Ummu Zaynab Ummu-Azizaxon Ismoilova ijodi kanali

@ummuzaynabummuijodi

Гео и язык канала: Узбекистан, Узбекский

Категория: Религия

Бисмиллаҳир роҳманир роҳийм. Хуш келибсиз!
Азизахон Исмоилова (Ummu Zaynab Ummu)
@Uzulanish_bot

Связанные каналы | Похожие каналы

Гео и язык канала

Узбекистан, Узбекский

Категория

Религия

Статистика

Избранное

Фильтр публикаций

Скрывать удаленные

Скрывать репосты

Ummu Zaynab Ummu-Azizaxon Ismoilova ijodi kanali

24 Nov, 16:09

#яхши_постлар

ДОЛЛАР ВА НЕФТНИНГ ПАНЗАҲАРИ

Ҳар бир мақоламда матбуот ёлғонлари ва қотилликларини фош қилишга ҳаракат қилмоқдаман. Ҳа, ОАВлар ёрдамида кўп нарсалар ва кўп инсонларни қатл қилдик.

Қўлимда бир расм бор. 1914 йил Биринчи жаҳон уруши йилларида босилган Америка долларининг расми. Долларда фақатгина кўкнори ва кўкнори етиштираётган деҳқонларнинг расми бор. Буни эслаб қолинг ва ўқишда давом этинг. (Ушбу расм пастда кўрсатилган)

Индустриал наша шунчаки бир ўсимлик эмас. Наша, доллар ва нефтнинг панзаҳаридир.

1. Бир сотихлик кўкнори ўсимлиги 25 сотихлик ўрмонга тенг кислород ишлаб чиқаради.
2. Бир сотихлик кукноридан 4 сотихлик еғочдан ҳам кўп қоғоз ишлаб чиқариш мумкин.
3. Кўкнорини 8 марта қайта ишлаб такрор-такрор қоғозга айлантириш мумкин, ёғоч эса қоғозга айланиши учун 3 марта қайта ишланади.
4. Наша 4 ойда ҳосилга киради, ёғочни эса 20-50 йил кутиш керак.
5. Наша радиация тозаловчидир.
6. Наша дунёнинг ҳар ерида ўсиб кетаверади, оз сув ичади. Ўзини ҳашаротлардан қўрий олгани учун қишлоқ хўжалиги ўғитларига эҳтиёжи йўқ.
7. Нашадан олинган текстиль маҳсулотлари хаётга кириб келса, ўғит сектори бутунлай чўкади.
8. Илк жинси шимлар нашадан олинган матодан тикилган эди. "Канвас" сўзи хам нашадан олинган маҳсулотларга қўйилган исмдир. Наша, ип, арқон, сумка, оёқ кийим, шапкалар учун идеал бир ўсимликдир.
9. Наша, СПИД ва саратонни даволашда химиотерапия нурланишини камайтиради, ревматизм, астма, гастрит, уйқусизлик, руҳий касаллар, умуртқа касалликлари каби 250 дан ортиқ хасталик дориларини ишлаб чиқаришда ягона хом модда эди.
10. Кўкнори тухумидаги протеин миқдори жуда юксак. Тухум ичида икки хил ёғ асиди бўлиб, у табиатдаги ҳеч бир ўсимликда йўқ.
11. Наша етиштириш соядан хам арзонга тушади.
12. Наша билан ўтлатилган ҳайвонларга гормон бериш эхтиёжи қолмайди.
13. Пластик маҳсулотларнинг ҳаммаси нашадан олиниши мумкин ва улар табиатда чиқинди хисобланмайди. (Бир синтетик пластикнинг чириб йўқ бўлиб кетиши учун 200 йил керак бўлади)
14. Агар бир машинанинг "склет"и кўкнори ўсимлигидан тайёрланса, чўяндан 10 баробар кўп чидамли бўлади.
15. Ундан олинган совун ва косметик маҳсулотлар сувни кирлатмайди.
16. Иншоот деворлари қопламасида кўлланилади, жуда эгилувчандир.
17. Наша Туркиянинг Кастамону вилояти, Тошкўприк районида экиларди. Сигарет когозларининг хом моддаси эди.

Америкада XVIII асрда наша экиш мажбурий бўлиб, экмаган деҳқонлар қамоққа олинарди. Бугун эса тескариси.

