ado.
- Qishing qayda qoldi?- bo'zlaysiz...
Jonim!
Bilmaysiz,
Uch fasl berganin Xudo.

Usmon Azim

https://t.me/UsmonAzimijodi

3.8k 0 55 9 73

Усмон Азим ижоди

27 Mar, 10:32

***
Ўсдинг, одам, боғлардан ўсдинг
Шонинг ўсиб достонга етди.
Ўсдинг, одам, тоғлардан ўсдинг —
Бошинг ўсиб осмонга етди.

Мақтовларга беравер бардош —
Одам, нега ғамгин юрибсан?
Кимдир сени атади «қуёш»—
Сен кўз ёшсиз йиғлаб турибсан?

Усмон Азим

https://t.me/UsmonAzimijodi

3.9k 0 20 7 78

Усмон Азим ижоди

26 Mar, 12:24

* * *
“Мени ҳали эслаб юрасиз”, —
деди бир аёл.
“Йўқ, — деди у. — Сизни
эслайдиганлар жуда кўп.
Мен эса, ҳеч кими йўқ
бир аёлни эслайман,
Худо хохласа;
ҳеч кими йўқ
бир аёлни соғинаман,
Худо хоҳласа”.
Ташқарида —
хазон ёғар.
“Қайси йилнинг хазони?
Бу суҳбат
қаердан келди?
Нега бунча ғуссали? Нега
бирдан соғинч ўртади жонимни?
Ҳеч кими қолмадимикан у аёлнинг?
Бир ўзи юрганмикан дунёда тентираб?
Излаб борсаммикан?..”
Ташқарида —
Хазон. Шамол.
Куз ёмғири.
Нималарни
хоҳлаяпти
Парвардигор?
Йўл эса,
унча олис эмас:
ўттиз беш кузакдан
ўтилса,
бўлди.

Усмон Азим

https://t.me/UsmonAzimijodi

4.2k 0 28 24 101

Усмон Азим ижоди

25 Mar, 20:08

Елади бедов қисмат,
Умр оқади елдай:
Кимдир шамолдай кечар,
Кимдир босади селдай.

Дунё қилмишга қараб,
Такдир йўлин очади:
Кимдир йиғар ютоқиб,
Кимдир элга сочади.

Бировни йўлга солмоқ
Келмас банда қўлидан:
Кимдир қорин деб борар,
Кимдир имон йўлидан.

Кимдир дунё жамлайди,
Кимдир довруғ таратар.
Кимдир элни ямлайди,
Кимдир элни яратар.

Дунё эса ҳисобли!
Бори аён Тангрига-
Кимни ютар қаро ер,
Кимни олар бағрига...

Усмон Азим

https://t.me/UsmonAzimijodi

6.3k 1 46 6 81

Усмон Азим ижоди

25 Mar, 11:32

Ван Гог ҳақида ҳикоя

Ташқарига қара,
«Севаман» деб шивирлар қуёш нурлари
Япроқлар қулоғига.
(Ичкарида хотининг тақдирини қарғар).

Ташқарига қара,
Ҳовлида кезиб юрибди баҳор ва чумчуқлар.
(Ичкарида стол устида хат:
«Олган қарзингизни тўлаб қўйсангиз!»).

Ташқарига қара,
Баҳор ҳавосига юзини босиб
беланчак учмоқда эрка майсалар.
(Ичкарида мувозанатини йўқотгандай қийшайиб турар,
уч қишдан омон қолган меҳнаткаш ботинканг).

Ташқарига қара,
ташқарига!..
(Ичкарини елканг билан ҳам кўраверасан...).

Усмон Азим

https://t.me/UsmonAzimijodi

4.8k 1 36 11 80

Усмон Азим ижоди

24 Mar, 22:15

***
Эртаксевар жоним,
Сен мени ўлдирмоқ истайсан.

Мен минг бир кеча эртак айтаман.
Минг бир кеча
Биринчи нигоҳнинг эртагини.

Эртаксевар жоним,
Мени ўлдира қол.

Аммо такрор айтаман –
Кўзларнинг илк учрашувидан бошқа
Муҳаббатнинг эртаги йўқдир!

Усмон Азим

https://t.me/UsmonAzimijodi

3.8k 0 29 5 72

Усмон Азим ижоди

24 Mar, 21:46

***
"Мени қарғишинг урди", деди эркак.
"Мен сизни қарғамаганман", деди аёл...

Эркак жим қолди.
Англади,
Демак,
Уни Худо урган.
Шундай аёлни ташлаб кетгани учун
Худо урган!..

Усмон Азим

https://telegram.me/dilgamaktublar

4k 1 50 7 100

Показано 20 последних публикаций.

3 975

подписчиков

Статистика канала

Популярное в канале

Елади бедов қисмат, Умр оқади елдай: Кимдир шамолдай кечар, Кимдир босади селдай. Дунё қилмишга ...

...Шеър ўқима- Дунёнинг торлигини билиб қоласан. ... Шеър ўқима- Юракнинг борлигини билиб қоласа...

ОИЛА У ҳеч нарсага эришолмади; Пули йўқ, Мансаби йўқ, Катта танишлари йўқ. Машинаси эски, Орзуси...

Ван Гог ҳақида ҳикоя Ташқарига қара, «Севаман» деб шивирлар қуёш нурлари Япроқлар қулоғига. (Ич...

* * * “Мени ҳали эслаб юрасиз”, — деди бир аёл. “Йўқ, — деди у. — Сизни эслайдиганлар жуда кўп. М...