"Ўсмат ота" масжиди

Яхшиликнинг эшиклари кўп

Абу Зарр Ғифорийдан ривоят қилинади: «Пайғамбар соллаллоҳу алайҳи васаллам айтдилар: “Инсон борки, ҳар куни учун садақа бериб туриши шарт”. Шунда саҳобалар: “Эй Расулуллоҳ, биз садақа қилинадиган бунча нарсани қаердан топамиз?” – дейишди. Пайғамбар соллаллоҳу алайҳи васаллам: “Яхшиликнинг эшиклари кўп: тасбеҳ (субҳаналлоҳ), таҳмид (алҳамдулиллаҳ), таҳлил (ла илаҳа иллаллоҳ), савобга чорлаш, ёмонликдан қайтариш, йўлдан зарар берувчи нарсаларни олиб ташлаш, қулоғи эшитмайдиганга эшиттириш, кўрни етаклаш, ҳожатманднинг ҳожатини раво қилиш, йиқилганни суяб турғизиш. Мана буларнинг ҳаммаси ўз номларингиздан қилган садақаларингиздир”, – дедилар».

Имом Термизий ва Абу Ҳотим ривоят қилганлар

@usmat_ota

#шеърият

МАДИНАМ

Висолинг қумсайди кўнгиллар такрор,
Ҳаёлдан ўтасан, кўзлар бўлар нам
Дeрларки: "Бир эмас, икки қуёш бор",
Ҳабибим дуосин олган Мадинам...

Зарра тупроғинг ҳам бахтли нақадар,
Набийнинг муборак изи мужассам
Бағрингдан энг хушбўй ифор таралар,
Ҳар жой сакинатга тўлган Мадинам...

Дунёлар ичра гўзалсан, кўркам,
Эсган шамолинг дилларга малҳам
Ҳазрат Абу Бакр сиддиқлигию,
Умар адолатин кўрган Мадинам...

Бақиъдек не улуғ бир қабристоннинг,
Қанийди мен ҳам бағрида бўлсам
Ҳаёсига гувоҳ шаҳид Усмоннинг,
Али заковатин билган Мадинам...

Кунлар ўтган сайин ўртайди фироқ,
Қалблар яқин-у, лек, манзил йироқ,
Биз унга, у бизга маҳбуб ўлароқ,
Устида Уҳуди бўлган Мадинам...

Саҳобалар содиқ бўлдилар ҳар дам,
Шаҳидлар Жаннатда бўлажаклар жам,
Ўлик дейилмаслар, жон берсалар ҳам,
Ҳамза жанозаси ўтган Мадинам...

Холид олган эди "Сайфуллоҳ" номин,
Ислом-чун хатарга қўйишган жонин,
Билолнинг азони янграган замин,
Неча улуғ шахслар ётган Мадинам..

"Саҳийлик денгизи", ул ибн Жаъфар,
Айтай Ҳофизларни, Қуръонда маҳкам,
Убай ибн Каъб-у, ибн Масъудлар,
Солимдек қорилар ўтган Мадинам...

Ҳузайфа бўлганди Набийга сирдош,
Нури Ислом билан ёришди олам
Сенда масрур эрур,  ҳатто тоғ-у тош,
Саодат лаззатин тотган Мадинам...

Хуллас, таърифингни тугатолмам ҳеч,
Лек, ортиқ ёзмоққа ожиздир қалам
Қумсар сени диллар эрта бирла кеч,
Ансорлар Ҳабибин кутган Мадинам,
"Марҳабо" деб йўлин тутган Мадинам...