Нега?

❗️– W. R Hearst. 1900 йилларда Америкадаги газета, журнал ва ОАВларнинг мутлақ соҳиби эди. Ўрмонлари бор, коғоз саноатига эга эди.

❗️– Rockefeller. Дунёнинг энг бой одами бўлиб, нефт ширкати бор эди. Кўкнори ёғи эса биоёқилғи сифатида нефт тижоратини чўкишга судрамоқда эди.

❗️– Mellon. Dupont ширкатининг бош ҳиссадори ва нефт чиқиндисидан пластик ишлаб чиқариш патенти унга тегишли эди.

Кейин нима бўлди, биласизми?

Меллон АҚШ Президенти Hooverнинг Молия вазири бўлди. Юқорида тилга олинган Буюк Исмлар нашани ер юзидан йўқ қилиш қарорини беришди. ОАВлар ёрдамида нашага қарши уруш очилди, бу мужодалага "Marihuana" деб исм бердилар.

Инсонларнинг миясини қазиб, наша бир наркотикдир дея "ёздилар" ва бунга ишонтирдилар. Дорихоналардаги нашадан олинган дорилар йўқ қилинди, ўрни бизни саратонга олиб борадиган синтетик дорилар билан тўлдирилди. Қоғоз саноати учун ўрмонлар қатл қилинишда давом этилди. Дунёмиз ҳам синтетик, пластик ахлатлар билан тўлиб тошди.

Наша мўъжизаси ёрдамида АҚШ шайтонлигининг яна бир юзини кўрдик ва нашани қандай қилиб ўсимлик дунёсидан йўқ бўлиб кетганлигини ҳам билиб олдик.

© Марзия САЙДАМ

@Ummuzaynabummuijodi

3.1k 0 180 30 179

Ummu Zaynab Ummu-Azizaxon Ismoilova ijodi kanali

24 Nov, 16:02

#нимадир.

ОНАЛАР

Оналар уч хил бўлар экан.
Биринчиси боласига бир пайпоқ ёки қанд олиб берганида, “қани айтчи, болам, буни сенга ким олиб берди?” деб сўрар, шу тариқа боласини ўзига йўналтирар, ўзини кўрсатар экан.

Иккинчиси, ҳар совға олганида, “болам, буни мен олиб бердим, лекин даданг соғ бўлсин, унинг пулига олдим. У ишлаб пул топмаса, ололмасдик” деб болани отасига боғлар экан.

Учинчиси, “буни мен олган бўлсам ҳам, пулини даданг ишлаб топган бўлса ҳам, аслида Аллоҳ бизни, сени шу билан ризқлантирди. Ҳаммаси унинг марҳаматидир” деб, Аллоҳни эслатар экан. Миннатни, шукрни ёлғиз Аллоҳга қолдирар, иймон ва тақво учун жиддий бир пойдевор қўяр экан.

Биринчиси, онадир, иккинчиси вафоли ва ақлли онадир, учинчиси эса, вафоли, ақлли ва исломий онадир. У ҳам она, ҳам тарбиячи, ҳам ўқитувчидир.

Аллоҳ бизларни болаларимизга учинчи тоифадаги ота-она бўлмоқликни насиб этсин.

@ummuzaynabummuijodi

2.5k 0 49 2 101

Ummu Zaynab Ummu-Azizaxon Ismoilova ijodi kanali

24 Nov, 03:47

#тавбаи_насуҳ

ТАВБАИ НАСУҲ.

Муаллиф: Азизахон Исмоилова

29-қисм

Афшар хоним Дарбандга бориш тараддудига тушиб кетди. Эртадан кейин Гулазим холаси ҳам йўлга чиқиб келса керак. Иёз ҳар доимгидан-да бугун ўйчан эди. Хонасига кириб кетиб анчагача китоб ўқиб ўтирди. Келган мижозларни Давлат баҳона топиб қайтаргунча бир ерга етди.

"Фақат онам учунгина бу никоҳга рози бўляпман. Ўзимга қолса, менга шу ҳаёт ҳам бир нави... Тушкунликка туша-туша чарчадим, бу ёғи нима бўлса-пешонадан..."

Давоми... 👇

https://telegra.ph/Tavbai-nasu%D2%B3-04-30-2

Тавбаи насуҳ

Муаллиф: Азизахон Исмоилова 29-қисм Афшар хоним Дарбандга бориш тараддудига тушиб кетди. Эртадан кейин Гулазим холаси ҳам йўлга чиқиб келса керак. Иёз ҳар доимгидан-да бугун ўйчан эди. Хонасига кириб кетиб анчагача китоб ўқиб ўтирди. Келган мижозларни Давлат баҳона топиб қайтаргунча бир ерга етди. "...

2.8k 0 9 7 51

Ummu Zaynab Ummu-Azizaxon Ismoilova ijodi kanali

23 Nov, 04:26

#хайрли_тонг

Тундан тонгга юриб, аскари содиққа қўшилган, ёруғ кунга юзлашиб турган барча-барчага:

"Ассалому алайкум вараҳматуллоҳи ва баракатуҳ!" деймиз, Аллоҳ таолонинг саломи, раҳмати, баракоти сизларга бўлсин, арзизлар...

Кун давомида кайфиятингиз аъло юришига тилакдошмиз, режалаб қўйган хайрли ишларингизнинг барисига улгуринг, Аллоҳ қодир қилсин, куч-қувват берсин!

Хайрли тонг!

@Ummuzaynabummuijodi

6.1k 0 225 3 163

Ummu Zaynab Ummu-Azizaxon Ismoilova ijodi kanali

22 Nov, 08:40

#тўртликлар.

Ўртанади кўнгил ўртада
Улгурмаймиз, иш чала ҳамон.
Қолдирамиз барин эртага...
Эртагача бормизми омон?!

🍃

Гоҳ олиб, гоҳ сотиб кетамиз,
Дийда қотар, қотиб кетамиз.
“Вақт ўтяпти”, - деймиз ўксиниб,
Вақт ўтмас, биз ўтиб кетамиз...

🍃

Кўп қайғурдим, озроқ бўлдим шод,
Ерга қараб кўзим ёшладим-
Ёки эрта тугади ҳаёт,
Ё мен кечроқ яшай бошладим....

🍃

Бу ҳаётда кўп ҳикмат – тилсим,
Юрак унсиз бўзлаб ётибди –
Тушунганлар ўтирибди жим,
Тушунмаслар сўзлаб ётибди...

🍃

Билмаганга ўргат билганинг,
Билганлардан ўрган, дил очгин.
Билишини билмаса – уйғот,
Билмаслигин билмаса... қочгин.

🍃

Инсон бўлиш асло кеч эмас,
Аямасанг бас ширин жонинг.
Ҳар кун эрта сен уйғонган тонг –
Янги ҳаёт бошлаш имконинг...

🍃

Ололмайсан – гар сўрамасанг,
Ҳаракат қил – кўраверасан.
Агар олға қадам қўймасанг,
Ўз жойингда тураверасан...

©️Карим Баҳриев

@Ummuzaynabummuijodi

4.7k 0 114 7 183

Ummu Zaynab Ummu-Azizaxon Ismoilova ijodi kanali

22 Nov, 04:42

#тавбаи_насуҳ

ТАВБАИ НАСУҲ.

Муаллиф: Азизахон Исмоилова

28-қисм

Набираси билан навбати келишини кутиб ўтирган кампир ичкарида бир амалдор борлигини айтди. Эндигина кириб кетибди. Хужралар бўш экан. Гулзода илдам ўша томонга қараб йўл олди. Шошмаса бўлмайди, хонадон бекаси илғамасидан ичкарига кириб олишга улгуриши керак!
Бу пайтда Иёзнинг ҳузурида маҳаллий амалдорлардан бири Ширияздон Умарзода ўтирарди.

Давоми... 👇

https://telegra.ph/Tavbai-nasu%D2%B3-04-30

Тавбаи насуҳ

Муаллиф: Азизахон Исмоилова 28-қисм Набираси билан навбати келишини кутиб ўтирган кампир ичкарида бир амалдор борлигини айтди. Эндигина кириб кетибди. Хужралар бўш экан. Гулзода илдам ўша томонга қараб йўл олди. Шошмаса бўлмайди, хонадон бекаси илғамасидан ичкарига кириб олишга улгуриши керак! Бу па...