👉@usmat_ota

МАШИНАДАГИ СУРАТ...
(ибратли ҳикоя)

Бир жойга йиғилишга жуда шошиб кетаётгандим. Йўл юзида қўл кўтардим. Оппоқ “Ласетти” тўхтади. Пулини келишмасдан хам ўтириб олдим. Йўлда кетарканмиз фикру-хаёлим мажлисга кечикмаслик. Бироз юргач радиодан эшитилаётган сокин мусиқа тинчлантира бошлади. Насиб қилган вақтда етиб бораманда. Машина ичига разм сола
бошладим. Дид билан безатилган, кўриниб турардики хайдовчи йигит унга қаттиқ эътибор беради. Кўзим олд ойнанинг бурчагига бириктирилган суратга тушди. Оппоқ рўмолдаги юзлари нурли онахон сурати эди.
- Онангизми? - чидолмай сўрадим.
- Ха - деди йигит.
- Узрку, хаётмилар?
- Худога шукр, нега қизиқдиз?
- Ўзи, узр…
Бироз сукунатдан кейин йигитнинг ўзи гап бошлади:
- Биласизми, кўпчилик қизиқади нега суратни ёпиштирдинг деб.
Икки сабаби бор. Бири - катта тезликни яхши кўраман.
Машина кам йўлга тушиб қолсам оёғим беихтиёр газни босади қаттиқроқ. Онамнинг
суратларига кўзим тушгач эса тезликни камайтираман. Битта ўғилман, манга бир нарса бўлса онам ғамни кўтара олмайди деб қўрқаман…
Унинг гапларида жон бор эди.
“Тўғри” дедимку ўйланиб қолдим - барча тез юрадиганлар шундай қилса бўларкан деб.
- Кечирасиз ука, иккинчи сабабини айтмадингиз?- деб сўрадим.
- Иккинчиси ва асосийси - онам доим кўз олдимда. Кўчадаги ишлар, ташвишлардан сиқилиб кетсам уларнинг юзларини кўриб барчасини орқага ташлайман.
Онам суратини куни билан кўрсам хам қаттиқ соғинаман барибир. Уйга шошиламан. Пешонамдан ўпиб кутиб олишларини тасаввур қилсам ишларимни янаям тезроқ битиришга уринаман.
- Соғинсез тез-тез телефон хам қилиб турасизми?
- Албатта. Икики соатдан ортиқ овозларини эшитмасам ўзимни қўярга жой тополмайман.
- Яхши…
Ичимда эса “Мақтанчоқ эканми, гўёки бошқалар онасини яхши кўрмайди” деган хаёл келди. Ўйлай бошладим, у билан ўзимни беихтиёр солиштириб. Онамнинг расмлари
йўқ ёнимда. Телефонимда папкалар ичида чанг босиб ётганини айтмаганда. Уйга хам бу йигитдек шошмайман. Телефонда эса… Шу пайт унга қўнғироқ бўлди. Мендан узр сўраб машинани четга олди. Узоқ гаплашгани йўқ, лекин шу қисқа вақт ичида “Онажон”, “Лаббай”, “Хўп бўлади” каби сўзларни ишлатар, жуда хушмуомила бўлиб гапирарди. Унга разм сола бошладим. Телефонда гаплашяптику хар сафар “Хўп бўлади” деганда эгилиб кетай деяпти, гўёки онаси қаршисида тургандек. Кўзларида эса қувончни кўрса бўларди. Худди ёш болакай онасига талпингандаги қувончдек. Фарқи шунда эдики ёнимда ёш бола эмас, кап-катта йигит ўтирар эди. У болаликдаги ўша мехрни сақлаб қолган эди. Унга хавасим келарди. Агар бу йигитни онамлар кўрганларида эди - унинг онасига уларнинг хам хаваслари келиши аниқ эди. Ёки мендан қаттиқ ўксинардилар, шу йигитчалик эътиборли бўлмаганим учун. Негадир ичимдан бир аччиқ нарса тошиб кела бошлади. Овозим бўғилиб, хиқилдоғимга келиб тақалди. Манзилга қандай етиб борганимни билмайман. Мажлисга хам нинани устида ўтиргандек бўлдим. Тушлик пайти эса уйга шошдим, қўлимда онам севган гуллардан гулдаста. Уйга яқинлашганим сайин кайфиятим кўтарила бошлади. Мен жуда хурсанд эдим, онамни эса қанчалик севинишларини ўйлаб юзимда табассум билан эшик қўнғироғини чалдим.
- Ассалому алайкум онажон.
- Ваалейкум ассалом. Тинчликми, бу пайтда келмасдинг-ку? - хавотир олиб сўрадилар.
Орқамда яшириб турган гулдастани узатдим:
- Сизни жуда соғиниб кетдим..!