3.7k 0 8 2 49

Ummu Zaynab Ummu-Azizaxon Ismoilova ijodi kanali

21 Nov, 04:53

00:27

Видео недоступно для предпросмотра

Смотреть в Telegram

#хайрли_тонг.

Ассалому алайкум вараҳматуллоҳи ва баракатуҳ!

Янги тонг муборак бўлсин!

Кунимиз яхши ўтсин, режалаб юрган ишларимиз амалга ошсин, хайрли амалларда барчамиз бардавом бўлайлик!

Пайшанба тонги кўтаринки кайфиятда бошланишига тилакдошмиз!

@Ummuzaynabummuijodi

6.7k 0 182 2 150

Ummu Zaynab Ummu-Azizaxon Ismoilova ijodi kanali

20 Nov, 20:35

#тавбаи_насуҳ

ТАВБАИ НАСУҲ

Муаллиф: Азизахон Исмоилова
27-қисм
🍃

Қишлоққа келганининг бешинчи куни Иёз пойлаб юриб Сарвинозни булоқ бошида кир юваётган пайтида учратди. Жувоннинг ёрилган пешонаси буришиб, ўз холича битган, аммо кўкариб, нафармон тусга кирган юзи ва қўли ҳали ҳамон қараган кўзга моматалоқ бўлиб ётгани билинарди.
Эски танишини кўриб Сарвиноз апил-тапил юзини яширди.

—Нега мендан яшириняпсан, Сарвиноз? Уяляпсанми?

Иёз унинг олдингидан ҳам баттар косови чиқиб кетган қўлларига қаради. Майда-чуйда олқинди совунларни маҳкам чангаллаб олган бармоқлар бўғим-бўғимидан гўшти кўрингудек бўлиб бичилиб ётарди.

Давоми...👇

https://telegra.ph/Tavbai-nasu%D2%B3-04-28-2

Тавбаи насуҳ

Муаллиф: Азизахон Исмоилова 27-қисм 🍃 Қишлоққа келганининг бешинчи куни Иёз пойлаб юриб Сарвинозни булоқ бошида кир юваётган пайтида учратди. Жувоннинг ёрилган пешонаси буришиб, ўз холича битган, аммо кўкариб, нафармон тусга кирган юзи ва қўли ҳали ҳамон қараган кўзга моматалоқ бўлиб ётгани билинард...

4.1k 0 10 2 51

Ummu Zaynab Ummu-Azizaxon Ismoilova ijodi kanali

20 Nov, 20:34

#нимадир.
#қисқа_сатрларда.

Ҳамма нарсадан биттада воз кечган одамга осон тутманг!

У йилларча кетайми-кетмайми деб иккиланиб яшаган бўлиши мумкин...

Йилларча эшик томонга қараган, ўзича барига бир неча бора қўл силтаб кўрган...

Ришталарни чамалаган ва орқа-олдини ўйлаган...

Ёки кимдандир узоқ қадр кутган ва бари қачондир ўзгаришига яхши умид қилган...

Ўзи билан ўзи узоқ курашиб яшаган ва ниҳоят, мана шу- кимларгадир тушунарсиз, ўзига эса ғоят тушунарли бўлган энг сўнгги қарорга келган бўлиши мумкин!

Тоғлардан тош бирданига кўчмайди...

Дарахт бирданига қуримайди....

Шундай яралар борки, уни фақат ярадор ва Яратганнинг ўзигина билади...

Яралаб жимгина юрганлар эмас...

©️Ummu Zaynab Ummu

@Ummuzaynabummuijodi

5.5k 0 130 9 241

Ummu Zaynab Ummu-Azizaxon Ismoilova ijodi kanali

20 Nov, 20:34

#қисқа_сатрларда.

Хўмрайган кўзларга кулиб қарашга сиз ўзингизда куч топа оляпсизми, демак аллақачон Ғолибсиз!

©️Ummu Zaynab Ummu

@Ummuzaynabummuijodi

4.4k 0 48 2 151

Ummu Zaynab Ummu-Azizaxon Ismoilova ijodi kanali

20 Nov, 07:00

#хайрли_тонг

Ассалому алайкум вараҳматуллоҳи ва баракатуҳ!

Азиз қадрдоним, сизга муродбаҳш чоршанба муборак ва хайрли келсин!

Бугунги кунимиз инсонларга манфаат келтирадиган, ажру савобларга тўла, қувончли ва баракали кун бўлишини тилайман!

@Ummuzaynabummuijodi

4.9k 0 55 2 139

Ummu Zaynab Ummu-Azizaxon Ismoilova ijodi kanali

19 Nov, 18:58

#туннома.

Тун соатларидамиз...
Яна нималардир уйқу олдидан хаёлга келади:

Ниманидир бермай, олишнинг имкони йук.

Умр, вактни бериб, эришаётганимиз арзирли неъматми?

Уй-рўзғор, фарзанд тарбияси учун кетаётган вақт- аслида келажакда бир кун ҳосилини олишимиз учун экилаётган нихолдек туюлади.

"Уй бекаси" жумласи айтилганда, уйда ўтирувчи аёл тушунилади.

Бироқ унинг зиммасидаги иш-бирон бир ташкилотда ишлайдиганларникидан кам эмас.

Румий ҳазратларида бир гап бор: "Ўзинг бўлишинг керак бўлган жойда гуллагин!"

Давлат ҳизматчиларининг иш вақти анча олдин тугади, бекаларники эса ҳали ҳануз давом этяпти!

Фарзандини оёққа қўйиш машаққатини зиммасига олганлар, билганларини устоздек боласига ўргатаётганлар, шифокордек боши устидан кечаси ҳам кетмайдиган, эрталаб ишга энг биринчи келган ошпаздек дастурхонга борини тўкадиган-бекаларимиз омон бўлишсин!

Хайрли тун тилаймиз, ҳордиғингиз чиқсин!

Тонгги саломгача...

@Ummuzaynabummuijodi

5.8k 0 83 8 228

Ummu Zaynab Ummu-Azizaxon Ismoilova ijodi kanali

19 Nov, 18:40

00:21

Видео недоступно для предпросмотра

Смотреть в Telegram

#Мулоҳаза

Ўзингизда бор нарсангизни қадрланг.

Ҳатто бу нарсаларни ёмон деб ўйласангиз ҳам...

Пардалари эскирган уйингиз, таъмирсиз деворлар...

Қўшниникидан кўримсизроқ бўлган дарвоза...

Ғариб ҳаётингиз дилингизни бот-бот танг этиб турса-да, кимларгадир таққослаганда барибир бойсиз!

Оч-наҳор ётганингиз йўқ. Бошингиз тепасида ёмғир-у қордан, жазирамадан пана қилиб турган том бор!

Сизда нима кийишни танлаш имконияти ҳам мавжуд.

Тоза ичимлик суви- жўмрагингиздан оқиб ётибди.

Агар касал бўлиб қолсангиз, шифокорга мурожаат қилишингиз мумкин. Бошингиз устидан бомбардимончи самалётлар учиб ўтмаяпти.

Ва мана интернетга кириш имконингиз ҳам бор. Ўқимишли одамсиз.

Борингизни қадрланг, кимларнидир наздида сиз дунёнинг у четида яшайдиган- бой ва беташвиш одамсиз!

©️Ummu Zaynab Ummu

@Ummuzaynabummuijodi

7.9k 0 181 13 295

Ummu Zaynab Ummu-Azizaxon Ismoilova ijodi kanali

19 Nov, 05:35

#имтихон

Ҳар қизнинг бошида бор гап...

("қизим, сенга айтаман" рукнидан)

Турмушт-мушт!

Турмушингнинг бошки йилларида нимадир бўлади-ю ёринг сенга тескари иш қилади. Ўшанда, ҳа эркакнинг юзида туки бор-да, деб шошиб кетма!

Ёрингни унинг яқинлари, ота-онаси, опа-жигарлари ёрдамида йўлга сол!

Шундай қилгинг-ки, унинг яқинлари, жигарлари- сенинг ёнингни, тарафингни олсин! Пўлатни қиздириб, ўзининг оташдонида шаклга қуймасанг, кейин уни йиғиб ололмайсан, унутма!

Турмушингни қайсидир йилларида ёрингнинг яқинлари, жигарлари сенга тескари ўгирилади. Бу ҳаётда бўладиган гап! Инсон боласи уруш-жанжалсиз туролмайди. Ғиди-биди гап ҳамма жойда бор. Ана шу пайтда ёрингни юз қилиб туриб унинг жигарларига яқинлаш!