👉@usmat_ota

😴😴😴😴😴😴

Бу дунёда хар нарсанинг хикмати бор!
Хаётимиздаги ёмон инсонлар ҳам биз учун неъмат. Улар бўлмаганида яхши инсонларнинг қадрини била олмаган бўлар эдик. Улардан қай бири бўлиш эса бизнинг танлов...

​​​​Унутилган суннатлардан бири – таҳорат билан ухлашдир…

Набий соллаллоҳу алайҳи васаллам Баро ибн Озиб розияллоҳу анҳуга:

«Қачон ётадиган жойингга келсанг, намозга оладиган таҳоратинг каби таҳорат қил. Сўнгра ўнг томонингга ёнбошла», деганлар.

Абу Довуд ривоят қилган.

Ухлашдан олдин қуйидаги муҳим ишларни бажаринг:

– Таҳорат қилинг;
– Витр ўқинг;
– «Оятал курсий»ни ўқинг;
– Ётишдаги зикрларни айтинг;
– Мулк сурасини ўқинг;
– Одамларни кечиринг;
– Тавба қилинг;
– Уйғотувчини («будильник»ни) созлаб қўйинг.

Тунингиз осуда ва сокинликда ўтсин азизлар!

👉@usmat_ota

— Миллион долларсиз яшамоқ мумкинми?
— Мумкин.
— Юз, ўн, ҳатто бир долларинг бўлмаса-чи?
— Яшамоқ мумкин. Ризқни Тангри беради. Кишининг тирик юриши учун кунда бир кесим нон кифоя. Оғир кунларда одамлар шундай яшашган. Одам нима учун таомланади? Ўлиб қолмаслик, ҳаракатдан тўхтамаслик учун. Бунинг учун катта бойлик шарт эмас.
— Шон-шуҳратсиз яшамоқ мумкинми?
— Одамлар яшашяпти-ку? Нега мумкин эмас экан?
— Юқори мансабсиз-чи?
— Одамларнинг барчаси мансабдор эмас-ку?
— Амалинг бўлмаса, бойлигинг бўлмаса, шон-шуҳратинг бўлмаса, тўй-ҳашамларда сенга пойгакдан жой тегади.
— Демак, улар Одамни эмас, амал ва бойликни тўйга чорлашган экан. Пойгакда ўтиришдан афсус чекмаслик керак. Чунки ўша тўрдагилар ҳадемай пойгакка тушадилар.
— Хўш, бойликсиз, амалсиз, шуҳратсиз яшамоқ мумкин экан. Нимасиз яшамоқ мумкин эмас?
— Иймонсиз. Иймон билан яшаётган киши Аллоҳнинг ҳузурида энг бой, энг шуҳратли кишидир. Тангри ҳузуридаги дастурхон тўри ҳам иймон эгалариники бўлади. Дунёвий бойлик, мансаб, шуҳрат хиёнаткордирлар. Иймон бойлиги эса садоқатлидир. Бу дунёда ташвишли ёки қувончли кунларда ҳам ёлғиз қўймайди. У дунёда эса ўзингга кўшк бўлиб хизмат қилади.

«Меҳмон туйғулар» китобидан.
@usmat_ota

• Билгин:
• Айбсиз дўст қидирган ёлғиз яшайди;
• Нуқсонсиз жуфт излаган бўйдоқ ўтади;
• Қийинчиликсиз ёр истасанг... истаб юраверасан;
• Лабингни фақат икки нарсага ишлат:
- бири табассум;
- иккинчиси сукут.
• Табассум мушкул ишларни ҳал қилади;
• Сукут эса мушкул ишларни ўтказиб юборади.

Шайх Шаъровий

👉@usmat_ota

#хайрли_кеч

Кечаги кунингиз ташвишлари етарли эди, бугунга ва эртанги кунингизга ҳам етарли ташвишингиз бўлса, Аллоҳга таваккал қилинг!

Агар Аллоҳ сиз билан бўлса, кимдан қўрқасиз..? Агар Аллоҳ сизга қарши бўлса, кимдан ёрдам сўрайсиз..? Тафаккур қилинг...

Абу Убайда ривояти: «Расулуллоҳ (соллаллоҳу алайҳи ва саллам) дедилар: “Намозлар ичида жума куни жамоат билан ўқилган бомдод намозидан афзали йўқдир. Сизлардан ким бунга шоҳид бўлса (яъни адо этса), унинг гуноҳлари мағфират этилади”.

Анас (розияллоҳу анҳу)дан ривоят қилинади: Расулуллоҳ (соллаллоҳу алайҳи ва саллам):

Ким жума куни бомдод намозидан олдин: “Астағфируллоҳаллазий ла илаҳа илла ҳувал ҳаййул қоййум ва атубу илайҳ”, деб уч марта айтса, Аллоҳ таоло унинг гуноҳларини денгиз кўпигича бўлса ҳам кечириб юборади, дедилар.

✨🌙Хайрли оқшом

"Ўсмат ота" масжиди каналига обуна бўлинг!
👉 @usmat_ota

ТАФАККУР

Имом Шофиъий бир кун эрталаб бомдод намозидан кейин уйга қайтаётганларида, йўлда бир кишини учратдилар.

У киши салом бериб Имом Шофиъийдан ҳол-аҳвол сўраб:
- Қандай тонг оттирдингиз? -деди.
Имом Шофиъий қандай тонг оттирганларини қуйидагича тушунтирдилар:

- Мендан саккиз нарса сўралган ҳолда тонг оттирдим!
Киши ҳайрон бўлиб:
- Ҳазрат, сиздан ким бирор нарса сўраши мумкин?
Сизнинг бировга ишингиз тушмайдику? - деди.

Имом Шофиъий табассум қилиб, сўзларини изоҳладилар:
- Қарагин, мендан кимлар нима сўраябди:
1 - Роббим мендан фарзини сўраябди.
2 - Росулуллоҳ мендан суннатларини сўраябдилар.
3 - Оила, бола-чақам кунлик ризқларини сўраябдилар.
4 - Нафс унга эргашишимни сўраябди.
5 - Шайтон орқасидан боришимни сўраябди.
6 - Кироман котибийн малаклари (Елкадаги фаришталар) яхши нарсаларни ёздиришимни сўраябдилар.
7 - Ўтган кунлар қаришимни сўраябди.
8 - Охирида эса, ўлим фариштаси тайёр туришимни сўраябди.
Шундай қилиб мен мана шу сўровлар билан тонг оттираяпман.
Ҳар куни эрталаб бу саволлар жавобини кутябди.

Имом Шофиъийни эшитган киши ўйланиб туриб, бироздан кейин сўради:
- Эй имом, бу нарсалар фақат сиздан сўраляптими, ёки мендан ҳам сўраляптими?

- Буёғини билмадим, ўзинг ўйлаб кўр! - дедилар.

Киши бошини қуйи солиб, давом этди:
- Ҳар куни эрталаб мендан қанча нарсалар сўралаётган экан, билмас эканман.
Буларнинг жавобини ўйлаб кўриш керак.

Сиз нима деб ўйлайсиз, биздан ҳам бу саккизта нарса сўралаётганмикин?
Эрталаб ҳар куни ишимизга кетаётганимизда мана шу нарсаларни ўйлаб кўрамизми?

👉@usmat_ota