Тепкиси келиб турган от ҳам ис ажратади. Лекин ўзиники бўлганларга индамайди. Келинсан, тўғри бегонасан. Буни ўн йилда ҳам унутмайдиганлар бор. Шунда: "ҳа энди мен келинман-да, ажратадиган барибир ажратавераркан! " деб шарт ўгирилиб кетма! Ёринг-исинг бўлсин, эрингнинг ҳиди билан унинг яқинларига яқин бўл, сени минг чиғириққа солишади, айлантиришади, охири- ўзиникига қўшиб, ўзиники қилишади!

Турмушингни қайсидир йилларида ўша ишонган ёринг ҳам, унинг яқинлари ҳам сенга тескари бўладиган, сендан юз ўгирадиган кунлар ва ойлар бор... Агар сен ер бўлсанг, шунақа кун келади-ки, сендан уруғ ҳам тонади, сув ҳам... Ўшанда тош, тақир ер бўлиб олма! Дийдангни юмшат!
Чил бўлиб синган, қақраган ерни ҳам Аллоҳнинг раҳмати юмшатади!

Худога юзлан!

Оддий башардир ва-да оддий бир одам, ҳамманинг мусулмон бўлиш силсиласида мана шу курашлар ётади. Аллоҳ таоло сени олдин бир ўзингга ўхшаган сағиргина бандасига боғлайди. Кейин у билан ўртангга битта ёки ўнта чиғир ип солади. Сўнг ана ўша чиғир иплар билан ҳам сени боғлайди. Ҳаётда кеча душманинг бўлган одамлар бугун дўстинг бўлиб қолиши мумкин. Ёки тескариси...

Банда билан банданинг ўртасида ҳам ажиб ишлар кечади...

Вақтлар келади: ҳар ким билан боғланган ришталаринг нозик тортадиган кунлар, узилиб битадиган лаҳзалар кечади, ҳаётингда!

Иплар тугади деб тўхтама, Аллоҳнинг арқонига боғлан! Фаҳмингни ишлат...

Атрофингда одам қолмаганда бил-ки, Парвардигор билан ёлғиз қолдинг!

Сидқидилдан У Зотнинг арқонига боғлансанг, кейин ҳаммаси яхши бўлишига ишонишинг керак! Яхши бўлмаса, "яхши бўлмади-ку!" деб шарт ўгирилиб кетма! Сен юзланиб турган Зот- кеча ош-қатиқ бўлиб, аймоқилашганинг ва бугун сенга терс ўгирилиб турган инсоният эмас! У сендан ҳеч қачон юз ўгирмайди. Аммо синови бор...

Кўнглингга ғилла ғашлик келтирма, фақат Унгагина ишониб яшашда давом эт! Ҳаммаси яхши бўлади!

Сенга жуда кўпчилик йўл қўядиган хатоларни ҳам айтиб ўтай...

Ёри ўзига нисбатан терс ўгирилган-да, буни югуриб бориб ўз яқинларига айтадиган қизлар бор! Қудалар ўртасига совуқчилик ана ўша лаҳзаларда тушади. Ҳар уйнинг ўз қонун-қоидаси бор, унутма! Олдин ана ўша қоидаларни ҳурмат қилиш керак ва унга четдан ўзингникиларни аралаштиришнинг фойдаси йўқ!

Ёрининг жигарлари ўзига нисбатан тескари бўлганда, эрниям йўлдан оғдириб юборадиганлар бор! Бир нарсани эсдан чиқарма: ёнингдаги инсонни ҳам барибир ўшалар билан тупроғи, аслияти бир! Ўн йил сувни бошқа ўзанга бурганинг билан барибир бир кун ўзи қуйиладиган тарафга қараб оқади...

Ёри ҳам унинг яқинлари ҳам ўзидан юз ўгирганда, тош тақир ерга айланиб оладиганлар бор, дедим. Ундайлар жуда кўп! Бундай лаҳзаларда Аллоҳдан ҳам ноумид бўладиганлар бор. Агар шундай қилсанг, ҳаёт таълимини ўзлаштирмаганлардан бўласан! Олдинда ҳали синовларинг кўп!

Ҳамма имтихонни иккига топшираверсанг, Аллоҳ фаҳм юқтирмаган, юқтирса ҳам уни керакли жойда қўллай олмаганлардан бири бўлиб қоласан!

©️Азизахон Исмоилова

Диққат: 10 декабрдан қизларни ҳаётга тайёрлаш курсига старт бераман. Курс ҳақида маълумотларни @Uzulanish_bot дан олишингиз мумкин.

@Ummuzaynabummuijodi

6.6k 0 265 21 274

Ummu Zaynab Ummu-Azizaxon Ismoilova ijodi kanali

19 Nov, 04:53

#тавбаи_насуҳ

ТАВБАИ НАСУҲ

Муаллиф: Азизахон Исмоилова
26-қисм

🍃

—Хой бола, бери кел!

Иёз қўйлари ортидан пилдираб юрган саккиз-тўққиз ёшлар атрофидаги болани ёнига чақирди. Оддийгина қишлоқнинг бўз боласи. Уйидан эрталабда чиқиб кетиб кун бўйи қуёш тиғида қўй боқиб юриши — унинг қорайиб, ялтиллаб кетган елкаларидан маълум. Бола ранги ўчиб кетган иштонини тепага кўтара-кўтара Иёзнинг ёнига яқинлашди.

—Менга қара, бу ерда яшайдиганларнинг ҳаммасини танийсан-а? Яхши... Ҳув анави эски ёғоч эшик турибди-ю, кўряпсанми? Ўша уйда битта эридан қайтиб келган ёшгина жувон яшарди. Исми Сарвиноз!

Давоми...👇

https://telegra.ph/Tavbai-nasu%D2%B3-04-28

Тавбаи насуҳ

Муаллиф: Азизахон Исмоилова 26-қисм 🍃 —Хой бола, бери кел! Иёз қўйлари ортидан пилдираб юрган саккиз-тўққиз ёшлар атрофидаги болани ёнига чақирди. Оддийгина қишлоқнинг бўз боласи. Уйидан эрталабда чиқиб кетиб кун бўйи қуёш тиғида қўй боқиб юриши — унинг қорайиб, ялтиллаб кетган елкаларидан маълум. Б...

5.4k 0 8 2 50

Ummu Zaynab Ummu-Azizaxon Ismoilova ijodi kanali

18 Nov, 05:02

#хайрли_тонг

Ассалому алайкум.
Бизга бир туҳфадек берилган тонг хайрли бўлсин.

Аллоҳим, тонгимизни ғамлардан холи қилсин!

Умримизни хайрли амалларга тўла бўлишини насиб этсин!

@Ummuzaynabummuijodi

9.8k 0 261 5 130

Ummu Zaynab Ummu-Azizaxon Ismoilova ijodi kanali

17 Nov, 19:03

#нимадир_ва_яна_нималардир

🍃Кутилган бахт - кутилмаган вақтда келади;

🍃Баъзан тақдирга тан беришни ҳам ўрганиш керак, қалб хотиржамликка эришса тақдирдаги муаммолар ҳам чекинади;

🍃Инсонга ўзи ҳақида гапириш ва эшитиш ҳамиша ёқимли ва қизиқарлидир. Ўзингиз ҳақингиздаги фикрлар қизиқарлими? Унда аввал ўзгаларни тинглашни билинг;

🍃Одатда атрофдагилар ҳақида кўп нарса биламан, деб ўйлаймиз, лекин аслида ўзимиз ҳақимизда деярли ҳеч нарса билмаймиз;

🍃Ўз ҳаётингизни ўзгаларникига солиштирманг, чунки у ўз ҳаётингиздир;

🍃Aгарда тун зулмати бўлмаганида ой ва юлдузлар бу қадар гўзал кўринмас эди;

🍃Кўз олдингизда ботқоқдан нилуфар униб турса-ю, мусибатларингиздан ҳикмат ахтара олмайсизми?

🍃Сукут - шовқин-суроннинг сийратидир;

🍃Сиз кимни мукаммал дея оласиз? Ой юзида доғлари бор ягона жисм эмас, қуёшнинг юзида ҳам доғлари бор

Интернетдан.

@Ummuzaynabummuijodi

6.6k 0 80 2 168

Ummu Zaynab Ummu-Azizaxon Ismoilova ijodi kanali

17 Nov, 18:53

#қисқа_сатрларда

Кўпчилик кимгадир юрагини очгиси келади. Чунки дардимни бу одам албатта тушунади деб ўйлайди...

Йўқ. Сизни ҳеч ким Раҳмдил Зот каби тўла-тўкис тушуна олмайди.

Инсон икки йилда сўзлашни ўрганади, сукут сақлашни эса ўттиз йилда... Ҳатто бу ҳислатни олтмиш йилда ўзлаштирадиганлар бор...

Ўзингизни ҳамиша тушунган Зот билан ҳам гаплашишни ўрганишингиз керак. Бунинг учун дунёдаги ҳамма қулоқларни кар деб билинг...

Сизга таскин бериши мумкин бўлган ҳамма тил-забонларни эса соқов...

Ғамхона бўла олади деб ўйлаган кишиларингизни ёпиқ эшиклар ортида деб тасаввур қилинг!

Ана шунда...
Барини тўла тўкис ҳис қиласиз...

Баъзан ақл юрак билан чиқишмайди. Кўряпсизми, бир танада икки хил қараш...

Қалб бошқа сўзни айтади, ақл эса бошқасини!

Шундай экан, мутлақо бошқа бир танадан яна нимани ҳам кутиш мумкин?!

У ҳам худди сиздек ақли ва юраги ўртасида мувозанат қидириб юрган бир ҳом сут эмган банда!

Қалбида ҳиссиётлар, ақлида эса муаммолар яшаяпти...

Ўйлайманки, ана шу кун сиз батамом кучли инсонга айланган кун бўлади!

©️Азизахон Исмоилова

@Ummuzaynabummuijodi

5.9k 0 97 5 183

Ummu Zaynab Ummu-Azizaxon Ismoilova ijodi kanali

17 Nov, 17:59

#тавбаи_насуҳ

ТАВБАИ НАСУҲ.

Муаллиф: Азизахон Исмоилова

25-қисм.

Ҳузуридан чиқиб кетган мижоздан сўнг кириши керак бўлган одам бироз ҳаяллади. Зиёд дўрилдоқ овозда жаврангач, парда сурилиб ичкарига худди сувга тушган мушукдек бўлиб Баҳорноз кириб келди. Мулла Зиёднинг уни кўриб дарров чироғи баландлаб ёнди:

—Э, келсинлар келинпошша! Чарчоқлар чиқдими? Ҳа, тузук... Ранг-рўйингиз тоғ ҳавосидан кейин гулло-гул бўлиб очилибди. Қани, мундоқ ўтиринг-чи!

Келинчак бир оғиз гап қўшмай чол кўрсатган жойга ўтирди. Қани, энди ер ёрилса-ю, шу гапларни эшитгунча ерга кириб кета қолса...

Давоми...👇

https://telegra.ph/Tavbai-nasu%D2%B3-04-26-3

Тавбаи насуҳ

Муаллиф: Азизахон Исмоилова 25-қисм 🍃 Ҳузуридан чиқиб кетган мижоздан сўнг кириши керак бўлган одам бироз ҳаяллади. Зиёд дўрилдоқ овозда жаврангач, парда сурилиб ичкарига худди сувга тушган мушукдек бўлиб Баҳорноз кириб келди. Мулла Зиёднинг уни кўриб дарров чироғи баландлаб ёнди: —Э, келсинлар ке...

4.6k 0 10 2 45

Ummu Zaynab Ummu-Azizaxon Ismoilova ijodi kanali

17 Nov, 17:29

Assallomu alaykum! Aziza opa oldim kitoblarni! Alloh umringizga honadoningizga rizqingizga barakalar yog‘dirsin! Hech qachon kasal bo'lmang! Oila a‘zolaringiz va yaqinlaringiz qolaversa biz muhlislaringizni baxtiga sog‘ salomat bo'ling!

4.3k 0 1 9 60

Показано 20 последних публикаций.

11 428

подписчиков

Статистика канала

Язык сайта

Common Sense Analytics

Увеличь доход своего канала на 30%

Надо было вчера

Ummu Zaynab Ummu-Azizaxon Ismoilova ijodi kanali

Гео и язык канала

Категория

11 428

Популярное в канале